"عروسات المستقبل تعالوا اقولكم".. جزء ( 8 )

[ايمان مونى]

اهلا بيكى يا az butterfly انا كمان من اسكندرية يا حبيبتى انا كمان كنت زيك كدة معرفش حاجة فى اى حاجة بس الحمد لله دلوقتى بقيت احسن بكتير ولو عاوزة اى حاجة يا حبيبتى انا تحت امرك انا هتابعك قوليلى عاوزة ايه و ايه مشاكلك وياريت اتعرف عليكى

[ميويا86]

ألف مبروك يا هنودتي يا حبيبتي ع الجزء الجديد
وربنا ما يحرمنا منك ابدا ابدا
ده انتي عنينيا اللي بنشوف بيها
وانتي ايدينا اللي بنكتب بيها
وانتي ........وانتي........وانتي.......
كفاية حلاقة بقة صح ههههههههههههه
لاة بجد والله سيبك من الحلاقة اللي فوق انتي
ربنا يبارك فيكي ويجزيكي خير ع كل كلامك معانا

[az-butterfly]

الله يكرمك يا ايمان مونى بصى انا بحاول الاول اجمع كلامكم وافكارى وحعمل ايه بس المشكله انى حاسه انه حاجات كتير اوى .. عايزة اتعود عليه .. حاسه انه صعب عليا

يعنى مثلا مشكلتى كلها جلديه ... سواد فظيع " ابط ورقبه وركبه وكوع وطبعا المنطقة الحساسه " دى المشاكل الكبرى

وطبعا اكيد كل اللى انتوا بتتكلموا عليه من ترطيب ونعومة واهتمام ... كل دة مفيش ومش عارفة

وبعدين انا محتارة اعالج الاول باللى انتوا قلتوه عليه وبعد كدة ترطيب وكدة ولا الاتنين مع بعض ولا ايه

امشى خطوة خطوة اعالج حاجة وبعد كدة اللى وراها ولا كله مع بعضه علشان اكسب وقت

خلاص مش عارفة حاجة خالص

[ميويا86]

السلام عليكم يا بنات يا احلى بنات شوفتها فى حياتى
ربنا يجازيكم خير ويتمملكم على خير يارب
وخاصة الى هنودة جزاكى الله خيرا كثيرا

انا طبعا جيت متاخرة خالص عليكم بس ارجوكو تقبلونى معاكم
انا فى امس الحاجة لكل كلمة منكم وفى امس الحاجة لمشاركنكم

عارفين الايه الكريمة : بسم الله الرحمن الرحيم
" ومن أحياها فكأنما أحيا الناس جميعا "
هو دة فعلا اللى عملتوه فيا بجد وبمنتداكم الجميل دة وجزاكم الله خيرا

طبعا انا لسه ماقريتش كل حاجة لسه لغاية الجزء التالت وحتى الجزء دة لسه ما قريتهوش بس حبيت اشارك معاكم بسرعة

اعرفكم بنفسى انا بنت من اسكندريه - مصر بنت واحدة على تلات شباب اكبر منى
مشكلتى العظمى انى حاجة كدة لا جنس معين لها .... بكلامكم حسيت انى حاجة جايه من كوكب اخر مش بنت خالص ...انا ولا اعرف ميكب ولا وصفات ولا حاجة ابدا

وعندى كل المشكلات الجلدية اللى اتكلمتوا عليها ... ومفيش اى مشكله حتخرج من عندى كله موجود... ولفيت كل الدكاترة ومفيش فايدة الحالة بتسوء اكتر واكتر مع العلاج

ودة اللى خلانى رافضه الزواج .. لدرجة انى وزعت الشوار بتاعى لبنات عمى وخلاتى

ارجوكم تساعدونى انتوا اعطيتونى امل فى الحياة من تانى ... حسيت انى مش لوحدى وممكن اتكلم معاكم فى مشاكلى دون احراج انتو عارفين ان الحاجات دى محرجة جدا لو اتكلمت فيها مع اصحابى او بنات عائلتى

سبحان الله على الصدفة الجميلة اللى جمعتنى بيكم ... جايز تكون بشرى من ربنا عزوجل انه لسه فى امل فى الحياة ليا

انا اسفة جدا على الاطاله .. بس والله بكلمكم وانا ببكى

ياريت ياهنودة تردى عليا وكل البنات يساعدونى فى مشاكلى ديه الله يخليكم
انا تايهة خالص وضايعة

كلامكم مرتب وبسيط وتمام بس مش عارفة ابدا ازاى ومنين وفين ....ساعدونى

ازيك يا قمر ؟
ايييييييييييييييييييية يابنتي الاكتئاب اللي انتي عايشة فية ده
والله البنات كلها مليانة................ربنا يسترنا بقة
بجدالاغلبية العظمي عندها مشاكل كتير بنسب متفاوتة
سواد ركب... عدم توحيد لون...الشعر.....وهكذا
واحدة وحدة بس بالراحة ع نفسك هتلاقي الامور بتتحسن
اهم حاجة بس نكون من جوانا بجد
راضيين جداااااااااااااااااااااااااااااااااااا عن شكلنا عشان الشيطان مش يضحك علينا ويقولنا شوفي فلانة احسن منك وانتي فيكي وفيكي
بجد والله يابنات الشيطان بيكبرلنا المواضيع خاااااااااااااااااالص
منه لله


بصي يا قمر تابعي معانا ان شاء الله هتستفيدي
واقرائ موضوع الثقة بالنفس اللينك بتاعه ف اول صفحة
وتقبلي مروري واهلا بيكي معانا يا عروسة

[ايمان مونى]

