"عروسات المستقبل تعالوا اقولكم".. جزء ( 8 )

[samarinooo]

مبروك ع الجزأ الجديد هنودة

[az-butterfly]

السلام عليكم

ازيكم يا بنانيت وازيك يا هنودة ؟؟ يارب تكونوا كلكم بخير

القمرات "slavetto "شوشو و "زكيه 300 " و "ميويا 86 " و "نورا 89 "
الله يجازيكم كل خير - ويسعدكم زى ما اسعدتونى بكلاكمكمالجميل دة وروح التشجيع دى

ان شاء الله ربنا يقدم اللى فيه الخير - وانا حاسة بتفاؤل المرة دى كبير اوى علشان انا مش لوحدى معايا اخواتى -احلى بنات - بيساعدونى وواقفين جنبى - وان شاء الله مش هزهق ربنا يوفق يارب - ادعولى ربنا يشفى انا وكل بنات المسلمين

ويارب هنودة ما تتخنق منى --ربنا يستر -- جزاكى الله كل خير ياهنودة ويا ايمان ويجعله فى ميزان حسناتكم ويسعدكم وازواجكم

[ايمان مونى]

ازيكوا يابنات ازيك ياهنوودةازيك يا ايمان وازيك ياسماح ورنا وميوياوملوكة وبيوتي (روقي كدة وان شاء الله تتخلصي من كل مشاكلك بالصبر والمداومة)والزاا وكل البنات القمرات منورين المنتدي وانا عايزة انضم لمجموعة اسكندرية انضملها ازاي ياايمان وانضم اذاي لاحكي ياشهرزاد وانا عندي 22 سنة بكاليروس اقتصاد وعلوم سياسية من القليوبية

ازيك يا زكية بصى ادخلى على تحكم العضو هتلاقى قايمة على اليمين فيها المجموعات الاجتماعية ادخليها هتلاقى المجموعات وهتنورى والله يا قمر

[alzaa]

ربنا يخليكي ليا ياهنودة يا حبيبتي شكرا علي ردك ليا ربنا يكرمك ويحققلك كل اللي انتي تتمني يارب
ازيكم يا احلي اخوات عاملين اية وحشتوني خالص عايزين كدة التواصل ما بينا يكون اكتر بجد انا مرتحالكو كلكو والله واحسة انكو اخواتي
اخبار عروستنا سوليتير اية طبعا اكيد مش فاضيالنا يارب تكون بخير ويسعدها في الحياة الجديدة
شكرا ملوكة حبيبتي كنت فاكراكي نسيتي بس ماتنسيش لما يرجع من السفر اة كمان هوا جاب الاوض جاهزة ولا تفصيل متنسيش ترودي عليا في دي
هنودة روحي معلش ممكن تقوليلي احط قد اية زيت الوز المر والفيتامين وكبسولة واحدة يعني احطها زي ماهي ولا افضيها ومان قبل النوم اة كمان في كام حباية ظهرت في وشي مش عارفة اعملهم اية كمان وجعني اوي لو تعرفي حاجة ليهم وقليلي انا قرات جزء البرفيوم وعرفتهم خلاص

[هنودة هنانيدو]

السلام عليكم ياقمرات يارب تكونوا بالف خير
ماشاء الله بروح الشغل وارجع الاقى 4 صفحات خلصوا ههههههههه
قولت ابتدى نهاردة بالموضوع بتاعنا قبل ما ارد على البنوتات

بصوا موضوع نهاردة جديد يمكن يكون حساس شوية بس حابة اتكلم معاكم فيه
عن ليلة الزفاف مش حنتكلم على تفاصيل وكدا لا حنتكلم بشكل تانى

ليه عايزة اتكلم فى موضوع ده ؟؟
عشان اكيد كلنا حنتجوز ونبقى فى نفس الموقف
وبردو عشان تبقى الامور واضحة معانا منحسش انه موضوع غريب

