"عروسات المستقبل تعالوا اقولكم".. جزء ( 8 )

[هنودة هنانيدو]

الف مبروووك هنودة حبيبتي علي الجزء الجديد وعقبال المية يارب انا فرحت اوي لما شفته بجد جميل وفيه معلومات جميلة وهايلة ان شاء الله استفيد منها اما ابقي عروسة ان شاء الله ادعوولي لاني لسه ما اتخطبتش وانا كمان فرحانة ان انا بقيت صاحبتكوا ومعاكوا في الموضوع الجميل دة وفي المنتدي كمان يارب تدووم المحبة ديه داءما بين كل بنات المنتدي وبصراحة يا هنوودة انتي بتجمعينا عندك بمواضيعك الجميلة يارب داءما تكوني متالقة ومتجددة

ازيك يا قمراية ؟؟ مبسوطة بكلامك ومبسوطة اكتر انك مرتاحة معانا
خليكى عالطول منورنا وانتى خلاص صاحبتنا كلنا واى حاجة محتاجها اطلبى ياقمر علطول من غير تردد

الف مبروك على الجزء الجديد و بجد كلامك حلو اوى هحاول اطبقه لما اكون مشدوده مش شرط ايام الفرح و لما اجى اتجوز ان شاء الله

برافوا عليكى يا سلفوتة الكلام ده بينفع فى كل الاوقات خاصة اليوجا وسماع قراءن قبل النوم والدش الدافى كله كله

عظمة على عظمة ياست على راى الى بيقول ههههههههههه ايوة كدا كدا حسينا ان نودى رجعت لينا بالسلامة تانى ربنا مش يحرمنا منك ... مليون مبروك يا نودى على الجزء الجديد وطبعا من غير مبالغة متالقة كالعادة يارب يدمها عليكى نعمة موضوع جميل جدا وانا عن نفسى ناويه ان شاء الله احطه ادام عينى عشان لما اغلط واخالف النصايح دى افكر نفسى بيها احسن بعيد عنك اختك فى اقل المواقف بتبقى شايلة الدنيا فوق دماغها ومتعصبة وحالتى بتبقى صعبة ربنا يسترها علينا كلنا

هههههههههه عظمة عليكى يا سموحة .... انتى هدى نفسك لما تتعصبى او تتضايقى مش حتستفادى حاجة غير حرقة الدم
لما تبقى متوترة دش دافى او بانيو مليان ماء وشوية زيت عطرى واستجمى

[هنودة هنانيدو]

[quote=alzaa;8658045]الف مبروك هنودة علي الجزء الجديد ووعد والله اول ما يجي الاسبوع الاخير بتاعي هعمل كدة انشاء الله ويارب يجي بسرعة

رنا ياجميلة كنت فاكراكي لسة مجوزتيش بس يالا طلعت اوت ربنا يخليلك اولادك وعقبالي لما يكون عندي اولادي انتي اكبر مني بسنة عندي 23

هنودة حبيبتي معلش كنت عاوزة اسئلك علي كام حاجة كدا بصي يا ستي
1 زيت الوز المر والحلو اية استخدماتهم وينفع يتحط علي الوش يعني لو في ماسكات ليهم قوليلي انتي قولتي زيت الوز المر بعد الشاور احطة كمان علي وشي والايد
2 كريم جليسوليد دة كان لية وصفة كنت عاوزاكي تقولي عليها لان عمالة ادور علي الوصفة بتاعتو ومش عارفة فين ويستخدم علشان اية اكنت عاوزاكي تقوليلي علي كام اسم بيرفيوم حلو ومجرباهم معلشي طولت عليكي اوي وعارفة ان اسئلتي انتي كنتي كدبة ردها بس عاوزاكي تجمعهولي ومتنسيش علي كريم الجليسوليد انا جبتة ومش عارفة دة علشان اسمرار بين الفخدين ولا الركبة

