ميرسى كتير ليكى ياهنودى على تمارين الارداف جزاكى الله خيرا عارفة يا نودى ان شاء الله لوربنا رزقنى ببنوتة بعد الجواز هسميها (هند) عشان خاطر عيونك ياجميل
|
للبحث في شبكة لكِ النسائية:
|
عضو نشيط
ميرسى كتير ليكى ياهنودى على تمارين الارداف جزاكى الله خيرا عارفة يا نودى ان شاء الله لوربنا رزقنى ببنوتة بعد الجواز هسميها (هند) عشان خاطر عيونك ياجميل
النجم الفضي
ميرسى يا هنوده عالموضوع الحلو اوى جزاكى الله خير
لو سمحتى ليا سؤال عن استعمال اللبن لتنظيف الوجه
يا ترى لما ادخل من شغلى استعمل اللبن على قطنه وامسح وجهى ولا اغسل بالصابون وبعدين انظف وجهى بعد كده باللبن
وكمان سؤال معلش ... انا بستعمل كريم حمايه نيفيا لانى بشتغل فى مكان حار وحاسه انى بشرتى بدات فى الاسمرار بسبب الحراره ودرجه الحمايه فيه 8 بس حاسه انى انى وجهى بيسمر بردو بس الكريم موحد لون بشرتى فهمانى
اعمل ايه عشان اقلل من الاسمرار بصى انا اساسا بشرتى فاتحه بس لما بسمر بحس انها مجهده وشكلها بيتغير ومبتبقاش كويسه
النجم الفضي
كتبت بواسطة بتوته كتكوته
ازيك يا كتكوتة ...؟؟
بالنسبة اللبن لو تستخدميه كمنظف بتحطيه على قطنة وتمسحى وشك وتسبيه دقسقة حينشق وتسلى وشك وممكن بعد ما ينشف تمسحى تانى وتغسليه وحطى ماء ورد يبقى غسول وتونيك الصابون حيجفف الوجه ووممكن تحيبى غسول ميلك من نيفيا حسب نوع بشرتك حتلاقى منه العادية والحساسة والمختلطة
كريم حماية من نيفيا 8 حيبقى قليل فى الحر والسخونية ممكن تجيبى درجة اعلى من كدا عشان تحمى بشرتك اكتر
ودل ماسكات لتخفيف الاسمرار وحرارة الشمس
ماسك النشا واللبن
ملعقة نشا + ملعقتين لبن يتحطوا على بعض وعلى الوجه لمدة ربع ساعة واغسلى وجهك وامسحى فى الاخر بماء ورد
قناع الزيادى مع الخيار
ملعقتين زبادى + خيارة تتهرس كويس بعد ما تقشرها ويتحط عليها الزبادى ويتحط على الوجه ربع ساعة ويتغسل بماء
النجم الفضي
انتى تامرى يا جميل
ربنا يخليكى يارب وتبقى ام هند انتى كلك ذوق ويارب يرزقك باطفال بنبن وبنات زى القمر
عضو
انا مش عارفه اقولك ايه بجد انت الكلام الحلو الى فى الدنيا قليل عليكى بجد تسلمى وربنا يوفقك فى حياتك مرسيى على التمارين يا احلى هنوده
النجم الفضي
نهاردة ايه رايكم نتكلم على حاجة حلوة للبشرة من مدة اتكلمت عنها بس بشكل سريع هى
"" كبسولات فيتامين E ""
انا جربتها من شهر وعجبتنى جدا وكذا مرة ابقى عايزة اقولكم عليها وانسى نهاردة قولت الحق نفسى قبل ما انسى ...
الاول كبسولات فيتامين E ايه فايدتها ؟؟؟
عن تجربة ترطيب حلو اوى للبشرة
تغذية قوية فعلا للبشرة
تقلل من التجاعيد مع الاستمرار والبقع والخطوط الرفيعة اللى تحت العين وحول الفم
تنفع للشفايف والعيون والوجه كله
مع الاستمرار تدى شكل طبيعى حلو للبشرة
طيب احنا بنجيب منين كبسولات ؟؟؟
حنلاقيها فى اى صيدلية تحت اسم كبسولاتت فيتامين E من انتاج شركات كتير منها مستورد منها محلى ومش شرط اسم الشركة مهم تكون كبسولات فيتامين E يعنى مثلا فى مصر فى من انتاج شركة فاركو وفيه شركة ميباكو وغيره طبعا
وفيه زيت فيتامين E بيجى فى شكل زجاجة بيكون سائل زى من بودى شوب
الاثنين نتيجة واحدة الكبسولات فيه منها 400 ومنها 1000 الفرق ان 400 حجم الكبسولة اصغر من 1000 بس كنتيجة وفايدة هما واحد مفيش فرق ...
