وانتوا طيبين ياقمرات كلكوا
نوده حبيبة قلبى يارب تكونى مبسوطه وبخير طمنينا عليكى حبيبتى
للبحث في شبكة لكِ النسائية:
|
وانتوا طيبين ياقمرات كلكوا
نوده حبيبة قلبى يارب تكونى مبسوطه وبخير طمنينا عليكى حبيبتى
السلام عليكم ياقمراتى
بجد وحشتونى كتير معلش مقصرة معاكم اليومين دول
بس غصب عنى كل يوم بخلص شغلى وبيطلعلى مشوار لازم اعمله برجع البيت مش شايفة غير السرير والمخدة
كل سنة وانتم طيبين خلاص كلها كام يوم ونفرح برمضاااااااااااااااان
يارب السنة ديه كلنا نكون مبسوطين وفرحانين ومرتاحين .. شدوا حيلكم يا بنات عايزين رمضان ده اقوى من اللى فات عايزين ان شاء الله كلنا ناخد عتق من النار ويبقى رمضان غفران للذنوب اللى فاتت عشان نكمل باقى السنة واحنا نقيين ...
عرايس الحلوين حاستئذنكم معلش لمدة اسبوعين مش حاقدر اكون على النت
والله غصب عنى عندى شوية حاجات كتير لازم تتعمل الاسبوعين دول ومش حاعرف اكون على النت بس ان شاء الله نكمل تانى بس اعذرونى الاسبوعين دول.. الحمد لله انا كويسة بس عندى شوية حاجات ومشواير والشغل وطبعا التروايح ورمضان مش حاعرف اكون اونلاين معاكم ...
الاول قبل ما ارد على الاسئلة تعالوا اقولكم على شوية معلومات بردو سمعتها من دكتور بهاء ناجى وامينة شلباية وناس تانية الاسبوع ده
حبيبت تبقى زى حاجة فى موضوعنا ان كل فترة اعرف معلومات اجمعها واقولكم عليها عشان نستفاد اوك ...؟؟؟
تعالوا نبتدى بحاجات اللى سمعتها وحزود من عندى كلام فى النص :::::
اول حاجة دكتور بهاء ناجى ::
كان بيتكلم على طريقة الفطار والسحور فى رمضان عشان الوزن
اول حاجة لازم نفطر على تمر يكونوا 3 تمرات وكوب ماء ليه ؟؟؟
اولا التمرات ده سنة عن سيدنا محمد يعنى اكيد ليها فايدة .ز فايدتها انك لما تاكلى 3 تمرات الاول بتعلى نسبة السكر فى الدم وبالتالى بيتعملى نشاط لكل خلايا المخ وجسمك تبقى مش مرهقة وخمولة
كمان التمر فيه الياف كتير بتعمل حالة امتلاء وشبع للمعدة فما تفطرى تحسى انك شبعتى بالتالى مش حتاكلى كتير
كمان التمر خفيف على المعدة وبما انننا حنفضل صايمين كتير المعدة محتاجة حاجة خفيفة فى الاول لانك لما حتاكلى حاجة دسمة فى الاول معدتك حتتعب لانها طول اليوم فاضية وفجاة دخل عليها مكرونة او كفتة او اى حاجة دسمة
الماء :: كوب ماء مهم لانه بيعوض نقص ماء اللى فى الجسم كمان بيعمل حالة شبع زى التمر
بعد ما تاكلى التمر وتشربى ماء حتصلى المغرب وترجعى تفطرى حتلاقى نفسك شبعتى شوية وحتبتدى تاكلى كمية اقل
الافضل متاكليش حاجات كتيرة ودسمة عشان معدتك متتعبش كمان ميحصلش حالة خمول بعد الفطار ومتعرفيش تصلى تروايح وتلاقى جسمك تقيل وتكسلى تصلى
انتى مثلا ادامك مكرونة وكفتة وبطاطس مقلية وسلطة يبقى ابتدى بسلطة خفيفة ومشبعة ومفيدة وبعدها خدى ملعقتين مكرونة وامضغى الاكل كويس بلاش نظام السابق اللى بنعمله بعدها كفتة حتلاقى نفسك خلاص قربتى تشبعى وقفى ومش لازم تخلصى كل طبقك خليه لما ترجعى من التروايح .. الحمد لله انا بعمل كدا بقالى مدة كويلة ومعدتى بتكون فعلا مرتاحة وسبحان الله يوم ما اتقل فى الاكل فعلا مش بعرف انزل اصلى وابقى مش قادرة اقوم بليل تهجد واحس انى عايزة اكل تانى ..
