"عروسات المستقبل تعالوا اقولكم".. جزء ( 5 )

[هنودة هنانيدو]

هنوده ياقمر ازيك كنت عاوزه حاجه للشعر تنعيم ومنع تقصف بس تجيب نتيجه بسرعه انا عارفه انك هاتقوليلى فيه صفحه خاصه بكدا بس انا بصراحه بثق فيكي وهاعمل اللي تقولى عليه وبعدين ياهنوده مش هانفرح بيكى بقى ولا ايه والله بجد حبيتك جدا والله العظيم

انا والله كمان فعلا بحبك جدا وحاسة انى اعرفك واعرف كل البنات من زمان واننا اتقابلنا وشوفنا بعض

بالنسبة ماسكات الشعر حاقولك على اللى جربته وطبعا فيه ماسكات تانية كتيرة
ولسه كاتبهم لكوين

بصى انا جربت ماسك زبادى لوحدة عجبنى بيطرى الشعر جدا وبغسل يعدها شعرى كويس اوى عشان الريحة بصراحة عجبنى
تحطى زيادى لمدة ساعة

وفيه كمان موضوع الزبدة حلو اوى بس حاسة انه تقيل فى الصيف او لو شعرك بيمشى مع الزيوت يبقى حتعجبك لان شعرى يمشى اكتر مع كريمات موضوع الزبدة بيخلى شعرى دهنى شوية

طريقاتها انك تسخنى شوية زبدة صغيرين جدا على النار وتبرد تكون دافية وتحخطيها على شعرك زى كانك بتعملى حمام زيت وتسبيها ساعة

دول جربتهم انبسطت منهم
فيه كمان ماسكات للتقصف للشعر
زبادى + عسل + وبدة ويفضلوا على الشعر ساعة
زيت زيتون + بيضة + خميرة بيرة بردو ساعة على الشعر

الاول جربته طلع حلو التانى مجربتهوش

فيه وصفة حلوة كنت بجربها زمان حليب+ زيت زيتون واعملهم زى ماسك لشعرى لمدة نص ساعة واغسل شعرى
كان حلو اوى وبيطرى جدا

ادعيلى ربنا ييسر امورنا وتفرحى بيا ههههههههه الحمد لله على كل شىء بس الامور شوية ملخبطة معانا لسه مش عارفين حنستقر فين كل ما الامور تتظبط يطلع حاجة تبوظها شوية الحمد لله ادعيلى يابنوتة ان ربنا يسيسر امورنا ونستقر ويارب نكوون فى مــــــــــــصــــــــــــــــر
لو ربنا كرمنا ونعيش فى مصر ليكم عندى اى حاجة تطلبوها

[ملوكة 12]

ربنااا ييسر أمورك يا هنوودة وتحققى اللى نفسك فيه
وأكيد طبعا مصر هتنور لو هتعيشى فيها ..وحشتينى طبعا
هجرب ماسك الزبادى لشعرى ده يمكن يعمل حاجة معايا
هنوودة عايزة اخد رأيك فى حاجة انا للاسف قرص النموس بيعلم فى
رجلى جامد والايام اللى عدت زاد شويه هو ينفع استخدم كريم بيتاديرم
ولو حتى لفترة قصيرة ولا انتى ايه رأيك؟؟؟

[lonleygirl]

هنوده ياقمر انا بدعيلك ديما وهاكثف دعائى ليكى ولو انى كنت بعمله عن ظهر قلب عشان ربنا يستجيب بس معلش هادعيلك انك تيجى القاهره تنوريها بس نبقى اصحاب ولو عاوزه تسالى عن حاجه فى القاهره قوليلى وانا انزل اسالك وربنا يوفقك لانك بجد خليتينى اهتم بنفسى اوى. دكتوره بقى وعندى مشاغل فكنت ناسيه نفسى شويا وخلتينى احب المنتدى(lakii) منتدى رائع طولت عليكى تصبحى على خير ياجميله

[ملوكة 12]

ازيك يا ملوكة12
يارب تكونى بأتم صحة وسعادة ,شكرا لاهتمامك ,قوليلى اسم الدوا , هو جاب نتيجة كويسة معاكى ؟!
ياريت تقوليلى على اسم الدكتور اللى بتتعالجى عنده من حبوب الشباب وعنوانه وتليفونه عشان لو قريب احاول اروحله

