" عروسات المستقبل تعالوا اقولكم".. جزء ( 4 )

[هنودة هنانيدو]

السلام عليكم يا بنات
طبعا موضوعنا " عروسات المستقبل تعالوا اقولكم" الجزء الثالث اتقفل عشان عدد الصفحات اكتمل ,,,النهاردة حنبتدى بالجزء الرابع ان شاء الله.....



يا عرايس ياقمرات عايزة اقولكم نهاردة على شوية نصايح انا جربتها تنفع اى عروسة وفى نفس الوقت حابة اعمل معاكم نقاش فى اسئلة ساعات بتشغل بالنا يمكن محتاجين معايا المتزوجات كخبرة ومحتاحين االعرايس الحلوين عشان يستفيدوا .. الموضوع مش خاص بالخلطات اكتر من انه خاص بنصايح مفيدة عملية

وده ياقمرات رابط الجزء الاول

http://lakii.com/vb/showthread.php?t=546598


وده ياقمرات رابط الجزء الثاني

http://www.lakii.com/vb/showthread.php?t=551566


وده ياقمرات رابط الجزء الثالث

http://lakii.com/vb/showthread.php?t=556146

[اسورة]

مبروك ليكِ يا هنودة الجزء الرابع ..

وعقبال الجزء المليون..

لي عودة باذن الله

[saroow]

الف مبروك ياهنوده على الجزء 4 وعقبال 100

وعايزينه جزء مميز زى اللى فاتوا واكتر

الـــــــــــــــــــــــــــــــف مبروك ياقمر

[سماح عزت]

الف مليييييون مبروك ليكى ياقمر على الجزء 4كنت حسه انى نقصنى حاجة كبيييرة اوى عشان مش كلمتك يومين ولمادخلت ولقيته قفلكان ده حالى.. وان شاء الله ربنا يعينك ويجعله فى ميزان حسناتك

[هنودة هنانيدو]

ازيكم يا عروسات ؟؟ يارب تكونوا بالف خير مبسوطة خالص عشان حابتدى معاكم نهاردة جزء 4 يارب يبقى مفيد لنا وكلنا نستفيد مع بعص عايزين نجدد النية تانى يا قمرات احنا بنعمل كل ده عشان نبقى احلى فى عيون ازواجنا وعشان ندخل السرور عليهم ونخلى بيوتنا مليانة فرحة وسعادة ونبنى بيوت مسلمة عايزين نبقى اجمل واحلى عشان خاطر عيونهم عشان فى الاخر نرضى ربنا ونبقى كلنا فى الجنة مع ازواجنا

عشان ماقعدش اتكلم كتير واصدعكم يالالا نبتدى النهاردة الجزء الجديد بتاعنا ""بمقتطفات جمالية ""

حاقولكم على شوية معلومات سريعة وسهلة ومفيدة لنا منها حاجات احنا بنعملها بس اوقات مش عارفين فايدتها يالالا ::::

1 - شرب 8 كوب من ماء مهم جداااااااااا كتير بنقول نشرب ونكسل بس تعالوا شوفو فايدته اد ايه اولا بيرطب البشرة داخليا لان جسمك مش حيبقى جاف ثانيا بيدى نضارة للبشرة ومنطقة العين ثالثا بيقلل الوزن ده كلام دكتورة تغذية فى برنامج ان الماء بتقلل يوميا 100 سعرة حرارية وانه مش بيخلى الجسم يخزن الماء الموجودة فى الاكل وتتحول دهون كمان بيشد البشرة وينقى الجسم من السموم اللى تعمل حب الشباب والبقع والبثور كمان بيقلل من السليوليت ويمنع ظهوره كل ده 8 كوبيات ماء لو مكسلة تشربى حطى جنبك زجاجة مياه كمان لو انتى مش بتحبى تشربى الماء مجرد اسبوع حتتعودى انا كنت بقعد باليومين مشربس ماء لما عودت نفسى اشرب 8 كوبيات بقيت دلوقتى خلاص جزء من الروتين اليومى بتاعى كمان الماء مفيدة للكلى بتنظفها ومفيدة للقلب والشرايين ها ياترى حتشربوا ولا ؟؟؟؟؟

2- الحليب احلى حاجة اتنظيف الوجه يعنى لو مش عندك غسول امسحى وشك بقنطة فيها لبن وامسحى كل وشك بينظف المسام وبيشد البشرة كمان مرطب حلو جدا

