"عروسات المستقبل تعالوا اقولكم".. جزء ( 8 )

[زكية 300]

ازيكوا يابنات ياقمرات كلكم عشان مش عايزة انسي حد عاملين ايه وحشتووني اوي والله اما بغيب يوم كاني غبت شهر والله معلش بقالي يومين مش بدخل كنت مشغولة شوية وهنوودة حبيبتنا اخبارها اية يارب تكون كويسة وانا بحاول اعمل تماربن بس المشكلة ان كل سمنتي مش في البطن وانما كلها متركزة في الارداف ومش بتنزل بسهولة هحاول اعملها تمارين واتشجع منكوا

[هنودة هنانيدو]

السلام عليكم
ازيكم يا بنات عاملين ايه ؟؟ ما تنسوش ندعى لاختنا سوليتير ان ربنا يوفقها ويكرمها النهاردة وان كل حاجة تبقى مضبطة معاها ان شاء الله وتبقى احلى عروسه

" هنودة " ازيك حبيبتى واختى .. عامله ايه ؟؟ ربنا يجمعك بزوجك قريب ونشوفك عروسه زى القمر زى سولتير النهاردة ان شاء الله

طبعا انتى زهقتى منى .. وانا عارفة .. بس اننا طمعانه فى كرم اخلاقك

بصى حبيبى ليا كام سؤال كدة اتمنى تجاوبينى زى عادتك اللى عودتينا عليها

1- هو انا ينفع اعمل حمام مغربى دلوقتى ولا استنى لما اتعالج خالص .. رايك ايه ؟.. وانا عرفت الطريقة من الاجزاء بتاعتك اللى فاتت جزاكى الله خيرا

طب لو قلتيلى اعمله ....او معملوش ممكن تقوليلى علشان ابقى اكتبه ومش ارجع اسال فيه تانى لو تسمحى يا قمرايه...

2-انا عندى سونا فى البيت بتاعت الجسم كنت جيباها على امل تنظف جسمى فى الاول كنت بطلع منها جسمى وردى وخدودى حمرة وحاسه بالنظافة دلوقتى لو قعدت 100 سنه ولا بيحصل حاجة .. ايه رايك احط فى المياة بتاعتها ايه ؟؟ وهل ممكن استخدمها لما اجى اعمل الحمام المغربى بدل بخار المياة السخنه اللى فى اول الحمام ؟؟؟

3- هى الليفة المغربيه بيتفرك بيها الجسم وهى ناشفة كدة ولا ابلها الاول ؟؟ وهل بتستخدم مرة واحدة وتترمى ولا اكتر من مرة ؟؟

.................................

4- بالنسبة لزيت اللوز انا روحت لابو ماضى واشتريت زيت لوز مر تبع منتجات اصالة عارفاه ..؟.. هو دة اللى انتى بتجبيه .. ولا اروح فتح الله او عطارة الصفوة اللى جنب ابو ماضى ..؟

هنودة انا اسفة على الاطاله بس والله بحاول انى اركز فى انى اساللك اسئلة تبع موضوع واحد علشان اكون ملمه بيه وما ارجعش اساللك تانى فيه واضايقك

ممكن حبيبى المرة الجايه اسالك عن شعرى شويه حاجات ان شاء الله المرة اللى جايه

تسلمى يا هند ربنا يخليك ويكرمك ان شاء الله

ازيك يا قمر ؟؟ ياحبيبتى اسالى زى ما انتى عايزة
الحمام المغريى ايوة اعمليه من دلوقتى حيفيدك كتير

السونا حطى فيها زيت النعناع او زيت الياسمين بيطرى الجلد اوى وكمان الكاموميل وايوة تستخدميها قبل الحمام المغربى حتفتح المسام بسرعة واسهل

الليفة مغربية حطيها 5 دقايق فى ماء دافية قبل ما تستخدميها
ولا طبعا ديه بتقعد معاكى لمدة سنة واكتر كمان بقالها عندى سنتين

انا بحب زيت اللوز المر من عطارة فتح الله احلى واحسن

[هنودة هنانيدو]

