"عروسات المستقبل تعالوا اقولكم".. جزء ( 5 )

[هنودة هنانيدو]

صباح الخير على احلى بنات ازيكم ياقمرات
استشارة يابنات مين فيكم جربت المبرد اللى بيلمع الضوافر
اشتريت واحد امبارح هما 3 مع بعض بس ناعمين اوى واحد عليه كلين والتانى
تنعيم والتانلت تلميع بس حاسة انهم مش بيعملو حاجة حد يرد عليا الله يخليكم
ارجعه ولا هو كدا

انا كان عندى نوع بس 2 بس هو عادى مش بيعملوا حاجة جامدة مجرد بس تنظيف وتنعيم عادى

[هنودة هنانيدو]

هند هو اولاى الاصلى ايرلندى مش كده؟
لانى لقيت اولاى ايرلندى سعره رخيص جدا جدا و مش عارفه اشتريه ولا لأ

ايوة ياقمر الاصلى ايرلندى حتلاقيه فى العزبى وسعره لو توتال افكتس كريم الليل او نهار 97 جنيه اتصلى بالعزبى واعرفى سعر اللى انتى عايزة

[هنودة هنانيدو]

نكمل ياقمرات موضوع الاكل والمشروبات الصحية والضارة

طبعا متتشر كتير شرب خل التفاح او الليمون على الريق
ده حاجة غلط ومش كلامى كلام دكتورة تغذية وسمعتها من دكتور كبد قال ان خل التفاح او الليمون على الريق غلط لانه بياثر على الكبد والكلى لانها احماض قوية ولما تتشرب على الريق ناذى الكبد والمعدة

كمان بالنسبة الانيميا او فقر دم زى ما قالت ملوكة فنجان عسل اسود عليه عصير ليمونة ويتشرب على الريق بيزود الحديد فى الجسم

شرب الكمون على ماء دافية مفيد للانتفاخ والغازات

شرب الشاى الاخضر غير انه بيحرق السعرات الحرارية كمان مفيد للقلب وبيحمى من السرطان

كتر بطاطس المقلية بيعمل دهون كتير خلى بالنا منها عشان زيادة الوزن

شرب قرفة قبل البريود لو تاخرت انها تنزل وحاسة بتعب منها القرفة حلوة للبريود تخليها تنزل

وقت البريود بلاش تاخدى اسبرين لانه اصلا بيعمل سيولة فى الدم حيزود البريود

لما تاخدى اى علاج بلاش شرب شاى ولا قهوة بعده عشان انهم منبهات بيضيعوا مفعول او بيقللوا مفعول العلاج خاصة المسكنات

التين والكنتالوب وشرب اللبن بارد على الريق حلو اوى لو عندك امساك وطبعا الجوافة بتعمل امساك يعنى بلاش منها لو عندك امساك لانها حتزود

التفاح حلو جدا لكل حاجة اولا فاكهة مش بتزود الوزن وكمان مفيدة للدم وتقلل الانيميا بس فيه ناس تقشر القشر بتاع التفاح وتاكل تفاح من غير قشرها مع ان الفايدة كلها موجودة فى القشر

طبعا العرايس او اللى اتجوزوا حيمروا بمرحلة الولادة موضوع كالسيوم مهم لانه بجد بيفرق فى صحتنا وبعدها صحة اولادنا لازم يوميا يبقى فى يومنا كالسيوم
كانت دكتورة تغذية كانت بتكلم وقالت ان كالسيوم ناخدة يوميا فى شكل بيض ولبن وزبادى وجبنة قريش قالت انك يوميا لازم تاخدى على الاقل حاجتين من دول يعنى بيض ولبن اساسى ومعه زبادى ومرة تكون جبنة قريش طبعا دول اصلا مش حيزود الوزن ثانيا تبنى جسمك بالكالسيوم وبعدها وقت الحمل حتستفيدى من كالسيوم ده انتى والبيبى

