" عروسات المستقبل تعالوا اقولكم".. جزء ( 4 )

[هنودة هنانيدو]

انا ان شاء الله لما اتجوز هسافر مع جوزى بعد شهر العسل على طول وبصراحه الموضوع ده مقلقني من نواحي كتير اولاً طبعا انى هبقى لوحدي يعنى لازم اعتمد على نفسي فى كل حاجه من اول الفتله لحد السويت معنديش بقى ماما ولا حد يعملي الحاجات دي

وتاني حاجه وهى الى هتقدري تفيدينى فيها بقى او اى حد من المنتدى يكون جرب الموضوع ده وهو انى محتاره جدا فى الحاجات الى مفروض اخدها معايا
يعنى مبدئيا انا شاريه حاجات مطبخ وبراويز وتحف تجنن ومش هقدر اخد منهم حاجه معايا لان مصاريف الشحن غاليه وكمان اخاف عليهم يتبهدلوا فى الشحن
مش كده وبس بقى لا ده كمان الهدوم ماما بتقولي بلاش تكتري منها علشان ممكن تلاقى هناك موديلات مختلفه
وانا بين نارين انى اشتري كل الحاجه الى انا عاوزاها وارجع اندم لو لقيت الموديلات مختلفه
وانى مشتريهاش وساعتها هبقى دبست الراجل الغلبان الى هناك ده فى هدوم وشنط وجزم وحاجات كتير
انا بجد مش عارفه اقرر اعمل ايه
يعنى المفروض ايه الحاجات الاساسيه الى لازم اجيبها وايه مش مفروض اجيبه وكده
انا ادامى لسه شويه بتاع 8 شهور كده بس مش قادره ابطل تفكير فى كل التفاصيل

هدى يا جميل انا بردو ان شاء الله زيك حتجوز واسافر حاقولك على اللى حاعمله ان شاء الله كمان اللى عملوه اصحابى لما سافروا عشان فيه حاحات غلطت فيها واشتريت كتير ومش حينفع اخدها عشان الوزن مش كبير وطيبعا مصاريف الشحن غالية

الاساسيات

1 - لبسك البيتى عشان مش لسه حتدورى على لبس هناك وانتى لسه مش

عارفة البلد وطبعا لانجيرى ولبس الدلع

2 -لبس الخروج ومعه كام شوز وشنطة على الاقل 3 اطقم

3 - ميكب وبرفيوم بتاعاتك

4- كام بيجاما شتوى وروب

5 - طقمين سرير تكونى بتحبيهم وبرنس ليكى وليه

6 - سيلك ابيل او مكواة الشعر لو عندك

متاخديش ولا اى حاجة من حاجات المطبخ ولا التحف ولا طبعا بطانية ولا لحاف ولا اى حاجة من دول حتلاقيهم فى المكان اللى حتسافرى فيه وكمان دول وزنهم تقيل ركزى على حاجاتك الشخصية عشان متحسيش انك مكسوفة من جوزك انه يشتريلك كل ده كفاية تشتروا من هناك لوازم البيت

[هنودة هنانيدو]

مجهود رائع يا هنودة
تستاهلي كل الخير الله يرزقك الجنة

تسلمى حبيبتى على كلامك

[هنودة هنانيدو]

هنوده ياقمر عقبال مليون سنه ليكى انتى وجوزو (معلش متاخرة)
والسنه الجايه تحتفلوا سوا فى عشكم الهادى ان شاء الله

وموضوع الثقه بالنفس بجد مهم جداااااااااااااااااااااااااااااااااااااا
وحقيقى الثقه فى النفس بتدى جمال
انا عندى واحده صاحبتى عندها مشكله جماليه معينه وعشان خطيبها حس انها مش واثقه فى نفسها حط الحاجه دى فى دماغه مع انه الاول مكنش اخد باله وبجد تصرفاتها خليته اخد باله وحطها فى دماغه
وهما فعلا بيحسوا لو الواحده واثقه فى نفسها او لا وده بيفرق جدا معاهم

اللهم امين يا جميل .. عندك حق فعلا فى كلامك صاحبتك بشكل سهل لفتت نظر خطيبها لحاجة مكنش واخدة باله منها وطبعا كل شوية حتفقد ثقتها فى نفسها وهو يلاحظ كدا ..

