"عروسات المستقبل تعالوا اقولكم".. جزء ( 6 )

[هنودة هنانيدو]

ازيكوا يابنات وحشتونى هنودةو سموحه وميويا وملوكه وسوليتير وسوما وسارة ودودو ولونلى جيرل وكوووووووول البنات
وتسلمى سموحه ياقمررررررررررر على سؤالك يارب ماتحرم منه
والف حمد لله على سلامتك ياهبه فكرتينى باحلى ايام عيشتها انا عملت عمرة من سنتين وبجد احلى احساس فى الدنيا ربنا يكرم كل المسلمين بالاحساس الجميل ده وربنايتقبل منك وعقبال الحج ان شاء الله
والف مبرووووووووووووووووووك لمرمر على الزواج ربنا يكرمك بالذريه الصالحه وعقبال كل البنات

هنودة طبعا كالعاده اتكلمتى عن الميكب باسلوب حلو جدا زى ماعودتينا وبجد استفدت منك
وموضوع الزيوت العطريه تحفه تسلم ايديكى على المعلومات الرائعه دى ياقمر

بينك الجميلة عاملة ايه ؟؟ الحمد لله ان موضوع عجبك ياقمر

[هنودة هنانيدو]

ازيك يانودى وحشتووووونى كنت مشغولة فى فرح
بنت خالتى ورجعت خلاص
بس لفت نظرى الاسعار دى ياهند فى المنصورة من 40 اقل حاجة لحد 100 ولبس الخروج علشان اكمل طقم مش اقل من 300 عارفة انه اسعار المنصورة اعلى اسعار صعبان عليا نفسى هههههههههههههههههههههههه

بتكلم ياقمر على اللبس البيتى مش الخروج وفى طبعا اغلى من كدا بس ده رينج اسعار حتلاقيه فى محلات اللى فى سموحة عشان مخصصين للبس البيتى

[هنودة هنانيدو]

صباح الخير عليكو ياقمرات , هنود وحشتينا موت

انتى كمان يا لولى وحشتينى كتيير انا حادلعك بلولى لانى مش عارفة اسمك

هنوده حبيبتى واحشتينى
ازيكم يا بنات سماح و سوليتير (الف مبروك) و سوما و doda ,lonely girl
حلو اوى يا نوده موضوع الزيوت العطرية لانها فعلا احلى كتير من العطور اللى بيكون فيها كحول و احيانا بتعمل سواد عجبتنى اوى حكاية البانيو اللى بالعطور (يا عينى ع الدلع)
و كمان حلوة فكرة سوليتير بان فى حاجات تتأجل لحين ظهور الملل عشان فعلا احنا كلنا عندنا افكار كتير و عايزين ننفذها كلها مرة واحدة
تحياتى و استمرى يا مس

ساسو فينك وحشتينى كتير
حكاية البانيو حلوة فعلا
وفعلا محتاجين ناجل شوية افكارنا احنا فى الاول حيبقى الوضع جديد
بعد شوية لما نحس بالممل نبتدى نطلع افكارنا

[هنودة هنانيدو]

ازيكم ياقمرات عاملين ايه فى الصيف ؟؟
طبعا الصيف والعصاير والايس كريم والفسح والاكل .. ونلاقى الوزن زاد وعندنا ارادف وبطن وغيره

مش عايزة ازعلكم هههههههه بس ديه حقيقة
نهاردة مش حنتكلم عن تمارين ولا مشى
عشان اكيد بنات كتير حتقول مشغولة والجو حر ومش قادرة انزل امشى وهم عندهم حق
وطبعا الشغل بياخد باقى الوقت والتعب والارهاق واللى بتجهز لجوازها
بس احنا اتفقنا اننا واحنا بنجهز لجوازنا مش ننسى نفسنا واهتمامنا ورشاقتنا

عشان مطولش عليكم فى حاجتين ممكن نعملها يوميا والاثنين يعتبروا رفاهية
يعنى مش تمارين ولا زهق ولا خنقة

تط الحبل
الرقــص

اشمعنى نط الحبل والرقص ؟؟؟

اول حاجة الاثنين سهلين جدا وكمان متعودين عليعن ويعتبروا نوع من اللعب
بس اشمعنى هما ؟؟