الكاتشب ومايونيز نبعد عنهم لانهم فعلا بيزودوا الوزن جدا من غير ا تحسى

ان شاء الله نكمل تانى باقى الكلام

[the 1st queen]

ميرسى يانودى ياقمر على ردك خلاص اوك انا هروح للى ف سان ستيفانو ده وشى عمرى ما استخسر فيه حاجه ولا ايه طيب رايك كده اعمل ميزانيه اد ايه للميكب اخد معايا كام كده انا هجيب الفاونديشن عشان بحط جوه البيت بس مش بحط بره ميكب الحمد لله وهجيب جلوسات وروج بصى انا عندى احمر كنت جيباه من فلومار تحفه بجد وعند كمان روز اجيب الوان ايه انا بشرتى فاتحه على فكره عاوزه اجرب الفوشيا والموف واجيب بنيات ولا ايه قوليله ايه الالوان اللى اجبها وهجيب ماسكرا اسود عشان عندى واحده زرقا من اوريفليم وهجيب كحل مع انه مش بيبقى حلو اوى بس التغيير مطلوب انا عندى كحل اخضر هجيب اسود وازرق اوك وهجيب ايه كمان ايه كمان اه ايشادو طبعا اجيب علبه على بعضها ولا كل واحد لوحده افضل وهجيب بلاشر اجيب روز واورانج وخوخى دول حلوين صح عاوزه غسول ومنظف مكياج ومعلش سوءال عابر ايه الديب لاينر ده يااوختى اه كمان الشاورات عندى سيلك ان كشمير ده بتاع اوريفليم وعندى برده كريم الجسم جيوردانى وكنت جيبه البرفيم بتاعه كمان وجبت كمان اتنين ماسك من اوريفليم عشان اول الجواز يبقى حاجه سريعه متخودش وقت جبت ماسك برتقال والطماطم وعاوزه ميه ورد طبعا وصن بلوك اللى قولتيلى عليه فوتو ديرم ناس جربته وقالتلى حلو فيه 75% حمايه ان شاء الله اجيبه وفرش ايشادو وبلاشر وزيت عطرى للشعر ده بقه لما احطه احطه على شعرى مباشره ولا احطه على الشامبو ولا ايه معلش طولت عليكى بس افتكرت كل ده قوليلى بقه اعمل ميزانيه كام وانا رايحه اجيب الحاجات دى

[هنودة هنانيدو]

ميرسى يانودى ياقمر على ردك خلاص اوك انا هروح للى ف سان ستيفانو ده وشى عمرى ما استخسر فيه حاجه ولا ايه طيب رايك كده اعمل ميزانيه اد ايه للميكب اخد معايا كام كده انا هجيب الفاونديشن عشان بحط جوه البيت بس مش بحط بره ميكب الحمد لله وهجيب جلوسات وروج بصى انا عندى احمر كنت جيباه من فلومار تحفه بجد وعند كمان روز اجيب الوان ايه انا بشرتى فاتحه على فكره عاوزه اجرب الفوشيا والموف واجيب بنيات ولا ايه قوليله ايه الالوان اللى اجبها وهجيب ماسكرا اسود عشان عندى واحده زرقا من اوريفليم وهجيب كحل مع انه مش بيبقى حلو اوى بس التغيير مطلوب انا عندى كحل اخضر هجيب اسود وازرق اوك وهجيب ايه كمان ايه كمان اه ايشادو طبعا اجيب علبه على بعضها ولا كل واحد لوحده افضل وهجيب بلاشر اجيب روز واورانج وخوخى دول حلوين صح عاوزه غسول ومنظف مكياج ومعلش سوءال عابر ايه الديب لاينر ده يااوختى اه كمان الشاورات عندى سيلك ان كشمير ده بتاع اوريفليم وعندى برده كريم الجسم جيوردانى وكنت جيبه البرفيم بتاعه كمان وجبت كمان اتنين ماسك من اوريفليم عشان اول الجواز يبقى حاجه سريعه متخودش وقت جبت ماسك برتقال والطماطم وعاوزه ميه ورد طبعا وصن بلوك اللى قولتيلى عليه فوتو ديرم ناس جربته وقالتلى حلو فيه 75% حمايه ان شاء الله اجيبه وفرش ايشادو وبلاشر وزيت عطرى للشعر ده بقه لما احطه احطه على شعرى مباشره ولا احطه على الشامبو ولا ايه معلش طولت عليكى بس افتكرت كل ده قوليلى بقه اعمل ميزانيه كام وانا رايحه اجيب الحاجات دى

