"عروسات المستقبل تعالوا اقولكم".. جزء ( 12)

[هنودة هنانيدو]

السلام عليكم يا بنات
طبعا موضوعنا " عروسات المستقبل تعالوا اقولكم" الجزء الحادى عشر اتقفل عشان عدد الصفحات اكتمل ,,,النهاردة حنبتدى بالجزء الثاني عشر ان شاء الله.....



يا عرايس ياقمرات عايزة اقولكم نهاردة على شوية نصايح انا جربتها تنفع اى عروسة وفى نفس الوقت حابة اعمل معاكم نقاش فى اسئلة ساعات بتشغل بالنا يمكن محتاجين معايا المتزوجات كخبرة ومحتاحين االعرايس الحلوين عشان يستفيدوا .. الموضوع مش خاص بالخلطات اكتر من انه خاص بنصايح مفيدة عملية

وده ياقمرات رابط الجزء الاول

http://lakii.com/vb/showthread.php?t=546598

وده ياقمرات رابط الجزء الثاني
http://www.lakii.com/vb/showthread.php?t=551566

وده ياقمرات رابط الجزء الثالث
http://lakii.com/vb/showthread.php?t=556146

وده ياقمرات رابط الجزء الرابع
http://lakii.com/vb/showthread.php?t=566470


وده ياقمرات رابط الجزء الخامس
http://lakii.com/vb/showthread.php?t=570148


وده ياقمرات رابط الجزء السادس
http://lakii.com/vb/showthread.php?t=574142


وده ياقمرات رابط الجزء السابع
http://lakii.com/vb/showthread.php?t=578639

وده ياقمرات رابط الجزء الثامن
http://lakii.com/vb/showthread.php?t=581844

وده ياقمرات رابط الجزء التاسع
http://lakii.com/vb/showthread.php?t=585548


وده ياقمرات رابط الجزء العاشر
http://lakii.com/vb/showthread.php?t=596214

وده ياقمرات رابط الجزء الحادى عشر
http://lakii.com/vb/showthread.php?t=598796

[هنودة هنانيدو]

السلام عليكم
بنوتات الحلوين وحشتونى كتيييييييييييييييييييييير اد البحر وسمكاته

بجد مفتقدكم جداااااااااااااااا معلش الايام اللى فاتت كمنبيوتر عندى كان عطلان والنهاردة اتصلح وقدرت ارجعلكم الحمد لله

يارب تكونوا كلكم بخير ومبسوطين وحشتنى اخباركم وكلامكم

نهاردة يالالا نبتدى جزء جديد سوا ونستفيد من بعض

معلش ياريت اللى كان كانب اسئلة فى جزء اللى فات وملحقتش جاوبها يكتبها تانى هنا ....

يالالا نبتدى نهاردة مع مواضيع جديدة ....

[هنودة هنانيدو]

تعالوا نبتدى باول موضوع عن العين والاهتمام بيها

طبعا العين اكتر منطقة حساسة فى الوجه يعنى بسرعة يظهر عليها التعب والارهاق عشان كدا مفروض نهتم بيها كويس ...

طيب هو ايه اصلا مشاكل منطقة العين ؟؟؟

حنلاقى هما 3 مشاكل اساسية يمكن معظمنا بيعانى منها
الهالات السوداء
الخطوط الرفيعة
الانتفاخ

نعالوا نتكلم على حاجة حاجة منهم ....

اولا الهالات السوداء
طبعا كتير عنده هالات سوداء وكلنا عارفين اسيابها .. اسابها نوعين ::
اما اسباب علاجها بايدك
او اسباب علاجها بيحتاج علاج اقوى

اسباب اللى بتكون علاجها بايدك هى السهر والتعب وقلة النوم والارهاق والقعدة الكتير ادام كمبيوتر والانيميا ونقص الحديد وعدم اكل خضار وفاكهة والتعرض للشمس كتير

اسباب اللى علاجها بيحتاج علاج اقوى بيبقى سبب الوراثة ان فى حد من عائلة عنده هالات سوداء او بسبب نقص وصول الدم لمنطقة العين بتعمل اللون الغامق

طيب وايه علاج الحالتين ؟؟؟؟

الاسباب الاولى علاجها انك اولا تتجنبى كل الاسباب ديه انك تاكلى كويس وتعالجى الانيميا وتقللى من السهر والكمبيوتر

وطبعا الماسكات والوصفات وكريمات بتكمل وتنهى الهالات

الاسباب التانية لو وراثة حيبقى صعب انها تروح نهائى بس كريمات والوصفات بتقلل منها بس مش حتنهى الهالات

عدم وصول الدم لمنطقة العين بيبقى محتاج جلسات عند دكتور متخصص باجهزة مخصصة بتعمل زى تدليك للمنطقة ديه عشان تحفز الاوعية دموية والدم انه يوصل للعين

عشان كدا خلينا نتفق على حاجة ان لو سبب الهالات التعب والارهاق والحاجات ديه يبقى الوصفات وكريمات بتجيب نتيجة حلوة جدا وتروح الهالات نهائى

اما لو هالات بسبب الوراثة او عدم وصول الدم الوصفات والكريمات فقط حتقلل منها مش حتتخلص منها عشان البنات بتجرب وصفات وتقول بس مرحتش الهالات خالص لسه موجودة .ز انتى لازم تبقى فاهمة كدا كويس عشان متقوليش ان الكريم او الوصفة طلع فاشل .. هو نجح بس بنسبة معينة ..... ولازم الاستمرار لانك لما توقفى اى كريم او وصفة بترجع ...

