"عروسات المستقبل تعالوا اقولكم".. جزء ( 6 )

[هنودة هنانيدو]

والله انتو بنات زى العسل ضحكتونى وخلرجتونى من مود وحش الحمد لله على فكره فعلا الرقص مع التكرار فعلا بتتعلميه لوحدك لانك الموسيقى بتستفزك وتخليكى تعملى حركات انت مكنتيش متخيله انك تعرف تعمليها وتلاقى نفسك بتفتكرى حد شوفتيه بيرقص وتلاقى نفسك بتعملى الحركه نفسها والله عن تجربه صحبتكو كانت مييييييح لكن دلوقتى احسن من سهير زكى سوليتر يا عروسه اتدربى وارفعى راسنا عاوزين نعرف كل حاجه ولازم تبقى كل الستات 1xربنا يتممها عليكى بخير
نودى ياقمر والله وحشتينا وحلو اوى موضوع التقشير انا بصراحه بعمل بنصيحتك ماء وملح حلو اوى وفيكى الخير كنت هاسلك عن سبا دا بس كالعاده بتقراى افكارنا
مرسى يا جميله

انتى تامرى يا لولى وسبا حلو اوى بينعم وبيفتح وناعم على الجسم
وفعلا كلامك صح عن الرقص لو مش بعرف مع التعود افتكر حركات وابتدى الاقى نفسى بتعلم

[هنودة هنانيدو]

تسلم ايدك يا نوده التقشير فعلا مهم خصوصا لما تكونى عاملة سويت و جسمك نظيف هتحسى انك بتبرقى و حالتك النفسية تبقى فى السما كويس انك اتكلمتى عن يوكو سبا لانى باشوفه كتير بس معرفش حلو و لا لأ و كمان فى منه صابونة ايه رايك فيها
و بما اننا اتكلمنا عن الرقص فانا كنت مصرة انى اشترى بدلة رقص و فعلا نزلت سألت عليها و شفت اشكال عجبتنى فى المحل اللى فى فتح الله المنتزه بس بعدين رجعت اتردد وقلت كفاية انى لو حبيبت ارقص بجلابية و منديل او باى قميص نوم مش عارفة ليه حسيت ان البدلة فيها ابتذال اوى وتعمد و قلت عيب انا مهما كان زوجة مش راقصة (الله يخليكم متضحكوش عليا ) بس قولوا رايكم فى الموضوع ده

يوكو سبا حلوة يا ساره بينعم الجسم وبيفتح مع التكرار بيخلى ملمس البشرة ناعم
الصابونة انا مش عارفة اذا كانت كويسة ولا انا شوفتها بس مجبتهاش

بصى لو عايزة بدل الرقص ديه بلاش محل بتاع فتح الله حتلاقيها موديلات اكتر واسعار احسن فى المنشية فى الزنقة لان فيه محلات هناك هى اللى بتعملها يعنى كمان بتفصلك الشكل اللى تحبيه وطبعا فى جاهز عالطول

والله يا ساسو كلامك مظبوط وبالعكس مش حنضحك عليكى فى رايى لو حابة ترقصى لزوجك فى الاول كفاية جلابية وعليها حزام ابو ترتر حيعمل شغل جامد
لو بعدين لقيتى زوجك مبسوط بالرقص وحينبسط ببدلة الرقص هاتيها لانكم فى الاخر زوجين مش غرب عن بعض
اما لو حسيتى لا كفاية جلابية وحزام يبقى خلاص كفاية
انا بحب اكتر جلابية مع الحزام بيعملوا شو حلو اوى ودلع اكتر من بدلة الرقص

[pink_heart]

عندك حق يانوده التقشير مهم اوى للبشرة وانا بحب الاسكرب بتاع ستيفز
بس حجرب وصفة الرز المطحون حاسه من مكوناتها انها حلوة اوى وكفايه ان انتى اللى قولتيها

[مرمرالمصريه]