لا بصى اهدى اول حاجة تعمليها تشوفى لو عندك حبوب عالجيها ووانتى بتعالجى الحبوب تعملى لجسمك التقشير وتستعملى ماسكات التفتيح للركبة والكوع وكل حتة ومرة على مرة هتلاقى نتيجة ان شاء الله اهم حاجة ماتستعجليش وتفتكرى انك من اول مرة هتستعملى فيها الماسكات هتبقى مادونا ههههههههه لا اصبرى عليها شوية وكمان اوعى تملى او تستسلمى واحنا كلنا معاكى هنا هنتابعك ان شاء الله وممكن كمان تنضمى للمجموعات الاجتماعية هتستفيدى كتير وهنشجع بعض فيه مجموعة اسمها بحب اسكندرية وبعشق بحرها انا مشتركة فيها وهنرحب بيكى فيها وهنتكلن مع بعض احسن ايه رايك
على العموم انا فى الخدمة

[az-butterfly]

الله يكرمكم يا قمرات "ايمان مونى " -- "ميويا 86 " وجزاكم الله كل خير

انا فعلا مكتئبة وحالتى زيرو خالص بس ان شاء الله بمساعدتكم باذن الله حكون كويسه وانا دلوقتى متفائله وعندى امل كبير فى الله وفيكم ربنا يخليكم


فعلا يا ميويا 86 انا كنت مفكرة انى الوحيدة اللى فى العالم عندى المشاكل دى لانها فظيعة وكتيرة .. والوسط اللى حواليا كلهم ماشاء الله ربنا يحفظ حلوين وتمام

بصى يا ايمان مونى

انا الحمد لله حاجة وحيدة مش عندى الحبوب الحمد لله
وانا فهمت منك انى ابتدى فى العلاج دلوقتى صح بالعلاجات اللى انتوا بتقولها

يعنى ابتدى افتح الركب والكوع والابط وكل دة ... اوك ... وان شاء الله مش حزهق ربنا يوفق ويسلم ويشفى امين يارب

وطبعا اكيد عايزة اشترك فى المجموعة الاجتماعية ربنا يكرمك .. بس انا لسه فى النت والمنتدايات جديدة يعنى لسه مش عارفة اعمل ايه
ربنا يكرمكم ويجازيكم خير ويسعدكم امين يارب العالمين وكل بنات المسلمين

[سماح عزت]

az-butterfly
اهلا بيكى معانا يا قمر والله انتى نورتى المنتدى ويابنتى متقلقيش احنا معظمنا عندنا حاجات زيك بالظبط يمكن عشان الوسط بتاعك زى ما بتقولى سبحان الله لكن انا وغيرى وغيرى وكتير عندهم حاجات زى الى مدياكى دى لكن كله بيهون اهم حاجة فعلا الحالة النفسية بتاعتك تكون تمام ويكون عندك ثقة فى نفسك انا والله ساعات كتير بيحصلى ملل واكتئاب لكن كله بيعدى وان شاء الله تحلى كل مشاكلك وربنا يرزقك بابن الحلال الى يستاهلك وخلى معانا هنا وانتى مش تندمى ان شاء الله وبعدين دى انتى معاكى ايمان وهنودى بلدياتك حد ادك يا عم فرفشى يا حبيبتى وخدىو الامور ببساطة شوية

[سماح عزت]

ازيك ياميويا والله بفرح اوى لما ادخل والاقيكى موجودة بس ان احنا لسه اسرة وحدة وانتى بتنورى المنتدى وربنا يهونها عليكى فى الظروف الى وخداكى مننا دى وترجعلنا بالسلامة (انتى منين يا ميويا)

[سماح عزت]

ازيكم يا قمرات عاملين ايه وحشتينى يا نودى شو اخبارك؟؟؟
يا قمرات انتم ليه مش بتشركونا الراى فى احكى يا شهرزاد عشان هو بيكمل عروسات المستقبل احنا اتفقنا ان الحياة مش شعر وشكل ومكب وبس فى حاجات تانية بتكمل وحبه اوى اننا نستفاد من كل النواحى كلنا مع بعض والواحد بيتعلم من خبرات التانى والمتزوجين احنا محتاجين نصايحهم يا ريت تبقى معانا يا رنا
سامحونى لو رخمت علكم فى الكلام لكن انا احب ان احنا نبقى اخوات فى كل حاجة ونفيد بعض فى كل حاجة ونجدد نيتنا فى انشاء بيوت تغمرها الطمانينة والسكينة وراحة البال ..واسفة مرة تانية لو رزلت عليكم احبكم فى الله

[az-butterfly]

az-butterfly
اهلا بيكى معانا يا قمر والله انتى نورتى المنتدى ويابنتى متقلقيش احنا معظمنا عندنا حاجات زيك بالظبط يمكن عشان الوسط بتاعك زى ما بتقولى سبحان الله لكن انا وغيرى وغيرى وكتير عندهم حاجات زى الى مدياكى دى لكن كله بيهون اهم حاجة فعلا الحالة النفسية بتاعتك تكون تمام ويكون عندك ثقة فى نفسك انا والله ساعات كتير بيحصلى ملل واكتئاب لكن كله بيعدى وان شاء الله تحلى كل مشاكلك وربنا يرزقك بابن الحلال الى يستاهلك وخلى معانا هنا وانتى مش تندمى ان شاء الله وبعدين دى انتى معاكى ايمان وهنودى بلدياتك حد ادك يا عم فرفشى يا حبيبتى وخدىو الامور ببساطة شوية

الله يكرمك يا "سماح عزت " وجزاكى الله خيرا واعزك
اه والله عندك حق ماهو اللى فرحنى اوى اوى ان ايمان وهنودة من اسكندرية حسيت ان الموضوع مش عايز معجزة ... الحمد لله