جلسة سمر سودانية على ضفاف النيل الخالد (14)

**المحراب الجميل** · 31-07-2009, 12:26 AM

صاحبة فى الزمن الصعب
صاحبة في الزمن الصعب
لمّا لا ترحال يحلك
لا البعاد يقدر يحلك
لا القرب يقدر يدوم
الكلام بصبح مفرّق
الدنيا تشبه لون بعاد
وأبقي أحوج ما أكون
أنا لي حضورك بالجد بدورك
فجأة يشع فيني نورك
والقاك نبتّي من تراب السكه
سديتي الأُفق
لحاك حلمي الملوّن بهمومي
لما يومك بلقى يومي
وفصل همومك من همومي
نضحك من الواقع سوا
نحن القدرنا علي التعب
حرقتنا ألسنة اللهب
ولسه ماسكين الدّرب
يا صاحبه في الزمن الصعب

**flower_10** · 31-07-2009, 12:37 AM

مبرررررررررررووووووووووووووك البيت الجديد
وانشاء الله دائما عامر بوجودكم يا حلوين

**ام العزاز** · 01-08-2009, 08:26 PM

كتبت بواسطة flower_10

مبرررررررررررووووووووووووووك البيت الجديد
وانشاء الله دائما عامر بوجودكم يا حلوين

تسلمين غاليتنا فلور

على المرور والمباركة ربي يبارك فيك يارب

عامر دايما بضيوفه الي يعطرونه بزياراتهم

مشكووووره

**زوزوكمنوزو** · 02-08-2009, 12:17 PM

مباااااااااااااااارك علينا ال14 وان شاء الله دايما عامرة بوجودكم يا حبايب
لنا عودة ان شاء الله

**ام العزاز** · 02-08-2009, 02:49 PM

كتبت بواسطة زوزوكمنوزو

مباااااااااااااااارك علينا ال14 وان شاء الله دايما عامرة بوجودكم يا حبايب
لنا عودة ان شاء الله

بت خالتي ازيك مشتاقين يازولة وينك
حتى الماسنجر ماظاهره فيه
كيفنك وكيف شبابك
ومبرووك علينا ال14
وعقبال المليون ربي يديم محبتنا في ظل طاعته يارب

**المحراب الجميل** · 31-07-2009, 12:42 AM

ونبدا بى العمدة الصغير عضو جلستنا الجديد
الف مبروك للحبيبة تجتى الف حمدلله على السلامة وعقبال اختنا ورد طيبة يارب

واقترح

انها تسمى العمدة أواب
او أمن او مؤتمن

اوزى ما قالت ام العزاز عتريس
ههههه

**المحراب الجميل** · 31-07-2009, 12:45 AM

العائدين وحشتونا وبركة الشبكتكم جمعت لعودتكمطعم الشهد
الغاليات سماهر وماريا والغالية يقين

الغائبات عنا نحتاج وجودكم جدا هذه المساحة لا يكتمل اخضرارها الا بوجودكم
اتمنى ان تتذكروا اننا هنا فى انتظاركم دائما

**ام العزاز** · 31-07-2009, 06:47 PM

ألف مليوووون مبروك
البيت الجديد

عمتي المحراااب
هههه
تسلمي يالغالية على الافتتاحية
الرائعة
يا أغلى صاحبة في الزمن الصعب

عارفنك ماااااااابتقصري
تسلمي ياغالية
ربي يديم محبتنا في ظل طاعته يااارب

وزي ماليست ديك

قلت لازم وابدا
استفتح دي
اها النخش بكراعي اليمين
بسم الله
يجعلها دارا عامرة ومبروكة

**yakin** · 01-08-2009, 01:01 PM

غاليتنا المحراب حضنك دافى
شكرا على المقدمه الجميله
وربنا يجمعنا على المحبه ويجمعنا
فى جناته آمين يارب
ضيوفى يا ستى مشوا تلقونى بكتره

ام العزاز مشتاقين والله
موتينى ضحك يا عزوزه
اسماء حناكيش ولا شنو
دايرين واحد عمده بشنبات ترك عليها الصقور
حسنين ومحمدين
سمسم اظهرى ما تقطعى
القبطيه منتظرنك طولتى مننا
تعالى ونسينا شويه
سماهر وضلنا وزوزو
مشتاقين كتير
وورده انت العمده يشرف متين
الله يحلك بالسلامه
وتحياتنا لكل الغايبات والمؤجزين

**SAMAHIR** · 01-08-2009, 01:13 PM

مبروووووووووووووووووووووووووووك الجلسة 14
وانشاءالله عامرة بوجودكم
محراب ... والله زعلك كعب لكن برضو حنينة وقلبك طيب
وماهان عليك اخواتك..... ماتفتتحى ليهم جلسة السمر
والانس والمحبة الجمعتنا فى الله ...
تلفون بت العمدة رسلو لينا على الخاص عشان نبارك العمدة الجديد

ام العزاز برجم عدوك شغالة بالدور ..
جابا لينا حامد وبعدو باقى المحاميد ووحيدتنا ساجدة وختمت بامهم
وجاتا شينة شنا بشتنة العدو والعجب اثارها زادت الحلوة حلا ... نتفاءل شوية
العمرة شكلنا اتمقلبنا كل سنة بنمشى ( يستقبلها زوجها ) السنة دى قالو الامرافق
وبعيد عنك البت مقطوعة من شجرة الوالد اتوفى فى 2005 واخ مافى ( وحيدة ومشيحيدة )
ا
كل الاخوات مبروكة عليكم الجلسة ( شجرة السيال ، زوزو العزيزة يقين ، سمسمنا العسل
والجداد الاتحرمنا من استقبالهم بسبب الشبكة ورد طيبة الله يحلك بالسلامة )

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: جلسة سمر سودانية على ضفاف النيل الخالد (14)

أدوات الموضوع

العرض

Hybrid View