" عروسات المستقبل تعالوا اقولكم".. جزء ( 4 )

[noga&m]

السلام عليكم ورحمة الله وبركاته

سوليتير شكرا لردك واهتمامك بجد وكلامك صح لانى بستعجل في ازالة الشعر ودة اكيد بيقطم الشعر .


هنوده انا مبسوطة اكتر لان اهتماماتى بالمنتدى الفترة دية فادتنى لانى قربت على الزواج ومبسوطة اكتر لانك اهتمتى وردتى على استفسارى وكنت احب انك تفدينى اكتر في موضوع البقع خليكى عالطول مع سكرب ( عندى بالفعل وجاهز بس للاسف كنت بستعمله بعد السويت بس )وحمام مغربى ( ياريت تعرفينى الطريقة بالرغم ان قالولى ان كتير من الطمى المغربى الموجود عند العطاريين مش طمى مغربى اكيد وكمان عاوزة طريقته واعمله كام مرة بالاسبوع )وحطى على البقع كريم زى كارباميد بيقلل البقع السوداء( دة كريم طبى ) واية كمان موضوع البيتادين ؟


بجد انا كترت عليكى فى اسألتى بس ما خاب من استشار مش كدة ولا اية

اللهم صلى و سلم وبارك على سيدنا محمد وعلي اله وصحبة وسلم

[سماح عزت]

ازيك ياسوليتر ياقمر بجد انتى فاكهة الموضوع ده بمدخلاتك الجميلة الى بتقوليها وربنا يعينك وتتغلبى على اى مشكلة..قوليلى يا قمر انتى بتستخدمى بيتادين لايه ولو هو لسواد الى بين الفخدين على حسب ما اتوقع طيب بتستخدميه ازاى كل يوم ولا ايه ولمدة اد ايه وياترى مين نصحك بيه اقصد صيدلى ولا مين زسؤال كمان معلش هو مش له اثار جانبية لما بتوقفي..معلش حبيبى طولت عليكى لكن انتى سكره

[هنودة هنانيدو]

بالنسبة تمارين البطن دول مجمعوة من تمارين البطن بالفيديو انا بشوفها واعمل معاهم لمدة نص ساعة يوم ويوم والحمد لله الاول كانت صعبة جدا بس نهاردة بعد اسبوع لقيتها بقيت اسهل كمان دول تمارين من مدربين عالمين حتى لو تلاحظوا كلامهم بيكلموا عن عضلات البطن وايه مناسب ليها

طبعا عشان مش حاعرف انزل اللينك على العام ادخلوا على موقع يوتيوب youtube واكتبوا فى السيرش كلمة

abdominal exercises
حيطلع كل فيديو بتاع تمارين اتفرجى عليها كلها واختارى منها تمارين اللى عايزة تعمليها

بردو اكتبى فى السيرش كلمة
Abs Fitness Workout how to get six pack abs
واختارى اول كليب حتلاقى فيه 8 تمارين للبطن وكمان عدد مرات لكل تمرين

ديه من تمارين حلوة اكتبوا اسم تمرين على السيرش وحيطلع .. ديه اكتر تمارين حلوة ومفيدة ومجربها

Abdominal Exercises with Luiza Bucur

شوفوا التمارين واختاروا كل اللى يعجبوكم والتمرين اللى يعجبك تتعمليه 10 مرات عشان تتعودى على طريقة التمرين وان شاء الله حاكتبلكم باقى تمارين
بس حبيبت ابتدى تمارين البطن

[noga&m]

السلام عليكم ورحمة الله وبركاته

سماح اسمحيلى انا معاكى فى نفس الاستفسارات ياريت تفيدينا يا سوليتير لانى كنت بستعمل بيتادرم ( خلاف بيتادين )في فترة من الفترات عشان بقع السوداء اثر الحبوب و كن وكان بيدينى نتيجة تحفة لدرجة انى بقيت احطه ع وجه كلة مكنش بيخلى عندى اثر لبقع الحبوب وكنت بحس ان بشرتى دهنية المهم ان نتجته كانت حلوة جدا ولكنى اكتشفت انه في كورتيزون ودة السبب في النتيجة السريعة عشان كدة توقفت من استعماله فيترى بيتادين نفس الكلام ولا اية و شكرا