السلام عليكم ورحمه الله وبركاته
ازيكو يا بنات يا اجمل عروسات المستقبل بجد والله وحشتونى ونفسي النت عندى يدخل عشان اكلمكو كل يوم واتابعكو للاسف مش بشوفكو الا لما باجى لماما ومش كل الوقت طبعا هسيبهم وادخل نت هتضرب انتو فاهمين بقي ولما بدخل جوزى بقي يبص كده وعايز يشوفنى بعمل ايه بكتب ايه اقوله وبعدين بقي سيبنى اكلم البنات وحشونى
***متشكرة جدا يا سماح عزت على كلامك الجميل وعقبالك يا قمر ربنا يسعدك يا رب والله يا بنات تسلم ايد هنودة بجد الاسبوع الى كانت مرتباه قبل الفرح فعلا اهم حاجه 7 ايام بالعد التنازلى بالظبط ده الى بيحصل مفيد جدااااااااااااااوانا بجد بدعيلها وليكو كلكو طبعا وانكو بتفيدو بعض بالطريقه ديه
***اهم حاجه يا بنات بجد بجد تهدو اعصابكو جداااااااااااااااااااااااااالانفعال وحش والقلق صعب جدااااااااااا طبعا بالنسبه للبس ليله الدخله انا عن نفسي بحب التقليدى قميص نوم ابيض وروب بس قميص مثير طبعا هتبقي مكسوفه جدااااااا بس شويه وهتاخدى على الموقف وحاولى تسترخى على قد ما تقدرى ويكون عندك عبوات عصير اساسي مهمه جداااااااااااا بتحسي بهبوط حتى ولو محصلش حاجه او خفتى تكملى لازم تشربى عصير واهم حاجه كمان يا بنات مش لازم اول يوم الحاجات ديه بتحتاج هدوء اعصاب هتتعبي لو عايزة تخلصي والسلام
***وبردو مهم جداااااااااااااااااااااااااااا جدااااااااااااااااااااااااااا تجيبي طبقي بلاستيك كبير وبعد كل محاوله وكل مرة بعد فض الغشاء وقبله لو بتحاولو بس لازم ميه دافيه وبيتادين مهم مهم مهم جدااااااااا بجدعشان متحسيش بتعب وبيتادين مش العادى لا دش مهبلى ...
*** وطبعا المكيب والحاجات بقي والدلع ده مهم جدا واحده واحده هتتعودى على كل ده واوعي تنسي البرفان بيموتو في البرفانات طبعا تجيبيلك شويه انواع مختلفه وحسب مودك حطى وخليكى واثقه في نفسك
***ميرسي ليكى اوى يا lonlygirl تسلميلى يا قمر وعقبالك يا رب والله انا بس مش بعرف ارتب افكارى اوى بس الى عايز حاجه يسالنى فيها وانا تحت امركو بس لو اتاخر شويه مش تزعلو منى ...
سوليتير يا قمر اهدى بس وانتى هتلاقي كل حاجه مشيت لوحدها وعلى فكرة الروج الاحمر يجنن وكمان الجليتر بالوانه تحفه في جيل بيتباع في محلات بيبقي فيه جليتر بتستعمليه مع القميص في فتحاته وحسب الوان القميص بيبقي حلو موت ومغرى جداااااااااااااا ....
***ميرسي يا هنودة وعقبالك يا رب وربنا يجمعك مع جوزو طبعا على كل خير وسعاده بكل الافادات الى فيدتينا بيها فعلا والله كل ما باجى احتار في حاجه في بيتى بفتكرك وموضوع كتبتيه عنها زى الميكب واللبس والشعر السيرم فعلا تحفه حلو جدا وحاجات كتير ربنا يجازيكى خير عننا بجد
***بينك هارت ميرسي ليكى انك افتكرتينى وعقبالك يا رب وانا بجد بعتبركو اخواتى واصدقائي لان اصدقائي قليلين جداااااااااااااا ربنا يوفقكو
باااااااااااااااااااااااااااااااى

[princess_sarah]