ازيك يا هنوودة عاملة اية الموضووع جميل جدا وعجبني جدا الواحد فعلا كان قلقان منه شوية ربنا يكرمك يارب عندي سؤال وياريت الاقيله عندك اجابة اصل انا رجلي من فوق مترهلة شوية من قدام ومن الخلف كمان يعني الجلد فيها مش مفرود وانما فية تعرجات وتموجات كدة ومترهل وشكله مش حلو خالص واما اشده بايدي بيبقي كويس لاكن لما اسيب ايدي بيرجع تاني مترهل فهل في حاجة ممكن تشده زيوت مثلا او اي حاجة وهي كمان فيها خطوط بيضاء وعروق حمراء وزرقاءظاهرة فيها ومش عارفة اعمل فيها اية ومعلش هو فيه سؤال كمان هو كريم كرباميد كريم مش مرهم وينفع للحبوب ما بعد السويت في المنطقة الحساسة عشان هي بتعملي حبوب حمراء كبيرة ومعلش طولت عليكي بس انا عارفة انك طيبة وهتستحمليني وجزاكي الله الف خير

ازيك يا قمراية؟
حبيبتى ده سليوليت اللى موجود عندك فى رجلك اولا الرياضة هى اللى بتشد الجسم احسن من اى زيوت
وفى كمان وصفة خل التفاح مع ماء ورد تحطيها وتلفى الرجل بنايلون بتاع تغليف الاكل والعبى رياضة بيها

كاربيد ده كريم مش مرهم لونه ازرق فى ابيض مكتوب عليه مرطب للجلد
هو مينفعش للمنطقة حساسة هو اكتر مناسب حبوب الايد والرجل والظهر اللى بعد السويت

[هنودة هنانيدو]

اني زواجي ان شاء الله بعد 6 شهور تقريبا يعني من متى ابدا اجهز برايكم المشكلة اني اشوفها لسه بدري ومرات اقول لازم استعد من الان ومااعرف شنو الاولويات اللي لازم ابتدي بيها
بالنسبة لبشرتي مااعاني من مشكلة بيها يعني هل احتاج لماسكات اضافية او تفتيح حتى لو كانت بشرتي صافية ؟؟؟؟؟؟؟؟؟

انتى ممكن تستخدمى ماسكات عشان تخلى البشرة انعم واحلى وترطبيها
يعنى حتى لو بشرتك صافية ماسكات بتهتم بيها اكتر وتحافظ عليها

[هنودة هنانيدو]

ازيك يا هنودة و ازى كل البناويت وحشنى كلكم
بجد غيبت عنكم يوم وحشتونى جدا
هنودة كنت عايزا اسالك عن البيبى ليس اصل ماما عايزة تجيبها
هى حلوة ولا لأ يعنى بتبوظ الشعر زى السشوار
ولو هى كويسة يا ريت تقوليلى ايه احسن نوع عشان انا عملت عليها سيرش ولقيت واحدة اسمها بيبى ليس التيتانيوم بيشكروا فيها
يا ريت تفيدينى يا نودى لحسن ماما من ساعة ما شافتها فى الكوافير وهى معجبة بيها وبتقولى هاتيها

ازيك يانور انتى كمان وحشتينى
البيبى ليس حلوة للشعر واحسن من الاستشوار
بس بردو مع كترها بتبوظ الشعر
يعنى انتى ممكن تجيبها وتخليها فى مناسبات او عايزة تغيرى مش حاجة يوميا
وبعد ما تعملى بيها حطى سبروم خفيف يحمى الشعر

النوع اللى قولتيه حلو لان البيبى ليس هاتيها فيها مادة تانتيوم ده مادة بتحمى الشعر من التقصف يعنى زى عازل بين شعرك وبين البيبى ليس

النوع اللى حلو ومجرب فعلا من ماركة بيبى ليس وب 200 ج للشعر المبلول والناسف صورتها كانت عندى بس مش لاقيها بس موجودة هنا فى الجزء الاول من الموضوع بتاعنا حاشوفلك اى صفحة واحطلك اللينك

وكمان فى انواع من بيبى ليس مش بينفع غير مع الشعر الناشف يعنى مش حتفع مع مبلول بس اللى بقولك عليها ديه احسن لانها تنفع مع الاثنين وفيها مادة تاتنيوم ومجربها

والسيروم ايوة ممكن يبقى بدل كريمات

[هنودة هنانيدو]

