|
للبحث في شبكة لكِ النسائية:
|
النجم الفضي
السلام عليكم ازيك يا هنودة انا ايمان من مصر مشتركة جديدة فى المنتدى ومتابعكى دايما وبستناكى على طول وبفرح جدا لما بلاقيكى منزلة حاجة جديدة عاوزة اشكرك جدا على عروسات المستقبل لانى استفدت كتير منها لان انا مخطوبة و نصايحك فادتنى كتير جزاك الله كل خير اتمنى انك تقبلينى صديقة ليكى لانى عاوزة اسالك عن حاجات كتير بجد انا محتجالك اوى مستنية ردك السلام عليكم
عضو نشيط
الف مبروك يا ساره على النجاح و يارب نفرح بيكى قريب و تكونى عروسه امورةكتبت بواسطة princess_sarah
حبايب قلبى احلى بناتيت فى الدنيا ازيكم كلكم
انا حبيت ادخل افرحكم معايا لانى نجحت النهارده و اخيرا اتخرجت
و دلوقتى اقدر ابدأ تمارين الرقص بجدورقصنى يا جدع ...واحد اتنين
هنوده..حبيبتى لما حكيتى عن جوزك جيتى ع الجرح...تصدقى انا قربت انسى ملامحه..الظاهر البعاد ده لا مفر منه
ربنا يقربلك البعيد و يجمع شملكم على خير ....هانت يا نوده ان شاء الله كل الشوق ده هيتحول لفرحة كبيرة وقت اللقاء و السعادة الدايمة باذن الله
النجم الفضي
السلام عليكم يا هنودة يا حلوة انتي انا بشكرك جدا عالحاجات الحلوة دى انا ايمان عضوة جديدة اتمنى تقبلينى صديقة ليكى
عضو نشيط
هنودبالنسبة لموضوع البطن المشى مش هاينفع معايا..امارس رياضة بس؟واجيب التمارين من
اليوتيوب ولافي حاجة تانية؟اعمل دايت كمان ولالأ؟ارجوكى فاهمينى اعمل اية بالظبط لأنى مش عارفة ابدأ أزاى..ممكن اتطفل عليكى بمااننابقينااصحاب وتقوللي انتي منين؟عندك كم سنة؟ يعني شوية معلومات تكمل صورتك الرائعة في خيالي..بجدنفسي اشوفك واتكلم معاكى ويابخت كل اللي يعرفوكي ياملاك
0
.
عضو نشيط
ســـــــــــــارة :::: مليوووون مبروك ياقمر ربنا يفرحك دايما
ونبارك يوم الفرح بقى ان شاء الله
عضو نشيط
هنوودة وحشتينى جدااااا وطبعا كل القمرات
انا الحمد لله دلوقتى بقيت أحسن وابتديت ارجع تانى اعمل تمارين
البطن لانى بعد ما حسيت انها بدأت تتشد طبعا سبتها وحسيت انها رجعت زى
الاول بس ان شاء الله وراكى يا بروفيسور وكلامك طبعا كله مظبوط
يعنى عظمة على عظمة يا هنوودة
سموحة شكرا على سؤالك ووحشتينا يا قمر ويا رب النت يبقى كويس
عشان منتحرمش من شوفة القمر تانى
سومة أزيك انتى ونورتى ومبروك نجاحك ودايما بالتوفيق
princess sara الف مليووون مبروك على التخرج ودايما بالتوفيق وعقبال
لما نقول مبروك التانية ليكى قريب
النجم الفضي
اهلا يا يمان منورة معانا ياقمراية
ومبسوطة بجد بوجودك معانا انتى طبعا صاحبتنا كمان انتى اسكندرانية يعنى جبران
يارب اشوفك عروسة قريب
ياقمر انا معاكى اسالى زى ما انتى عايزة فى اى وقت
النجم الفضي
بصى يا رنا مادول مش قادرة تمشى عشان اطفالك الحلوين
كفاية رياضة البطن يوم اه ويوم لا لمدة نص ساعة
حتدخلى على يوتيوب وتكتبى فى السيرش abdominal exercises
حتلاقى تمرينات كتير اختارى اللى يعجبك منهم واعمليه عالطول وهكذا فى تمرين اللى بعده يعنى خليه شغال على كمبيوتر وانتى تعملى معه
حتتعودى وحتحفظيه اول كام يوم حتحسى بوجع فى البطن
يبقى انتى ماشية صح عشان العضلات بتتشد
لو انتى وزنك كبير اعملى دايت لو الوزن عادى يبقى لا بلاش دايت والبطن حترجع بالتمارين
وطول ما انتى قاعدة او بتعملى البيت خلى بطنط مشدودة خلى ظهرك مفرود وبطنك مشدودة
ابداى اول مرة 20 مرة لكل تمرين تانى مرة زودى وهكذا لغاية ما توصلى 50 عدة فى كل تمرين
انا بتشجع معاكى ومع ملوكة وبعمل تمارين البطن وتحسن وقت الصبح قبل ما تاكلى عشان البطن بتبقى فاضية والدم بيوصل بسرعة للبطن الدهون تتحرق اسرع
وياقمر احنا اكيد اصحاب انا اسمى هند عندى 26 سنة ومن الاسكندرية ومكتوب كتابى وخريجة السن قسم انجليزى واسبانى وايه كمان ؟؟؟وبشتغل فى مصرية الاتصالات ومستنية جوزو يجى عشان هو مسافر وسيبانى ههههههههه
النجم الفضي
عظمة على عظمة يا ملوكة برافوا عليكى انك رجعتى للتمارين
شدى حيلك انا كمان شاغلة العب بس حبتها التمارين
الاول كانت غلسة وصعبة بس الحمد لله دلوقتى بقيت احلى
يالالا شجعينى انتى ورنا عشان نعمل اكتر
النجم الفضي
بنات اللى عايزة تعرف معلومات عن كيراتين ده كلام احمد لطفى مصفف الشعر
كلام كتير بدأ يتردد عن الكيراتين في الفترة الأخيرة.. إيه الحكاية يا ترى هل صحيح ممكن يفرد الشعر لمدة طويلة؟! وإيه الفرق بينه وبين "البيرم"؟! وهل صحيح ممكن يسبب مشاكل على المدى البعيد؟
في البداية يعني إيه الكيراتين؟
يشكل الكيراتين 90% من تركيب مكونات الشعر يفقده الشعر لعوامل كثيرة منها فرد الشعر بالبيرم والجليد وكثرة الصبغات واستخدام الكريمات والشامبوهات الغلط.. كتر السيشوار والمكواة الحديد.. أو لأسباب وراثية..
