"عروسات المستقبل تعالوا اقولكم".. جزء ( 10 )

[ايمان مونى]

مسك
اهلا بيكى حبيبتى منورة وتابعى معانا بقى الجزء الجديد والاجزاء الجاية باذن الله
ولو عاوزة اى حاجة احنا تحت امرك

[i muslmah]

تسلمي هنودة على الرد شكرا حبيبتي

[روزي روز]

اسمحيلى حبيبتى ارد عليكى
اديكى قلتى سبب بهتان وشك اللعب فى الحبوب فاول حاجة تعمليها تبطلى لعب فيها
ثانيا فيه ماسك حلو اوى هنودة العسل قالت عليه بياض بيضة ولمون تخلطيهم وتحطيهم تلت ساعة
وكمان انا برتاح اوى لماسك الزبادى والخيار بيفتح ويرطب البشرة ويشيل اثار الشمس والحبوب
يارب اكون افدتك وربنا يكرمك انتى وخطيبك ويوسع رزقه ويخلص شقته بسرعة وتبقى احلى عروسة قريبا ان شاء الله

تسلمي ياقمر علي ردك وهسال بس المون مش بيضر البشره؟

[روزي روز]

روزى ياقمر ازيك
بصى حبيبتى لازم تبطلى لعب فى الحبوب لان البقع واللون اللى مش متوحد بيبقى بسبب الحبوب وانتى كمان بتلعبى فيها بتزوديها

انتى اعملى سكرب خفيف عشان تجددى البشرة اعملى ملح مع ليمون
وحطى ماسك لو بشرتك عادية يبقى اللبن مع العسل بينظف جد ويفتح
لو دهنية حطى بياض بيضة مع ليمون

زى ما قالتلك مونى ماسك زبادى مع الخيار تحفة بيشيل البهتان وبيخلى وشك منور وبيرطب تجيبى زبادى وابشرى عليها خيارة وتقلبيهم وتحطى على وجهك

كدا وشك حيرتاح اعملى مرة فى الاسبوع سكرب وبعده عالطول ماسك
لو لسه فى حبوب روحدى دكتورة جلدية عشان تعالجيها لان الوصفات تنفع بعد الحبوب مش بتعالج الحبوب

تسلمي هنوده بس الملح والليمون بيضرو البشره ولا عادي ؟
والنهارده خطيبي عندي ان شاء الله فايه ممكن اعمله عشان وشي ينور النهارده ويحس اني مختلفه شويه ؟
افيديني

[هنودة هنانيدو]

تسلمي هنوده بس الملح والليمون بيضرو البشره ولا عادي ؟
والنهارده خطيبي عندي ان شاء الله فايه ممكن اعمله عشان وشي ينور النهارده ويحس اني مختلفه شويه ؟
افيديني

حطى نهاردة ماسك بياض بيضة مع ليمون يعنى يادوب كام نقطة ليمون عليها بيشد الوجه ويفتح

الملح والليمون مش بيضروا لانك بتسخدميهم زى تقشير خفيف للبشرة ومش بتسبيهم عليه

[روزي روز]

حطى نهاردة ماسك بياض بيضة مع ليمون يعنى يادوب كام نقطة ليمون عليها بيشد الوجه ويفتح

الملح والليمون مش بيضروا لانك بتسخدميهم زى تقشير خفيف للبشرة ومش بتسبيهم عليه

شكرا ليكي هنوده علي اهتمامك بكل الاستفسارات
وانا عملت الماسك ده دلوقتي

[HOOBY]

بجد يا هنوده ربنا يجزاكى كل خير

انا سجلت فى المنتدى عشان خاطرك وعشان الموضوع

واخيرا بقى مسموحلى ارد عشان اشكرك على كل نصايحك الحلوة

ربنا يجعلها فى ميزان حسناتك

وبجد انا قرأت اكل الاجزاء اللى فاتت وعملت كل المواضيع فى فايل عندى

وبدأت اعمل الروتين اليومى

بس انا عندى مشكله فى زياده منطقه البطن انا جسمى كله كويس الا المنطقه دى

وانا كسوله جدا فى مواضيع التمارين وكمان مش بخرج كتير

وبجد ميرسى جدا على كل حاجة انتى بتقوليها هنا

[ايمان مونى]

HOOBY

اهلا بيكى يا قمر معنا انا كمان من الناس اللى سجلت فى المنتدى بسبب هنودة
بصى حبيبتى بالنسبة لموضوع البطن ده بصى هو احسن حل ليها التمارين وصدقينى عن تجربة التمارين دى خطيييييييييييييرة بتخليكى واحدة تانية خالص وفيه مرونة فى عضلاتك وبتحافظ على رشاقتك
وبعدين احنا معاكى هنا هنشجع بعض اوك بلاش كسل بقى انا بعملها كل يم عاوزاكى تحصلينى بقى
وهو ده الرابط بتاعها رووووووووووووعة

http://www.lakii.com/vb/showthread.php?t=581530

[ايمان مونى]

http://www.lakii.com/vb/showthread.php?t=581530

معلش حبيبتى شوفى الرابط ده كدة

[HOOBY]

ميرسى يا ايمان ربنا يخليك متحرمش منك

انا شفت الموضوع وربنا يقدرنى واعمله بتشجيعكم ليا طبعا