3 - العسل ماسك تحفة للوجة بيرطب جدا وبيمنع تجاعيد يعنى لو مش عندك وقت للماسكات حطى عسل ربع ساعة مرتين فى الاسبوع كمان العسل للهالات بجد تحفة بس عايز مواظبة وكمان للشفايف تحطيه عليه وتسبيه ينشف بعدها حطى فازلين ونامى حتلاقى الشفايف ناعمة جدا

4 - حل سريع للمسام المفتوحة فى الوجه نشا + ماء ورد بيقفل المسام بالاضافة انه بينظفها

5 - اوقات بنحس ان بشرتنا مش مشدودة يعنى كانها مرتخية كدا اسرع حل ليها ماسك بياض البيضة حطيه لمدة ربع ساعة حتحسى ان وشك بيتشد وفعلا بعدها بيبقى وشك منور

6 - وشك لو بهتان او كنتى تعبانة ماسك الزبادى حلو اوى للبشرة ربع ساعة حتلاقى نظافة ونعومة وممكن طبعا تضيفى عليه عسل

7 - لو عينكى تحتها مورمة او لو رجعتى من برا وشك حاسة انه سخن حطى ثلجة ومرريها على وشك طبعا بيشد البشرة وبيخليها نضرة جدا وبيشيل الانتفاخات تحت العين

8 - لو رجلك او ايدك بتحسى انهم خشنين حطى زيت اللوز عليهم دايما بعد الوضوء بعد كذا مرة حتلاقى بشرتك انعم بكتير

ديه حاجات سريعة حبيبت نبتدى بيها الجزء بتاعنا وكلها مجربة

[هنودة هنانيدو]

مبروك ليكِ يا هنودة الجزء الرابع ..

وعقبال الجزء المليون..

لي عودة باذن الله

الله يبارك فيكى حبيبى

الف مبروك ياهنوده على الجزء 4 وعقبال 100

وعايزينه جزء مميز زى اللى فاتوا واكتر

الـــــــــــــــــــــــــــــــف مبروك ياقمر

ان شاء الله يكون مميز بيكى وبكل البنوتات

الف مليييييون مبروك ليكى ياقمر على الجزء 4كنت حسه انى نقصنى حاجة كبيييرة اوى عشان مش كلمتك يومين ولمادخلت ولقيته قفلكان ده حالى.. وان شاء الله ربنا يعينك ويجعله فى ميزان حسناتك

الله يبارك فيكى ياسموحة ولا تزعلى ياقمر فتحنالك جزء جديد

[basbosa.2]

حبيبتى هنووده الف مليون مبروووووووك الجزء الجديد واللى بداتيه بنصائح فعلا قيمه وجميله وسهله جدااااااااااااااا

يسلموا ايديكى حبيبتى والى الامام داااااائما يااااااااااارب

[هنودة هنانيدو]

ميويا زيت اللوز المر هو للبشرة والحلو للشعر

العطار اللى بجيب منه عالطول وزيوته كلها اصلية فى فتح الله المنتزة جوا فتح الله قسم العطارة لو بعيد عليكى غندك ماضى فى المنشية دول مضمونين

[سماح عزت]

ازيك يانودى منورة المنتدى ياجميل كان نفسى افضفض معاكى اوى على الخاص بتاعك بس للاسف قالى مش ينفع الا بعد 300مشاركة وهو موضوع خاص مش حلو انى اتكلم فيه على المنتدى لان موضوع فى حياتى ان شاء الله مع خطيبى وحاجة بديئنى ومش عرفه اعمل فيها ايه وحبه انى اتكلم معاكى مش عشان تنصحينى لكن انا بحب اتكلم معاكى لكن خير مفيش نصيب استنى لما اكمل 300مشاركة بعد عمر طويل ان شاء الله

[هنودة هنانيدو]

ازيك يانودى منورة المنتدى ياجميل كان نفسى افضفض معاكى اوى على الخاص بتاعك بس للاسف قالى مش ينفع الا بعد 300مشاركة وهو موضوع خاص مش حلو انى اتكلم فيه على المنتدى لان موضوع فى حياتى ان شاء الله مع خطيبى وحاجة بديئنى ومش عرفه اعمل فيها ايه وحبه انى اتكلم معاكى مش عشان تنصحينى لكن انا بحب اتكلم معاكى لكن خير مفيش نصيب استنى لما اكمل 300مشاركة بعد عمر طويل ان شاء الله

سماح انا بعتلك على الخاص شوفى المسج ومستنايكى