انا جربته اسبوع بس معملتش تانى مش عارفة ليهكتبت بواسطة سماح عزت
كل يوم اقول احط وانسى حاحاول اركز معه واعمل تانى
|
للبحث في شبكة لكِ النسائية:
|
النجم الفضي
انا جربته اسبوع بس معملتش تانى مش عارفة ليه
كل يوم اقول احط وانسى حاحاول اركز معه واعمل تانى
النجم الفضي
كويس ياقمر وندر لاش حلوة وان شاء الله تبقى خبيرة ميكب
النجم الفضي
مبرووووووووووووك مرمر حمد لله على سلامتك يا عروسة
مبسوطة كتير انك افتكرتينا وميرسى ياقمر على كلامك الجميل
ويالالا كل ما تيجى عند ماما ادخلى كلمينا وطمنينين عليكى
سوليتر كمان العروسة القادمة ان شاء الله لازم تسفيد منك
النجم الفضي
اولا مكياجك رقيق خالص يادودو وجميل جدا
كريم الاساس انا كمان مش بحبه اوى هو مفروض اصلا مخصص للخروج والسهرات وكدا يعنى صعب تبقى فى البيت وتحطى منه كل يوم
والماسكر الشفافة ايوة ياقمر موجودة منها فى كل ماركات تدى تطويل للرموش من غير لون
النجم الفضي
هههههههههه نجدتك تحت امرك يا ميويا
ازيك يا شيماء ايه اخبارك يارب تكونى بخير
النجم الفضي
ازيك ياقمراية ؟؟؟ميرسي يا ميويا يا حبيبتى انا على فكره افتكرتك هناك بالاسم
كنت عاوزه اسأل هنووده على حاجه وطبعا لو اى بنت حبت ترد عليا يبقى كتر خيرها
انا شفت اعلان فى منتدى عن واحده بتبيع منتج اسمه الحلاوه السحريه وبتقول انها من غير الم خالص وحاجات كتير كده فياريت لو حد جربها يفيدنا لانها لو فعلا من غير الم تبقى حاجه حلوه اوى وتحللنا اكبر مشكله بتواجهنا فى حياتناهى عليه نص كيلو ب 59 ج تقريبا او حاجه كده مش فاكره السعر بالظبط
ايوة انا سمعت عنها وكذا حد فى المنتدى هنا ومنتديات تانية تبعها بس هى بتعمل طبعا الم هى بتقلل الشعر مش بتقلل الالم يعنى اللى فهمته منهم انها بتقلل الشعر اما تقليل الالم اول مرة اعرفها بس ازاى حتقلل الالم ؟؟؟
ياريت لو حد سمع عنها او جربها يقولنا وعلى فكرة هى بتقلل الشعر عشان من مكوناتها نبات السعد مطحون
النجم الفضي
ازيك ياسموحة بناضل مع الحر ادعيلى
معلش ياقمرى دخلت الصبح على احكى ياشهرزاد ونزلت ورجعت متاخر ودخلت اهو بسرعة على الموضوع مبسوطة منى كدا ؟؟
النجم الفضي
السلام عليكم
عاملين ايه يا بنات واخبار العرايس ايه ؟؟؟
نهاردة ايه رايكم نتكلم على "" الزيوت العطرية """
الزيوت العطرية من الحاجات كلنا بنحبها بس اوقات بنتلخبط ومش عارفين نستخدمها ازى
تعالوا الاول نعرف ايه هى الزيوت العطرية ؟؟؟
هى من اسمها زيت يعنى حاجة سائلة زيتيه مفهاش اى كحول عكس البرفيوم اللى بيبقى فيها نسبة كحل اما الزيوت العطرية خالية من كحول بتبقى مركزة مفهاش اى مواد تانية مضافة عليها
انواع الزيوت العطرية
الانواع كتيرة منها زيوت عطرية برائحة المسك والعنبر والياسين والفل
ومنها رئحة الفواكه زى الفروالة والخوخ والتفاح
ومنها رائحة الاعشاب زى كاموميل والقرنفل والنعناع والورد والبرتقال والافندر
استخدامتها
