حلويات بسيطه وطرق سهله

[solitair_sam]

السلام عليكم ورحمة الله وبركاته

انا ف حيره وعارفه ومتاكده ان حبيباتى ف منتدى لكى هما اللى هينجدووووووونى ف الحكايه دى



الموضوع وما فيه انى متجوزه من شهر ومش ليا اوى ف الحلويات ولا الكلام دا خااااااااااااااااااااااالص .. و زوجى كمان اقل من شهر هيسافر اسبوعين كدا ولا حاجه ..ويوم سفره هو يوم عيد ميلاده .. وعاوزه قبل ما يمشى اعمله صنفين تلاته حلويات كدا سهله وبسيطه ..

ياريت بجد نتجدونى بأفكاركوا اعمل ايه واقدمها ازاى وياريت بالصور لان الصور اكيد بتسهل كتير جدااااااااااااااااااااااااااااااااااا


وبجد بشكركوا اوى مقدما..وليكوا جزيل الشكر

[solitair_sam]

معقول 150 مشاهده ومفيش حد رد عليا




ليه كدا .. انا كنت متخيله انكوا بجد هتساعدونى وخصوصا ف اول حاجه اعملها بالنسبه للحلويات


ياريت حد يجى ويقدملى لى ولو فكره بسيطه واحده

[قلب فاضي]

مبرووك ياقمر عالجواز وربنا يسعدك دايماا

اسهل حاجه تعمليها

شوكليت كيك


المقادير:

3 بيضات
كوب زيت
كوب لبن
4ملاعق كاكاو خام
كوبايه دقيق
ملعقه كبيره بودر
فانيليا + ملعقه عصيرليمون
كوبايه سكر

الطريقه:

اول حاجه هنجهز الشوكليت
ضرب السكر والزيت واللبن مع الكاكاو كويس اوي اوي
في الخلاط لحد مايبقي قوامها سميك وتقيله وبعدين تاخدي منه كوبايه وتحطيه في التلاجه

وبعدين الكيكه نفسها
نضرب البيض مع الفانيلياوالليمون وتحطيه علي باقى الشوكليت وبعدين
الدقيق والبودرر وبعدين تحطيها في الفرن لمدة نصف ساعة تقريبا لما تستوي
وتستني تبرد شويه صغيره وتصبي عليها كوبايه الشوكليت اللي كنا شلناها قبل كده


ممكن بقي تعملي 2 وتحطيهم علي بعض وتزينيهم زي التورتايه بالظبط
بكريمه وفاكهه وكده يعني

يارب اكون افادتك لو حاجه صغيره

[●•°BaSmA°•●]

اختي الغالية
المنتدى مليئ بالوصفات السهلة
ممكن أعطيكي رابط كعكعة النسكافيه
هي بسيطة جدا وما فيها شغل
ومنظرها وطعمتها روووعة
هي نوع من الحلويات والبوظة تنين بواحد

كعـكة النسـكافيه هديتي لكن بعـد الغيـاب بااردة وطيبـة كتيـر

[شيماء غزالى]

صى ما تكتريش من الكيكات لان الكميه بتكون ةكبيره وانتم شخصين يعنى ممكن لو عندك مضرب بيض تعملى ايس كريم ووكيكة وتزينيها بالجناش لانه سهل الفرد ومش بيحتاج مهاره وارجعى لملف الاخت نور الهدىواعملى صنف حادق بعجينه ال10 دقائق ممكن تحشيها جبنه تركى و بسطرمه واى مشروب فريش ساقع و ربنا يجمع بينكم على خير واتمنى اكون افدتك

[solitair_sam]

ميرسى ليكوا كتير ولافكاركوا وبجد استفدت منها


بس انا كنت عاوزه اعمل تلات اصناف حلويات مثلا ونوع مقبلات خفيف كدا وكمان مشروب حلو


ادونى افكاركوا ف الموضوع دا

[حبة اللؤلؤ]

شوفى يا جميلة بالنسبة للمشروب لنا بعمل كوكتيل رائع فى 10 دقائق
وهو كوكتيل المانجو والجوافة
اعملى عصير مانجو بس يكون سميك وصبيه فى الاكواب الى منتصف الكوب وقطعى فيه مكعبات مانجو ....واعملى عصير جوافه باللبن سميك ايضا وميلى الكوب قليلا وانتى بتصبى عصير الجوافة على المانجو حتى يصبح شكل الكوكتيل نصفة برتقالى ونصفه ابيض بالورب اى الخط الفاصل بينهم موروب شوية وبعد كده قطعى شرائح رفيعة و صغيرة مانجو وضعيها بخفة على سطح الكوكتيل وبالهناء والعافية

[فراولة24]

حبيبتي هقولك علي طريقة للتشيز كيك سهلللللللة جدا يمكن اسهل طريقة للتشيز كيك وطعمها روووووعة والله

تجيبي 2 باكو بسكوت شاي تطحنيهم كويس جدا ناعم خالص وتحطي عليهم زبدة ومعلقتين ماية كدة عشان البسكوت يمسك في بعض وتفركي بالذبدة كويس وحطي زبدة لحد ماتحسي بيها في البسكوت عشان ميبقاش ناشف وصعب التقطيع وبعدين بططيه كويس ودخليه الفريزر يجمد

تاني خطوة اضربي في الخلاط 2 او 3 كوب زبادي مع 2 كيس لبن بودرةوشوية سكر ومكعبات كيري ودي ممكن الاستغناء عنها وبعدين صبي الخليط دة علي البسكوت بعد مايكون جمد ودخلي الصينية الفرن لحد مالخليط الابيض تلاقيه جمد ومسك نفسه كدة
طلعيه يبرد شوية وبعدين ندخليه الفريزر يجمد كويس جدا
اخر خطوة بقي تكوني جايبة باكو او 2 جيلي وعاملاه بالطريقة العادية علي النار وبعد مايبرد ويكون الزبادي جمد تماما صبي الجيلي علي الزبادي ودخليه يجمد
ودوقي احلي تشيز كيك من ايديكي بصي هو الشرح طويل لكنها سهلة جداااا وغير مكلفة بالمرة
وربنا يبيض وجهك قدام جوزك ان شاءالله

[solitair_sam]

حبة اللؤلؤ / فراوله


بجد ميرسى ليكوا وافكاركوا حلوه وسجلتها عندى من ضمن اللى هعملها

ان شاء الله