احنا حنتكلم من اول ما خلص الفرح لحظة انك بتحسى انك خلاص سبتى ماما وبابا وبيتك يمكن بتكون اكتر حاجة ماثرة عليكى
خاصة لما ماما بتلاقيها بتكبكى شوية انتى غصب عنك حتى لو عاملة نفسك مش واخدة بالك الامور ديه بتاثر فيكى نفسيا ..
بتحسى غصب عنك انك خلاص مش حتبقى معاهم فى البيت وكدا .ز وده طبيعى فى الاول انك رايحة بيت جديد وسايبة البيت اللى عشتى فيه سنين عمرك

اول حاجة احساس الزعل او التاثر انك حتسيبى اهلك ورايحة بيت جديد ده حاجة طبيعية بتحصل مع كل عروسة فى يوم فرحها ...

تانى حاجة انك خلاص وصلتى بيتك الجديد مع جوزك اللى بتحبيه طبعا علاقتك بزوجك قبل الجواز بتفرق فى اليوم ده
ازاى ؟؟ يعنى لو انتى متعودة عليه وبينكم حب وتفاهم ومبسوطين سوا وخصوصا لو كان فى كتب كتاب قبل الفرح ده بيخلى الامور بسيطة وهادية لانك مش بتحسى انه غريب عنك بالعكس بتحسى انه جزء منك وهو كمان بيحس بكدا فده بيخلى الاعصاب هادية وبتبقوا مرتاحين ومطمنين

طبعا فى بنات بتسال اسئلة هو ايه الترتيب اللى مفروض يحصل فى يوم زى كدا ؟؟
المشكلة ان فى بنات مقتنعة انها لازم يكون فى ترتيب واحد كل البنات تعمله وانها لو خالفت الترتيب ده يبقى كدا فية مشكلة
طبعا ده تفكير بنات معينة وهو مش لازم يبقى صح لان اولا كل زوجين مختلفين عن باقى الازواج مينفعش نقول ان سيستم معين لازم كل البنات والعرايس يمشوا عليه ..هو فيه حاجات معينة ثابتة اما ترتيبها او تنفيها ازاى متروكة لكل عروسين ..

طيب السؤال اللى بيتسال هو انا اخد شاور بتاعى الاول ولا العريس ؟؟
الاسئلة ديه بجد بتشغل تفكير البنات رغم ان البعض ممكن يشوف انه سؤال تافه او ليه البنت تشغل دماغها بكدا وخليها زى ما تيجى
هو طبعا الاسئلة ديه مش تافهة وانها لما البنت بتحس انها عارفة الاجابة بترتاح نفسيا لان دايما حاجة الغامضة بتخوف وتقلق عشان كدا بالعكس قبل فرحك اعرفى كل اللى بيدور فى عقلك عشان تبقى فاهمة ومتحسيش بقلق او توتر او انك مش عارفة ايه اللى بيحصل وتتفاجى ...

نرجع تانى للسؤال الافضل انك انتى تاخدى شاور بتاعك الاول عشان تستغلى الوقت اللى جوزك بياخد فى الشاور بتاعه انك تظبطى شعرك وتسرحيه وتحطى ميكب خفيف وتلبسى لانجيرى بتاعك
كدا بيبقى معاكى وقت اكتر تظبطى امورك من غير توتر ...

طيب هو انا لازم البس لانجيرى ابيض؟؟؟
بصوا الابيض جه عاات وتقاليد يعنى مش حاجة دينية ولا حاجة صحية عشان اوقات الاقى بنات تقول انا مش بحب اللون الابيض او جوزى مش بيحب الابيض وتلاقيها نازلة تشترى الابيض وتلبسه
البسى انتى الللى يعجبك ملكيش دعوة بالعادات وغيره مادول انتى بتعملى حاجة ملهاش ضرر وصح يعنى انتى لو لبستى اى لون تانى حيحصل مشكلة .. اكيد لا
عشان كدا اختارى اللون اللى يعجبك او شوفى جوزك بيحب لون ايه والبسيه او اختارى الموديل والللون اللى مريحك وسيبك من الابيض لو مكنتيش بتحبيه ...

