"عروسات المستقبل تعالوا اقولكم".. جزء ( 10 )

[هنودة هنانيدو]

طيب انتو بتتكلموا عن اللي عاوزه تنزل وزنها او تظبط اماكن زايده في جسمها طيب واللي عاوزه وزنها يزيد ووشها يبقي حلو وجسمها من نحيف ويليق عليها اي حاجه تلبسها تعمل ايه انا بتكلم عن نفسي قولولي اعمل ايه وانا واحده مبتحبش الاكل وبزهق من كتر الاكل اعمل ايه بقي بكون جعانه بس مكسله اكل او زهقانه من الاكل افيدوني

روزى لو عندك نحافة عادية يعنى مش زايدة بلاش تعملى حاجة تزودى بيها وزنك لانك بعد الجواز الهرمونات بتتغير والجسم بيزيد

اما لو انتى عندك نحافة زايدة يبقى الاول روحى دكتور تغذية عشان يظبطلك برنامج تمشى عليه وشوفى تحاليل الانيميا والغدة الدرقية لانها بتكون اوقات سبب فى النحافة

الوصفات اللى حاقولك عليها هى مساعدة لزيادة الوزن بس الاساس التحاليل عشان لو فى مشكلة تعالجيها وطبعا دكتور تكونى متابعه معه

عندك كذا مشورب ده فعلا بيزود الوزن مع الاكل الصح

مشروب الحلبة انك تعملى الحلبة اللى بالسمنة زى بتاعة المغات

مشروب الموز مع اللبن كامل الدسم تعمليه زى عصير ويتشرب

اللبن مع التمر تاكلى منه 2 كوب فى اليوم

حلاوة طحينية وعليها قشطة وتعمليها فى سندوتش وتاكليها

المكسرات طبعا مفيدة جدا فيها كذا فيتامين كمان بتزود الوزن

كمان العبى رياضة حتى لو فى البيت بتنشط الجهاز الهضمى والدورة الدموية وطبعا لازم تاكلى ازاى حتزيدى وزنك من غير اكل مينفعش كلى حاجات اللى تحبيها وتكون مفيدة

[هنودة هنانيدو]

من فضلكم يابنات ..

كنت عايزة استفسر منكم ومن هنودة

على موضوع يخص الشعر

كان في صحبات ليا قالولي على فيتامينات للشعر ..

كتبها ليهم دكتور جلديه ..

زي فيتامين H وفيتامين B5 ..

وهي عباره عن حقن بتتاخد أو كبسولات .. بس الحقن مفعولها طبعا أقوى وأسرع

مع شويه حاجات تانيه بخاخات تتقل الشعر وفيتامينات كبد الحوت والزنك

وحاجات زي كدا يعني أنا مش أعرفها كلها للأسف ..

بس هو كورس أدويه وفيتامينات للشعر تحت إشراف دكتور

كنت عايزة اسأل لو حد جرب الحاجات دي .. هل بتنفع فعلا ؟؟

أنا شعري ناعم الحمدلله .. بس ضعيف جدا ومتقصف

كنت عايزة حاجات تقويه بس غير الخلطات والحمامات لإني زهقت منهم ...

وخصوصا إني فرحي ع العيد الكبير بإذن الله .. عايزة في السريع يعني ..

طولت عليكم .. لي عودة قريبا

مسك حبيبى ايوة سمعت عن بنات اخدوا كورس زى ده لشعرهم بس معرفش تفاصيله اوى اللى اعرفه انهم بياخدوه لمدة شهرين والحمد لله بيجيب نتيجة بس الافضل انك تروحى لدكتور عشان كل شعر مختلف عن تانى ومتاخديش حاجة متكونش مناسبة معاكى

[هنودة هنانيدو]

السلام عليكم

" هنودة يا قمر "انتى اللى وحشااااااااااااااانى جدا والله العظيم ومن كتر الاسئله اللى عندى ليكى بقيت مش عارفة اسال ..مش عاوزة اوجع دماغك ...جزاكى الله خيرا

ياقمرى اسالى زى ما تحبى انا معاكى يالالا مستنياكى

[هنودة هنانيدو]

ازيك يا هنوودة انتى واخواتى كلهم...
يا رب يكون الكل بخير وفى قمة السعادة
شكرا على الرد يا هنودة وليا طلب تانى استحمل الطمع بقى
عايزة نوع كريم شعر كويس ممكن يا قمر
عارفة يا هنوود انتى بقى ليكى جماهير كتير يعنى ممكن تدخلى الانتخابات
بعد كده ولو مش عجبك نطفشلك امينه شلبايه وكملى انتى بدلها
هى هتيجى فين جنب القمر بتاعنا فكرى ولو عجبتك انا هسيب شغل واجى
اشتغل الصبى بتاعك ايه رايك بقى ؟؟؟ هو انا اطول