نط الحبل :: بيشد عضلات البطن والذراعين والرجل والظهر وبيحرق دهون ويشد الجسم

الرقص :: بيحرق دهون الارداف والفخذين ويخلى الخصر بجد حلو جدا

ميزة التمرين ؟؟
ان نط الحيل والرقص بيعمل فرحة يعنى مش حتحسى انك متضايقة وبتعملى مجهود لا بالعكس حتحسى انك بتدلعى نفسك ومش بياخد وقت وبتبقى فى اوضتك مش محتاجة تنزلى ولا تروحى

نط الحبل :: محتاج 5 دقايق فى اليوم وبعد ما تتعودى عليه خليها 10 دقايق
كل ما تحسى انك تعبتى ريحى كام ثانية وابتدى تانى
لما تيجى تنطى الحبل بلاش تثنى ركبتك لا انزلى على الارض بباطن رجلك يعنى خلى باطن رجلك تلمس الارض يعنى نطى وانتى واقفة وشادة جسمك
وخلى طول الحبل مناسب لطولك يعنى ولا طويل يوقعك ولاقصير لو مش عندك حبل المخصص لنط الحبل هاتى حبل غسيل مفيش بقى اسهل من كدا

الرقص :: نص ساعة كل يوم مش لازم تكونى بتعرفى ترقصى الهدف انك تحركى جسمك ولما تتعبى ريحى دقيقة وكملى ..حتلاقى نفسك مبسوطة كمان البنات اللى مش بتعرف ترقص حتلاقى نفسها مع التكرار حتعرف
طبعا اللى مش عايز يسمع موسيقى يقدر ينزل من على النت حاجات من عير موسيقى زى الدف وغيره

يبقى كدا انتى يوميا 5 او 10 دقايق نط حبل
تص ساعة رقص

يبقى انتى كدا بتعملى تمرين وتنزلى الوزن وتشدى جسمك

على فكرة نط الحبل كذا دكتور كان بينصح بيها وقال انها فعلا بتنزل الوزن جدا
والرقص بردو حتى كانت دكتورة منى الاسبوع اللى فات على الحياة قالت ان الرقص بينزل الوزن والارداف وبيخلى الخصر حلو

وانا بعمل سيرش على النت لقيت ان الاجانب بقوا بيعملوا تمارين الرقص الشرقى فى الجيم عشان تنزيل الوزن ورياضة نط الحبل

الميزة انها مش حتاخد وقت مننا كمان مناسبة للعرايس اللى بيجهزوا لجوازهم ومش عندهم وقت زى سوليتير يوميا قبل ما تنامى اعمليها

ايه رايكم كمان نشجع بعض ونعملها مع بعض اننا كل يوم نعمل التمرينين
انا ابتديت بقالى 3 ايام ومبسوطة جدا تحبوا نشجع بعض ونعملها سوا عشان لو حد مننا كسل الباقى يفكره واخر الاسبوع نشوف التزمنا ولا لا واللى يلاقى نتيجة يقول عشان باقى البنات تتشجع

هدف كمان يابنات ان المتزوجات واللى عندهم اطفال يتشجعوا ويعملوا ويستمروا عليه يوميا ان شاء الله نلاقى نتيجة حلوة بدل ما نقعد ومنعملش حاجة خالص والوزن يزيد ونجرى وراء الوصفات

ملحوظة ::: اللى لاقدر الله عنده الضط او القلب نط الحبل مش حيبقى مناسب ليه او يسال الدكتور الاول قبل ما تجرب
كمان بلاش نط الحبل والرقص فى ايام البريود لان كتر الحركة والتنطيط ممكن تزود البريود

يالالا شدوا عزيمتكم بلاش نكسل فى كل حاجة مفيش ابسط من كدا انا ولا قولت مشى ولا سير كهربائى ولا غيره

يالالا مستنية ارائكم

[lonleygirl]

نودى حبيبتى الحمد لله انك بخير ايه الغيبه دى مفتقدينك يا قمر وبعدين دلعينى بالاسم الى تحبيه وانا اطول
انا ان شاء الله هطبق التمارين دى من بكره ان شاء الله وهقولك على التطورات
وسلامى كتير لكل اخواتنا فى هذا الركن دودو وسموحه وميوياو بينك ومرمر العروسه وسوليتر عروستنا وكل الاخوات

[solitair_sam]

ميويا / so0oma_the cat / princess_sarah / lonleygirl

بجد ميرسى خالص ليكوا ..وعقبال اللى مش مخطوبه تتخطب واللى مخطوبه تتجوز واللى تتجوز ربنا يبارك لها ف زواجها وتعيش حياة سعيده..