هنووودة أزيكأسمحيلى أحيكى على الأفكار الرومانسيه الجميلة اللى قولتيها لاسيرة الشوقايه الرومانسية دى كلها ....يا بخته زوجك بيكى والله يا هنووودة وكمان بجد كلامك عن ترتيبات يوم الزفاف هدتى جزء من الخوف بكلامك يا قمرويا رب افرح بيكى فريب يا رب هنودة تفتكرى المياه المالحة ممكن تكون بتأثر على الشعر....حاسة انى من ساعة المصيفوشعرى بقى جاف قووى ؟ تفتكرى المياه المالحة هى السببوالجفاف ده هيروح مع الوقت ولا أعمل ايه؟؟؟؟

ملوكة ياقمر ميرسى حبيبتى على كلامك
ايوة الماء مالحة بتنشف الشعر وتخليه جاف
بس انتى اعملى حمام زيت او حمام كريم او اعملى ماسك لشعرك بعد كام مرة حيرجع شعرك كويس

[هنودة هنانيدو]

كيفك ياهنودة ياقمر انت وكل البنوتات العساسيل مبروك الجزء الجديد وعقبال المية يارب نفرح فيكم كلياتكم

انا داخلة طمن عليكو وانا مابكتب كتير ردود ماعندي كيبورد عربي فبضطر كيبورد عربي عن طريق النت فبتكون الكتابة شوي صعبة ومملة


انا عندي طلب يااحلى هنود بدي تمارين للخصر زي مابقولو وسطك وسط كمنجة

اناا عنجد بدي هيك يكون خصري وبدي اسئلك ينفع الف على بطني وخصري

كيس التغليف تبع الاكل اكيد عرفتيه واكون داهنة زنجبيل وماء في الاول انا لقيتك

كاتبة مرة عن الزنجبيل والماء مش عارفة لمين بالزبط بس اتذكرتهم قلت اسالك

عليهم

انا بعمل تمارين البطن الي كتبتيهم بس مش كلهم يمكن اربع او خمس تمارين

لانهم كتييييييير صعبين والرقص بعملو ربع ساعة يارب بس تدخل بطني وانحف

شوي يعني 5 الى 6 كيلو


المشكلة اني مابطبق نظام غذائي معين للنحف عششان هيك زدت 2 كيلو انا

زعلانة جدا ولاحاجة في ملابسي بتيجي علي ولاكمان صايرة كتير عريضة جيهة

الخصر والبطن والارداف


تعرفي انا بكتب من الكيبورد عالنت تصوري اخد مني اكتر من تلت ساعة شفتي

بطيئة جدا

معلشي دوششششششتكم

ازيك ياقمر بقالك كتير مختفية .. بصى ياقمر اكتبى عادى بالانجلش عشان متتعبيش وارد عليكى بالعربى عشان متزهقيش من كتابة

تمارين الخصر حتلاقيها فى اول الجزء ده لينكات لتمارين الارداف والمؤخرة ديه بتظبط الخصر جدا وعن تجربة
كمان الرقص فعلا مجربه بيخلى الخصر روعة وسطك وسط كمنجة
كمان بينزل الوزن معه وتمارين البطن كويس انك بتعملى 5 تمارين حلوين

النظام غذائى بما انتى مش قادرة تظبطيه انتى ممكن تعملى تنظيم الاكلك
يعنى مثلا افطرى حاجات مفيدة وخفيفة ومش بتزود الوزن زى جبنة قريش مع طماطم او بيض مسلوق ولبن او جبنة على توست خفيف مع كوب لبن
كل ما تجوعى كلى فاكهة او اشربى عصير طبيعى مش ماء غازية وكمان اشربى 8 كوب ماء فى اليوم بيقلل الشهية وينزل الماء الزايدة اللى فى الجسم
كمان قللى كمية الاكل يعنى كلى كل اللى نفسك فيها بس بكمية اقل
يعنى مثلا بتحبى مكرونة بدل ما تاكى طبق كامل كلى نص طبق وبدل ما تاكى كذا قطعة كفتة كلى النص وهكذا بدل ما تاكى شيكولا كاملة كلى نصف كدا حتاكلى كل حاجة ووزنك حيقل وخاصة انك بتعملى تمرين ورقص وكمان نطى الحبل 200 مرة فى اليوم يعنى كل شوية اعملى 50 نطة حيظبط الجسم جدا واشربى بعد الغداء بساعة شاى اخضر من غير سكر