[سماح عزت]

صلى الله عليه وسلم ..اهلا بيكى يا نوجا معانا منورانا ويارب يتمملك بخير وتكونى اجمل عروسة ان شاء الله ويحققلك كل الى تتمنيه واكتر.. بس مش تنسينا بعد الجواز يعنى شهر العسل الى يكون سعيد بمشيئة الله وتكلمينا تانى واحنا كلنا هنا اخوات وربنا كرمنا باخوات زى العسل بيفدونا فى اى حاجة

[noga&m]

السلام عليكم ورحمة الله وبركاته

الله يكرمك يا سماح وتسلمى على دعواتك لى وطبعا مش هنساكو ابدا ربنا كريم ونكون اخوات فالله بأذن الله ويارب اكون عروسة جميلة يارب و ربنا يعنى ويكون بيتى بيت مسلم و اعين زوجى على طاعة ربنا و ربنا يبارك فيكى وينولك كل اللى تتمنيه

[سماح عزت]

ربنا يخليكى يا سموحة تسلمى حبيبتى على الكلام الجميل ده ويارب نتقابل فى اى مكان مع انى نفسى مسافرش عايزة اعيش هنا فى مصر نفسى والله مسافرش ابدا اى مكان اعيش واموت هنا بجد مفيش اجمل ولا احلى من مصر ربنا يكرمنا يارب ويسهل الامور ومسافرش واعيش هنا ادعولى مع انى دلوقتى زعلانة اوى على نتيجة ماتش 3 / 0 امريكا

ربنا يكرمك يانودى ويحققلك الى تتمنيه ويباركلك فى عممرك ..وانا كمان والله يانودى مش بحب الغربة ولا السفر ولا خطيبى كمان لكن النصيب الحمد لله على كل حال والحاجة الوحيدة الى مصبرانى على السفر للسعودية ان الواحد ان شاء الله يقدر يعمل عمرة او حاجة ...وعند حق مفيش حاجة تستاهل الغربة والبعد عن الاهل والاصحاب وخصوصا انى البنت الوحيدة لامى على ولدين ربنا يدبر لنا الحال ويهون علينا..ومعلش قدر الله وماشاء فعل اهو ربنا كرمنا وفرحنا يومين احسن من مفيش وخصوصا فى جو الامراض والاوبئة والغلا وكل الحاجات الى رببنا يعفينا منها ..معلش اكلمت كتير

[هنودة هنانيدو]

السلام عليكم ورحمة الله وبركاته

سوليتير شكرا لردك واهتمامك بجد وكلامك صح لانى بستعجل في ازالة الشعر ودة اكيد بيقطم الشعر .


هنوده انا مبسوطة اكتر لان اهتماماتى بالمنتدى الفترة دية فادتنى لانى قربت على الزواج ومبسوطة اكتر لانك اهتمتى وردتى على استفسارى وكنت احب انك تفدينى اكتر في موضوع البقع خليكى عالطول مع سكرب ( عندى بالفعل وجاهز بس للاسف كنت بستعمله بعد السويت بس )وحمام مغربى ( ياريت تعرفينى الطريقة بالرغم ان قالولى ان كتير من الطمى المغربى الموجود عند العطاريين مش طمى مغربى اكيد وكمان عاوزة طريقته واعمله كام مرة بالاسبوع )وحطى على البقع كريم زى كارباميد بيقلل البقع السوداء( دة كريم طبى ) واية كمان موضوع البيتادين ؟


بجد انا كترت عليكى فى اسألتى بس ما خاب من استشار مش كدة ولا اية

اللهم صلى و سلم وبارك على سيدنا محمد وعلي اله وصحبة وسلم

ديه يا نوجا طريقة الحمام المغربى وعلى فكرة مش لازم الطمى
الحمام المغربى بصى بقى هو ليه طرق كتير بس نهايته ان هدفه انك تنظفى البشرة من خلايا الميتة وانك لو فيه حبوب او اثار بقع تبتدى تقل يوم بعد يوم واسهل طريقة تحققلك ده وانا بستخدمها مش محتاجهة فيها الا