لو بتحبى الابيض خلاص عادى .. اختارى الموديل رقيق رومانسى لانها ليلة رومانسية بلاش شغل وتطريز كتير وكدا لا خليه موديل رقيق فيه انوثة طويل بقى او قصير اللى يليق عليكى البسيه .....

طيب البرفيوم اختارى برفيوم هادى بلاش حاجة تقيلة عشان الريحة الجامدة بتخنق وتعمل توتر اختارى برفيوم ريحته انوثية بس هادية وممكن تختارى البرفيوم اللى بتحطيه ويعجب جوزك قبل الفرح ايام الخطوبة وكدا
لو مفيش توع معين انزلى اختارى برفيوم ترتاحى معه مش عايزة اقول اسماء برفيوم لان البرفيوم اذواق اللى يعجبك ممكن مش يعجبنى والعكس بس عامة المحلات والماركات كتير هاتى اللى يريحك

والميكب .. خلى الميكب حاجة بسيطة اوى لانك راجعة من الفرح وكنتى حاكة ميكب تقبل اغسلى وشك وشيلى الميكب بمزيل الميكب واغسلى وشك بالغسول عشان بشرتك تتنفس وتنور وحطى ميكب 3 خطوات مش محتاجة غيرهم
كحل ترسمى عيونك كدا بسرعة
بلاشر روز على الخدين بيدى شكل طبيعى وشك منور
جلوس بلون روز او اللون هادى يليق عليكى

مش محتاجة غيرهم عشان يطلع شكلم هادى ورقيق معظم الرجل بيحبوا الشكل الطبيعى الهادى ...

طيب بالنسبة بعد ما تاخدى شاور احط لوشن ولا كريم ولا ايه ؟؟
طبعا انتى اصلا قبل الفرح بتكونى عاملة حمام مغربى وسويت يعنى البشرة بتبقى حلوة ونظيفة .. عشان كدا بعد ما تاخدى شاور بتاعك حطى حاجة خفيفة ريحتها حلوة يعنى بيبى اويل بريحة حلوة او ممكن كريم معطر بنفس ريحة البرفيوم او بادى سبلاش زى من فيكتوريا سيكرت بيبقى خفيف وناعم على الجسم

طيب والشعر انتى حتبقى عاملة يوم الفرح او قبله بيوم باسيتشوار او بيبى ليس خليه مفرود من غير توك ولا حاجة يعنى مجرد تسرحيه وتسبيه مفرود
وانتى مفروض حتبقى عاملة قصة لايقة عليكى قبل الفرح بمدة ولو مغيرة لون شعرك بردو قبل الفرح باسبوعين عشان تتعودى على لون شعرك الجديد وعشان تغذية بكريمات وحمام زيت وعشان لو اللون مش عجبك تقدرى تظبطى ...

واعملى استشوار و بيبى ليس قبل الفرح بيوم بلاش يوم الفرح عشان لما بتعملى شعرك يوم الفرح بتلفيه وتلبسى طبعا طرحة الفرح وكدا فطبعا بيتكتم بيطلع مش حلو وريحته مش حلوة اما قبلها بيوم تسبيه وتلفيه بشكل كويس بيطلع تانى يوم حلو اوى ...

طيب موضوع التوتر والقلق فى اليوم ده ..
طبعا ده حاجة طبيعية حتى لو انتى واخدة على جوزك طبيعى بيبقى فى قلق بس بيختلف مفهومه من بنت للتانية ازاى ؟؟؟

فى بنت قلقانة ومتوترة من كتر الكلام اللى سمعته تبتدى تحس انها تاهت تركز فى كلام مين وتنفذ ايه وتعمل ايه طبعا كل ده بيوتر جدا ويقلق

فى بنات بتبقى مكسوفة جدا من زوجها خاصة لو كانت علاقة قبل الفرح لسه محدودة يعنى اتجوزوا بسرعة او محصلش كلام كتير بينهم او مكنش فى مرحلة كتب كتاب او طبيعة بنت