[هنودة هنانيدو]

حبيه قلبي طيب نانيس بتاخد كام انا عارفه تعبتك معايا
اول مره اندخل مع بعض انا مبسوطه قوي

اخر حاجة كنت اعرفها عنها انها بتاخد 2500

[هنودة هنانيدو]

شكرا ياهنودى على ردك وانا هحاول كدا اعمل بنصيحتك واقلل شويه المكياج واحده واحده

بصى انا عندى مشكله مش عارفه ولا سببها ولا علاجها فى فايدى من فوق حاجه زى الحبوب بس هى مش حبوب ولونها لون النمش مش عارفه ايه دى مع العلم انى معملتش المنطه دى قبل كدا بالسويت ولا اى حاجه هى طلعت من غير سبب ومضيقانى اوى

بصى حبيبى انا كان عندى كدا بس بسبب السويت وحطيت عليها كريم اسمه كارباميد حتلاقية فى اى صيبدلية 4 جنيه تقريبا هو مرطب للجلد وكان دكتور جلدية اللى قالى عليه للحبوب فى الذراع او الرجل خاصة بعد السويت النتيجة عندى ظهرت بعد اسبوعين يعنى بحط كل يوم منه واسيبه بعد كدا الحبوب راحت الحمد لله ومفهوش ولا كرتيزون ولا حاجة

[هنودة هنانيدو]

ازيك نودى حبيبتى ازيكم ياقمرات الواحد مش عارف والله لو لاقدر الهالنت فصل هيعمل اييييييييه اكيد هتبقى محنة كبيرة ربنا يعديها على خير هههههه اه والله لان المشاركة هنا بئت حاجة اساسية فى حياة الواحد اليومية ..وربنا يستر لان احتمال يفصل لمدة اسبوع فى المنطقة ودى خنقة بالنسبة ليه يارب اكشف عنا الغمة هههههه... انا عندى سؤال يانودى هو والله مهم زى كل حاجة بنتكلم فيها ياترى ايه هى افضل انواع الاجهزة الكهربائية الى موجودة فى مصر دلوقتى يعنى ثلاجة غسالة بوتجاز مكوة عائلة برون خلاط احسن ولا فى حاجة تانية ميكروويف ولو فى اجهزة تانية بتيجى لانى محتارة كتير فى اختيارهم والاراء متعددة ومحيرة الواحد ..ومعرفش هو ده مجال لسؤال ده ولا ايه..بس انا بحبكم ومحتاجة نصيحتك انتى واصحابنا هنا وربنا يجزيكم خير

سموحة حبيبتى انا عشان مش خبيرة اوى فى الاجهزة لانى مشترتش اجهزة لسه حاقولك على اللى اعرفه واللى اصحابى جابوه فى زواجهم وان شاء الله باقى البنوتات القمرات والمتجوزات يفيدوكى كمان اكتر

اللى اعرفه ان تلاجة بتبقى توشيبا وبوتاجاز يونيفرسال وتلفزيون توشيبا حلو وكاتشين مشين بروان وبعدها مولينكس سخان اوليمبك

[هنودة هنانيدو]

العرايس القمرات فيه حاجة من زمان عايزة اقولكم عليها وكل شوية بننسى عن كريمات التبيض

بنات خلى بالكم اى كريم تبيض بيبقى فيه مادة كورتيزون وزئبق وده عشان يقلل خلايا الصبغية اللى موجودة فى البشرة بالتالى يبتدى يفتحها طبعا ده مش حاجة كويسة نهائى لان مع كتر الاستخدام البشرة وخلايا بتاعتها بتتعب وتبتدى تحسى انك لما توقفى استخدام كريمات ديه ان بشرتك بتبقى شاحبة وتدخلى فى مشكلة تانية ان بشرتك بهتانة

وكلام اكتر من اخصائى تجميل وجلدية ان كريمات التبيض حاجة وحشة جدا مهما كانت الماركة لان كلهم بنفس المكونات

خلينا واقعين مينفعش تبقى بنت بشرتها سمراء وتقول عايزة ابيضها صعب ربنا خالق بشرتك وخلايا بتاعتها كدا ازاى انتى حتحوليها للون الابيض غير بحاجة تكون مضرة ليها

فيه فرق ان بشرتك لونها الطبيعى بس حصل بسبب الشمس او بسبب البحر او لاى سبب خارجى انها اسمرت شوية ساعتها ايوزة تفتحيها بس بالماسكات لان ده مش لون بشرتك الاصلى ديه حاجة طارئة عليه وطبعا ساعتها الماسكات حتجيب احلى نتيجة مع التكرار