الله يسلمك يا قمر . بصى هو العلااج الحمدلله جاب معايا نتيجة كويسه جداا
لانى انا بجد كان حب الشباب عامل معايا أحلى واجب
بصى يا ستى هو العلاج بيتكون من 3 كريمات هما ماربالين +بيتا فيوسين+
ايزاليك نخلط 3 كريمات فى برطمان غامق لانهم بيتأثروا بالضوء ونضع منهم
عل الجبهة ومنطقة الخدود والذقن ولا مينفعش يلمسوا منطقة العين والفم
دول ليهم علاج تانى خالص وكمان لما تدهنيهم هتدهنى مرة واحدة بالليل وهتقعدى فى الضلمة حتى بلاش تلفزيون أو كومبيوتر وانتى دهنى وشك والصبح تغسلى وجهك بماء دافئ وبس
هتحسى بأول النتيجة بعد 3 أيام بس انتى هتستمرى شهر على العلاج
العلاج ده تمنه حوالى 33 جنيه...لو انتى مش عايزة تستخدمى ده كله
استخدمى ايزاليك ده بجد مفعوله حلو ومخصص لعلاج حب الشباب واثار الشمس
الدكتور ده موجود فى القليوبيه لو هتقدرى تروحيله هديكى العنوان بالتفصيل
واسفة لو كنت طولت عليكى
واسفة على الرد الطويل يا هنوودة

[princess_sarah]

اولا :الف مبروك على الجزء الخامس و عقبال المائة ان شاء الله
ثانيا: انا متابعاكى من بداية الدعوة للجزء الاول بس كنت من بعيد بس اليومين اللى فاتوا دول قررت انى لازم اشترك فى المنتدى الرائع
ربنا يوفقك يا هنوده و يحقق لك اللى تتمنيه و تنورى مصر و نفرح بيكى قريب جدا
ثالثا: ندخل فى الشغل ....انا ما صدقت انى ان شاء الله اتخرجت(اصل النتيجة لسه مطلعتش..ادعيلى) فقلت ابدأ اهتم بنفسى و استعد لان ده احسن من الاستعجال قبل الجواز مباشرة...و بالتالى انتظرى فى الايام المقبلة زبونة دايمة و هتتعبك
رابعا: اكبر مشكلة فى حياتى(شعرى) لسه مبدأتش فيه بس هو حاليا مدمر خالص و تقصيف جامد...كنت عايزة ابدأ بالزبدة ايه رايك و لا انتى ترشحى لى حاجة تانية
اسفة جدا عشان طولت عليكى و تمنياتى لك بكل خير
جزاكى الله خيرا

[هنودة هنانيدو]

السلام عليكم يا بنات عاملين ايه ؟؟؟

نهاردة حابة اتكلم معاكم على مشكلات بننسى اسبابها وندور على علاج خارجى

يعنى مثلا مشكلة زى الهالات السوداء كلنا بنجرى ندور على وصفات وماسكات وننسى ان فيه اسباب ممكن هى سبب المشكلة ومش بنعالجها وبالتالى نقول ان ماسكات مجبتش حل ...
لازم الاول نحل المشكلة الاساسية عشان لما نستخدم العلاج والماسكات تتحل المشكلة

يعنى من المشاكل اللى موجودة وننسى اسبابها :::
الهالات السوداء
سواد منطقة حساسة
الارداف والبطن
جفاف البشرة
شعر زائد فى الجسم
تساقط الشعر

نيجى للهالات السوداء :::
قبل ما نشوف وصفات وماسكات الاول ممكن يكون سببها انيميا او نقص حديد او ان الاوعية الدموية تحت العين الدم مش بيكون فيها قوى او نسبة ميلانين عالية او وراثى
الاول لازم تكشفى وتشوفى اذا كان عندك اى سبب من دول ولا لا قبل ما تجربى الوصفات وتعالجيها

يعنى لو عندك انيميا ونقص حديد حتاخدى فيتامين وتاكلى كويس مع الوصفات وماسكات حتتحل مشكلة الهالات

لو مشكلة زى نسبة ميلانين او ان الاوعية الدموية بيبقى فى مراكز الطبية اجهزة الليزر بتتعمل على
جلسات وتحل المشكلة

