"عروسات المستقبل تعالوا اقولكم".. جزء ( 8 )

[az-butterfly]

السلام عليكم

سلام لكل قمرات المنتدى وعروسات المستقبل ولاجمل عروسه هنودة

جزاكى الله خيرا على الدعاء يا "ميويا 86 " ويسعدك انتى وكل بنات المسلمين

[az-butterfly]

فعلا يا " امامة محمد " جزاكى الله خيرا

انا برضه كنت كدة بشتكى من بصيلات شعر الجسم وفعلا بقيت اعمل زى ما قلتى
انى بحط السويت عكس نمو الشعر واسحبها مع اتجاة نمو الشعر فعلا بتشيل اسرع واخف الم والشعر بيطلع على طول من غير ما يكون تحت الجلد .... بس مش من اول مرة عايزة تبقى كذا مرة علشان الشعر يتعود .... جزاكى الله خيرا

[ميويا86]

ميويا حبيبتى والله واحشانى جدا يارب تكونى وفقتى فى مقابلتك

جزانا واياكى حبيبتى انا تحت امرك احنا اخوات
بصى اللبن حليب عادى مش بودرة انا جربته بس حطيته 30 د وبعدين فركته هتلاقيه بيتفرك معاكى لانه بيبقى خلاص نشف
ولو عاوزة حاجة تانية انا تحت امرك حبيبتى

جزاكي الله خيرا حبيبتي
ربنايبارك فيكي يارب انتي كمان وحشتيني
وان شاء الله المرة الجاية اسيبه نص ساعة

[ميويا86]

السلام عليكم

سلام لكل قمرات المنتدى وعروسات المستقبل ولاجمل عروسه هنودة

جزاكى الله خيرا على الدعاء يا "ميويا 86 " ويسعدك انتى وكل بنات المسلمين

آآآآآآآآآآمين يارب
لاشكر ع واجب حبيبتي
نودي حبيبتي فييييييييييييينك؟؟
واحشتينييييييييييييييييي

[ملوكة 12]

هنوووودة وحشتينى
أزيك انتى وكل قمرات المنتدى ....يا رب تكونوا بخير كلكم
معلش مكنتش متابعة الايام اللى عدت بسبب النت ربنا يكرمه
بس اول ما رجع قلت ادخل اطمن عليكم علطووول
هنودة يا رب تكونى بخير انتى وكل الاخوات

سموحة هتوحشينا وترجعى بالف سلامة

عزة ازيك بسم الله ما شاء الله عليكى احسن بكتير ايوة كده
يا رب دايما سعيدة

[pink_heart]

ازيكم يا قمرات وحشتونى هنوده و عزة وسموحه وميويا وملوكه ومونى وساره ونوره وزكيه وكل البنات
وسموووحه هتوحشينىىىىىى ترجعيلنا بألف سلامه ان شاء الله
نوووووووووووووده حبيبتى فينك مش باينه لييييييييه؟؟؟

[ايمان مونى]

هنودة حبيبتى مرسيه يا روحى انك رديتى عليا انتى عاملة ايه وايه اخبارك ربنا يهنيكى حبيبتى
بس انا كنت عاوزة اسالك عن حاجة حبيبتى انتى قولتيلى استخدم الموس بقى
طب اشيل بمياه وصابون ولا ايه وانا سمعت انى احط نشا هل ده صحيح ولا ايه
يعنى ايه احسن حاجة اشيل بيها
وبالنسبة حبيبتى لكريم ليكوسيد بتاع الركب احطه ازاى واد ايه
معلش يا حبيبتى انا تقلت عليكى بس اعذرينى انتى اختى الكبيرة وبستفيد منك والله
وجزاكى الله خيرا

[هنودة هنانيدو]

السلام عليكم
ازيك ياقمرات بجد وحشتونى كتير كنت مشغولة الايام اللى فاتت
كانت خطوبة بنت خالتى عقبال كل البنوتات النهاردة اخدت اجازة وقولت ارتاح فى البيت واقعد معاكم بقى احكى واتكلم معاكم