اخطر كريمات التبيض فيراندلفلى رغم اعلانتهم المستمرة بس بجد سىء
جدا

حتى اولاى للتفتيح فيه بنات فعلا بعد ما وقفوه لقوا بشرتهم بقيت شاحبة الاول بتلاقى نتيجة تحفة بس بعد شوية مش حتنبسطى

ان شاء الله حاكتب ليكم وصفات للتبيض مجربة ومن دكاترة تجميل

وده كلام دكتور اسمه نادر نجيب اخصائي الامراض الجلدية

يتداول حاليا في الأسواق والمنازل كريمات يقال انها خاصة بتبييض البشرة وتعطي حيوية ونضارة للوجه والجلد عامة وتستعمل لفترات طويلة بدون ارشاد طبي فمن الاثار الجانبية لكريمات وجود الكورتيزون اي يعتبر تبييض الجلد أثرا جانبيا للكريم وليس للتبييض ويصاحب تفتيح اللون اعراض اخرى سلبية كثيرة منها ضمور طبقة الجلد اي يصبح الجلد ذا طبقة رقيقة مما يؤدي الى ظهور الأوردة الدموية الصغيرة مع احمرار بالجلد خاصة الوجه.. واستعمال هذه الكريمات فترات طويلة يؤدي الى التهابات مزمنة حول الفم وتهيج للبشرة وايضا زيادة نمو الشعر وتخطيط بالجلد وكثير من النساء يشكون من حرارة بالوجه بعد استخدامها.
وهناك نوع آخر من الكريمات الموجودة بالاسواق وتحتوي على نسبة عالية من الزئبق تفوق المعدلات العالمية المسموح بها آلاف المرات؟ ان الزئبق يؤدي الى تفتيح البشرة لكنه معدن ثقيل لايخرج من الجسم بسهولة، فبعد امتصاص الزئبق من الجلد يترسب في مختلف اعضاء الجسم واهمها الجهاز العصبي والجهاز الكلوي ومع استخدامها فترة طويلة يؤدي الى اضطرابات بالجهاز العصبي وفشل كلوي وايضا فشل كبدي.. ولقياس كمية الزئبق بالجسم وتحديد كميته يتم جمع عينة البول لمدة 24 ساعة ثم ترسل للمختبرات المختصة لتحديد نسبة الزئبق

[سماح عزت]

ما شاء الله عليكى يا هنودى والله نصايحك كلها ممتازة ومش بتفوتى حاجة الا وتقوللنل معلومات عنها ربنا يخليكى للغلابة الى زينا ..وكنت لسه هسالك عن فير اند لافلى الى هوسونا بيه .. لكن الحمدلله.. يلا يانودى شجعينا وكلمينا عن الياضة والرشاقة احسن الواحد ظروفه صعبة خصوصا فى الحر ده...على فكرة والله بدعيلك كل يوم فى صلاة الفجر زى ما قولتيلى لان انتى تستهلى كل خير

[حبيبة قلبى]

الف مبروك للجزء الرابع

[هنودة هنانيدو]

الموضوع ده مهم انتشار الطاعون فى ليبيا على الحدود المصرية ونهاردة كان لسه عمرو اديب بيتكلم عليه حبيبت انقلكم الكلام ده عشان نخلى بالنا ربنا يستر مش عارفين نلاحقها من انفلونزا خنازير ولا طيور ولا الطاعون

النظافة والتخلص من الفئران أهم الاحتياطات
احمي أسرتك من مرض الطاعون القاتل


كل يوم توافينا الأنباء بانتشار أمراض وبائية غريبة لم نعتد عليها ، الأمر الذي بات يشكل ذعراً على جميع الأسر العربية، فبعد انتشار كلاً من أنفلونزا الطيور والخنازير ، بدأ مرض "الطاعون" القاتل فى الظهور بمنطقة "الطرشة" شرق ليبيا القريبة من الحدود المصرية وإصابة 23 حالة إلى الآن.

وهنا على ربة المنزل أن تتخذ بعض الإجراءات الوقائية لحماية جميع أفراد الأسرة ، وعن مرض "الطاعون"

يقول د.بهاء الناجي استشاري التغذية وعلاج السمنة خلال برنامج "الدين والحياة" : الطاعون مرض مميت ينتشر بصورة وبائية ، ولكن من المهم أن يعلم الناس الاحتياطات الوقائية لأي مرض قبل حدوثه ، وبالرغم من ذلك احتياطات المرض سهلة وله تطعيم ، ولكنها تحتاج إلى بعض الوقت.