وفى بنات بتبقى مش مكسوفة من جوزها بس خايفة من رد فعل جوزها او قلقانة بشكل عام

ايا كان نوع التوتر اللى بتبقى فيه اول حاجة اعمليها انتى وجوزك صلوا سوا طبعا الصلاة اصلا بتهدى الاعصاب جدا خشوع بينزل عليكى وبتهدى وتتطمنى وخاصة لما يبقى جوزك هو اللى بيصلى بيكى عشان كدا الصلاة مهمة اوى صلى لو عليكى صلاة العشاء وطبعا ركعتين زى ما سيدنا محمد علمنا

بعدها قولى انتى وجوزك دعاء الزواج وده بيريح اكتر واقرى معه حتى صفحة واحدة من القراءن كل الامور ديه بتهدى اى عصبية او توتر ,,,,,,

ياريت لو عندك افكار كتير سامعها من اصحابك تلغيها يعنى ياريت انتى قبل فرحك اما تجيبى كتاب علمى او اسلامى بيتكلم عن ليلة الزفاف
او اسالى حد متخصص يعنى دكتورة نساء
او تتكلمى مع حد معين انتى واثقة فى تفكيرها وانها فاهمة وانها مش حتضرك

متفضليش رايحة جاية تسالى وتستفسرى لان الموضوع مش معجزة الموضوع ابسط ما يكون مجرد تفهمى وتعرفى خلاص مفيش مشاكل ولا قلق ولا خوف

فى مقالات كتير بتكلم عن ليلة الزفاف وحتلافى مقالات لدكتورة هبة قطب وغادة الكولى وغيرهم اقرى وافهمى مش عيب انك تفهمى مادول الطريقة صح ومش حرام ...

يمكن مش حاقدر ادخل فى تفاصيل اعذرونى بس بشكل بسيط حنقول على كذا حاجة :::

اول حاجة موضوع استخدام الجل او كريم موضعى ده استخدامه لما بيكون بسبب التوتر والقلق بتبقى الاعصاب مشدودة بالتالى مش بيحصل افرازات اللى بتسهل عملية الجماع عشان كدا بيستخدم حاجة زى الجل او كريم موضعى بيقوم بالوظيفة ديه ..
طبعا هو كريمات طبية مخصصة للموضوع ده زى ky من جونسون وطبعا اى كريم تانى بتجيبه من الصيدلية وتكونى سالتى دكتورة عليه هاتيه معاكى احتياطى وخليه لو احتجتى تستخدميه يبقى معاكى لو لا خلاص محصلش مشكلة ...

تانى حاجة بعد انتهاء عملية الجماع ناس تقول تتشطى بماء وديتول او تستخدمى غسول او كدا اللى اعرفه وسالت عليه دكتورة نساء ودكتورة جلدية انه مفيش احسن من ماء دافية فقط لانه مش جرح ولا عملية عشان ديتول وغيره الماء دافية كفيلة تتطهر اى حاجة من غير ما يكون لها اضارار ولا حساسية ولا غيره يعنى تغسلى منطقة بالماء الدافية فقط وخلاص بعد كدا يبقى استخدمى الغسول وزى ما تحبى ....

الخوف من حصول نزيف او الم او وجع اثناء الجماع لو انتى الفكرة مسيطرة عليكى حتحسى بالم حتى لو مكنش موجود لانك متخيلة حاجة معينة حيفضل عقلك الباطن واقف عليها
والطبيعى انه مفيش الافلام ديه هى مش عملية لانها لو كانت حاجة مؤلمة مكنش ربنا حيتعبك او كانت بقى حاجة تستلزم بنج وكدا ,,,
موضوع معتمد عليكى اما يبقى سهل او صعب لان الموضوع كله عبارة عن هدوء اعصاب لان اى منطقة فى جسم عبارة عن خلايا واعصاب لو انتى شادة اعصابك ومتوترة اكيد بتبقى منطقة خلايا فيها الحية مشدودة هى كمان بالتالى تحسى بالم ووجع اما العكس هو اللى صح انك لما بتريحى اعصابك خلايا الحية والاعصاب اللى فيها بترتاح وتهدى بالتالى مفيش اى وجع او الم