كل يوم قبل ما انام اقول عايزة بكرة اكلكم فى موضوع معين اصحى الصبح واجى اكتب الاقى حاجة تانية طلعتلى عايزة اقولكم عليها وافضل كدا

نهاردة قولت بسرعة احكى معاكم بعد كدا ندرش سوا فى الاسئلة

نهاردة حيبقى زى تلخيص لحلقة امينة شلبايةبتاعة اللاسبوع اللى فات
حاقولكم على الحاجات اللى سمعتها منها وعملية ومعلومات تانية من اخصائيت تجميل تانيين سمعت خلقاتهم


اول حاجة منطقة البطن اللى كلنا تعبانين منها
البنات مشكلتها بطن وارادف المشكلة ان الدهون بتبقى متراكمة كتير فى منطاق البطن والارداف واقل مكان لتجمع الدهون بيبقى فى الوجه والذراع والرقبة
عشان كدا اول ما تعملى رياضة او ريجيم او شرب شاى اخضر اول حاجة تظهر فيها النتيجة الوجه والرقبة والذراع والرجل لاما البطن وارادف بتبقى الدهون كتير جدا وبتبقى بقالها مدة طويلة وسنوات عشان كدا بتحتاج وقت طويل تنزل وتتحرق الدهون اللى فيها ومحتاجة مجهود اكبر

معنى كدا يا بنات اننا منفقدش الامل لن الارداف والبطن حتنزل كل المشكلة حتاخد وقت طول يعنى مش حنتوقع ان دهون بقالها سنة حتروح فى شهر لازم ناخد وقت اطول

يعنى دايت مع الرياضة وشاى اخضر يبقى حنلاقى نتيجة واهما النية والدعاء ان ربنا يقويكى

الشاى الاخضر
كانت دكتورة منى وبهاء ناجى قالوا ان الشاى الاخضر فعلا مفيد بيحرق دهون البطن والارادف كمان بيحمى القلب ويفيد الدورة الدموية
بس عشان يجيب نتيجة يتشرب 2 ل 3 كوب فى اليوم بدون سكر خالص ويتشرب بعد الاكل بساعة واللى مش بيحب طعمه جيب شاى اخضر بالنعناع
بيعجبنى طعم شاى دلما وليبتون


كريمات النهار والليل
امينة شلباية قالت ان الفرق بين الكريمين ان كريم النهار بيغذى وبيرطب وبيحمى من التراب والجو الحر والشمس عشان بيبقى فى نسبة من صن بلوك ويتحط قبل الميكب عادى وان كريم النهار يعتبر هو كريم المرطب

كريم الليل بيغذى البشرة قبل ما تنامى عشان طول الليل بشرة بتبقى مستريحة وتمتص الكريم اسرع وتغذى البشرة عشن كدا دايما نخلى كريم الليل حاجة مغذية للبشرة من ماركة كويسة

كريم التفتيح قالت انه اى ماركة بيبقى غلط على البشرة بعد فترة بتحصل مشاكل كتير حتى لو كان كريم غالى وماركة مشهورة


المكيب
امينة شلباية قالت ان ميكب لما تشترية جربيه على المكان بتاعه يعنى لو جيبتى روج تجربى على شفايف مش على ايدك لو جبتى كحل جربى فى عينك لو فانودشين يبقى على بشرتك وهكذا


الخطوط البيضا
قالت ان مفيش حل نهائى ليها بمعنى الكلمة فى حلول تقلله ومنها الليزر بنسبة 40%


الاجهزة الرياضية
د بهاء ناجى كان قال افضل الاجهزة الرياضية للتخسيس وشد الجسم المشاية " السير الكهربائى " وبعده اوربتراك بس السير بيبقى مشجع اكتر تعملى عليه لان اوربتراك متعب شوية بس نتيجته حلوة

وانا روحت محل اجهزة رياضية عشان اشوف لقيت الراجل فى محل بيقول نفس الكلام وشوفت الاسعار لقيت السير الكهربائى ب 2000 واوربتراك 450 ج
وقالى كل الانواع بتبقى صينى وماركات عالمية موجودة فقط فى توكيلات زى المحل اللى فى مول سان ستيفانو بس الصينى الكويس اللى يكون معه ضمان