طبعا انا مش دكتورة عشان اقول ان ديه الاسباب كلها اكيد فى حاجات تانية
وقتها لما تعالجى كل مشكلة يبقى ماسكات والوصفات وقتها مناسبة وتجيب فايدة

وحنتكلم بعد كدا على الوصفات

تانى مشكلة تساقط الشعر
بردو من اسابها انيميا وضعف ونقص فيتامين وبيبقى اسابها التوتر والقلق ولو حامل وبعد الولادة بيبقى بسبب الهرمونات وتغيرات اللى فى الجسم واحيانا بيكون عدم اهتمام بالشعر واستخدام الفرد والصبغة مينفعش يكوةن عندك مشكلة من دول وتقولى شعرى بيقع لوحده

لازم تتعالج الاول مشكلة لو نقص فيتامين يبقى تاخدى كبسولات فيتامين وتهتمى بالاكل

لو بسبب الولادة والحمل تغذية مع فيتامين بتحل مشكلة مه الاهتمام بشعرك

لو الفرد والصبغة بتعملى كورس كامل مغذى لشعرك من اول شامبو لكريم لماسك وتخليها حاحات طبية او طبيعية مش تجميلية يعنى مينفعش عندك تساقط وتقولى اجرب برت بلاس لانه فى الاخر ده منتج تجميلى مش حيغذى ولا يحل المشكلة وطبعا بتكلم على كل انواع شامبوهات الشبيهة
فيه حاجات ومنتجات مخصصة للشعر والتساقط بتبقى طبية او طبيعية وطبعا بتكملى بالماسكات والوصفات بس الاول تحلى مشكلة التساقط

وياريا لو عارفين ان عندنان مشكلة نروح دكتور بلاش نجرى وراء الوصفات وننسى سبب المشكلة ولا نهتم بيه ولا نعالجه مفيش اى ماسك حيجيب نتيجة واحنا سايبين سبب المشكلة زى ماهو
المسكات والوصفات مساعدة وبعد حل المشكلة تحافظ على عدم رجوعها

حنكمل باقى المشاكل بعد الفاصل

[سماح عزت]

وعليكم السلام يا ست البنات والعرايس باذن الله كان هيحصلى حاجة والله لمجرد انى مدخلتش النت امبارح وسلمت عليكى ربنا يكرمك يا نودى والله يانودى كلامك صح 100 فى 100 بس اهو الواحد بيتعلق باى حاجة عشان يحل مشكلة لكن كلامك هيبقى ضمير حى جوانا زى كلام الثقة بالنفس قبل كده الى دائما بفكر نفسى بيه...سبحان الله يانودى انتى متعلقة بمصر بصورة جامدة جدا يمكن عشان انا سافرت السعودية مع ابوية قبل كده فالسفر مش هيبقى صعب اوى بالنسبة ليه مش عارفة لكن متقلقيش يانودة والله انتى بنت حلال وربنا هيكرمك باذن الله ويعوضك خير على صبرك والى جاى باذن الله هيكون اجمل من الى عده وبعدين متقلقيش انتى وراكى كتيبه بتدعيلك وانتى تستهلى كل خير بس بجد بجد نفسى اشوفك دى انا نفسى اجى اسكندرية عشان خاطرك ياقمر

[هنودة هنانيدو]

نكمل ياقمرات

مشكلة سواد المنطقة حساسة
بردو بننسى ان سبب السواد هى مشكلة بكتريا وفطريات وعدم تنشيف ماء والتهابات
هو ده سبب المشكلة مهما عالجت وفيه التهاب وفطريات مش حيروح السواد وللو راح حيرجع تانى بسهولة لان السبب موجود

يبقى الاول اخلص نفسى من مشكلة البكتريا والالتهابات تروحى دكتورة وتستخدى غسول ومطهر وتنشفى كويس كدا حتخلصى من سبب المشكلة وحتلاقى جزء من السواد بيروح وطبعا مع الوصفات تكملى جزء الباقى عشان كدا نلاقى بنات تقول بيتادين ضيع السواد هو فعلا بيعمل كدا بس مش عشان هو معجزة