بردو بلاش فكرة ان لازم من اول يوم يحصل كل حاجة لان فى ناس منتخيلة انه من اول مرة لازم الامور تنتهى .ز مين قال كدا لا خدوا وقتكم لانها مش مهمة حربية الايام كتير لما تتفقى انتى وجوزك على كدا اعصابكم بتهدى لان الضغط النفسى انه لازم من اول يوم فكرة غلط بتوتر زيادة اما لما تحسوا انه مش فرض ولا امر حترتاحوا وتحسوا ان موضوع حاجة تبسط مش واجب عليكم ...

تانى يوم مش لازم شغل تليفونات واهلك واهله والاصحاب يتصلوا عشان يطمنوا لا ده حاجة خاصة لكم متخليش حد يتكلم معاكم فيها ولو حصل براحة وباسلوب شيك انهى الكلام فى الموضوع ده ...

السؤال اللى بنات بتساله كتير هو انا تانى يوم الصبح البس ايه ؟؟
ياقمر البسى اللى يعجبك احنا اتفقنا انه مش جدول مرتب لا البسى اللى يعجبك متحضريش حاجة انتى افتحى دولابك واللى يجى على بالك البسيه انتى فى بيتك ومع جوزك براحتك بقى اعملى اللى انتى عايزة مش لازم نمشى على قاعدة معينة

ولو فى زيارة من اهلك او اهله البسى لبس خروج بلاش تتطلعى لانجيرى وروب وكدا طبعا هما اكيد حيبقوا بنات بس الافضل انك تلبسى عباية او بنطلون وتنويك او جيب وبادى بس بلاش لانجيرى وكدا لانها حاجة خاصة بيكى وبجوزك ملهاش لازمة اقرايبك يشوفوكى بلبس الخاص بتاعكم البسى حتى بنتكور وعليه حاجة كات اى لبس دلع

يمكن ديه حاجات اللى بنسال عليها فى اليوم ده حاولت تكون مختصرة وبشكل كويس من غير تفاصيل
يارب يكون موضوع عجبكم ....

معلش ياقمرات اذا كنت بجمع اكتر من رد على التعليقات فى رد واحد بس عشان متبقاش الردود كتير وناس تزهق من كتر الصفحات .. حاختصر الردود والرد اللى محتاج تعليق او سؤال حرد عليه لوحدة بالتفصيل اوك

[هنودة هنانيدو]

هنوده حبيبتي انا كويسه الحمد لله بس عندي شوية اكتئاب معرفش من الجو كان فيه فيروس ناس كتير مكتئبه ولا من الركب اللي شكلها حتجيب اخرتي حتجبلي جلطه او بروح طبيبه نفسيه بسببها مع اني السواد اللي عندي جدا خفيف واخواتي قالولي كفايه كده بس انا طماعه عموما شكرا ع النصيحه ويعطيك العافيه ويجمعك مع جوزو في اقرب وقت يارب انا من الرياض بس حوصي قريبي يجبلي كميه واذا ماناسبتنيش مش مشكله اوزعها على صحباتي وشكرا مره تانيه على فكره انا بحب مصر اوي وخاصه عبد الحليم بس للاسف لسه مازرتهاش والسلام

الف سلامة عليكى يا امولة من الزعل يبدو ان فعلا الايام ديه ايام الاكتئاب
ان شاء الله جربى ليكوسيد بس زى ما قولتلك جربى على جزء صغير لو مناسب كملى لو حسيتى انه مش مناسب وقفيه
انتى بس تعالى مصر وتنورى وافسجك ياقمر كمان انتى بتكلمى مصرى تمام اوى
واحتمال انا اللى اجيلك الرياض ربنا يسهل

