القلق والتوتر قبل الجواز
اللى خلانى اتكلم نهاردة عن موضوع ده عروستنا سوليتير
من كتر ما حسيت انا قلقانة ومتوترة فقولت لازم نتكلم نهاردة على موضوع ده
الاول طبيعى جدا جدا ان بيبقى فى حالة قلق وتوتر قبل اى حاجة جديدة بنعملها
يعنى لو انتى رايحة تستلمى شغل اول مرة بيبقى عندك توتر وقلق
لو رايحة اول يوم كلية نفس الاحساس
لو بتعملى حفلة وانتى مسئولة عنها بردو قلقانة ومتوترة
لو مستنية نتيجة او خبر معين نفس الكلام
يبقى انتى قبل فرحك احساس التوتر والقلق حاجة عادية طبيعية متقليش بقى انا متوترة انا مش طبيعية انا حاسة انى فيا حاجة وكلام ده
لان كتر احساسك انك متوترة قبل الفرح بيديكى احساس انك خايفة وان حاجة وحشة لاقدر الله حتحصل وانك مش عارفة تنبسطى وتفرحى وتحسى بفرحك لان تفكيرك كله مشغول بالتوتر والقلق وتبتدى تحلمى بكوابيس وحلام مش حلوة وتصحى متضايقة وتدخلى فى توتر اكتر
لا انتى الاول اتعاملى ان التوتر والقلق قبل الفرح حاجة عادية عند كل الناس بس المهم انى مش بزودها اكتفى باللى عندى بلاش بقى قلق اكتر من اللازم والعصبية
كل حاجة حتخلص فى وقتها لانننا كلنا نفضل متعصبين ونتخانق ونزعق وخايفين حاجة تبقى ناقصة وتبقى عايزة تعملى كل حاجة بنفسك
عشان تقللى الاحساس ده تعالوا نتفق على كذا حاجة :::
اولا ابداى ظبطى كل حاجتك من بدرى يعنى متجيش قبل الفرح باسبوع وتعملى كل حاجة مرة واحدة لا انتى كدا حتزودى الضغط العصبى عليكى لانك حاسة ان الوقت ضيق ومطلوب منك حاجات كتير وترهقى نفسك ومتلاقيش وقت تهتمى بنفسك او حتى تريحى جسمك عشان كدا قبل فرحك بمدة كويسة ظبطى كل حاجة ورتبى حاجتك واكتبى اللى ناقصك وحددى الاماكن اللى تروحى فيها وتشترىحاجتك يعنى متجيش تقولى انا حنزل الف المحلات كلها عشان اجيب طقم كذا لا انتى كدا بتضيعى وقتك مفروض قبل فرحك بكتير اوى تبقى محددة المحلات اللى بتيجبى منها وتنزلى تشترى عالطول منها ,,,,,
متقوليش اجيب بقية حاجاتى قبل الفرح باسبوعين لا انزلى خلصى حاجتك يعنى قبل الفرح بشهر مفروض كل حاجتك خلصت ليه تتاخرى ؟؟
طبعا موضوع الفرش الشقة والاثاث مفروض بردو انك خلاص قبل شهر بفرحك تكونى جيبتى الاثاث بتاعك وظبطتى الستاير والسجاد والتحف وكل حاجة وتبتدتى تفكرى حتفرشيها ازاى وتخلى مامتك واحختك او اصحابك معاكى وتقولهم انتى حابة تفرشى بيتك ازاى ...
عشان انتى متجيش قبل الفرح بكام يوم تقولى حاروح افرش بيتى لا خلى مهمة ديه مهمة ماما واخواتك واصحابك انتى عليكى تروحى فى الاخر تبصى على النظام اللى مش عاجبك غيرى مكانه وهكذا كدا اريح ليكى بلاش ترهقى نفسك ..عشان كدا لازم تفهمى اللى حواليكى انتى عايزة تفرشى بيتك ازاى وهما حيعملوا وانتى فى الاخر شوفى لو عايزة تغيرى حاجة
لان فى بنات ترهق نفسها جدا بالفرش ومتنمش وتفضل طول اليوم تفرش حاجتها وتضيع وقت وتنسى حاجات تانية .. انتى الحاجة اللى تعمليها بنفسك ترتيب لبسك فى الدولاب عشان تبقى منظمها بشكل يريحك وكمان ديه حاجات خاصة ممكن متحبيش حد يشوفها
خلوا يا بنات مبدا انك تخلصى كل حاجات كبيرة قبل الفرح بشهر يعنى شراء حاجاتك والاثاث وحجز الكوافير والاستديو وكلطلبات يه قبل فرحك بشهر خلى دايما الشهر الاخير لراحتك واهتمامك بنفسك وبقية الامور اللى بتطلع فجاة وهكذا
بلاش تضغطى على نفسك وتيجى قبل الفرح بشهر وتعملى كل حاجة مرة واحدة
واكتبى دايما كل حاجة ناقصكى ومحتاجها عشان لما تنزلى تشترى يبقى معاكى الورقة اللى كاتبه فيها وتجيبى حاجتك الناقصة
يعنى انتى روحتى محل لانجيرى هاتى كل حاجة ناقصكى متروحيش مرة تجيبى حاجة وتروحى تانى عشان تجيبى حاجة تانية لا خليها كل حاجتك مرة واحدة
كمان اختارى دايما مول او مكان تكون محلات كتير جنب بعض عشان تنجزى فى الوقت ومتتعبيش من التنقل من محل للتانى
يعنى انتى نازلة تشترى حاجات للمطبخ اختارى المكان اللى فى تجمع محلات ادوات منزلية واشترى عالطول
حاولى تختصرى المشواير واللف عشان متبقيش تعبانة ومرهقة
بردو لو عندك اى افكار لفرحك او لبيتك ابداى اكتبيها من بدرى لانك قبل الفرح دماغك حتبقى مشغولة بمليون حاجة مش حيبقى عندك وقت تفكرى ولا تبدعى
بردو حاولى تخلى معاكى حد يساعدك فى المشواير يعنى مثلا اختك او اصحابك معامى وانتى بتنزلى على اسس يشوفوا معاكى ولو مثلا فى حاجة ناقصكى تقوليهم على المحل وحاجة اللى عجبتك لما كانوا معاكى وينزلوا هما يشتروها
بردو بلاش تقولى انا لازم الف كتير عشان اجيب حاجة كويسة هو ده طبعا مهم بس مش لدرجة انك تبقى تعبانة ومرهقة اكتر من اللازم
يعنى انتى لو روحتى محل ولقيتى حاجة حلوة عجباكى وسعرها كويس ومقتنعة بيها خلاص هاتيها مش لازم تقلبى البلد على حاجة واحدة او على الاقل شوفى محل تانى وثالث واشترى لان فى بنات عندها اقتناع انها لازم تلف محلات كتير ومولات كتير عشان تتطمن انها تجيب حاجة معينة انتى كدا بترهقى نفسك اوى مش معقولة كل ما تشترى حاجة تلفى 20 محل عشان تقررى تشتريها
ان شاء الله نكمل باقى موضوع لان لسه فى كلام كتير
الروابط المفضلة