ههههههههههههه انتى عسولة خالص يا ملوكة انتى اللى حنعملك انتخابات وتمسكيها وتبقى اجمد رئيسة عسولة

بصى كريم شعر كويس انا مجربة جولديز هو صنع فى جنوب افريقيا موجود فى صيدليات ب 25 ج حلو جدا بيرطب وينعم الشعر

[هنودة هنانيدو]

رجعتلك بسؤال ياقمر
انا عايزه بس اشد جسمي من تحت
يعني منطقة الارداف والجناب شويه
انا حساها عايزه تتشد اكتر
تديني حل
وبسرعه لان خلاص فرحي ان شاء الله كمان شهرين ادعيلي يانودي

نورا الامورة مبروك يالالا شدى حيلك ياعروسة
نورا حتلاقى الرابط ده فى تمارين للراداف والافخاذ احسن حل عشان تشديهم التمارين وانتى معاكى شهرين حتلاقيهم اتشدوا ان شاء الله
http://lakii.com/vb/showthread.php?t=570148&page=6

[هنودة هنانيدو]

ربنا يبارك فيكِ حبيبتي هند... إن شاء ربي هواظب على التمارين وأداوم عليها كل يوم عشان أطلع بنتائج بإذن الله....

تاني شئ يا هند كنت عايزاكِ تكلميني فيه اللي هو الإهتمام بالنفس وقت البريود...

بجد انا محتاجه نصايحك اعمل ايه... يعني مثلا فيه بنات لما يجيلها البريود تقعد كده مفيش اهتمام بنفسها من ناحية أنها في وقت البريود مش بتاخد شاور فريحة العرق بقه تظهر غير كده ريحتها نفسها برده في وقت البريود.. يعني اقصد ريحة المنطقه اللي تحت...

فقوليلي برنامج روتيني كده علي مده الخمس أيام مثلا بتوع البريود...ناخد شاور امتى وهل ينفع مثلا نضع ريحه في المكان ده عشان الروايح... يعني قوليلي نصايح في وقت البريود أهتم بنفسي ازاي عشان جوزي لا يشم مني إلا أطيب ريحه..

منتظره ردك حبيبتي..

شوفى ياقمر الرابط ده اقريه كدا ولو عايزة كلام اكتر حاضر من عنيا

اول مرة تجيلك فيه البريود بعد الزواج

http://lakii.com/vb/showthread.php?t=556146&page=15

[سونيا سيتا]

تمام جدا كده.... شكرا حبيبتي هنوده... وشكرا اختي مسك الختام ربنا يعزكم ويبارك فيكم وفي كل الأخوات يااارب...

[هنودة هنانيدو]

بنات الحلوين اخباركم ايه والعرايس اللى خلاص فرحهم قرب شدوا حيلكم


النهاردة جايبلكم وصفة حلوة للعينين كنت جربتها من مدة يوم كتب كتابى ومجربتهاش تانى افتكرتها امبارح وعملتها والحمد لله حلوة

يوم كتب كتابى وانا عندك كوافيرة كانت عمالى ماسك لوجهى وماسك للهالات السوداء وبعد ما خلصت كانت نتيجة حلوة الوش منور وتحت العين حلو اوى

الوصفة طلعت سهلة جدا وبسيطة
عسل نحل + حبة بركة مطحونة ( الحبة السوداء )

بتجيبى حبة البركة وتطحنيها وتحطى عليها عسل نحل وتقلبيها كويس تخليها زى ماسك كدا وتحطى منها تحت العين وفوق الجفن وتسبيها 20 دقيقة وتغسلى وشك

للعرايس اللى فرحهم قرب اعمليها كل يوم واللى لسه بدرى شوية على جوازهم خليها 3 مرات فى الاسبوع

وبعد كدا واظبى عليها عالطول طبعا العسل مفيد لتحت العين وانا مجربه لوحده وكان حلو اوى بس مع حبة البركة طبعا فايدة اكتر كلنا عارفين فايدة حبة البركة كمان قريت من يومين ان الوصفة ديه تنفع كمان لتجاعيد والخطوط الرفيعة تحت العين

وبعد ما تعملى خلطة خليها فى ثلاجة وكل يوم حطى منها ... ان شاء اللة تعجبكم وتطلع حلوة

[ogy]

هنوده يا قمر ايه رايك فى تقشير الركبه والكوع بكريم ليكو سيد ار
ينفع بما انى مش فى وقت عشان انا بجد قلقانه قوى وحاسه انى مش هبقى زى ما كل بنت بتتمنة وخصوصا انى اول واحده هتجوز فى اخواتى وعشان كده مش فى حد عنده خبره فى الحاجات دى
قوليلى رايك

[ogy]

مرسى يا قمر عالوصفه الرائعه دى بجد مرسى اوى