متنوعة يعنى اما للتجميل واما للاسترخاء وعلاج الالام والتوتر
نجيبها منين الزيوت العطرية ؟؟؟
بنلاقيها فى محلات العطور وتكون محلات واثقين فيها عشان تكون اصلية ومش مخلوطة
ااستخدامتها للتجميل ::
بتستخدم لكل البشرة بس بنبعد عن منطقة العين ومناطق الحساسة يعنى مينفعش تتحط عند المنطقة الحساسة ولا العين
1 - ممكن نستخدمها زى اضافة على اللوشن او اويل بيبى جونسون عشان نخليها بريحة معينة
مثلا لو عندك لوشن وعايزة تخلى ريحته مختلفة وتسيدى بريحة حلوة وترطيب بتضيفى عليه زيت عطرى وزى ما تحبى مممكن بالمسك او بالفواكه او بالافندر حسب انتى ما بتحبى ونفس الكلام تضقيه على اويل بيبى جونسون بيطلع حلو جدا
انا جربت اضافة زيت الورد والمسك وطلع جميل جدا
2 - ممكن كمان تحطيه على كريم عندك للجسم وتختارى الريحة اللى تحبيها وتدهنى بيه كل الجسم بيفضل ريحة حلوة على جسمك وكمان ترطيب
3 - ممكن تعملى طقم كامل من شاور ولوشن وكريم للجسم من رائحة واحدة يعنى اختارى زيت عطرى مثلا بريحة الياسمين وضفيه على شاور جيل وعلى الوشن او كريم الجسم كدا لما تاخدى شاور حتتسخدمى الشاور واللوشن والكريم بنفس الريحة كدا تثبت اكتر فى جسمك
4 - كمان ممكن تحطي الزيوت عطرية زى نقط بسيطة على رقبتك وعلى ايدك من عند المرفق ومن على الركبة من وراء كدا حتلاقى ريحتك حلوة وخفيفة لان الاماكن ديه اكتر اماكن بتحتفظ بالعطور وريحتها وتخليها ثابتة فى الجسم
5 - للشعر :: اوقات كتير بنبقى عايزين نخلى ريحة الشعر حلوة وخاصة لو مستخدمين ماسك وطبعا فى اسبراى للشعر وبرفيوم للشعر بس ديه اكيد مش مفيدة لان فيها كحول وده غلط على الشعر
ممكن نستخدم زيوت عطرية على الشعر زى المسك بيخلى ريحة الشعر تحفة او الفواكه او اى ريحة تحبيها تحطى منها نقط بسيطة على ايدك وتمسحى بيها على الشعر بس مش على فروة الراس فقط على الشعر من برا حتلاقى ان ريحة شعرك بقيت حلوة كمان ديه زيوت بتدى ملمس ناعم للشعر
الزيوت العطرية والاسترخاء
الحمامات العطرية من حاجات اللى بنحبها جدا وكمان بتستفيدى منها لبشرتك بتبقى انعم ومنتعشة وكمان بتعمل حالة استرخاء لجسمك ولذهنك
يعنى حتى تلاقوا دكاترة كتير يقولوا لما تكونى متعصبة استرخى ى حمام عطرى
طريقته بسيطة بتملى بانيو ماء دافية وتحطى فيه زيت عطرى وتسترخى فيه لمدة نص ساعة بتبقى مرتاحة واى توتر بيقل وكمان البشرة الماء مع الزيت العطرى بيخليها لينة وناعمة
من الزيوت اللى تبقى مناسبة للحمام العطرى
زيت الافندر من الزيوت اللى تهدى الجسم جدا وحتى بيستخدم للاطفال قبل النوم وبيدى نعومة حلوة جدا "" عشان كدا بنلاقى اويل بيبى جونسون بالافندر "
زيت الكاموميل من الزيوت اللى بتنعم الجسم وتعمل الة هدوء وكمان ريحته حلوة جدا
زيت النعناع معروف طبعا ان ريحة النعناع منعشة كمان مهدى وبينفع لو بشرتك جافة
طبعا فى زيوت تانية كتيرة بس دول اكتر زيوت حلوة فى الحمام العطرى
