"عروسات المستقبل تعالوا اقولكم".. جزء ( 6 )

[هنودة هنانيدو]

مبارك هنودة علي الجزء الجديد بس ممكن سؤال بسيط انا عندي مسامات واسعة علي الخدود ممكن تعطيني كريم يساعد علي تصغير المسامات مع العلم اني استعملت ماء ورد وتلج مافيش فايدة وسمعت عن مجموعة بيور من لوريال انها حلوة لهالمشكلة تعرفي حاجة عن المجموعة هادي حلوة ولا لا قبل مانشريها وشكرا

ازيك يافيونكة ايه اخبارك ؟ بصى ياقمر مسام واسعة بجد احلى ماسك لها ماء ورد + نشاء فعلا بتقفل وتقلل المسام ؤس مع الاستمرار وكا اخصائية تجميل قالت عنها فى تلفزيون

بالنسبة لمجموعة بيور من لوريال سمعت عنها انها كويسة وبتجيب نتيجة خلوة للمسام هى عبارة عن جل مقشر وتونيك وكريم مرطب خفيف

[هنودة هنانيدو]

السلام عليكم يا قمرات عاملين ايه ؟؟

النهاردة ايه رايكم نتكلم عن الاسنان ورائحة الفم

تعالوا نبتدى برائحة الفم ؟؟

رائحة الفم لها سببين اما اسباب عضوية زى ::
التهاي اللثة
ان فيه اسنان او ضروس محتاجة علاج
التهاب اللوزتين والجيوب الانفية

لو عندك اى مشكلة من دول يبقى لازم الاول تتعالج لانك مهما استخدمتى وصفات وعلاج عشان تخلصى من رائحة الفم مش حتجيب نتيجة مادول السبب موجود

فيه اسباب تانية زى ::
وجود بقايا اكل فى الفم
اكل الثوم والبصل
عدم غسل الاسنان بالمعجون

الاسباب الاولى لازم تتعالج مع دكتور الاسنان لان اى وصفة حيبقى مفعولها مؤقت وتنتهى

الاسباب التانية علاجها
* نغسل الاسنان الصبح وبليل بالمعجون واختارى معجون كويس يكون بينظف ويبقى فيه مادة الفلوريد لانها مادة مسئولة عن التنظيف وازالة الريحة

* لما تاكى اى اكل فى ثوم وبصل كلى بعدة حاجة فيها مادة الكوروفيل ديه مادة بتمتص ريحة البصل والقثوم وتقللها ومادة ديه موجودة فى البقدونس والخس
عشان كدا بيقولك كلى بقدونش بعد البصل والثوم

* انك لما تاكلى اى حاجة خاصة حلويات اغسلى اسنانك بعدها وخاصة قبل النون عشان واحنا نايمين بقايا الاكل بتتخمر وتعمل بكتريا هى اللى بتعمل ريحة الكريها عشان كدا عالطول قبل ما ننام نغسل اسناننا بالتالى مش حيبقى فى باقايا اكل والصبح مش حيبقى فى ريحة كريهة

* بعد الاكل اللى يخلى ريحة الفم مش حلوة او الصبح لما تصحى وحاسة ان ريحة فمك مش حلوة فى اللبان اللى بالنعناع موجود فى الصدليات وبيبقى خالى من السكر ده ممكن تاخدى واحدة منه الصبح تغير ريحة فمك

* فيه كمان مضمضة بالنعناع موجودة فى الصدليات ممكن تبقى معاكى وقت ما تحسى ان ريحة فمك مش حلوة تستخدميها هى مفهاش اضرار لانها مضمضة بريحة نعناع تشيل بكتريا وتخلى ريحة الفم منعشة

* فيه سبراى معطر للفم بس انا مش عارفة اذا كان حلو ولا ليه اضرار لو حد يعرف عنه حاجة ممكن يقولنا

* اخر حاجة حاجات طبيعية زى ما قولنا البقدونش والنعناع والخس كلها حاجات بتقلل ريحة الفم وكمان التفاح من حاجات اللى بتخلى ريحة الفم حلوة

طيب نيجى الاسنان
مشكلة الاساسية ان اصفرار لون الاسنان

فيه 3 وصفات حلوين ومجربين عشان تخلصى من الاصفرار بس قبلهم لازم الاهتمام اصلا بالاسنان يعنى نغسل بالمعجون ومنسبش بقايا اكل فى الفم وبرجو شرب الشاى والقهوة الكتير بتزود الاصفرار

3 وصفات هما :::
* نحط عسل على فرشاة الاسنان ونحط عليها معجون مجرد طبقة بسيطة من العسل النحل ونغسل اسنان عادى بافرشاة وديه نعملها 3 مرات فى الاسبوع واول ما الصفرار يروح نخليها مرة واحدة