ازيكم يا بنات
ازيك يا مرمر الف مبروك وربنا يرزقك بالذرية الصالحة ان شاء الله كلامك حلو اوى و يطمن شوية لانى فعلا شايلة الهم كانه امتحان بس يا مرمر انا فيه جزء مش فهماه خالص من اول حكاية الطبق البلاستيك لحد البيتادين( اللى انا اعرفه انه بيستخدم لتطهير الجرح) ياريت تفهمينى الجزء ده او لو انتى يا نوده تعرفى او حتى من البنات
بس فعلا معلومة مهمة جدا حكاية العصير و كمان الجليتر و بالنسبة ليوم الفرح فأنا جبت روب ابيض باكمام دانتيل كتير و القميص بتاع طويل بصدر دانتيل هو شكله برىء خالص مش مثير و عندى قميص تانى ابيض قصير خالص و مدلع( اختار انهى فيهم لانك يا مرر قلتى يكون مثير) معلش يا حبيبتى طولت عليكى و يارب عقبال كل البنات الحلوة و نفرح بيكم كلكم و خصوصا عروستنا سولتير و حبيبة الكل هنودة

[هنودة هنانيدو]

عندك حق يانوده التقشير مهم اوى للبشرة وانا بحب الاسكرب بتاع ستيفز
بس حجرب وصفة الرز المطحون حاسه من مكوناتها انها حلوة اوى وكفايه ان انتى اللى قولتيها

ان شاء الله تعجبك وصفة الرز لسه عاملها امبارح وانبسطت منها كتير

[هنودة هنانيدو]

مرمر المصرية

عاملة ايه ياقمر مبسوطة لما تروحى عند ماما عشان نشوفك
كمان انتى بقيتى خبرة محتاجين بجد نصايحك لانك خلاص جربتى
يارب النت يدخل عندك لو ينفع ممكن تدخلى من على موبايل هو ممل بس احسن من مفيش

بجد حلو اوى تعليقتك على كل حاجة ومعلومة

[هنودة هنانيدو]

ازيكم يا بنات
ازيك يا مرمر الف مبروك وربنا يرزقك بالذرية الصالحة ان شاء الله كلامك حلو اوى و يطمن شوية لانى فعلا شايلة الهم كانه امتحان بس يا مرمر انا فيه جزء مش فهماه خالص من اول حكاية الطبق البلاستيك لحد البيتادين( اللى انا اعرفه انه بيستخدم لتطهير الجرح) ياريت تفهمينى الجزء ده او لو انتى يا نوده تعرفى او حتى من البنات
بس فعلا معلومة مهمة جدا حكاية العصير و كمان الجليتر و بالنسبة ليوم الفرح فأنا جبت روب ابيض باكمام دانتيل كتير و القميص بتاع طويل بصدر دانتيل هو شكله برىء خالص مش مثير و عندى قميص تانى ابيض قصير خالص و مدلع( اختار انهى فيهم لانك يا مرر قلتى يكون مثير) معلش يا حبيبتى طولت عليكى و يارب عقبال كل البنات الحلوة و نفرح بيكم كلكم و خصوصا عروستنا سولتير و حبيبة الكل هنودة

مرمر بتكلم على بيتادين اللى بيبقى مهبلى غير مرهم العادى
والنوعين من بيتادين مطهر مش لازم جروح هو مطهر بشكل عام
بيتحط فى مياه دافية وتغسلى بيه منطقة حساسة من برا
بيبقى زى مطهر للمنطقة وبيهدى لو فى الم

[هنودة هنانيدو]

حركات بعد الجواز


حركات الدلع والنيو لوك من حاجات اللى بتجدد الزواج والعلاقة جدا يعنى الكلام ده اكتر للمتزوجات اللى بقالهم مدة متجوزين وللعرايس الجداد بس تطبيقها مش فى اول الجواز ...

طبيعى احنا اول الجواز كل حاجة بتبقى جديدة ومبهرة يعنى جوزو مش محتاج حركات جامدة ولا تعملى حركات ونيو لوك لانك بالنسبة له نيو لوك هو لسه بيتعرف عليكى مش قصدى معرفة كلامية انتوا فاهمين قصدى

طبيعى انك مجرد تلبسى لانجيرى ده اكبر احلامه انه يشوفك بشعرك يعنى ده حلم بالنسبة له عشان كدا اول الجواز مش محتاجة تبدعى حاجات البسيطة هى قمة الابداع

زى الانجيرى وتحطى برفيوم وتسيبى شعرك وتحطى ميكب خفيف

ده كفاية اوى اول الجواز لانه حينبهر كل يوم بااللبس والشعر وريحة البرفيوم وانتى حتغيرى يعنى نهاردة لابسة لانجيرى قصير بكرة البسى اطول ويكون مثير بعده حطى برفيوم جامد مرة حطى هادى ..
يعنى اعملى تجديد بسيط فى حدود العادى اللى هو تغيير الوان اللبس او ريحة برفيوم او لون الروج