رجعتى من الصلاة التروايح طبعا ابقى كذابة لو اقولك متاكليش حلويات لان رمضان تخصص حلويات كل الانواع حاقولك كلى حلويات بس مش كميات يعنى كفاية اكلتى قطعة كنافاة نهاردة مش لازم اكل كل الحلو اللى فى البيت كلى حاجة واحدة وخلاص وممكن بما اننا فى الصيف بدل حلويات خليها عصاير طبيعية
السحور بقى يبقى خفيف بشوف ناس بتتسحر بقالا الغداء يعنى مكرونات وفراخ وحاجت تقيلة ومحشى وتقوم الصبح معدتها مش قادرة وتلاقى نفسها اخر رمضان وزن زايد
السحور هى وجبة العشاء بس الفرق انك حتاخريها بدل ما تتعشى ساعة 10 حتتعشى ساعة 4 الفجر وزى سيدنا محمد قالنا اننا ناخر السحور وطبعا ده ليه حكمة انك لما تتسحرى متاخر الاكل بيفضل فى المعدة وقت اطول بالتالى مش حتجوعى بسرعة كمان نسبة سكريات اللى فى الدم تفضل عالية بالتالى ميحصلش هبوط وتعب
وجبة السحور خليها خفيفة يعنى دكتور بهاء قال بيضة وجبنة وفول وزبادى وعيش اسمر انتى كمان ممكن تعملى حاجة تحبيها حلوة زى جيلى بالموز او مهلبية او فروت سلاط حاجات ديه بتشبع يا بنات وطعهما حلو ومناسبة اوى للصيف
طيب نيجى امينة شلباية نهاردة حلقتها كانت حلوة
الاول قالت ماسك للبشرة مختلطة
ملعقة كبيرة ليمون + ملعقة صغيرة ماء ورد _ نص ملعقة عسل
يتحط على كل الوجه ويتساب ربع ساعة ويتغسل
كمان كانت امينة مستضيفة اخصائية لياقة بدنية عجبتنى اوى
الاول اتكلمت عن المشى قالت طبعا انه مفيد بس لازم الاول تلبسى فى رجلك حاجة تريحك عشان ركبك مش توجعك ومفاصل وتمشى وتحركى ايدك رايح جاى زى العسكرى كدا
الاول تمشى براحة زى تسخين وتزودى المشى يعنى تمدى اكتر لغاية ما توصلى لاعلى حاجة تقدرى عليها وتمشى من نص ساعة لغاية ساعة وطبعا لو عايزة اكتر يبقى احسن وبعد ما تخلصى مشى تهدى تانى وتمشى براحة لغاية ما ترجعى البيت ..
التمارين الايروبكس بتبقى 3 مرات فى الاسبوع يعنى كل 48 ساعة تلعبى عشان تفضل عضلات مشدودة وتحرق سعرات اكتر
لو بطلنا رياضة او تمارين الجسم مش بيزيد اللى بيحصل ان الجسم بيرجع مع الاكل الكتير زى ماكان يعنى لو كان وزنك 90 وبقيتى تمشى وتلعبى رياضة ووصل 60 ورجعتى وقفتى الرياضة خالص وبقيتى تاكلى زى الاول كتير حترجعى تزيدى تانى ...
ان مفيش حاجة اسمها تمارين لمنطقة معينة وانسى باقى الجسم يعنى لو بنعمل تمارين البطن لازم ندخل معاها تمارين تانية تشمل الجسم كله عشان كدا الحرق يزيد اما تركيز على منطقة واحدة وننسى باقى الجسم يخلى شكل مش متناسق
اننا نلعب بعد ساعتين من الاكل يعنى مناكلش وننزل نمشى او نلعب ايروبكس لازم يعدى ساعتين
العبى على اد ماتقدرى مش لازم مدة طويلة المهم تواظبى يعنى لو بتلعبى ربع ساعة فى اليوم اثبتى عليها مش مهم تزودى مدة المهم تواظبى
اى تمرين او مشى بيظهر نتايج بعد شهر او شهر ونص قبل كدا بتلاقى مفيش لسه اى تغيير عشان الناس اللى بتزهق بعد اسبوع وتقول مفيش فايدة
مفيش فرق انك تمشى الصبح بدرى او بالليل الاثنين واحد فى حرق السعرات اللى يفرق انك تكونى كلتى قبلها بساعتين وشرب ماء ييبقى طول الوقت حتى فى التمرين او المشى
بردو كانت امينة قايلة قبل كدا ان الرؤؤس السوداء بيبقى فى زى لصقات تتحط على الانف تشيل الرؤؤس قالت انها غلط ووحشة جدا لانها بتفتح مسام اكتر وتخلى دهون تتكون تانى وتزود رؤؤس قالت تعملى زى ماقولنا بخار للوجه وسكرب وماسك تنظيف وتقفلى المسام بماء ورد
ايه تانى ؟؟؟ ده الى افتكرته كنت فاكرة حاجات تانية بس بقالى ساعتين بكتب وكل 5 دقايق يجى تليفون اقوم ارد انسى كنت عايزة اكتب ايه وارجع اكتب والافكار تشتغل الاقى تليفون تانى معلش انا بقيت مقصرة معاكم بس فعلا غصب عنى
معلش الاسئلة حرد عليها بكرة لانى مش قادرة اقتح عيونى بنام خلاص على نفسى ولو فى اى حد عنده اشئلة تانية اكتبوها عشان ربنا يسهل بكرة ارد عليها كلها عشان لو معرفتش ادخل الايام الجاية ....