ويؤكد د. الناجي أن الطاعون ينتقل عن طريق الحشرات "كالبراغيث" والعائل الوسيط هو الفأر الذي تتكون فيه بكتريا الطاعون ، ويوضح الناجي أن البكتريا يسهل مقاومتها بالمقارنة بالفيروسات ، تنتقل البكتريا من الفأر إلى البرغوث ومن ثم إلى الإنسان عن طريق اللدغ فيصاب بالمرض ، وتبدأ أعراض المرض بصداع شديد مع ارتفاع فى درجة الحرارة ، وتتطور إلى أن تصل إلى غيبوبة تؤدي إلى الوفاة.

ينتشر الطاعون في التجمعات، وخاصة في مناطق العمالة نتيجة قلة النظافة والإهمال وبالتالي تكثر البراغيث والفئران نتيجة لتجمع بقايا الطعام، وبصفة عامة يقدم د. بهاء الناجي بعض النصائح الوقائية للحماية من مرض "الطاعون":



1 – الحرص على رش المنازل ونظافتها بشكل دوري.
2 – تغيير الملاءات وأكياس المخدات باستمرار وغسلها وتعقيمها.
3 – تهوية المراتب تهوية جيدة للتخلص من أي حشرات عالقة بها ، وفى حالة وجود براغيث بكمية عالية يجب التخلص فوراً من "المرتبة" .
4 – الاهتمام بالنظافة الشخصية اليومية قدر الإمكان.

5 –
والأهم هو القضاء على الفئران ، بالبحث عن مخابئهم ووضع أنواع مختلفة من السم للتخلص منهم.
تخلصي من الفئران
هناك بعض المنازل وخاصة بالأدوار الأرضية تعاني من تواجد الفئران بها بشكل دائم ويمكن اكتشاف ذلك بالعثور على الفضلات الخاصة بها فى الاماكن المختلفة ، بل أن ربة المنزل تلاحظ أن عددها يزداد مع الوقت، ولأنها تشكل خطراً كبيراً على الصحة إليكِ بعض طرق التخلص من الفئران المنزلية.

- يمكنكِ إبادة الفئران باستعمال المصائد التي يوضع فيها الطعم، مع الحذر من لمسها كثيرا ، لأن الفئران تشم بذلك رائحة الإنسان فتمتنع عن دخولها.

- يمكنك وضع عشب البابونج البري في الأماكن التي تسكنها الفئران فتهرب من رائحته لأنها تكرهها ، لكونها نفاذة خانقة بالنسبة لهم.

- يمكنك التخلص من الفئران ، عن طريق رش الفلفل الأسود في الأماكن المحتمل وجود الفئران فيها ، عندها سوف تجدين الفئران تخرج هاربة بسرعة



- هناك طريقة أخري باستخدام السم ولكنها تحتاج إلى الحذر الشديد ، اشترى كمية صغيرة من مبيد التمك Temic أو فوسفيد الزنك مع الحرص أثناء استعماله لشدة سميته ، والتخلص مما تبقي أو الاحتفاظ به فى مكان أمن بعيداً عن أيدى الأطفال على أن تكتب عليه "مادة شديدة السمية ممنوع فتحها"

وإليكِ طريقة استخدام السم .

- جهزي ثمرة خيار عن طريق التخلص من اللُب مؤقتاً.
- ضعي كمية قليلة جداً من المبيد داخل فراغ الثمرة باستخدام ملعقة بلاستيك صغيرة ثم أغلقي هذه الفتحة بوضع اللُب الذى تم نزعه من قبل حتى تشبه الثمرة السليمة.
- وزعي ثمار الخيار فى الأماكن المتوقع وجود الفئران بها ، ثم إغسلي يديكِ بعدها جيداً بالماء والصابون
- عند اختفاء الثمار أو جزء منها تأكدي أن الفئران ماتت.

ملحوظة : الفئران شديدة الذكاء ، لذا عليكِ أن تغسلين يدكِ جيداً قبل بدء العمل حتى لا تظهر رائحة آدمية فى ثمار الخيار تؤدى إلى عدم اقتراب الفئران منها أو أكلها.