|
للبحث في شبكة لكِ النسائية:
|
عضو نشيط
ازيك هنودى عاملة ايه ازيكم يا قمرات عاملة ايه يانودى فى الجو الحر ده اكيد بتتتبقى حالتك حاله وانتى راجعه من الشغل ربنا يعينك وربنا يلطف بعباده..هنودى انا مش هسئلك انتى هتعملى ايه لان خلاص انا مش عوزاكى تسافرى عشان انتى حبه كده بس يانودى تفتكرى الواحد هياخد معاه لبس خروج وهو مسافر مع ان اخرهم هناك وفى جدة عباية سمرة طب اعمل ايه..سؤال كمان هو يانودى صحيح صعود السلم ونزوله لمدة عشرة دقائق على الاقل كل يوم فيه فايدة للارداف
آخر مرة عدل بواسطة سماح عزت : 02-07-2009 في 06:43 PM
النجم الفضي
كتبت بواسطة princess_sarah
متشكرة يا هنوده يا حبيبتى على اهتمامك
انا متضايقة اوى عشان شعرى عايزة اضبطه دلوقتى فى ايام الخطوبة قبل ما يتكتب كتابى مثلا
انا هاجرب الزبدة...بس انا حاسة ان شعرى بيجى اكتر على الكريمات ...اعمل ايه بعدها؟؟مايونيز؟؟
ياريت تفيدينى يا هنوده عشان اتشجع واهتم بيه....بدل ما احلقه زيرو و خطيبى يجيله صدمة
فرحت اوى لما عرفت انك اسكندرانية زى و انا برضه اقول ليه واخدة عليكى كده بسرعة ....اتارى الدم بيحن
دعواتى لكى ربى يكرمك و يباركلك و يفرح قلبك
اهلا اهلا بالاسكندرانية منورة يا سوسو ...اوعى تحلقى شعرك على الزيرو ههههههههه مش عايزين خطيبو يتصدم
الاول جربى زبدة مشيت معاكى حلو خليكى معاها بس مش كل اسبوع تعمليها يعنى خليها مرتين فى الشهر لان بردو كتر اى حاجة مش حيبقى كويس
عامة خلى ماسكات وحمامات كريم مرة واحدة فى الاسبوع
ممكن تخلى زبدة مرة
ومايونيز مرة
ومرتين حمام كريم
اوو العكس يعنى اللى اقصده انك اختارى ماسك او 2 حلوين لشعرك وخليكى عليهم مع حمامات كريم
مايونيز جربته وعجبنى جدا وبردو زبادى لوحده عجبنى جدا وحطيته ساقع جميل خلانى احس انى فى الثلاجة
النجم الفضي
حاضر حاضر وحشتنيى كتير يا سوليتير بنبسط لما بلاقيكى موجودة وبقالى مدة مشوفتش بينك والبنت بسبوسة ونور وحشونى كتير وسو القمر مشغولة يارب نشوفها قريب وكمان هبة فينك
النجم الفضي
هو فعلا يا دودو حاجات ديه اسعارها غالية عند عبد الصمد بس انتى ممكن تجيبى المسك طهارة من عبد الصمد ودهن العود وعنبر وحاجات تانية فى محلات تانية كتير بردو كويسة والاسعار اقل
النجم الفضي
ربنا يخليكى يا امامة .... بجد فكرة موضوعك حخلوة اوى خلاص حاضر نتكلم عليها
وجاوبتك ياقمر على المسك حتلاقيه فوقيكى
النجم الفضي
مساء الخير ياقمر طبعا انتى خلاص بقيتى معانا ومع كل عروسات الحلوين ..
مبروك ياقمر مقدما على الزواج ويارب نشوفك عروسة جميلة
بصى حبيبتى موضوع الصدر عشان مضحكش عليكى واقولك خلطات وماسكات
حجم الصدر اولا انتى ممكن تكونى شايفة انه صغير وزوجك شايف يكون كويس انتى اكيد حتعرفى راى زوجك
تانى حاجة حجم الصدر لو خلايا واوعية بتاعته بالحجم معين حبقى كذابة واقولك حيكبر والعكس لو كان كبير مش حيصغر بس فى فرق انك تخلى شكله حلو ومشدود ده بيدى شكل اكبر للصدر بس كفكرة انه يكبر على حسب علمى حاجة صعبة لان ربنا خالقه كدا ازاى حيكبر طبعا فى بنات تعمل عمليات وكلام ده واعتقد ان ده مش حاجة صح
انا مش قصدى اغلس عليكى سا سارة بس والله عشان حرام اقولك على وصفات وتحسى انه مفيش نتيجة بس اللى متاكدة منه ان تمارين فعلا بتخلى شكل الصدر مشدود وحلو وطبعا بيخلى شكل الصدر كانه كبير مع اللبس والبرا بيبقى اجمل
انتى كمان بعد ما تاخدى شاور خلى ماء باردة على صدرك عشان ميحصلش ترهل وميتاثرش بالماء السخنة ويبقى مشدود
كمان بعد الزواج وبعد الرضاعة الصدر فعلا بيتغير يعنى هرمونات بتتاثر وحتلاقيه بقى شكله اكبر
صدقينى ياسارة انتى بلبسك وتمرينك حتلاقى صدرك كويس اوى ويعجب جوزك
النجم الفضي
ازيك يقمراية ؟؟ زيت المسك بيبقى لزج شوية يعنى مش شفاف اوى لونه غامق بس ريحته حتلاقيها مسك واضحة وبيبى جونسون الزيت ياقمر
النجم الفضي
يارب الحر فظيع ياسموحة ....ههههههههه نفسى اه مسافرش بس فى الاخر النصيب هو اللى حيحصل فاهتبرينى مسافرة لغاية اشعار اخر ...