* نجيب توست ونحرقه ونطحنة يعنى نخلية زى رماد وناخده ونحط عليها عسل وندعك بيه اسنانا

* نجيب بيكربونات الصوديوم وندعك بيها الاسنان

انا مجربة اول طريقة وبجد تحفة مجرد اعمليها 3 مرات وشوفى النتيجة عالطول بياض وتلاقى الاسنان نظيفة جدا وكمان مفهاش اى ضرر وملهاش طعم وحش

وصفة بيكربونات سمعت دكتور بيقول بلاش نكتر منها عشان متاذيش طبقة الجير بتاعة الاسنان

بردو من حاجات المهمة اللى بتمنع ريحة الفم وتعالج اصفرار الاسنان السواك . سيدنا محمد دايما مان بيتسعمل السواك اكيد هو حاجة مفيدة جدا لنا ممكن نجيب السواك ونستخدمه فى نص اليوم زى تنظيف سريع للاسنان

يارب يكون موضوع مفيد ونكمل مع بعض ان شاء الله

[oum ahmad89]

حبيبتي انا جيت متأخرة جدا
بس قريت كل الروابط واستفد كثير منها يا قلبي
كلام رائع جدا
اسمعي وحبيت اسألك سؤال بالنسبه لكريم ليكوسيد
مش موجود في السعوديه ياليت يا حبيبتي تقولي شئ بديل
ونفس الغرض ياهنوده

[هنودة هنانيدو]

هنوده مرسيي على ردك ويسلم زوقك انا اقصد تعطير الجسم بعد الاستحمام ازاى بس ياريت الوصفه مش يكون فيها بودرة تلك عشان سمعت انو مش حلو وكنت عاوزه حل يا نودى لاهم مشكله عندى وهيا السيلولايت علما بان وزنى مناسب لطولى ومرسييى ليكى يا قمر.

تعطير الجسم يقمر لو عايزة رايحة ثابتة وقت اطول يبقى ممكن تجيبى
لوشن بريحة فاكهة او بالمسك او بالعنبر او اى ريحة وتحطيه على جسمك بعد ما تنشفى كويس ويكون معاكى برفيوم نفس الريحة وترشى على جسمك
فى بدو بادى سبلاش ده بيترش على الجسم وهو مبلول بينعم الجسم ويدى ريحة تحفة احلى بادى سبلاش من فيكتوريا سيكرت عندك انوع garden .. pure sedccion

ممكن بردو تعملى حاجة بسيطة فى البيت انك تجيبى بيبى اويل جونسون وتحطى عليه اى زيت عطرى تحبيه مثلا زيت المسك وتحطي البيى جونسون على جسمك وهو مبلول وتجيبى المسك وتحطيه على رقبتك وعلى ايدك وراء الركبة عشان دول اماكن النبض كدا تبقى ريحتك مسك وجسمك ناعم

نفس الكلام بس غيرى الزيت مثلا حطى زيت عطرى بريحة الفاكهة على اويل جونسون ومنه بردو على رقبتك وايديك من عند المرفق وراء ركبتك

طبعا انتى مش حابة البودرة تلك بس هى حلوة وملهاش اضرار وبردو طريقتها سهلة هاتى بودرة تلك معطرة بريحة برفيوم معين وهاتى البرفيوم بتاعها كدا تحطى بودرة على جسمك وتاخدى نعومة وترشى برفيوم على الجسم

بردو بيبقى فيه اطقم من شاور جل + لوشن + بادى سبلاش او برفيوم وكلهم بريحة واحدة

حتلاقى زى اورفيليم وايفون
وطبعا منتجات بودى شوب وفيكتوريا سيكرت

يارب اكون قدرت افيدك ياقمر

بالنسبة سليوليت انا بصراحة سمعت عن وصفات كتيرة بس معرفش اذا كانت بتجيب نتيجة ولا عامة حاشوفلك حاضر وصفة مجربة واجيبلك كلام اللى جربوها وكان فى كتاب بيتكلم عن سليوليت لو تحبى ابعتهولك

[lonleygirl]

[url=http://www.lakii.com/vb/smiles/index.php][/url
شكرا يااحلى نودى فى الدنيا بجد على النصايح دى والكتاب انا قريته بس دا بيتكلم عن طريقة اكل ونمت الحياه مش عارفه حسيته معقد كدا شويا مش عملى انى اطبق الكلام ده هو الى بعمله انى بلعب ايروبكس مش عارفه هجيب نتيجه ولا لا بس ربنا يخليكى يا قمر لو عرفتى حاجه بخصوص الموضوع ده قوليلى

[ملوكة 12]