مبروك يا هنودة على الجزء 8
انتى بجد حسستينى انى عروسة بجد مع انه لسة بدرى اوى
اه نسيت اقولكم انا فى تالتة طب و نتيجتى ظهرت وجيبت امتياز الحمد لله
ادعولى بقى لان السنين اللى جاية هى اللى اصعب

مبرووووووووووووووووووووووووووووووك يا دكتور يالالا شدى حيلك محتاجينك معانا

نوده حبيبتى انا عايزة اشتكيلك من شعرى ....خلاااااااااااااااااص زهقت منه وقررت انى اققصه
بصى يا ستى انا طول عمرى شعرى مش ناعم ولا خشن معقول بس كان عندى دايما اول شوية فى شعر( القصة بعنى) دايما خشنة بس دى كنت بلفها ومفيش مشاكل
بعد الثانوية العامة روحت عملت فرد البرمنانت وقعدت سنتين بعمله بس لما عرفت انه بيبوظ الشعر وقفته بقالى سنه وطبعا شعرى اللى طلع جديد وحش جدا بقى خشن وهايش ومفيهوش لمعة خالص
جربت اعمل حمام زيت من زيت الزيتون والجرجير والخروع والتوم عملته 4 مرات كل 10 ايام خلى شعرى طرى شوية بس اضريت انى اوقفه عشان بدأت امتحانات فى الكلية ومن ساعتها اهملت شعرى خالص لمة شهرين الامتحانات بصراحة كنت مزنوقة جدا فى المذاكرة ومش فاضية اعمل اى حاجة طبعا شعرى بقا اوحش من الاول
قوليلى ابدأ بأيه اصل انا خلاص حقصه عشان يمكن لما يطول تانى يتعدل

بصى يانور الصيف عامة بيخلى الشعر خشن ومتقصف وناشف عشان كدا ابتدى اهتمى بيه عشان ميزدش
انتى مادول حمام زيت حلو معاكى ارجعى للخلطة اللى كنتى بتعمليها ...

ممكن تجربى كمان الزبدة انك تسخنيها على البوتاجاز وتبقى دافية وتدهنى بيها الشعر زى طريقة حمام الزيت وتغسلى الشعر كويس بعدها اوى عشان الريحة

او طريقة حمام زيت من زيت اللوز الحلو والسمسم والخروع والزيتون

يعنى اختارى كل اسبوع امعلى حاجة ولفى شعرك بعدها لو شعرك ناشف حطى كريم يطريه زى جولديز وبالمرز او سيروم خفيف زى كريستال او زيرزفريز

[رِيحَانَةُ آلْجَنَّة~]

موضوعك روعـــــــــــــــــــــــة حبيبتي

[هنودة هنانيدو]

الله يكرمك يا "هنودة " ويا " princess_sarah " وفعلا انا بحبك جدا جدا بالرغم من انى لسه مصادفة المنتدى دة اول امبارح ..وكل البنات هنا ماشاء الله ربنا يحفظهم ويكرمهم

وبجد رفعتوا روحى المعنويه وخليتوا عندى امل وحسيت انى مش لوحدى وان بقا ليا اخيرا اخوات افضفض معاهم .... ربنا يسعدكم كلكم

بصى يا "هنودة " انا مشاكلى كتير وكلها متعلقة بالجلد زى ما قلت

لكن طبعا لو ممشينا الاهم فالمهم

حتلاقى سواد الابط والرقبة والركب اكبر مشاكلى و امنيه حياتى البس جيب قصير وبادى كت فى البيت انا محجبه ..انا كنت كويسه لكن معرفش ايه اللى جراللى بعدها...وانا مكسوفة جدا من اخواتى الولاد ودايما لبسه مقفل فى البيت لغايه اما اتخنقت

واذا كان دة اللى حاصل مع اخواتى يبقى ازاى افكر او احلم بزواج .. مينفعش

لكن عندى امل فى الله انه اكيد دى بشرة خير انى الاقى منتداكم دة وفى لحظة انا فعلا ماكنتش بدور على حاجة متعلقة بيه على النت انا كنت قاعدة وخلاص.. واملى كبير انكم تساعدونى