نودى .. انا بقا الرقص دا اختك فيه ميييييييييييح ع الاخر .. والمصيبه ان الاستاذ بيلمح لى ع الحكايه دى هههههه .. اعمل ايه يانودى !!!!!!!!!!!!!!
صحابى بيجوا عندى ويقعدوا يعلموا فيا بس تقولى ايه ( طووووووووووووووووووووووووبه ) قاعده بتتفرج ولا بتعرف تحرك ايديها حتى هههه

[هنودة هنانيدو]

نودى حبيبتى الحمد لله انك بخير ايه الغيبه دى مفتقدينك يا قمر وبعدين دلعينى بالاسم الى تحبيه وانا اطول
انا ان شاء الله هطبق التمارين دى من بكره ان شاء الله وهقولك على التطورات
وسلامى كتير لكل اخواتنا فى هذا الركن دودو وسموحه وميوياو بينك ومرمر العروسه وسوليتر عروستنا وكل الاخوات

اوك يالولى نعمل تمارين سوا انا عملتها وانبسطت حسيت انها ماخدتش وقت
كمان تنفع لما برجع من الشغل بليل كدا العب شوية قبل البوم

[هنودة هنانيدو]

ميويا / so0oma_the cat / princess_sarah / lonleygirl

بجد ميرسى خالص ليكوا ..وعقبال اللى مش مخطوبه تتخطب واللى مخطوبه تتجوز واللى تتجوز ربنا يبارك لها ف زواجها وتعيش حياة سعيده..


نودى .. انا بقا الرقص دا اختك فيه ميييييييييييح ع الاخر .. والمصيبه ان الاستاذ بيلمح لى ع الحكايه دى هههههه .. اعمل ايه يانودى !!!!!!!!!!!!!!
صحابى بيجوا عندى ويقعدوا يعلموا فيا بس تقولى ايه ( طووووووووووووووووووووووووبه ) قاعده بتتفرج ولا بتعرف تحرك ايديها حتى هههه

يابنتى كتير مننا مش بيعق بس مع الحركة بتلاقى نفسك حتعرفى شوية شوية حتبقى استاذة
بس فعلا لما بتتحركى جسمك بيبتدى يعمل حركات وتفتكرى اى حركة تلاقى نفسك بتعمليها اللى خلى الاجانب بيعرفوا يرقصوا
كمان على يوتيوب حتلاقى دروس كتير عن belly dancing

[pink_heart]

حلو اوى الموضوع ده يانودة والرقص غير انه بيحرق دهون بحس انه بيطلع الطاقه السلبيه يعنى انا ما ببقى مخنوقه اوى بقعد ارقص بحس بعدها انى هديت شويه بس اوعوا تضحكوا عليا
بس انا كبيرى ارقص قدام اختى لانى من كتر مابتكسف ارقص قدام حد بجد مبعرفش ارقص قدام حد يعنى المناسبات بتاعت صحابى او قرايبى وبيبقى كل اللى قاعدين بنات بس بردو استحاله
مش عارفه بقى الحكايه دى ممكن تعملى مشكله فى المستقبل ولا ايه فاهمانى طبعا يانوده

[princess_sarah]

حبايب قلبى ازيكم كلكم ( بجد بقيت حاسة انكم اخواتى و صحابى )
ازيك يا نوده ( ايه العسل ده) و الله فكرة ممتازة انا هاعمل صفيرتين و افضل انط انا فعلا كنت باحب نط الحبل و انا صغيرة
مع انى مش عايزة انزل وزنى لكن هاعمل التمارين دى معاكم اكيد بتحسن الحالة النفسية و تعطى احساس بالسعادة
نيجى بقا للقنبلة ( تمارين الرقص) يا نوده انتى دايما ارائك فى الجون يا باشا
انا فعلا بقالى يومين متعقدة و عايزة اتعلم انا باعرف بسيط بس اكتشفت انى لازم اتعلم كويس (انتى فهمانى بقا) و كمان معلومة انه بيحلى الخصر دى مفيدة
اتفقنا ..جهزوا نفسكم يا بنات ..واحد ..اتنين
تسلم ايدك يا نوده و الله احنا محتاجين من فترة لفترة حاجات كده لان تجهيز العروسة مش بس هدوم و ميكب و شعر لكن الاهم الحالة النفسية و السعادة اللى كلنا محتاجينها