"عروسات المستقبل تعالوا اقولكم".. جزء ( 10 )

[مسكـ الخـتامــ]

ايه اخباركم يابنات

كنت عاوزه اعرف زيت اللوز الحلو للبشره ولا للشعر ولا زيت اللوز المر؟

إزيك ياروزي .. يارب تكوني بخير حبيبتي

زيت اللوز المر للجسم والبشره

زيت اللوز الحلو للشعر

[هنودة هنانيدو]

هنوده يا قمر ايه رايك فى تقشير الركبه والكوع بكريم ليكو سيد ار
ينفع بما انى مش فى وقت عشان انا بجد قلقانه قوى وحاسه انى مش هبقى زى ما كل بنت بتتمنة وخصوصا انى اول واحده هتجوز فى اخواتى وعشان كده مش فى حد عنده خبره فى الحاجات دى
قوليلى رايك

ليكوسيد حلو اوى ياقمر بس مش كل البشرة بيبقى منعاها كويس يعنى فى بشرة حساسة مش بينفعها بلاش تجربيه لانك خلاص الوقت ضيق اوى خليكى فى سكرب ملح مع ليمون وافركى كدا براحة بليفة وحطى جليوسليد وبعد الجواز استخدمى ليكوسيد

[هنودة هنانيدو]

هنودة يا حبيبتى جزاكى الله خيرا على الوصفة وربنا يجعله فى ميزان حسناتك
بس انا كنت عاوزة اقولك على حاجة تانية انا جربت كريم ليكوسيد للركب اكتر من شهر وماعملش معايا اى حاجة بالعكس انا حاسة انها اسودت اكتر
وانا بتجنب الاحتكاك والله ولما بصلى بحط حاجة طرية تحت ركبى
بس مش عارفة اعمل ايه واتعقدت بصراحة ياريت يا حبيبتى تقوليلى اعمل ايه الا انا خلاص هطققققققققققققق

بعد الشر عليكى يامونى من الطق
بصى ليكوسيد حلو اوى بس فى بشرة مش بينفع معاها يعنى هو نفع معايا الحمد لله ونفع بنات تانية وبردو فى بنات منفعش معاها

باقى الوصفات معروفة اللى هى ملح وليمون او فازلين مع كركم بس ديه مجبتش اى نتيجة معايا

بصى انتى لو عايزة تريحى دماغك روحى دكتور جلدية عشان حرام متفضليش تجربى وتزهقى

[هنودة هنانيدو]

السلام عليكم ..

ازي العروسات القمر اللى منورين المنتدى....بوسة منى لكل واحدة فيكن

ازيك يا " نودى "...عاملة ايه ؟؟

بصى يا هنودة..

السؤال دة لواحدة صاحبتى ...هى عندها غمقان ما بين الفخذين جامد اوى...فقلتلها انك قلتى على مرهم بيتادين... وهى فعلا استخدمته..بس النتيجة ضعيفة اوى او مش عارفة هى اذا كانت فى نتيجة ولا لا ...وبقالها مدة بتسنتخدمه.....

انتى ايه رايك....؟؟؟ وسؤالها هو اخد معاكى قد ايه وقت وجاب نتيجة ملحوظة امتى من الاستخدام؟؟؟...وهى مخطوبة وحتتجوز قريب وقلقانة اوى... وجزاكى الله خيرا

ازيك يا عزة ياقمر
بيتادين اخد معايا 3 اسابيع مع لبس حاجات قطنية وترطيب عالطول للمنطقة ديه وبردو كنت بستخدم غسول سيتيال

بيتادين لبين الفخذين عملى كدا اما للمنطقة حساسة لا مش بيجيب اى نتيجة

سولتير بردو كانت بتسخدمه وعجبها وجاب ماشاء الله نتيجة حلوة معاها

[هنودة هنانيدو]

ميرسى ليكى يا هنوده ولكل البنات القمرات

وشكرا لترحبيكم بيا وان شاء الله انا معاكم بس يارب متزهقوش منى

الوصفه جميلة يا هنوده وانا حصل معايا موقف مش ظريف بسبب الهالات دى

انا يوم خطوبتى من ارهاق الاسبوع اللى قبلها فى الترتيبات

كان تحت عنيا اسمر والكوافيرة الله يكرمها خبت ده بالمكياج وخطيبى اضايق لانه مبيحبش الميكب الكتير فربنا يستر فى الفرح بقى واكيد هستعمل الوصفه دى من دلوقتى

كان عندى سؤال تانى يا هنوده معلش استحملينى

انتى طبعا عارفه شقاوة الاطفال وانا كنت شقيه زياده حبتين

فتلاقى فى جسمى اثار وقعات قديمه هيا صغيرة وكمان فى خربوش كبير فى رجلى

ياترا فى حل للحاجات دى ؟؟

ازيك ياهوبى يا شقية
خربوش والوقعات محتاجة كريم تقشير عشان يقشرها وبعد كدا ترطبى مكانها بالكريمات ترطيب العادية زى جليوسيليد ونيفيا ودوف وكدا

انا بردو قبل العيد اتلسعت جامد فى ايدى وعملت زى حرق صغير لونه غامق جربت ليكوسيد اللى كنت بستخدمه للركب والحمد لله بعد اسبوع راحت خالص لانه كريم تقشير انتى ممكن تجربى كريم ليكوسيد على مناطق ديه تحطى جزء صغير منها خالص على منطقة والمهم مش تتعرضى للشمس عشان حتسود لو اتعرضت للشمس وتحطى منه كل يوم بليل بس متفركيش المناطق ديه باى ليفة او حاجة جامدة عشان الكريم بيقشرها

[مسكـ الخـتامــ]

بنوتات إزيكم ..