" ايمان مونى " انى ابتدى افتح السواد دة انتى ايه رايك يا "هنودة "

انا اسفة على الاطاله بس بجد مش مصدقة نفسى انى الاقى اخوات وافضفض معاهم ربنا يكرمكم يارب

ازيك يا عزة ؟؟ يارب تكونى فرحانة ومرتاحة دلوقتى
اطمنى يا قمر كلنا مليانين مشاكل محدش خالى من مشاكل

بصى حبيبتى نبتدى حاجة حاجة
الابط بصى الوصفة اللى بقولها عشان مجربها حاقولهالك بس قبلها لازم تنظفى منطقة الابط من الشعر ويبقى سويت لان اى حاجة تانية تعمل سواد وتوقفى اى مزيل عرق خالص لانه اساس السواد لانه بيمنع العرق يقفل المسام بيظه السواد

وصفة جربيها لمدة اسبوعين لان من نتيجة الوصفة لو فى اى بكتريا او التهابات او فطريات بيشيلها بالتالى السواد بيقل

هاتى كريم كيناكومب من صيدلية وملعقتين اى كريم نرطب خفيف زى لوكس او ودف وعليهم عصير ليمونة وتقلبيهم كويس اوى وتدهنى منه كل يوم بليل والصبخ اغسليى الابط وحطى الوصفة فى الثلاجة عشان الحر

ابتدى بالابط ونخلص وندخل على حاجة تانية واحدة واحدة الامور حتبقى احلى

[هنودة هنانيدو]

"هنودة " عامله ايه ؟
بصى حبيبى ممكن اعلس عليكى شويه .. الله يكرمك استحملينى ..انا بفكر من تلات ايام لغايه اما دماغى ورمت

ولقيت ان أسلم حل علشان اعرف اخد خطوة ايجابيه انى امشى واحدة واحدة لغايه اما اتعود
لانى كدة مش عارفة ابتدى لانى بفكر فى كل حاجة مع بعضها

يعنى الله يكرمك ممكن تمشى معايا خطوة خطوة .. انا اسفة انى برخم عليكى ..معلش فى الاول بس..اصل لو تعرفى انى لو حتى حطيت مياة ساقعة فى وقت او مكان غلط بتقلب كوارث وانا مش ناقصة عندى كتير ..فبالله عليكى استحملينى شويه

مثلا انا حبتدى افتح منطقة الابط جميل ""البدايه""

1- حعمل سكراب للمنطقة دى "ملح خشن +لمون " ويكون لمون اكتر ويكون السكراب سايل وحفرك الابط مش بعنف علشان المنطقة مش مستحمله ... اوك .. صح؟

2-لسه حعمل سويت للابط علشان اختك مش بتعمل لاسباب كتير وعرفت الطريقة حته صغيرة ونتف .... كدة صح ؟

____!!! طيب دلوقتى بعد السويت ..

3- اغسل الابط بالمياة ولا احط على طول مرطب من غير غسيل .. واحط زيت لوز مر ولا زيت زيتون .. انتى لو رايك احط مرطب انا ححط زيت لوز لان الزيتون بيسودنى

ولا رقم الخطوة رقم 3 مش صح وابتدى الكيناكومب على طول

انا بقول ارطب الاول على اساس ان المنطقه متهيجة من السويت وابتدى العلاج من اليوم التانى ....ايه رايك؟

4- خلطة التفتيح " 1/2 كينا كومب +معلقتن كريم مرطب دوف او لوكس + لمونة واحدة " يدهن مساء ... صح كدة

--------طب ليا اسئلة فى الخلطة دى
.....هو كينا كومب مرهم ولا كريم ..الاتنين موجودين فى الصيدليه والعلبه صفرا كدة والمرهم نفسه مخضر اومصفر والكريم نفسه ابيض ..انهى واحد فيهم؟؟؟