ازيك ياقمر ؟؟ ان شاء الله يجى اسبوع قبل الفرح وانتى فرحانة ومبسوطة

زيت اللوز المر ده للجسم والبشرة
الحلو ده للشعر

المر ينفع طبعا على الوش وعلى الايد والرجل تستخدميه بعد الشاور زى ترطيب لكل الجسم حتى منطقة حساسة

ممكن تحطى عليه كبسولات فيتامين e وتحطيه على الهالات وتحت العين
بردو بيتحط على الرقبة بيفتحها ويسدها

ممكن تعملى خلطة زيت اللوز المر مع جلسرين مع ماء ورد مع ليمون وتحطيها على كل الجسم وتسبيها لمدة ساعتين وتغسلى جسمك

ممكن تحطى زيت اللوز المر على رز مطحون وجلسرين وحليب وتعملى زى تقشير لكل الجسم يعنى تخلطى كل مقادير سواء وتحطيها على جسمك وهو مبلول وتفركى بايدك لغاية ما تخلصى كل الجسم وتغسليه بالماء

جليوسليد بيستخدم لوحدة لترطيب الركب والكوع والايد وتحفة لانه بينعم وبيفتح
ممكن تحطى جليوسليد مع زيت اللوز المر وتدهنى بيه الركب والايد والكوع والرجل بينعم جدا وبيفتح مع التكرار وممكن تحطى كمان على بين الفخذين بيرطب

[هنودة هنانيدو]

ألففففففففف مليووووووون مبروك يا هنودة على الجزء 8
عقبال المليون واحنا بردو مع بعض احلى الاخوات ان شاء الله
وكالعادة كلامك صح مليون فى الميه

ملوكة الامورة عاملة ايه وحشتنيى بجد كتبر

هنودة يا حبيبتى الف مبروك على الجزء الجديد حلو اوى زى ما معودانا دايما بكلامك الجميل ده والله انا بستفيد منه كتييييييييييير ودايما كده يا رب تمتعينا بحاجاتك الحلوة و مايحرمناش منك ابدا والله المنتدى مش منور غير بيكى انتى يا قمر وعلى فكرة انا عاوزة اقولك ان انتى كنتى السبب فى اشتراكى فى المنتدى اول ماقريت ليكى اول جزء بقيت بدخل المنتدى علشانك لحد ما اتشرفت بانى اكتبلك وكمان عاوزة اشكرك لانك رحبتى بيا فى اول كلامك و الله مش غريب على عسل زيك معلش طولت عليكى بس اعذرينى من حبى فيكى من غير ما اشوفك حبيتك والله مش عشان انا بستفيد منك لالالالالالالالالالالالا ده حب فى الله ويارب دايما تكونى بخير وسعيدة مع زوجك
مع السلامة يا عسل وتقبلى مرورى

مونى انتى بجد كاك ذوق مش لاقية كلام ارد بيه على كلامك الحلو
بس بجد مبسوطة اوى بكلامك وتشجعيك
انتى طبعا صاحبتنا وبقيتى جزء مننا خليكى بقى معانا عالطول منورنا
غير انك طبعا اسكندرانية

نوده ياقمررررررررر مليون مبروك على الجزء الثامن وكالعاده موضوع جامد جداااااااااااااااااااااااااااااااااا ومهم اوى

بينك حبيبتى فينك ؟؟ يارب تكونى صحبتك دلوقتى كويسة
ربنا يحفظك بجد بتوحشينى جدا وبحبك جدا والله مذ مجاملة

[هنودة هنانيدو]

بصى ياهنوده انتى زى العسل
وكلامك فعلا جميل
بيريح
لدررجه انى فتحت كل اجزائك وقريتها حرف حرف
مع انى مش عروسه
بس ادعولى يابنات المنتدى
واحب اعتبر نفسى صاحبتك ياهنوده
دا يبقى ليا الشرف ياقمر
وربنا يارب ميحرمناش منك ولا من نصايحك
ومستنيه ردك
ودعاكى ليا ياقمر
تقبلى مرورى
اختك الصغيره
مى

مى ياقمر منورة يا جميل ؟ عاملة ايه ؟؟؟
طبعا انى صاحبتى وصاحبة كل بنوتات هنا وبكرة نشوفك عروسة زى القمر
وخليكى عالطول معانا ومنورنا واى حاجة محتاجها تحت امرك هنا كلنا اصحابك