لو عملتى نظام ده بجد حتنبسطى جدا وحتفرحى بجسمك خلال شهر حتشوفى نتيجة حلوة

بالنسبة انك تلفى البطن والخصر بنايلون ايوة حلوة اعمليه والعبى بعدها تمارين او ارقصى وومكن تعملى خلطة جنزبيل مع الماء تحطى جنزبيل عليه ماء ويبقى زى ماسك وتحطيه على البطن او الارداف وتلفيها بنايلون بيحرق الدهون لانه بيسخن منطقة جدا ويخلى الدم يوصل اليها فلما تتحركى يبتدى حرق الدهون بسرعة

[هنودة هنانيدو]

اصحابى الحلويت وحشتونى كتير
معلش مكنتش بدخل اليومين اللى فاتوا كنت تعبانة شوية برجع من الشغل بنام من بعد العشاء لغاية تانى يوم حالة ارهاق مش اكتر
الحمد لله نهاردة نمت براحتى وعندى اجازة قولت ادخل واكلمكم

كلكم وحشتونى وميرسى ياقمراتى على سؤالك عليا وبقيت حاسة اننا بقينا بيت كبير كلنا مع بعض فيه

ميرسى يا hoba essam على كلامك
ملوكة القمر
رنا
سالى
عزة
سماح
زكية
سارة

[هنودة هنانيدو]

حبايبى النهاردة تعالوا نتكلم على موضوع خاص بالصحة
عن خصوبة المرأة

اللى خلانى نتكلم نهاردة على كدا كذا سبب

اول حاجة انى حابة نتكلم فى كل مواضيع الخاصة بصحتنا وجمالنا ميبقاش بس موضوع عن البشرة وماسكات عايزين نستفيد بكل حاجة

تانى حاجة اوقات بيبقى عندنا نفس الاسئلة بس مش عارفين نسال مين

النهاردة نتكلم على " الخصوبة "" وقبل ما اتكلم معاكم فى اى حاجة ببقى متاكدة منها وبسال عليها دكاترة وبسمع حلقات فى الفضائيات من دكاترة عشان يبقى كلام صح

كمان اصحابنا المتزوجات بيفيدونا فى مواضيع زى كدا لانهم مروا بالكلام ده وعندهم علم بيه فكدا بنستفيد اكتر مع بعض وده الهدف


طبعا الخصوبة معناها قدرة البنت على التبويض والحمل يعنى الخصوبة ديه ممكن تبقى عالية او قليلة
ينى لو عالية معتاها قدرة على الحمل
ولو قليلة معتها نسبة الحمل والتبويض بيبقى اقل

زى اى حاجة فى الدنيا فى حاجات بتزود الخصوبة وحاحات بتاثر عليها وتقللها

طبعا موضوع التبويض بيبقى فى ايام معينة فى الشهر ومعتمدة على البيريود وميعادها بتبقى حوالى 5 او 6 ايام هما دول الايام مناسبة للتبويض يعنى بتبقى مناسبة لفرص الحمل

طيب الخصوبة بتاثر انها تخلى التبويض عالى بالتالى فرصة اكبر للحمل او بيكون التبويض اقل وبالتالى فرصة اقل للحمل


ايه حاجات اللى بتاثر على خصوبة ؟؟؟
هما حاجتين اما داخلية زى القلق والتور والاحباط
او خارجية هى خاصة بصحة الجسم والوزن والاكل

نبتدى بعوامل داخلية ؟؟؟
القلق والتوتر والاحباط والاكتئاب طبعا بيقلل الخصوبة لانها بتعمل تغيرات هرمونية تقلل من الخصوبة
يعنى اواقات بيبقى فى بنات تلاقى انه محصلش حمل وتروح لدكتور يقولها مفيش اى سبب عضوى ويلاقى ان التوتر والقلق اللى هى فيه هو السبب انها عالطول زعلانة او مكتئبة ومتوترة كل ده بيلخبط هرمونات فى جسمها بالتالى خصوبة اللى مرتبطة بالهرمونات بتقل وتضعف
عشان كدا اول حاجة لازم نبعد عن التوتر والقلق والزعل والاحباط شىء طبيعى يبقى عندنا الاحساس ده بش مش يبقى كل يوم على الفاضى ومليان يعنى لو موقف حصل وانتى زعلانة ماشى بس مش كل يوم تفضلى بنفس التوتر والقلق والحزن