جبتلكم شوية تمارين للبــطــن ..

للي عندها مشكلة زيي ...

يالا اتشجعوا عايزة اشوف غزلان

سلام ...

[هنودة هنانيدو]

تسلمى يا "نودة " على الوصفة وان شاء الله استخدمها

ممكن اقولك حاجة معذبانى او وانا فعلا حزينة عشانها بس الحمد لله على كل شئ

بصى يا " هند " للاسف مفيش اى حاجة استخدمتها وجابت معايا نتيجة حتى الان ولا اى حاجة حتى ابسط البسائط مفيش فيها معايا فايدةز.... وادينى بقالى حوالى شهر ونص


ودة مش تقصير منك لا سمح الله ... بالعكس ربنا يجازيكى خير على النيه الحلوة بتاعتك انك تساعدينى وتساعدينا كلنا ...لكن انا حاله فردية ..الوصفات والعلاجات مجبتش معايا نتيجة ولا حتى 1% .. بصراحة مش عارفة ايه السبب لكن الحمد لله برضه ادينى بسعى واعممل اللى عليا وبتوكل على الله .. النتيجة من عنده...

والله انا مش بقول كدة علشان اقول انك قصرتى معايا .. والله العظيم ابدا او انى ابخث حقك فى النيه الحلوة دى .. بالعكس جدا انتى مبخلتيش عليا باجابة سؤال او خبرة او معلومة بالعمكس جدا وكنتى ماشيه معايا براحة اوى ..ربنا يكرمك يارب..وبدليل حب كل البنات دة ليكى وانا اولهم والله بحبك جدا..وجزاكى الله الف خير وخير

بصى حبيبتى اى وصفات بتاخد وقت طويل خاصة لو المشكلة بقالها مدة وكبيؤة لازم حتاخد وقت اطول فى العلاج خاصة انها وصفات طبيعية عكس الحاجات الطبية بتاخد وقت اقل

انتى بردو كملى وقوليلى اى حاجات منفعتش معاكى واجيبلك بدايل

[هنودة هنانيدو]

ازيك يانوده
كنت عاوزه اعرف استعمالات زيت اللوز الحلو والمر وزيت الخروع

اللوز الحلو للشعر بيستخدم فى خلطات للشعر بيطرى

المر للجسم وترطيب الجسم والايد والرجل وكمان للهالات السوداء ومع تكرار استخدامه على الجسم بيدة نعومة وتفتيح للبشرة الجسم

الخروع بيتحط للشعر عشان يتقله وبيقلل التساقط ولو فى اماكن فاضية فى الراس بيتحط فيها بيخلى الشعر يطلع تانى
كمان خروع بيستخدم لتطويل الرموش يعنى بتجيبى ماسكرا نظيفة وتحخطى منها على رموشك تحطيها الاول فى الزيت وبعدها بتحطى على الرموش

[هنودة هنانيدو]

سلااااااااااااام يا أحلى هنودة ..إزايك يا أمر ؟ عاملة أيه ؟
بصي.. فيه أخت ليكي قديدة اتولدت اليوم .. اسمها **اذكروا الله**
ألف ألف مبروك يا حبيبتي..
ياترى بتتقبليها وتحبيها ؟ وإلا بتغاري منها وعاوزه تذبحيها ماهي بتاخذ حنية باباكِ ومامتكِ ..وبتبأى هي دلوعة البيت .وهي الأمرة والناهية والكل بيسمع كلمتها ..وانتي ياحرام عاوزة عريسك ييقي ويلأطك وترتاحي منها .. بس ياترى يمديكي اليوم تخلصي كل حاقة ..ويكون بكرة ميعاد فرحك ...

ءااااااااااااااالله دي حاقه قميلة والله ..

زغرتووووووووووا يا بنااااااات ..بكرة موعد فرح حبيبتنا هنوووووووودة ..
وإجا الوقت اللي لازم تساعدوها فيه ..ماهي ساعدتكم بما فيه الكفااااية ..
وإلا عاوزيين تتخلو عنها ..دا ما بينفعش خاااااالص .. يااااااالله ورونا شطارتكم ..

هنوووووووووووودة ماااااااااااااااااااتزعليش..
حبيت أهزر معااااااك..
بصي عشان أراضيكي أنا عزماكي على البحر ..أيه رأيك؟
يالله بينا نمشي...

ويالله بينا نتعشى

اسمعي بأولك أيه ؟ العزومة دي مش سهلة ..دي وراها أسئلة ولازم تقاوبي عليها .. أولتي أييييييييييييييييييه؟

اهلا بيكى ياقمراية حلوة اوى الحاجات حلوة ديه جديدة ولذيذة كلك ذوق
طبعا اقبل العزمة واسئلى زى ما انتى عايزة وهزرى ياقمر براحتك
ويارب الاقى بكرة فرحى بقى

[rose85]

مسكــــــــت الختام مشكورة جدا على تمارين البطن
وهنودة ياعســـــل انتي بتتعبي اوي معانا ربنا يخليكي ونفرح بيكي قريب ان شاء الله