ولما الكيراتين في الشعر يقل فالشعر يبدأ يجف ويقصّف ويهيش وطبعا يتساقط وتقل نسبة الكيراتين شوية شوية لحد ما نصل إلى 35%...
النهارده ممكن نرجع للشعر الكيراتين بس "مصنع" من مواد طبيعية وهو عبارة عن تسع أنواع.. فيه شركة برازيلية توصلت لتصنيع الكيراتين بجودة عالية جدا بعد كده بدأت شركة أمريكية تاخد براءة هذا الاختراع وأنتجته لكن أقل جودة.. تلتها شركة كندية وأنتجت الكيراتين بجودة أقل من الأمريكية وبعد كده أنتج الكيراتين دول عربية زي لبنان وغيرها. ومع الأسف ابتعدت الشركات عن مكونات الكيراتين الطبيعية ودخلت عليه مواد كيميائية لها آثار سلبية على الجسم والشعر.
مع الأسف الكيراتين الموجود في مصر "لبناني" مش أصلي ويحتوي على نسبة عالية جدا من الفورمالين، وعدد قليل من الكوافيرات بيستخدموا الأصلي..
إيه المشاكل اللي ممكن يسببها استخدام الكيراتين اللي مش أصلي؟
بجد دي مشكلة كبيرة مادة الفورمالين مادة مسرطنة ومع الأسف بيتم إضافتها بنسبة كبيرة جدا.
إزاي نفرق بين الكيراتين الأصلي والكيراتين المقلد "الخطر"؟
أبسط حاجة إن رائحته تخلي العين تدمع وتشعر بحرقان بسبب المواد الكيماوية، وعلى فكرة ريحته مش زي "البيرم".. "الفورمالين" مادة تستخدم في التحنيط عشان الشعرة تفضل على شكلها فترة وجيزة ثلاثة أو أربعة شهور وخلاص.. من الحاجات المميزة الكيراتين الأصلي إنه يكون عليه موافقة منظمة الدواء والغذاء الأمريكية (FDA) العلامة دي معناها إن المنتج مكوناته آمنة جدا وهو ده المعيار اللي لازم نتعامل به في كل حاجة..
الكيراتين المقلد بيستمر 3 شهور فقط وبعد كده خلاص بيرجع الشعر لطبيعته تاني.. الأصلي بيستمر في الشعر مدة لا تقل عن ثلاث سنوات كمان والكوافير اللي بيستخدم النوع المقلد بيطلب من الزبونة إنها تتجنب نزول حمام السباحة.
مهم التأكد من العلامة الأصلية للمنتج.. نصيحتي لازم البنت تشوف المنتج قبل استخدامه.
كمان من الحاجات اللي تخلينا نتأكد إنه أصلي أن يكون الكيراتين ملمسه واحد متجانس ومن غير حبيبات؛ لأن وجودها دليل على إنه مقلد.
والأسعار؟
الكيراتين المقلد ثمنه 1500 جنيه أو أقل الكيراتين الأصلي ذو الجودة العالية ثمنه من 2500 جنيه إلى 5000 جنيه..
هل الكيراتين أنواع؟
الكيراتين أنواع.. فيه كيراتين بيستمر إلى الأبد بيخلي الشعر ناعم وحتى الشعر الجديد بيطلع ناعم خالص بنسبة 60%؛ لأنه بيعلي نسبة الكيراتين الطبيعية في الجسم. النوع التاني يعني فرد وعلاج ده أغلى نوع؛ لأنه بيكون مرة واحدة وخلاص. وفيه نوع تاني للعلاج بس..
وفيه أنواع حسب رغبة البنت. فيه بنات بيحبوا يكون شعرهم مفرود جدا من غير أي تموجات.. وفيه بنات تحب يكون شعرها مموج، حسب الاساتيل اللي الواحدة
عايزاه... وفيه بنات عايزين الكيراتين للعلاج فقط.
نصيحتك للشعر المعالج بالكيراتين؟
استخدام شامبو معالج باستمرار عشان تحافظ على شعرها ولازم تصبر شوية لحد ما شعرها يتعود على نوع الشامبو. صحيح الشعر في الأول هيكون هايش لكن بعد كده هيطرى ويتحسن مع الوقت.
الموضة في استخدام الكيراتين؟
أفضل على المستوى الشخصي الشكل الصحي للشعر ويبهرني الاستايل الإيطالي التموجات الواسعة الكيراتين يمكن إنه ينفذه بشكل جميل جدا، وعلى فكرة موضة جدا أكتر من أن يكون الشعر مفرود وخلاص.. بدون شكل لكن في النهاية دي حرية شخصية حسب رغبة البنت.
أعضاء قرؤوا هذا الموضوع: 0
الروابط المفضلة