هنووودة أزيك ....كلامك طبعا صح مفيش كلام
بس انا بقى عندى مشكلة انا بشرتى دهنية وكنت عايزة استخدم زيت اللوز
المر لانى سمعت كتير عن فوايده ومش عارفة أعمل ايه بقى ؟ يلا يا بروفيسور
هند قوليلى اعمل ايه
كمان النهاردة انا سمعت من خبيرة تجميل النهاردة ان الواحد الصبح مفيد جدااا
انا يستخدم قطنة وماء ورد ويمسح منطقة العين بما فيها الجفن لان كده بتزود
من نضارة الجلد ..طب انا بردو وشى بيلتهب من ماء الورد أعمل ايه؟؟؟ عشان كده بردو
يا هنوودة لو فيها تعب قوليلى على اى تونر بديل لماء الورد واسفة على التعب

سموحة انتى فين؟؟؟ اول مرة أدخل ومش ألاقيكى منورة الموضوع بردك..يا رب
تكونى بخير

[pink_heart]

موضوعك النهاردة حلو جدا يا نودة
وسهله اوى اول وصفه حجربها ان شاء الله

[dodo412]

حبيت افيدكم بخصوص الاسنان بعد ازنك يا هنودة
انا بروح كل سنة للدكتور لازم يتعمل تنضيف للاسنان من الجير
لانه من اهم اسباب الروائح وبيكون سهل جدااا
وعملت من 3 سنين تبيض للاسنان والنهاردة دكتورة بتتكلم فى التلفزيون
بتقول انه مش بياخد من طبقات المينا ولا اى حاجة ومفيد جدا وبيعمل لمعان للاسنان
بعد كدا الدكتور وصفلى معجون رووووعة بجد بستخدمه ريحته نعناع وماما واخويا بيستخدموه معايا وهو مبيض يومى على فكرة اسمه EZ-CAREبجد حلو جدا وب12 جنيه بس يابنات
نصيحة جربوه بيعمل لمعة جناااااان

[هنودة هنانيدو]

حبيبتى نودى وكل البنات .. والله ميرسى خالص ليكوا كلكوا ويارب افرح بيكوا قريب
اللى مش مخطوبة تتخطب
والمخطوبه تتجوز
والمتجوزه ربنا يرزقها بالذريه الصالحه
واللى عندها اولاد تفرح بيهم يارب
ميرسى ليكى يانودى ع النصايح وفعلا متاخدش وقت خالص ..انا هستبدل حمام الزيت ب حمام الكريم لان شعرى بيجى اكتر مع الكريمات اما الزيوت ف بحس انو مغصوب عليها مش بمزاجه يعنى هههههه
اما حكاية البيبى ليس و البراون .. خلاص بقا دا كان من يجى شهرين كدا وكنت اشتريت فعلا البيبى ليس
ربنايسهل ويستر بقا ف الموضوع دا
وسوررىانى اتاخرت عليكى .. اصلىاليومين اللى فاتوا دول كنت بحجز الاستوديو والفستان والكوافير وبجيب الحاجات اللى الكوافير طالبها ..عقبالك ياقمر
سماح..رحتى فين يارب يكون المانع خير

سوليتر عروستنا الجميلة ايه اخبارك ؟؟؟يارب تكون الامور جميلة وتخلصى كل حاجاتك لو محتاجة اى مساعدة اصحابك هنا موجودين

سموحة مش عارفة هى فين يارب تطمنا عليها وحشتنى كتير

جزاكي الله خيرا يانودي ياحبيبتي
ربنا يباركلي فيكي يارب ومايحرمني منك
ويجعلك اجمل عروسو في عيون جوزو

تسلمى ياميويا ياقمراية انتى تامرى

[هنودة هنانيدو]

[url=http://www.lakii.com/vb/smiles/index.php][/url
شكرا يااحلى نودى فى الدنيا بجد على النصايح دى والكتاب انا قريته بس دا بيتكلم عن طريقة اكل ونمت الحياه مش عارفه حسيته معقد كدا شويا مش عملى انى اطبق الكلام ده هو الى بعمله انى بلعب ايروبكس مش عارفه هجيب نتيجه ولا لا بس ربنا يخليكى يا قمر لو عرفتى حاجه بخصوص الموضوع ده قوليلى

ايوة ياقمر الايروبكس طبعا بيجيب نتيجة بصى انا كنت شايفة هنا بنوتة كاتبة انها كان عندها سليوليت على رجلها وبقيت بتلف الرجل بورق نايلون الشفاف اللى بتاع الاكل وتتحرك وتلعب ايروبكس وبعد كدا تشيل النايلون بيكون فيه عرق كتير وتفرك بالليفة وفضلت كل يوم لمدة شهر بتعمل كدا لغاية ما سلسوليت انتهى

بردو سمعت دكتور بيقول شرب ماء كتير مهم جدا للسيلوليت