اما الحركات والدلع والاختراعات خليها بعد شوية بعد فترة من الجواز لما خلاص حالة الانبها تقل وقتها ابداى طلعى افكارك واحدة واحدة
مش كله مرة واحدة عشان يفضل معاكى باقى الافكار

يمكن التجديد بيبقى كمان ضرورى بعد الحمل والولادة لانك طول فنرة الحمل مفيش تجديد وانك مرهقة يبقى بعد الولادة ابداى حركات ونيو لوك وتجديد عشان متحسيش بالملل

كمان التجديد بيخلى نفسيتك انتى وجوزك احسن حتى لو كان بينكم فتور او ملل بيقل لان حاجة جديدة حصلت كمان انتى بتحسسى جوزك انك مهما عدى الوقت بينا حافضل العروسة الجميلة وانى مش مهملة فى نفسى عشان اوقات نلاقى الازواج يقعد كدا ادام الكليبات ويتحسر ويقول فين مراتى اللى كانت بتعمل وتعمل دلوقتى خلاص بقيت زى الست االلى عندها 10 عيال

وطبعا انتوا عارفين الباقى لان اوقات بيتطور الموضوع لحاجات اسوء توصل ان الزوج ممكن يتزوج تانى او فى ازوتج الاسف يبتدى يتعرف على بنات ويبتدى يدخل الشات والمسلسل المعروف

موضوع التجديد فى الشكل والحركات والاهتمام مش حاجة ثانوية هو حاجة ضروررية مادول وقتها مناسب

عارفين من يومين كنت عند بنت صاحبتى بزورها البنت ديه متجوزة بقالها سنة وشهرين وجابت بنوتة عندها 7 شهور .. صاحبتى ديه كانت قبل لخطوبة
وبعد خطوبتها دلع ولبس وحركات

لما كنت عندها من يومين اتضايقت جدا لقيتها واحدة اتحولت كانها فعلا مخلفة 10 عيال مش مصدقة ان ده صاحبتى اولا تخنت جدا مش مهتمية بنفسها نهائى حتى ابسط الامور بتنام فى اوضة البيى وتسيب جوزها نايم لوحده جوها بقى يعلق عليها ويقولها عايزك تلبسى او حطى ميكب او اى حاجة وهى ولا هنا بدا جوزها يرجع متاخر البيت لانه حاسس بملل وان مراته بقيت واحدة تانية انا فعلا اتنرفزت منها انا وصاحبتى وكلامنها وقولنلها يابنتى ده غلط خاصة انه عندها وقت لان مهما كان البيبى بياخد وقت فى امور بسيطة تتعمل تخليكى زى العروسة وطبعا غلطة كبيرة بتاعتها انها تنام فى اوضة البيبى وسايبة جوزها

طبيعى انه حيتعود انها مش موجودة عشان كدا بقى بيرجع متاخر لانه حاسس ان مراته مش موجودة وهى نفسها بتقول انا حاسة انى ثقتى فى نفسى قلت

تخيلوا ان مشكلة مش بقيت حركات ودلع لا بقينا بنرجع لاول كلام الاهتمام بالنفس يعنى بدل ما نتكلم معاها على حركات دلع بقيت انا وصاحبتى بنتكلم معاها على مبادى الاهتمام بالنفس ..

مع ان صاحبتى تانية اللى كانت معانا نفس الظروف متجوزة من سنة وشهر ومعاها بيبى عنده 5 شهور بس ماشاء الله تشوفيها تقولى عروسة مهمتمية بنفسها بابسط الامور بتفكر تعمل شكل جديد لشعرها ونزلت اشترت لبس بقيت بتلف تراك النادى عشان جسمها يرجع زى قبل الولادة بقيت تعمل دايت مع ان البيبى معاها متعب جدا وبيعيط كتير ومعندهاش وقت تتنفس بس ماشاء الله عليها تستغل ساعة فى اليوم وتهتم بنفسها

عشان كدا يابنات اللى لسه مش اتجوزوا خلى سيستم حياتك الاهتمام بنفسك والدلع وحركات مهما كنتى مشغولة وكل حاجة فى وقتها