الليفة المغربية ديه موجودة عند اى عطار يكون مضمون سعرها بالمصرى 15 جنيه على شكل قفاز وكمان طبعا موجودة فى محلات بودى شوب

محتاجين صابونة مغربية بتيجى فى برطمان لونها غامق لانها من مكونات طبيبعة بردو تلاقيها عند العطار سعرها 20 جنيه

فيه طبعا الطمى المغربى وحاجات تانية بس احنا عايزين نعمله بابسط الحاجات عشان نستمر عليه لاننا لو لقينا انه صعب حنكسل نعمل صح ؟؟؟

نيجى بقى للطريقة ::::
تخلى بخار ماء فى الحمام انك تفتح حنفية والمياه السخنة وتسبيها 5 دقايق عشان جسمك يتفتح المسام بعد كدا تغسلى جسمك بمياه دافية وتحطى الصابونة المغربية على كل جسمك ماعدا الوجه طبعا وتسبيها من 5 ل 10 دقايق وبعدها تفسلى جسمك كويس اوى بالمياة الدافية وتجيبى الليفة المغربية وتبداى تفركى جسمك كويس جدا حتلاقى حاجات كتير بتطلع من جسم على شكل خطوط مش تتندهشى ده كل خلايا الميتة وابداى من اول رقبتك لغاية رجلك بعدها اغسلى جسمك تانى بالمياه الدافيه كويس وفى اخر الشاور اغسلى جسمك بمياه باردة عشان تقفلى المسام ونشفى جسمك وحطى زيت لوز مر عشان بينعم البشرة جدا لو مش بتحبى زيت اللوز حطى اى لوشن مرطب للجسم .. المهم لازم ترطبى بعد الحمام المغربى عشان البشرة ترتاح وتبقى رطبة واتفرجى على الجسم تحفة وناعم ومرة بعد مرة بتلاقى النتيجة احلى انتى ممكن تعمليه مرتين فى الشهر يعنى كل اسبوعين

الحمام المغربى مع سكرب حيقلل من البقع السمراء يعنى مرة سكرب ومرة حمام مغربى فى الاسبوع ان شاء الله حتلاقى نتيجة حلوة

كارباميد ده كريم طبى مخصص اكتر للحبوب اللى بسبب السويت والشعر تحت الجلد هو اصلا مرطب للجلد

البتادين ده مرهم طبى مطهر للبكتريا والفطريات والالتهابات مخصص للمنطقة حساسة بيستخدم مرة قبل النوم لون مرهم احمر وتقيل بيسيب لون ساعتت فى اللبس بس بيطلع طبعا
ميزته انه فعلا بيشيل سواد بين الفخذين وفيه بنات شال سواد منطقة حساسة انا جربته من سنة وفعلا شال كل سواد الفخذين
ملهوش اى اضرار ومفهوش كورتيزون لانه اصلا مطهر وده السبب انه بيشيل السواد لان اوقات كتير السواد بيكون سبب وجود بكتريا وفطريات

البيتادين سالت عليه كذا دكتورة قالتلى انه مفهوش اى ضرر من استخدامه بالعكس بيكتوبه للمرضى

الو عندك اى اسئلة تانية انا معاكى

[totee]

السلام عليكم يا هنودة انا اول مرة اشوف الموضوع دة من سوء حظى
بس هاكمل معكم وسلامى للجميع
ممكن سؤال انا شعرى بيتساقط كتير مش عرفة اعمل اية ؟؟؟؟؟؟؟؟؟؟؟؟؟؟؟؟؟؟؟؟
ممكن تدلنى على شئ ماسك وشامبو مش عرفة اعمل اية؟؟؟؟؟؟؟؟؟؟؟؟؟؟؟؟؟؟؟
اختى بترضع س شعرها بيتساقط جامدتعمل اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا فى جسم حبوب اعمل فية اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معلش طولت عليك كتير

[Noura89]

السلام عليكم ورحمة الله وبركاته
انا اول مره اشوف الموضوع انهارده بسد بجد عجبنى اوى وسجلته عندى عشان اقراه كله من اوله
وحكمل معاكى ان شاء الله مع انى مش عروسه لانى لسه فى الكلية قدامى كتير بس انا بحب اهتم بنفسى
ربنا يكرمك ويجازيكى عنا كل خير