ربنا معاكى يابنتى انتى عايزة البنك الاهلى ههههههههه ربنا يباركلك فى فلوسك وتلاقيها تجيبلك حاجات كتير

بصى حاقولك على اسعار حاجات وانتى شوفى كدا محتاجة كام
الفاوندشين اللى بقولك عليه بتاع بورجوا 120 جنية
هاتى روج الفوشيا والموفات انا جيبتهم وبشرتى عادية وطلعوا تحفة جامدين من فلورمار ب حاجة وعشرين ومن لونا 22
البنيات هاتى واحد او ممكن تجبيه جلوس وطبعا الروز والاحمنر اساسى
انتى ممكن تجيبى روجات وجلوس درجة افتح من الروج او اغمق عشان تغيرى فى درجة اللون مرة تغمقى مرة تفتحى وهكذا

ماسكرا اسود من ماكس قكتور كانت 85 ومن ريميل نفس السعر
اقلام كحل من بورجوا 45

الايشادو لو علبه مش حتلاقيها ماركة حتلاقيها حاجات الصينى والاماراتى لو تجيبى من نوع ده هاتى يبقى مكتوب عليه تاريخ الصلاحية
اما لو علبة صغيرة بيبقى فيها 4 الوان حتلاقيها من بورجوا 55
من فلورمار ابتداء من 35 لغاية 60

بلاشر ايوة كفاية 2 روز وخوخى لو ماركة رميل 35 جنية

غسول ومنظف ميكب من نيفيا حلوين الغسول 37 ج

ماء الورد رخيص حتلاقيه 7 جنيه
صن بلوك مش فاكرة سعره

ماء الورد رخيصة 7 جنيه او اقل
زيت عطرى للشعر تجبيه زى المسك او العنبر او الفواكة ويبقى من غير كحول يعنى زيت عطرى من غير اى اضافات وتحطى منه كام نقطة على ايدك وامسحى بيه كل شعرك من برا مش تقربى من الجذور مجرد مسح على الشعر

[سماح عزت]

حلو الكلام كلام جميل يانودىوالله وصحى وانا عن نفسى من عيوبى انى معنديش اى ثقافة غذائية هوالحمد لله مش باكل حاجة ضارة من الى انتى قولتى عليها عشان الوزن لكن فى حاجات كتير مفيدة مش بكلها ودايما بيزعئولى هنا فى البيتعشان كده مهملة لكن هبدا اهتم عشان مش يطلع عليه بعد كده..وكله كوم وشرب الميه كوم من بعد ما بدات اهتم زى مانصحتينا والواحد حاسس بتغير كبير الحمد لله فى بشرته وفى مشكلة السليوليت ... هو يانودة حبوب فيتامين eافضى الشريط كله على علبة كريم مثلا زى دوف ولا ايه ..لما اجى اشترى زيت اللوز المر اعرفه ازاى من الحلو معلش اصل العطارين هنا حالتهم صعبة بفكر اسيب البلد دى واجى سكندرية هو اكيد احسن عشان اشوفك ..بحبك يانودة والله وميويا وبينك وسارةوملوكة ودودو وشيماء وكل البنات عشان مش انسى حد وبسبوسة الى لسه فى المصيف ربنا يجيبها بالسلامة

[dodo412]

بصى ياهند دا شكل المبرد اللى اشتريته صورته مش ع ارفة ارجعه ولا اسيبه
حاسه انه مش بيعمل حاجة