فى كمان فى مراكز التجميل تلاقيهم بيعملوا للعروسة حمام عطرى قبل فرحها بيوم بيكون بالورد يعى بيجيوا ورد طبيعى ويطحنوه ويجيبوا زيت عطرى بريحة الورد ويتحط كله فى بانيو وتسترخى العروسة فى لمدة ساعة بيفضل ريحة جسمها ورد
انتى ممكن تعمليه عندك فى البيت
الزيوت العطرية نستخدمها زى مساج للجسم وبتقى حلوة للزوجين ان زوجك يعملك مساج او العكس انتى تعملى مساج لزوجك وطبعا الزيوت العطرية مفيدة عشان بتنعم الجسم وكمان بتعمل حالة هدوء للحسم وريحتها حلوة
وديه وصفة لمساج من الزيوت العطرية من خبير تجميل
يخلط زيت الجوجوبا مع زيت اللوز في برطمان زجاجي نظيف مع إضافة التالي بنفس الترتيب:
5 قطرات من زيت الصندل
3 قطرات من زيت الزنجبيل
7 قطرات من زيت نبات المرمية
15 قطرة من زيت الورد العطري
وتخلط المكونات جيداً ، ثم يدلك بها الجسم ، وبعد التدليك بخليط الزيوت الرائع ستجدين في النهاية بشرتك منتعشة وجميلة .
الزيوت موجودة كلها عند محلات العطور او العطارين الكبار زى فى مصر حراز وماضى وغيرهم
كمان فى زيوت عطرية من بودى شوب حلوة جدا
كمان فى ناس بعمل شموع عطرية بتبقى من زيوت عطرية وانتى ممكن تعملى حاجة بسيطة فى البيت انك تجيبى اناء زجاجى وتحطى ماء فيه وتكون سخنة شوية وحطى فيها زيت عطرى وجيبى ورد مجفف وحطى عليه نفس الزيت العطرى وحطيه فى الاناء وعليه شموع .. ممكن تستخدميه فى عشاء رومانسى مع زوجك او شكل حلو للبيت وممكن تقدمية كمان هدية
جربوها كدا وشوفوا حتعجبكم ولا بس انا فعلا جربتهم وعجبونى جدا
يارب يكون موضوع عجبكم
آخر مرة عدل بواسطة هنودة هنانيدو : 16-07-2009 في 05:07 PM
عضو نشيط
فعلا سمعت قبل كدا عن الزيوت العطريه دى ونها ممكن تتحط ف البانيو وتعمل استرخاء كااااااااامل للجسم ..وحتى بتبقى حلوه كدا للزوجين ( بلاش اوضح اكتر ) ..
وكنت ناويه بصراحه اجيب ..بس رجعت قلت بلاش دلوقتى لانى مش عاوزه اخلص كل افكارى ف اول الجواز .. خليها بعدين عشان الواحده كل شويه تعمل حاجه وتبقى مفاجأه
بدل ما اخلص كل اللى ف دماغى دلوقتى واجى بعد كام شهر اقول انا عاوزه اعمل حاجه جديده بس مش عارفه ايه هى
صح كدا يا نودى ولا تؤتؤ ؟
ميرسى ليكى كتير يا نودى ع المعومه ..ومنتظراااااكى بفارغ الصبر
النجم البرونزي
جزاكم الله خيرا كثيراميرسي يا ميويا يا حبيبتى انا على فكره افتكرتك هناك بالاسم
كنت عاوزه اسأل هنووده على حاجه وطبعا لو اى بنت حبت ترد عليا يبقى كتر خيرها
انا شفت اعلان فى منتدى عن واحده بتبيع منتج اسمه الحلاوه السحريه وبتقول انها من غير الم خالص وحاجات كتير كده فياريت لو حد جربها يفيدنا لانها لو فعلا من غير الم تبقى حاجه حلوه اوى وتحللنا اكبر مشكله بتواجهنا فى حياتنا
بجد والله فرحتيني جداااااااااااااااااااااااااااا
ربنا يبارك فيكي يارب ويفرحك زي ما فرحتيني
ع فكرة انا اول مرة اسمع عن السويت دي؟؟؟
ياريت الاخوات يفيدونا
أعضاء قرؤوا هذا الموضوع: 0
الروابط المفضلة