طبعا السعودية اللبس خروج بيبقى عباية سوداء انتى ممكن تاخدى لبس خروج ويبقى فى البيت يعنى جالك ضيوف اصحابك او ليكى قرايب هناك تقدرى تلبسى لبس الخروج العادى بتاعك مش حتلبسى عباية سوداء
خدى معاكى كذا طقم حلوين وخليهم لبس خروج
اه طبعا صعود السلم ونزوله فعلا حلو جدا وبينزل الارداف
النجم الفضي
تعالوا نكمل باقى المشكلات
مشكلة الشعر الزائد
اللى بقصده الشعر الزائد اوى المشعر يعنى مش الشعر العادى لو انتى جسمك شعر فيه زايد قبل ما تجربى وصفات نبات السعد والزيتون الاول اعملى فحص للهرمونات اوقات كتير بيكون هرمونات هى السبب يبقى تروحى دكتورة وهى اللى تساعدك ولما تتظبط عندك ابداى اعملى الوصفات حتكمل وتساعد مع العلاج
زى الزيتون والسعد
مشكلة جفاف البشرة
اولها قلة شرب ماء يعنى مهما تحطى كريمات ومرطبات وانتى جسمك مفهوش ماء يبقى اكيد حيبقى فى جفاف يعنى تخيلى ان ارض مفهاش ماء بس نقعد نحط فيها حاجات تانية عشان تبقى شكلها حلو مهما عملتى حتفضل ناشفة لان اساسها الماء
نفس الكلام عندك جفاف اشربى ماء اولا كتير 8 كوبيات يوميا
لما تنزلى حطى صن بلوك عشان الشمس بتتعب البشرة
اختارى بقى كريم ليل مرطب مناسب ليكى
كملى بالوصفات والماسكات زى العسل والزبادى دول من حاجات بتطرى البشرة
مشكلة تكبير او تصغير الصدر
زى ما كنت لسه بقول لسارة ان لو حجم الصدر اصلا صغير طبعا حتبقى الانسجة والاوعية دموية بنفس الحجم مش حينفع نقول نكبرها او نصغرها هو ربنا خالقها كدا .. مش حنعرف نغير خواص الانسجة ونلعب فيها عشان نكبر ونصغر
طبعا فى ناس بتعمل عمليات وكلام ده بس اعتقد على حسب معرفتى مش عايزة افتى حرام ولو حلال اعتقد اكيد له اضرار
الحل انك تلعبى تمارين للصدر لو صغير التمارين بتشدة وتديلة شكل حلو بالتالى تحسى انه كبر لانه مش حيبقى فى ترهل والعكس لو كان كبير فيه تمارين خاصة للصدر كبير مع اللبس البرا مناسبة حيبقى شكله حلو
يعنى انا معرفش اذا كانت خلطات بتجيب فايدة ولا بس اللى اعرفه التمارين مع تدليك الصدر بماء باردة او تلج فعلا بيشد الصدر ويخلى شكله حلو
الهدف من الكلام ده كله انك لو عندك مشكلة قبل ما تجرى على الوصفات شوفى الاول هى سببها ايه عالجى السبب وكملى بالوصفات لان مفيش وصفة سحرية تحل المشكلة وكل ما تبتدى بدرى كل ما تخلصى من مشكلة بدرى لان فى حاحات بتاخد وقت متجيش قبل الفرح باسبوعين تقولى الحقونى عندى مشكلة اعمل ايه ؟؟؟
صعب حد يقولك تعملى ايه ولا حتى دكتور تجميل ابداى من دلوقتى وشوفى مشاكلك ومتحسسيش نفسك انك كلك عيوب ركزى على اكبر مشكلة تحسى انها حتفرق معاكى لو اتحلت وتفرق مع زوجك
ربنا يسعدكم كلكم
عضو
هنوده ياجميلة ازززززززززززززززززززيك
أعضاء قرؤوا هذا الموضوع: 0
الروابط المفضلة