عشان هو مطهر من بكتريا وفطريات بالتالى بيشيل سبب كبير من السواد
لو انتى معندكيش بكتريا ولا التهابات وعالجتى ده ونشفتى كويس بتكملى باقى الوصفات

مشكلة سواد الركب
بردو نفضل نجرب الليمون وغيره بس بنسى ان سبب السواد 3 حاجات عالجيهم الاول قبل الوصفات
الاحتكاك بين ركبتك والارض
عدم الترطيب وتبقى ركبتك ناشفة
ان الطبقة السوداء محتاجة تتقشر عشان تعالجيها وتحافظى على الطبقة جديدة

سبب مشكلة انك لازم تقشرى طبقة ميتة السوداء عشان الوصفات مش حتجيب نتيجة معاها غير لما تتخلصى من طبقة ديه وتحافظى عليها انك متعمليش اى احتكاك بين رجلك والارض لانه حيرجع مع تكرار والجفاف بسبب قلة الترطيب حيرجعها نعمل ده وبعدها نكمل وصفات

مشكلة البطن والارداف

كلنا بنجرى وراء مشروب الكمون والشاى الاخضر والزنجبيل ورمان والجريب فروت
متخيلين ان حاجات ديه حتخلصنا من الكرش والارداف وده مستحيل دول حاجات مساعدة
الشاى الاخضر والزنجبيل بيحرق الدهون بس مش بنسبة انه يشيل البطن والارداف بالمصرى "" مكنش حد غلب """

دول حاجات تساعد يا بنات بس مش الحل .. البطن والارادف ملهومش غير المشى والرياضة بلاش نقعد نلف حوالين نفسنا وندور واحنا عارفين ان المشى والرياضة هو الحل بس مكسلين عايزين نشرب مشروب السحرى يخلصنا

مش حيحصل الكمون بينظف البطن من الغازات يعنى لو عندك غازات هى اللى عاملة البطن يبقى عليكى بالكمون حيضيعها بس مش حيكون عندك كرش بسبب العضلات مرتخية وسبب الدهون والكمون حيشيلها

عشان كدا نلاقى بنت كان عندها غازات وراحت بالكمون تكتب موضوع وتقول اتخلصت من البطن بالكمون هى اتخلصت من الغازات اللى كانت سبب بروز بطنها
اما انتى لو بطنك كبيرة بسبب الولادة وبسبب قلة الحركة وكتر الدهون والعضلات مرتخية ملكيش غير المشى ورياضة

الارداف نفس المشكلة وعن تجربة انا جربت المشى لمدة شهر والارداف كلها راحت والحمد لله مرجعتش من غير مشروب ولا غيره
الاول نحل مشكلة بالرياضة والمشى ونكمل بالشاى الاخضر والكمون

حنكمل ان شاء الله باقى مشاكل بعد شويتين

[امامة محمد]

المسك للطهارة طبعا مفيد وحديث عن سيدنا محمد بيتكلم عن الطهارة بس مش المسك العادى اللى يتباع عند العطار لا ده اسمه مسك الطهارة الاصلى حيبقى عند عبد الصمد القرشى اعتقد فى سيتى ستارز او لو عندك حد فى السعودية يجبهولك

هنودة المسك اللى بيجى من السعودية بيكون لونه غامق و سايل زيتى شويه فى زجاجة بليه هو ده ؟ و يستخدم ازاى ؟ كمان فيه المكعبات .. بردوه تستخدم ازاى ؟

[هنودة هنانيدو]

ربنااا ييسر أمورك يا هنوودة وتحققى اللى نفسك فيه
وأكيد طبعا مصر هتنور لو هتعيشى فيها ..وحشتينى طبعا
هجرب ماسك الزبادى لشعرى ده يمكن يعمل حاجة معايا
هنوودة عايزة اخد رأيك فى حاجة انا للاسف قرص النموس بيعلم فى
رجلى جامد والايام اللى عدت زاد شويه هو ينفع استخدم كريم بيتاديرم
ولو حتى لفترة قصيرة ولا انتى ايه رأيك؟؟؟

ملوكة الامورة عاملة ايه ؟؟؟يارب يعمل ماسك حاجة هو عجبنى حلو وسريع
بصراحة مش عارفة اذا كان بيتادريم حيبقى كويس ولا بس اقولك اسالى عليه اى صيدلى احسن عشان تبقى مطمنة