معجناتى المتنوعه خلال الشهر الكريم شاركونا بافكاركم وصفاتكم المتنوعه والمميزة
اخواتى الاحباء كل عام وانتو بالف خير
عدتت ايام الشهر الكريم بسرعه جداا
مع نفحاته العطره الخلابه التى تتطهر النفوس
بصلاوته بتلاوته بعباده الصالحين
ومع لمه الاهل والاقارب والاحباب
لا تخلو مائدتنا اليوميه من ما لذا وطاب من الاكل
وانا هنا بتكلم فى ركن المعجنات
فبلدى الحبيبه على حد علمى ليس لهاا
معجنات تراثيه غير القليل
ومنها الرقائق والجلاش باللحمه
وقدمتهم لينا الغاليه اموله على هذا الرابط
مشاركتى(اسبوع معجنات رمضان)صنية الرقاق والجلاش باللحمةالمفرومة من مطبخ امولة
وكمان اقطايف بحشواتها المختلفه من امى الغاليه ام شادى
على هذا الرابط
انا اليوم هقدم اصناف متنوعه من سفرتى خلال ايام الشهر
الكريم بجانب الرقائق والقطايف وجلاش اللحمه
صنيه الجلاش بالفراخ والمشروم
المقادير
نصف علبه جلاش(عملت صنيه صغيره)
سمن او زبده مذابه
كوب لبن
بيضه
ملح وفلفل
الحشو
باقى صدور دجاج مسلوق مقطعه
مضاف اليها زبده ومشروم وملح وفلفل
وبصله
الطريقه
نفرد ورق الجلاش على رخامه
ونضع عليها الصنيه
لتحديد المقاس المظبوط ونقطع بالسكينه
ندهن القالب بالسمن المذابه
ونضع طبقتين من الجلاش وندهن بالسمنه بس خفيف
مش كتير
حتى نصل لمنتصف الكميه ونضع الحشو لو فى بواقى صغيره من الجلاش
نضعها فى المنتصف
ونكرر الدهن كل طبقتين حتى نصل للنهايه
ونقطع الجلاش حسب الحجم المطلوب
ندهن الجلاش بالسمن المذابه
نخلط اللبن مع البيضه والملح والفلفل ونسقى الجلاش
ونتركه حتى يسخن الفرن
نضعها فى الرف الوسط لفرن ساخن على درجه متوسطه
حتى تمام النضج
وفعلا طعمها جميل جدااااا
وكمان تغير وتنوع فى الاكل
تانى نوع من الجلاش
جلاش بالخضروات والباشميل
نفس الطريقه السابقه
مع اختلاف الحشوه
جزر مبشور وفلفل اخضر وزيتون اسود وجبنه رومى وبشاميل
نخلطهم مع بعض جيداااا ونضعها فى وسط الجلاش
ونكررالخطوات السابقه
فى جلاش الفراخ
طعمها يشبه كتير البيتزااا وانا واولادى بنحبها كتيررر
جربوها ببواقى الخضراوت والباشميل
سمبوسك
المقادير
2.5 كوب دقيق
ملعقه صغيره بيكنج بودر
كلعقه ملح
ملعقه سكر
ملعقه حبه البركه
رشه كركم
بيضه
2 ملعقه زبده
لبن حسب الحاجه
الطريقه
نخلط المواد الجافه مع بعضها ثم نضيف الزبده والبيضه واللبن
ونعجن جيدا بتكون العجينه ناعمه جداا وملساء
نتركها ترتاح لمده ربع ساعه
الحشو ممكن يكون جبنه او لحمه معصجه
نفرد العجينه على سطح مرشوش بالدقيق
ونقطعها بالقطاعه
نحشيها بالحشوه ونقفلها كويس
نقليها فى زيت غزير ساخن حتى تحمر تماما
فعلا جميله وهشه ومش شربه زيت نهاائى
وكل عام وانتو بالف خير حبيباتى
وينعاد عليكم الايام بخير
وشاركونى بمعجناتكم اليوميه المتميزة
وبحشواتكم المختلفه
فلكل منا اسوبها المتميز فى تقديم معجنتها ووصفتها المتميزة
منتظره مشاركتكم
رد مع الاستدلال
الروابط المفضلة