....طب دوف او لوكس مش كريم فيه برفيوم وانتى قلتى بلاش الكريمات البرفيوم فى المناطق الحساسة ...انتى بتحطى انهى فيهم ؟؟؟ واروح اقول للصيدلى كريم دوف او لوكس بس ولا فيه انواع وانتى طالبه نوع معين مثلا فى بالعسل والجلسرين وكدة ؟؟؟

....انتى قلتى استخدام حوالى اسبوعين طب لو طلع اكتر معايا اوقفه ولا ايه؟؟؟


الله يكرمك .. انا اسفة على الرخامة دى .. بالله عليكى ما تتخنقى منى
وبصى الله يعزك .. 1, 2 , 3 ... علشان مسالكيش تانى واوجع دماغك

معلش يا هنودة

عزة ياقمر انا رجيت عليكى قبل ما اقراء الرد بتاعك
1 - طريقة الاسكرب صح اعمليها مرتين فى الاسبوع
2 - ابتدى اعملى سويت عشان تشيلى اى خلايا ميتة ومتكونش بكتريا فى الابط وتعمل عرق واسمرار واعملى ايوة طريقة النتف
3 - بعد السوببيت حطى زيت زيتون عشان يقلل الشعر ومتحطيش ماء عليه الا بعد ساعة يعنى زيت زيتون ميجيش عليه ماء الا بعد ساعة كدا مش بيسمر هو بيرطب وبيقلل الشعر بلاش الليمون بعد السويت لانه ممكن تكون بشرتك حساسة يلتهب وزيت اللوز المر بيبقى بعد كدا فى اى يوم للترطيب وتفتيح يعنى اول مرة تعملى سويت حطى بعد السويت زيتون وتانى يوم ابتدى فى وصفة كيناكومب

4 - خاطة كيناكومب بتدهن مساء وهو كريم مش مرهم لونه اصفر والعلبة صفراء ب 6 ج
دوف ولوكس مش معطرين انا استخدمت لوكس بالعسل مش معطر وخفيف
جربيها اسبوعين ولغاية 3 اسابيع

اى حاجة تانية انا معاكى ياقمر

[هنودة هنانيدو]

ازيك يانودي؟؟يارب تكوني ف احسن حال انتي وكل العرايس القمرات
نودي منتجات اوريفليم ممكن اشتريها من مزاياوفيسيزوكدة ولا اية؟
وممكن اسالك ع فيتامين e انا بشرتي دهنية ينفع افضي الكبسولة واضعها ع وشي باليل قصدي الزيت بس؟
ولا كدة مش يناسب نوع بشرتي؟؟
ع فكرة انا بقالي كذايوم احط زيت اللوز المروفضيت عليه شوية من الكبسولة فيتامين e
وضبطت نومي شوية
عشان الهالات وحاسة بتحسن الحمد لله
بس ياتري الهالات اختفت عندك بعد اداية؟اسبوع مثلا؟
مشكوووووووووووورة حبيبتي مقدما وربنا يسعد ايامك ويرضي عنك انتي وزوجك

ازيك يا ميويا ؟؟؟
حبيبتى اوريفليم ملهاش فى مزايا ولا فيسيز ديه بتتابع فى فروعها او يكون بنت بتشتغل هناك تجيبهالك يعنى اما تروحى الفره بتاع الشركة وتعملى اشتراك وتاخدى خصم على كل منتج او تخلى بنت مشتركة تجيبهالك بس كدا مش حتاخدى الخصم

زيت كبيسولة جربيه مرة على وشك وشوفى حيعجبك ولا .. لان فى بنات بشرتها دهنية وعجبها وفى بنات لا
الهالات بتقل تدريجيا يعنى بعد اسبوع تحسى بتحسن وهكذا كل اسبوع بيبقى تحسن اكتر

الزيوت العطرية بتحاب من العطار مش بيتقى جاهزة هو بيحطها بنفسه فى زجاجة صغيرة
هى بتبقى زيت مش مخلوط بكحول ولا اى حاجة بيبقى ملمسها زى زيت اللوز كدا