الشريط بيبقى فيه 10 كبسولات يعنى علبة 20 كبسولة وحتلاقى بالعربى مكتوب على كبسولة فيتامين هـ
طيب بنفتحها ازاى ؟؟؟؟
تجيبى دبوس وتعملى فتحه فى كبسولة وتنزلى الزيت بتاعها منه
الزيت ايه طبيعته ؟؟
بيكون لزج تقيل شوية لونه بيبقى لون زيت فاتح ملهوش ريحة يعنى ريحته عاديية مش تتلاحظ
ايه اكتر وقت مناسب لاستخدامها ؟؟
بليل افضل وقت تنامى بيه والصبح تغسلى بشرتك اولا عشان بليل مسام الجلد بتكتص اكتر وتستفيد باى حاجة كمان عشان متغسليش وشك ويضيع مفعول الزيت
نيجى بقى استخدمات الكبسولة ؟؟؟
1 - تستخدم للشفايف يعنى تاخدى زيت كبسولة وتحطيها على كل شفايفك وتنامى بيها .. نتيجتها بجد شفايف بتبقى طرية ولو عليها تشققات بعد مرتين بتلاحظى الفرق وتطريها وتخلى لونها وردى مع التكرار وانا جربت فعلا كدا لانى وقت العملية كنت باخد قطرات كتيرة تعمل جفاف للبشرة والشفايف ولما حطيت كبسولة على شفايف فعلا تانى يوم بقيت اطرى بكتير
2 - تستخدم للعين بردو تاخدى سائل بتاعها وتحطى تحت العين كانك بتحطى زيت اللوز او اى ويت وتسبيه البشرة تتشربه بردو بيقلل الخطوط الرفيعة والهالات وتخلى البشرة تحت العين مشدودوة يعنى شكلها صحى
3 - تستخدم لكل الوجه انك تحطى الزيت على كل وجهك وعلى الخدود النتيجة ترطيب وتغذية وتحسى ان وشك منور
4 - ممكن يستخدم لكل الجسم بس يتحط الزيت فى كريمات مش عالطول على الجسم لان كبسولة صغيرة وحيبقى تقيل على بشرة الجسم لوخدة لازم يمتزج بكريمات
طيب ازاى نحطه فى كريمات تانية ؟؟؟؟
حاقولكم على تجاربى انا جربته فى ايه ... ممكن تحطيه مع كريم مرطب بتاعك سواء الوجه او الايد او الجسم بيدى مفعول اقوى للكريم يعنى حتى لو كريم بتاعك عادى تحطيلة كبسولات فبتامين بيخليه كريم مميز ومغذى
ممكن تحطيه على زيت اللوز المر وتستخدميه للهالات
مممكن تحطيه فى ماسكات وانا جربته على الزبادى وكان حلو اوى وعجبنى
ممكن تحطيه على عصي خيارة مع ماء ورد وتمسحى بيه وشك كل يوم مفيد للبشرة
ممكن تحطيه على لوشن بتاع جسمك وبعد الاستحمام تحطيه على كل جسم
او طبعا زى ما قولنا تستخدميه لوحدة ....
المهم الاستمرار يعنى مينفعش نجرب مرة واحدة ونقول عايزين نتيجة النتيجة بتشوفيها بنفسك مع الاستمرار انا فعلا جربته وعجبنى يكفى انه مفهوش اى اضرار وحاجة متوفرة وسعرها رخيص ومتعدد الاستخدام
كمان كنت سامعة من امينة شلباية انها بتفضلة دايما وتحب استخدامه وانه مفيد جدا
استخدامها يومى مفهوش اى مشكلة انا بستخدمه للهالات والشفايف يوم ويوم ومرة واحدة لما حطه على ماسك لوجهى وبضيفه على كريم الوجة والايد وبحطه على الركب كمان والاكواع
عيوبه ملهوش تقريبا اى عيوب غير انه بس لزج يعنى حاولى بعد ما تفتحى كبسولة تغسلى ايدك كويس لانه بيلزق يعنى متمسكيش حاجة بايدك عشان متلزقش وارمى دبوس اللى حتفتحى بيها كبسولة لانه حيبقى ملزق
اسعار الكبسولات فى مصر الشريط 400 فيه 20 كبسولة 10 جنيه وال 1000 فيه 20 كبسولة 20 جنيه وده المنتج المصرى المستورد اسعار مختلفة وطبعا حيبقى معدل اسعار فى بقية الدول متقاربة
لما تروحى الصيدلية حتقولى للصيدلى عايزة كبسولات فيتامين e حيديهالك ملهاش اسم تانى
ياريت لو انتوا كمان جربتهوا وقولنا عشان نستفيد .. طولت عليكم معلش
النجم الفضي
لا واضح ان موضوع الكبسولات دى جامد جدا
انتى شجعتينى اوىىىىىىىىىىى اجربها
وتسلمى ياجميل على المواضيع اللى كلها احلى من بعض
عضو نشيط
ربنا يبارك فيكى ياهنودى كلامك حلو ومفيد انتى كتير اوى بتقرئى افكارنا والله فى حاجات كتييييير ببقى عاوزة اسال عليها الائيكى سبحان الله كتبتى عنها ماشاء الله عليكى.,. على فكرة يانودى اسلوب الكتابة الجديد بتاعك عسل ورقيق ويفتح النفس على المعلومات
عضو نشيط
أنا جربتها فعلا مع الزبادى وعجبتنى جداا يا هنوودة
بس وقفتها دلوقتى عشان علاج الدكتور بس هانت كلها اسبوع وانطلق
من جديد ...بس كالعادة موضوع جميل جدااااا زى صحبته
يا رب دايما بالتوفيق
عضو نشيط
حاجة تانية يا قمر أنا عارفة انى بتعبك معايا
ايه رأيك فى منتجات شركة ايفون وبالذات أقلام الكحل
انا عارفة انى بستغلك وبتتعبك بس أصل اللى معاه كنز وميستغلوش
يبقى حرام عليه
أعضاء قرؤوا هذا الموضوع: 0
الروابط المفضلة