كتبت بواسطة
so0oma_the cat
الحمد لله ياقمر انتى اللى عامله ايه لا مافيش اصلى بشتغل فكده يعنى
بس اكيد مااقدرش مادخلش نودا بقت جزء لايتجزء من حياتى
ميرسى يا نودا ياقمر ع ردك ع اسالتى بصى ياجميل لا مش خطوط بيضاء دى زى كده بحس ان جلد رجلى مكشش عامل خطوط فهمتى
طبعا قبل كل حاجه الموضوع جامد وف وقته بصى انا اول مره اعرف منك ع اويل فرى دى انها فى الميكب طيب بصى يانودا انا كنت بستخدم بودر مائى ووقفته لما عرفت انه غلط ع البشره فاستخدمت كريم اساس بس انا بشرتى دهنيه وكان برده بيسيح ويعمل ملمس دهنى
استخدمت برده بودر مضغوط بس بمجرد اشوف الشمس كان بيسيح ممكن يانودا تقوليلى ماركه كويسه وسعرها ايه ومنين ؟ وبصى انا اسمع انا كريمات التفتيح دى وحشه طيب انا سمعت ان اولاى ده حلو وبيخلى لون البشره موحد ومشباين فى ميكب وانا مش بحب احط ميكب اوفر بحب وشى يبان طبيعى ايه الفرق بين اولاى كريم التفتيح واولاى التانى وبصى انا مش بحب الروج بصى انا بجيب قلم اى شادو نبيتى بحطه فى شفايفى ع خفيف بيدى لون طبيعى اوووى كانه هو اللى كده ايه ر ايك غلط ده ولا ايه ؟ وع فكره انا جبت ماسكارا من ايفون كانت غاليه ووحشه اخر حاجه بجد واوك ميرسى ع نيتروجينا هجيبه بس قوليلى ايه درجه الحمايه ؟ ومعلش يانوده انى بطول باسالتى
سوما الامورة ربنا يقويكى بس اوعى تنشغلى عنا
بالنسبة خطوط رجلك هى نتيجة قلة ترطيب عشان كدا بتبقى منكمشة يوميا زى شطورة ترطيب حطى كمان زيوت طبيعية زى اللوز المر لانه بيطرى ويشد الجلد وكمان مش دهنى مش حيسيب اثار على اللبس وبيمتص بسرعة او كريم زى جليوسليد ممكن تخففيه بزيت اللوز وكل يوم حطى على رجلك لغاية ما تلاقيها رجعت عادية
كريم الاساس لازم تجبيه اوبل فرى ده مخصص لبلبشرة الدهنية جتلاقى منه فى ماركة بورجوا حلو وخفيف على البشرة هو سعره فوق 100 كان فى نوع تانى كنت جايباه من بورجوا كان 120 اعتقد حيبقى قريب من السعر
كومبكت باودر بالعكس مناسبة للبشرة الدهنية عشان تمتص الدهون لو عايزة حاجة تحفة من ديور ومن فوراير لو عايزة حاجة متوسطة السعر من بورجوا وريميل وبردو حلوة وخفيفة جدا على البشرة
اولاى فى منه كريم تفتيح ده مش حلو سواء اى ماركة كريم تبيض مش كويس
وفى اولاى المرطب زى التوب البرى او توتال افكتس ده عادى زى اى كريم مرطب وبيبقى حلو
وفى اولاى اللى بيبقى فيه نسبة من كريم الاساس وده اللى قصدك عليه بيتحط على الوجه ويخلى شكلك طبيعى لان فى نسبة كريم اساس ويبقى اللون موحد وطبيعى هو مش مضر بس اكيد مش عالطول تستخدميه يعنى خليه فى اوقات معينة
انتى ممكن مكان قلم الايشادو استخدمى قلم تحديد الشفايف او الجلوس حيبقى احلى اصل كل حاجة مناسبة لمكانها يعنى الايشادو اكيد مكوناته مناسبة للجفون مش للشفايف وهكذا
ماسكرا ايفون وعامة ميكب من ايفون مش حلوة خالص فى بنات بتحبها
درجة حماية لو بشرتك عادية يعنى مش بتغمق يشرعة فى الشمس درجة 45 حلوة يعنى متوسطة لو بشرتك بتتعب بسرعة وتغمق من الشمس خدى درجة اعلى منها
) انا رجعت من السعودية ودعيت لكم كلكم هناك والله
الروابط المفضلة