[انا اموله]

هنوده حبيبتي انا كويسه الحمد لله بس عندي شوية اكتئاب معرفش من الجو كان فيه فيروس ناس كتير مكتئبه ولا من الركب اللي شكلها حتجيب اخرتي حتجبلي جلطه او بروح طبيبه نفسيه بسببها مع اني السواد اللي عندي جدا خفيف واخواتي قالولي كفايه كده بس انا طماعه عموما شكرا ع النصيحه ويعطيك العافيه ويجمعك مع جوزو في اقرب وقت يارب انا من الرياض بس حوصي قريبي يجبلي كميه واذا ماناسبتنيش مش مشكله اوزعها على صحباتي وشكرا مره تانيه على فكره انا بحب مصر اوي وخاصه عبد الحليم بس للاسف لسه مازرتهاش والسلام

[هنودة هنانيدو]

الف مبروووووووووووووك

الله يبارك فيكى حبيبتى

ألف مبروك يا هنودتي يا حبيبتي ع الجزء الجديد
وربنا ما يحرمنا منك ابدا ابدا
ده انتي عنينيا اللي بنشوف بيها
وانتي ايدينا اللي بنكتب بيها
وانتي ........وانتي........وانتي.......
كفاية حلاقة بقة صح ههههههههههههه
لاة بجد والله سيبك من الحلاقة اللي فوق انتي
ربنا يبارك فيكي ويجزيكي خير ع كل كلامك معانا

ههههههههههه احلى حاجة يا ميويا انك بجد بتخلينى اضحك وانبسط
كلامك روعة ودمك خفيف جدا سببك ديه بردو مش حلاقة

[هنودة هنانيدو]

السلام عليكم يا بنات يا احلى بنات شوفتها فى حياتى
ربنا يجازيكم خير ويتمملكم على خير يارب
وخاصة الى هنودة جزاكى الله خيرا كثيرا

انا طبعا جيت متاخرة خالص عليكم بس ارجوكو تقبلونى معاكم
انا فى امس الحاجة لكل كلمة منكم وفى امس الحاجة لمشاركنكم

عارفين الايه الكريمة : بسم الله الرحمن الرحيم
" ومن أحياها فكأنما أحيا الناس جميعا "
هو دة فعلا اللى عملتوه فيا بجد وبمنتداكم الجميل دة وجزاكم الله خيرا

طبعا انا لسه ماقريتش كل حاجة لسه لغاية الجزء التالت وحتى الجزء دة لسه ما قريتهوش بس حبيت اشارك معاكم بسرعة

اعرفكم بنفسى انا بنت من اسكندريه - مصر بنت واحدة على تلات شباب اكبر منى
مشكلتى العظمى انى حاجة كدة لا جنس معين لها .... بكلامكم حسيت انى حاجة جايه من كوكب اخر مش بنت خالص ...انا ولا اعرف ميكب ولا وصفات ولا حاجة ابدا

وعندى كل المشكلات الجلدية اللى اتكلمتوا عليها ... ومفيش اى مشكله حتخرج من عندى كله موجود... ولفيت كل الدكاترة ومفيش فايدة الحالة بتسوء اكتر واكتر مع العلاج

ودة اللى خلانى رافضه الزواج .. لدرجة انى وزعت الشوار بتاعى لبنات عمى وخلاتى

ارجوكم تساعدونى انتوا اعطيتونى امل فى الحياة من تانى ... حسيت انى مش لوحدى وممكن اتكلم معاكم فى مشاكلى دون احراج انتو عارفين ان الحاجات دى محرجة جدا لو اتكلمت فيها مع اصحابى او بنات عائلتى

سبحان الله على الصدفة الجميلة اللى جمعتنى بيكم ... جايز تكون بشرى من ربنا عزوجل انه لسه فى امل فى الحياة ليا

