ياعينى عليكى يا حبيبتى ده انتى شكلك معبية ومتعقدة من كونك بنت

ليه كده بس يا حبيبتى دى البنات دى احلى حاجة فى الدنيا وهى اللى بتخلى الدنيا حلوة ليه بقى نظرتك المعقدة للفرق بين البنت والولد

ماهو لازم يكون فيه فرق بينهم امال يعنى عاوزة الناس كلها تبقى جنس واحد وتبقى رجالة
ماينفعش
طبيعة البنت غير الولد طبعا هما متساويين من ناحية ان مافيش حاجة اسمها انا كان نفسى فى ولد ولا الكلام ده لان كل اللى يجيبه ربنا كويس والبنات نعمة زى الولاد

وبرده متساويين من ناحية ان كل واحد عنده كرامة وشخصية وتحترم ومانفرقش بينهم

بس برده هما مختلفين فى حاجات تانية كتير ولازم يكون فيه الاختلاف ده

يعنى ماينفعش البنت تخرج وتدخل زى ماهى عاوزة زى الولد لا طبعا البنت معرضة للخطف او الاعتداء عليها بعكس الولد

وكون ان الزوجة لازم تستاذن من زوجها قبل الخروج دى حاجة ربنا امرنا بيها ومش المقصود منها تقييد حرية المراة لا ده صيانة وحفظ ليها

وانا مش بقول ان الزوج اللى يخرج زى ماهو عاوز ويجرح فى مراته ويسيبها قاعدة لوحدها ويرجع الصبح ده صح لا بالعكس ربنا ماامرش الرجال بكدة

بس فى المقابل ماينفعش نقول اشمعنا البنت ماتعملش زى الراجل دى مش شطارة ولا حاجة حلوة عشان نقلدها

صدقينى لو كل طرف عمل زى ماربنا قال واتقى ربنا قى الطرف التانى ماحدش منهم هيحس بظلم ولا اهانة

ربنا يهدى ويوفق الكل