"عروسات المستقبل تعالوا اقولكم".. جزء ( 7 )

[dodo412]

بعد الشر عليكى يا سوليتير ربنا يفرحك ويسعدك يارب
بطلى قلق وترتينى معاكى حسيت انى هتجوز انا كمان من قلقك دا
هههههههههههههههه ربنا يوفقك ويكتبلك الخير

[ملوكة 12]

هنوودة أزيك وحشتينى موت انتى وكل البنات وخصوصا سموحة و lonely girl شكرا على
سؤالكم
والففففف مبروك على الجزء السابع يا هنوودتى وعقبال المليون
انا بقى تعبت الفترة اللى فاتت دى جاامد وكل حاجة باظت من ناحيه شعرى
وبشرتى والتمارين كل ادمر كل انكسر ههههههههههه
أدعيلى بقى أبدأ من تانى يمكن اعرف ارجع زى الاأول

[sutsut]

اشكرك علي اهتمامك ياهنودة اسمي رناوعمري 24 سنة متجوزة وعندي بنتين وولد...جوزي سافر مكة 3سنين جابلي لبس كتير وشيك ومنتجات عناية بالجسم وميكب. لكن كنت بوزعهاعلي اخواتي واقاريبي لأني مش عارفةبتستخدم امتي ولية؟ ولماجوزى استقر هنابقيت محتارة حاسة اني تقليدية وروتينية قوي وسني كبير.. فقررت اتغير1-اهتم بنفسي شوية 2-بجوزي3-باولادي.ساعدوني بأول خطوة.اشتري اية لجسمي وشعري وبشرتي ارجو اسم ماركات لأني خيبة وأسفة علي تعبك معاياوانشاء الله هاعمل يوم اهتم فية بنفسى زي ماقولتي قبل كدة.أشكرك علي كل حاجة.لااله الا الله..

[Noura89]

يا خبر ابيض غيبت يومين ارجع الاقيكم بداتوا الجزء السابع
انا بقيت عاملة زى التلميذ الخايب اللى المدرسة سابقة فى المنهج وهو لسة فى الدرس الاول
يلا ما علينامن دى المهم ان انتوا وحشنى جدا وخصوصا نودى بجد وحشانى جدا جدا لولا الظروف القاسية اللى هلت عليا فجأة لكنت فضلت متابعة معاكم دايما وادينى بحاول
والف مبروك على الجزء الجديد وربنا يزيد ويبارك

[dodo412]

صباح الخير يابنانيت اخباركم ايه نفراية نفراااية
ازيك ياهندوة شوفتى سلام خصوصى اهوو من ابو 75 قرش
ههههههههههههههه
اما بعد::: بصى انا كنت عاوزة اعرف انتى جربتى شفرة فينوس ولا لسه
لانك قولتى هتجربى انا بقالى سنتين بعمل من برة بالسويت وجوا بالشفرة
وساعات براون كمان لو ممكن تقوليلى شعرى دايما هايش رغم انه فتلته ناعمة وزهقققت
نصه اللى تحت ناعم اوى واللى فوق هايش بحس ان انا ام راسين لان شكلين مختلفين
فكرت اعمل حنة فرد مش علشان افرده بس سمعت انه الشعر مش بيكون هايش بعدها
ناس قالت حلوة واستخدمتها كتير وناس قالت مضرة والكيراتين احسن
بس الكيراتين فى القاهرة واسعاره عالية اوى دبرنى ياوزييير

[princess_sarah]

صباح الخير يا بناتيت ازيكم كلكم
سولتير يا قمر اهدى شوية و ان شاء الله هتبقى احلى عروسة فى الدنيا
احم احم ...انا باكلمكم دلوقتى و انا حاطة ماسك المايونيز على شعرى و مغطية بالبونيه البلاستيك( شايفة الشطارة يا مس هنوده)
و ان شاء الله اقولكم النتيجة بس ادعلولى يتصلح حال شعرى
ازيك يا doda ربنا يحلى لك شعرك انتى و كل البنات

[dodo412]

على فكرة يا ساره المايونيز جاااااااااااااااامد على الشعر
أنا عارفة انى مهملة فى حق شعرى بس اعمل ايه مش بحب الخضار
ربنا يخليكى ياقمر بس يمكن بعد المايونيز تلاقى ريحة شعرك مش اوى
اغسلى شامبو وبلسم كتيييير وبالشفا ان شاءالله هههههههههه

[رانيا البحراوية]

متشكرين اوى يا احلى هنودة على نصايحك الجميله بجد

بس انا عندى مشكلة انى اغلب الوقت مش واثقه فى نفسى فى كل حاجه بحس انى اقل من البنات فى حاجات كتير مع ان اللى حوليا دايما بيحسسونى انى انسانه جميله ومرحه وبيحبونى جدا وكمان خطيبى بيحبنى جدا وانا كمان بس بحس دايما بالنقص وانه احسن منى بكتير وانى مش استاهله معرفش ليه الاحساس الغريب ده والله

بضيق اوى لان خطيبى بحكم شغله فى مدينه سياحية بيشوف بنات كتير وسياح وانتى عارفه بقا هو عمره ما حكالى عن حاجه تضياقنى بالعكس بيقولى مفيش غيرك فى حياتى وان اللى حوليا مش يفرقوا معايا فى حاجه بس برضو احساس النقص بيقتلنى مش عارفه اعمل ايه

[dodo412]

حبيبتى را نيا ليه ياقمر احساسك دا انتى لما تحسى بعدم الثقة الاحساس
هينعكس لخطيبك ودا غلط جدااااا لازم تعرفى انك اجمل بنت فى عينه وتحافظى على كدا
دايما وتعملى اللى ربنا يقدرك عليه علشان ماتحسيش انك مقصرة فى حقك او حقه
كلنا عندنا نقط ضعف وبنحس فينا عيوب بس كمان هتلاقى الحمد لله المميزات اكتر
بكتييييير اوى كل يوم الصبح لما تبصى فى المرايا قولى الحمد لله وخليكى متفألة ياقمر
فيه موضوع عن الثقة ياريت تقرأيه

الثقة بالنفس

http://lakii.com/vb/showthread.php?t=566470&page=10
معلش يا نودى بس حسيت نفسى ارد على رانيا لان كلنا فى نفس المشكلةبس هى كبرتها شوية سامحينى يا هنودتى

[princess_sarah]

خلاص غسلت شعرى من المايونيز
بالشامبو كتير و بعده حمام كريم بوناويل
بعد ما طلعت زيت جوز الهند و الاطراف بالكريم و لفيت شعرى و يارب احس بفرق و تحسن
doda انتى تقصدى جامد حلو؟ و لا جامد يعنى تقيل و يتعب الشعر؟
مس هنوده ...شوفتى شطارتى