انا اسفة جدا على الاطاله .. بس والله بكلمكم وانا ببكى

ياريت ياهنودة تردى عليا وكل البنات يساعدونى فى مشاكلى ديه الله يخليكم
انا تايهة خالص وضايعة

كلامكم مرتب وبسيط وتمام بس مش عارفة ابدا ازاى ومنين وفين ....ساعدونى

حبيبة قلبى ازيك ..؟؟ منورة بجد معانا
انتى ليه ياقمر زعلان كدا ومضايقة
كلنا ياقمر عندنا مشاكل وسواد وركب وغيره وغيره
بس احنا واحدة واحدة بنتخلص من كل حاجة براحة
ليه تنسى فكرة الجواز وتوزعى حاجتك
معقولة بنوتة عسولة زيك كدا وحتبقى عروسة زى القمر تعمل كدا
كمان الاسكندرانية بنات جدعة ولا ايه ؟؟؟
بصى ياقمرى انتى واحدة واحدة خليكى معانا ونبتدى كلنا نساعدك ونساعد بعض ونبتدى سوا
بس انتى الاول حددى ايه اكتر مشكلة مضايقى عشان نبتدى بيها ونحلها باذن الله
عايزكى متفائلة ومبسوطة وعايزة قريب تقوليليى يتهنودة انا بقيت واثقة فى نفسى وعايزة ارتبط واتجوووووووووووز ونغملك اجمل فرح وحفلة

[princess_sarah]

بسم الله ما شاء الله
ايه الجمال ده يا هنوده....( اولا:مبروك على الجزء 8 و عقبال 100)
بجد حاجة تفرح ...العرايس الجديدة عندنا ...انا حاسة يا جماعة اننا بقينا عيلة..لأ بقا يا نوده احنا كده عايزين نعمل نادى( تصدقوا انى نفسى اقابلكم كلكم)
az_butterfly اهلا بيكى يا قمر نورتينا لما تقعدى معانا شوية و تشوفى مشاكلنا و الصداع اللى بنعمله لهنوده حتعرفى انك عادية جدا و كلنا لسه بنبتدىء شوفى ايه اكتر حاجة هى اللى بتضايقك و تتعب نفسيتك و ابدأئى بيها و اسألى براحتك (يا حبيبتى انا مثلا شعرى نفسى احلقه زيرو و اخلص ..خنقنى بعد ماكان كويس..تقريبا اتخض او حصلتله حادثة بقا فظيع
عادى يعنى كلنا عندنا حاجات كتير خلى عندك ثقة فى نفسك انا متأكدة انك زى القمر
و بعدين يا ستى ده انتى زودتى عرايس اسكندرية (معلش يا جماعة احنا بقينا اغلبية)
سموحة..ميويا..سوما( انتى فين )..بينك هارت..نورا..ايمان مونى..وحشتونى يا قمرات
انا رغاية اوى...يلا بقا فوتكم بعافية

[princess_sarah]

سولتير..ست العرايس
ايه الاخبار..كله تمام؟
ربنا يسعدك و يجعل ايامك كلها فرح و هنا..و يفرح قلبك
طمنينا عليكى و فرحينا
الف مبروك.....
زغاريد ...زغاريد

[pink_heart]

بينك حبيبتى فينك ؟؟ يارب تكونى صحبتك دلوقتى كويسة
ربنا يحفظك بجد بتوحشينى جدا وبحبك جدا والله مذ مجاملة

هنودة حبيبتى انا الحمد لله تمام
ومتتخيليش كلامك ده خلانى مبسوطه قد ايه ربنا يفرحك زى مافرحتينى كده وطبعا القلوب عند بعضها انا بحبك جدا والله وكل البنات كمان ربنا يديم علينا المحبه الجميله اللى بيننا دى

وعايزة اقول لعزة القمرايه ليه شايله الدنيا على دماغك كده المشاكل دى عندنا كلنا وبمساعده نوده القمر بنحاول اننا نصلحها انتى اهم حاجه خليكى متفائله وخلى عندك ثقه ان كل المشاكل دى حتتحل باذن الله

ساره ياقمر عامله ايه انتى اللى وحشانى ياعسل انتى