ايه ده يا هنودة كل دى غيبة
كل شوية ادخل واقول حلقيها جات تخيبى ظنى كده بس ماعلينا حمد الله على السلامة وربنا يعينك ان شاء الله ويقدرك على عمل الخير
عندى سؤال صغنون بخصوص الرياضة فى رمضان الاحسن اننا نعملها واحنا صايمين ولا بعد ما نفطراصل الكابتين فى الجيم قالتلى احسن حاجة قبل الفطار على طول بس انا مش مقتنعة لانى كدة حعطش وحجوع اوى رايك انت ايه
ازيكم يا قمرات عاملين ايه وحشتونى كتييييييييييير
كدا يا نودى هتقطعى عننا الميه والهوا وهتغيبى عنا اهىء اهىء هنصبر عليكى بس عشان ان شاء الله تكونى مشغولة فى حاجة خير وهندعيلك ان ربنا يصلحلك حالك انتى وكل البنات واكيد كلنا هنبقى مشغولين فى رمضان سبحان الله الوقت بيكون ضيق خالص بس نبقى ندخل عشان نطمن على بعض وادعولى ربنا يسهلى عشان انا راحه اجيب العفش بتاعى بعد بكرة ان شاء الله من دمياط
وحشتونى كلكم هنوودتى وميويا وزكيه وعزة و مونى و بينك هارت وحمد لله
على السلامة يا سموحة والف مليون مبروك ويلا عايزاكى تبدعى فى اختيار
عفش بيتك و ربنا يجعله من أجمل بيوت المسلمين
ويا رب تكونى يا سومة انتى ورانا ولونلى جيرل وسارة بخير
وكل سنه وانتم طيبين
هنودة ربنا يقويكى ويوفقك فى اللى بتعمليه وهنستنى ظهور القمر تانى بعد
اسبوعين...وكالعادة نصيحك جميلة زيك جزاكى الله الف خير
هنودة هتوحشينا جدا
والبنات كلهم هيوحشونى
كلنا هننشغل عن بعض شوية
بس ياريت من وقت للتانى ندخل نسال على بعض
ربنا يكرمك يا هنوده و ييسير امورك
و ربنا معاكى يا سموحة ان شاء الله تجيبى احلى عفش و ركزى بقا و انتى هناك عشان لما ترجعى هأسالك كتير عن الموديلات و الاسعار ..بس مبدئيا عايزاكى تبصى كده ان كان فيه موديلات اوض نوم مودرن و لا لأ
ترجعى بالسلامة ان شاء الله
السلام عليكم احلى قمرات
القمر طلع وغاب تانى ..... ازيك يا " هنودة " الله يعينك حبيبتى ويكرمك امين بس برضه طيبه القلب م بالساهل قبل ماتمش قلتلنا على نصايح مفيدة ... جزاكى الله خيرا .. وربنا يوفقك ويكرمك ان شاء الله
القمرات اللى غالين على قلبى " ملوكة " "برينسيس سارة " "ميويا "زكيه "د/نورا " " مونى" " بينك هارت ".. وكل بنات المنتدى العسل ...كل سنه وانتم طيبين .. رمضان كريم ... كل عام وانتم الى الله اقرب ...كل عام وكل المسلمين فى فرح وسعادة
وحمدلله على السلامة يا " سماح عزت " ... والف مبروك حبيبتى مقدما وربنا يكرمك ان شاء الله ويوفقك وتجيبى احلى حاجة ونفرح بيكى قريب ... ربنا يتمم بخير
وربنا يصبرنا على غيابك يا هنودة ... ترجعلنا بالف سلامة ... حتوحشونى كلكم .. فعلا رمضان وقته قصير.. نبقى نسال على بعض ما تنسوش
حمد الله على السلامة يا هنودة وحشتينى كتير
كل سنة وانتى طيبة ويارب تكونى فى احسن حال ويعنا على طاعته
حلو اوى الموضوع ده انا كمان اتفرجت على حلقة امينة شلباية وانتى ماسبتيش حاجة بصراحة
ربنا يخليكى لينا يا حبيبتى ويعينك على اللى انتى فيه
انا كمان مش هقدر ادخل فى رمضان كتير عشان ضيق الوقت بس طبعا هدخا اطمن عليكم مانا مقدرش استغنا عنكم ده انتو اخواتى كلكم
بس كنت عاوزة اسالك يا هنودة ممكن اعمل الرياضة قبل ما انام يعنى اعملها وانام على طول هل ده صح
وجزاكى الله خيرا وكل سنة وانتم طيبين كلكم واحنا مع بعض والى الله اقرب
رمضان كريم على كل البنات بدون استثناء ربي يجعله شهر خير عالكل يارب
هنودتي حبيبتي الحمد لله انك رجعتلنا بالسلامة
وربنا يصلحلك الحال وييسرلك الخير الاسبوعين الجايين
فعلا ف رمضان الدخول هيبقي صعب اوي
عايزين نتنافس ياقمرات هنختم كام مرة؟
عشان نشجع بعض ممكن نقول لبعض بعد رمضان
لو مش قدرنا ندخل ف رمضان
ربنا يتقبل منا يارب
هتوحشووووووووووووووووووووني
الروابط المفضلة