طيب عوامل الخارجية ؟؟؟
اول حاجة الوزن طبعا لما بيكون وزن زايد عن الطبيعى بتققل الخصوبة وحتى تلاقوا دكاترة نساء كتير اول حاجة يقولها لو وزنك زايد لازم تقلل الوزن لانه غلط بياثر على خصوبة والتبويض لان الوزن الزيادة بيخلى الدهون تتراكم حول الرحم طبعا ده بيصعب عملية التبويض عشان كدا لو انتى وزنك عالى قللى وزنك من قبل الجواز وحتى بعد الجواز خلى دايما وزنك مناسب لانه بردو بياثر على العمود الفقرى ومشاكل تانية

طيب النحافة بردو اللى اكتر من الازم بتاثر على خصوبة يعنى النحافة الزايدة يتخلى الهرومانات اللى تسبب الحمل تقل لانها مش بتفرزها بالكمية الصحيحة

يعنى الوزن الصح احسن حاجة ولا تبقى زيادة فى الوزن اوى ولا نحيفة اوى


فى اغذية بتزود الخصوبة ؟؟؟
طبعا فى اغذية بتزود الخصوبة والافضل اننا نهتم بيها وناكلها من دلوقتى مش لازم بعد الجواز اقول ابقى اكل اكل صحى مفيد لا من دلوقتى كلى كويس وخاصة انها مفيدة لكل جسمك

يعنى من حاجات اللى قالوا عنها دكاترة انها بتزود الخصوبة

البيض :ك انه فعلا بيزود الخصوبة والتبويض كمان البيض مش بيزود الوزن وبيزود كالسيوم الجسم يعنى انتى مستفادة بكل الاحوال يعنى الصبح افطرى بيض مسلوق حطى عليها ملح وفلفل وكليه بيبقى طعمه حلو اوى ومغذى جدا انا بقيت كل يوم الصبح افطر بيضة مسلوقة بحس انى شبعت وانى اكلت حاجة مفيدة ومش بتزود وزنى

الخس والجرجير :: طبعا فى فيتامين هـ وده مضاد للعقم وبيزود الخصوبة انتى بدل ما تجيبى كبسولات من صيدلية فيها فبتامين هـ هى موجودة معاكى طبيعى فى الخس والجرجير كمان مفيدين لتساقط الشعر وبردو نش بتزود الوزن طبعا مش حاقولك كلى خس وجرجير لوحدهم الاحسن حطيهم فى السلطة كدا تتشجعى تاكليهم يوميا مع الغداء

البصل :: البصل فعلا سبحان الله مليان فوايد كتير اوى بعنى بيعمل توزان هرمونات فى الجسم يعنى لو عندك لخبطة هرمونات البصل بيعمل توازن لها كمان فيه مادة اسمها كروم ده بيظيط مستوى السكر فى الدم ويجدد الخلايا ويقلل من الشيخوخة ..

طبعا حتاكليه بردو مع سلطة يعنى طبق سلطة بتاعك حطى فيه خس
وجرجير وبصل مع طماطم وفلفل وكل يوم فى الغداء كلى منه تخيلى انتى بقى جسمك منستفاد اد ايه

كمان اللى عايزين يعملوا دايت لما تاكلوا طبق السلطة فى اول الاكل حتشبعى فتاكلى كمية اقل من باقى الوجبة كمان ممكن فى العشاء تعمليه وتاكى طبق سلطة صغير وفى ناس فى الدايت تاكل السلطة بين الوجبات فكدا كدا جسمك مستفاد

الشيكولاتة :: كلنا بنحبها جدا بردو فيها احماض امينية ديه بتزود الخصوبة كمان بتعمل روح معنوية عالية عشان كدا لما بنبقى مضايقين ناكل شيكولاتة بنحس بعدها اننا مبسوطين لانها بتفرز هرمون بيوصل للمخ بيدى حالة سعادة وانبساط