ايه تانى مش فاكرة ايه كمان بس لو افتكرت حاجة حاقولكم

[هنودة هنانيدو]

ازيك يا هنودة يا قمر
انا عندى مشكلة وارجو منكى انك تساعدينى
انا بشرتى مختلطة ومن حين لاخر بيطلع لى حبوب فى الجبهة بجانب الشعر ......اعمل فيها ايه؟
وحول انفى منطقة حمراء وتعطى من بعيد كانها لون بنى......اعمل فيها ايه؟
ومعلش هاتقل عليكى انا عندى رؤؤس سودا ......يا ريت تقولى لى على منظف وطريقة للتقليل منها
وتسلمى لى يا عسل

ازيك ياهابى ؟؟
بصى ياقمر انتى عشان بشرتك مختلطة عندك جزء دهنى فى وشك وجزء جاف
يعنى الدهنى اللى بيبقى عند الجبهة والانف والذقن

والجافة بيتبقى غند الخدود
طبعا الجبهة بيطلع فيها حبوب وحول الانف احمر عشان منطقة دهنية

حاقولك على كذا ماسك تعمليهم
ناسك بيضة مع عسل انك تطيهم على بعض ويتخط على منقطة الجبين والذقن والانف مش كل الوجه عشان ده بيقلل الدهون اللى فى مناطق ديه

فى غسول حلوة للبشرتك ده بيقلل الحبوب والدهون وكمان بيقلل جفاف ده من كنورة تجميل

انقعي أوراق المرامية والنعناع الأخضر في ماء لمده 24 ساعة ، وتحطى ملعقة من ماء الورد ونقطتين من عصير الليمون ، واغسلي به وجهك فى اى وقت .

الرؤؤس السودا طبعا هى سببها ان مسام كات مفتوحة واتسدت بالدهون فعملت رؤؤس سودا
حلها حمام بخار يتعمل وبعده سكرب تقشير زى ملح مع ليمون وتجيبى فوطة قطن نظيفة وتضغطى على رؤؤس سوداء عشان تطلع وممكن تستعملى كلين اند كلير بتاع رؤؤس سوداء

[هنودة هنانيدو]

ربنا يبارك فيكي يا نودي ياحبيبتي
ويجزيكي كل خير يارب
عارفة يا نودي انا نفسي ترجعي تتكلمي كتيييييييييييييير ذي الاول
فاكرة؟كنت يوميا بتكتبي موضوع بجد والله كلامك واحشني
بس عارفة انك مش ملاحقة من اسئلتنا
ربنا يقويكي علينا حبيبتي ويجعله في ميزان حسناتك
والله بجد يانودي انتي شخصية رااااااااااااااااااااااااااااااااااااااااااااااااا اائعة
يابخت جوزك بيكي وربنا يسعدكو ياااااااااااااااااااارب ويرضي عنكو

نودي ممكن اسأل سؤال بس مش تقولي عليا خايبة؟
عشان انا بتكسف من كتر الاسئلة والله بس اعمل اية؟؟؟خايبة ومايلة كمان
المهم دلوقتي مثلا انا اجيب بودرة تلك وافضيها ف علبة واحط عليها تونيك ماء الورد شوية شوية لحد ما تبقي ذي الكريم واشيلها ف التلاجة واحط منها بصوباعي ع الابط زي الكريم بتاع الوش
ولا انا فاهمة غلط؟؟
معلش يانودي استحمليني يانجدتي

ربنا يخليكى ياميويا
بصى ياقمراية انتى متحطيش علبة بودرة كلها انتى كفاية تحطى مثلا 3 ملاعق بودرة تلك وعليها ماء ورد شويو شوية زى ما قولتى لغاية ما تبقى كريم وتستخديها بلاش تعملى كمية كبيرة لما تخلصى كمية بتاعتك اعملى تانى