واللى متجوزة بقالها فترة وخاصة اللى ولدت يالالا جددى نيتك واتشجعى وابداى غيرى من نفسك واعملى حاجات جديدة تفرحك وتفرح زوجك

مش مطلوب منك حاجات كتيرة لا يكفى حاجة واحدة تعمليها تجددى بيها شوفى اكتر حاجة حتخليكى نيو لوك واعمليها وشوفى اكتر حاجة ممكن تفرح زوجك ويخليه يحس انك ملكة متوجة واعمليها

جددى نيتك انك ترضى ربنا فى جوزك وانك تجددى الحب بينكم وانك تحمى زوجك من مغريات وانك تبسطى نفسك وتفرحى وان ثقتك تبقى اقوى وانك لما تبقى مبسوطة تتعاملى مع ناس حواليكى احسن وتربى اطفالك احلى
النية لما تجدديها حتلاقى حاجات كتير تكسبيها

لو مش عندك وقت وبتشتغلى لو عندك بيبى ده مش مانع او عذر تقولى اهمل نفسى لان لو كل الستات والبنات كدا الدنيا ضاعت
بلاش تبصى لنماذج اللى تجيب احباط بصى على بنات اللى بتهتم بنفسها وبتسعد زوحها وقلديها بشكل اللى يناسبك متقوليش كل البنات بعد الجواز بتهمل نفسها ..

متوصليش جوزك لانه يبص برا بيته بلاش يقلب فى الكليبات والنت والشات ومسجات متخلهوش يفكر لو لثانية يرتبط بواحدة تانية خليكى ملكة متوجة دلعى نفسك قبل ما تدلعى جوزك

ان شاء الله نكمل الحركات وافكار ممكن نعملها لتجديد الملل والنيو لوك واللى عندها افكار تقولنا لاننا عايزين نجمع اكبر افكار وكل زوجة تختار اللى
يناسبها

محتاجين افكاركم يا بنات وخصوصا من متزوجات قولنا انتوا جربتوا ايه ونفع وايه اللى مش بينفع ...

[princess_sarah]

نوده حبيبتى بجد عشرة على عشرة موضوعك و بتتكلمى فى مشكلة كتير منا بيشوفها ناس كتير شايفة ان بعد الجواز خلاص و فى بنات بتفكر انها طالما اتجوزته فهى كده ملكته و مش هيهرب و بالتلى مش بتهتم نفسها زى ما كانت بتعمل معاه فى الاول و على فكرة الكلام مش متوجه بس للبنات الصغيرة اللى متجوزة زى صحباتك كمان اللى اكبر من كده دول خلاص عايشين فى كأنهم جدات و اقصى ما تعمله الواحدة منهم انها تحط شوية كحل على عباية فى البيت انا باحترم جدا الست اللى تكون كبيرة و مهتمة اوى بزيادة بنفسها و بالرغم من فكرتى دى يا نوده و اللى الحاجات الكتير اللى باتعلمها هنا معاكم لكن انا عندى مشكلة خطيرة ( الحالة النفسية و تأثيرها) بمعنى انى لما اكون متضايقة و نفسيتى وحشة او زعلانة طبعا بالاضافة انى بامنع الاكل ده كمان باهمل فى نفسى تماما حتى شعرى مهتمش بيه ( باكون معتقدة ان الاهتمام و الحركات او حتى حمام كريم او ماسك ده روقان و تعبير عن السعادة و انا مش مبسوطة) و فعلا مش عارفة اتخلص من الحكاية دى لان ده بيأثر عليا و لما بأبدأ اهتم بارجع من البداية خصوصا ان شعرى عايز اهتمام كبير و بما انى نادرا نادرا نادرا جدا لما اشوف خطيبى فمطنشة لكن لما اعرف انى اشوفه باهتم بسرعة و افضل اجرى حواليين نفسى و كمان احنا مش عاملين عقد قران فمش بيشوف حاجة باكون لابسة هدوم خروج و محجبة
انا طولت اوى يا هنوده ..انا اسفة بس فجأة لاقتنى بافضفض انتى و كل البنات بقيتوا كل صحابى ...جزاكى الله خيرا يا نوده