يبقى انتى كدا لو يوميا بتاكلى بيض وخس وجرجير وبصل وشيكولا انتى بتزودى الخصوبة عندك وجسمك بيستفيد ووزنك مش بيزيد ماعدا طبعا الشيكولا حتزود الوزن ديه خليها مش يوميا يعنى كل فترة بس لو فعلا مضايقة او مودك مش حلوة كليها حتخليكى حاسة انك احسن ,..
فعلا كل ما ببقى مضايقة اروح اجيب باكو شيكولا واكلها احس انى طايرة ههههههه

طيب احنا اتكلمنا على حاجات سهلة نعملها تزود الخصوبة ومش محتاجة اكل كتير هما حاجات حلوة سهلة تاكليها فى اليوم وتزود الخصوبة

بردو فى حاجات سلبية تقلل الخصوبة زى :::

القهوة والشاى :ك طبعا هما مادة كافيين كترهم بيقلل الخصوبة والتبويض اما انك تشربى كوب واحد شاى او قهوة فى اليوم عادى مفيش مشكلة اما انك تشربى كتير اكتر من مرة فى اليوم قهوة وشاى غلط وكمان مش مفيدين

حبوب منع الحمل :: فى بنات اول الجواز تحب تاخدها عشان مش عايزة حمل فى الاول طبعا لازم تاخدها مع دكتور لانك مع نفسك ممكن تعمل لخبطة هرمونات وتقلل الخصوبة عندك خاصة انك لسه فى اول الجواز كل حاجة فى جسمك من هرمونات بتتغير فكمان تزوديها بحبوب منع الحمل عشان كدا لو ناوية تعملى حاجة زى كدا روحى دكتور شاطر حتى لو انتى متجوزة وعايزة تاخديها عشان تفصلى بين اول حمل وحمل تانى بردو اختارى دكتور شاطر عشان تاخديها بشكل صح

الامراض التناسلية :: اللى هى الالتهابات والافرازات ديه بردو من حاجات بتقلل الخصوبة والتبويض وتلاقى اواقات بعد الجواز محصلش حمل وتلاقى السبب الافرازات والفطريات وديه علاجها سريع وبسيط
طبعا فى افرازات عادية طبيعية اما اللى بتكلم عليه هو افرازات مهبلية مضرة عشان تفرقى بينهم الافرازات الضارة بتحسى بحكة وبوجع وريحة مش حلوة ولونها غامق كمان وقت العلاقة الحميمية بتبقى حاسة بالم .. عشان كدا لو انتى عندك حاجة زى كدا روحى دكتورة عشان متزدش
وكان فى موضوع عن الافرازت مهبلية حتلاقوه فى الروابط الللى فى اول الجزء ده او اى جزء فات


يعنى فى الاخر الخصوبة لها علاقة باكل صحى ووزن كويس ونظافة شخصية
يعنى ناخد بالنا من حاجت ديه بدل ما نهمل فى نفسنا وموضوع يزيد ويكبر ونقول احنا اللى اهملنا نفسنا

[oum ahmad89]

اشكرك يا هنوده على الموضوع الحلو بس شوفي انا متزوجة الشهر الجاي راح اكمل
ثلاث سنوات موانع الحمل دي ماعمري استخدمتها لاني بخاف كثير منها ومن الاضرار
الي تسببها
كنت استخدم العزل الي هو مانع طبيعي
لكن للاسف فشل معايه وحملت
ابني جبته بعمليه قيصريه
وصغير جدا وكمان انا الان على وجه ولاده
الله يعين
لكن ان شاء الله بعد الولاده راح اخذ احتياطي كويس
واستخدم مانع مضمون بالرغم من اني سمعت انه في ناس
حملوا على اللولب وناس حملوا على الحبوب
لكن الي كاتبه ربي راح يصير
وكمان التفكير بالحمل سمعت انه يأخر الحمل
يعني ياعروسات ياقمرات لاتفكروا فيه وكمان لاتقولوا راح نستمعل مانع عشان امنع الحمل
في بدايه الزواج يمكن يأثر عليك وتظلي طول عمرك تلومي نفسك
خلاص خليها على ربك حملت كان بيها ماحملت خلاص ان شاء الله ربي يرزقك