تانى مشكلة الخطوط الرفيعة
هى بتظهر عند سن 25 وطبعا وكل السن ما بيزيد هى كمان بتزيد سببها الاساسى قلة ترطيب منطقة لانها جافة تظهر الخطوط والتجاعيد بسرعة

حلها ترطيب منطقة العين زى اى منطقة فى الجسم محتاجة ترطيب

طيب ثالث مشكلة الانتفاخ
هى مشكلة بسيطة بيبقى سببها بردو السهر وعدم النوم وكمان البكاء

حلها انك تجيبى ثلجة وتمرريها على منطقة العين وحتلاقى الانتفاخ راح وانتهى

طيب نيجى للوصفات وكريمات ...

زى اى مكان فى الجسم بيبقى فى وصفات وكريمات مخصصة عشان كدا منطقة العين لها بردو وصفات وكريمات

تعالوا الاول نشوف ايه الوصفات المفيدة للعين .:::

1 - فى وصفة طبيعية عملية وفعلا مفيدة زيت لوز مر + زيت جنين القمح تخلطى الاثننين مع بعض وتحطى منهم تحت العين قبل النوم

اللوز وجنين القمح معروفين انهم بيقللوا الهالات والانتفاخ والخطوط الرفيعة لان جنين القمح فيه نسبة كولاجين طبيعى اللى بتعوض نقصه فى البشرة واللوز بيفتح

2 = كمان العسل النحل انك بتحطى عسل تحت العين على الهالات لمدة ربع ساعة بيقلل الهالات ويرطب منطقة

3 = وصفة عسل نحل مع حبة بركة مطحونة اللى كنا قولنا عليها

4 = فى كمان وصفة حلوة اوى بديل لكريم العين
فازلين + زيت اللوز المر + زيت جنين القمح يتخلطوا مه بعض ويتحطوا قبل النوم

ديه اكتر وصفات معروفة للعين ومجربة وبتجيب نتيجة مع التكرار

طبعا فى كريمات مخصصة للعين وتقريبا كل ماركات بتنزل كريمات للعين .. بس من افضل كريمات ديه ومجربة

كريم لوريال للعين فعلا كويس جدا ومناسب للعين وبيغذيها
كريم من كلينيك All about eyes rich
كريم العين من اولاى توتال افكتس

ديه اكتر كريمات معروفة للعين طبعا باقى ماركات كتيرة بس معرفش اذا كانت كويسة ولا

بس عامة ابعدى عن كريمات يكون رخيصة او من شركة مش معروفة او مكتوب عليها تفتيح المنطقة لانك مش محتاجة كريم تفتيح انتى محتاجة كريم ازالة الهالات وترطيب العين

انتى ممكن تعمل نظام يومى للعين يريحك

انك 3 مرات فى الاسبوع تستخدمى اى وصفةة طبيعية ويوميا قبل النوم تحطى كريم مرطب للعين من اى شركة تكون ماركتها معروفة وكويسة

كدا انتى بتغذى المنطقة بوصفات وكمان ترطبى يوميا بكريم .. كدا بتفضل منطقة شكلها حلو من غير مشاكل

بردو اللى جربت كريمات او وصفات حلوة للعين ياريت تقولنا تجربتها عشان نستفيد ياقمرات

يارب يكون موضوع عجبكم ومفيد

[HOOBY]

ميرسى يا هنوده انك فتحتى الموضوع من جديد انا كنت حاسه انى تايهه والله
وسعيده انى اول واحده ترد وعقبال يارب الجزء المليون

انا كنت غايبه فترة ومن يومين رجعت وعماله ادور على الموضوع وفى الاخر لاقيته مقفول وزعلت جدا

وحشوتنى جدا كلكم طبعا هنوده وريمى وايمان وكل البنات مش عارفه اذا كنتم لسه فاكرنى ولا لاء

وبجد ياهنوده ربنا يكرمك على كل شئ بتعمليه مع البنات ويجعله فى ميزان حسناتك

كنت عايزة اسألك يا هنوده على السمار اللى تحت العين بصراحه تعبت منه جدا

وكمان خطيبى بقى ملاحظه وقالى عليه وده مزعلنى اكتر

كمان عندى مشكله النمش مش كتير بس لان بشرتى فاتحه باين اوى فيها ياريت تقوليلى على وصفه تنفع معاه

[هنودة هنانيدو]

ميرسى يا هنوده انك فتحتى الموضوع من جديد انا كنت حاسه انى تايهه والله
وسعيده انى اول واحده ترد وعقبال يارب الجزء المليون

انا كنت غايبه فترة ومن يومين رجعت وعماله ادور على الموضوع وفى الاخر لاقيته مقفول وزعلت جدا

وحشوتنى جدا كلكم طبعا هنوده وريمى وايمان وكل البنات مش عارفه اذا كنتم لسه فاكرنى ولا لاء

وبجد ياهنوده ربنا يكرمك على كل شئ بتعمليه مع البنات ويجعله فى ميزان حسناتك

كنت عايزة اسألك يا هنوده على السمار اللى تحت العين بصراحه تعبت منه جدا

وكمان خطيبى بقى ملاحظه وقالى عليه وده مزعلنى اكتر

كمان عندى مشكله النمش مش كتير بس لان بشرتى فاتحه باين اوى فيها ياريت تقوليلى على وصفه تنفع معاه

هوبى ازيك يا قمراية طبعا فاكرينك
موضوع السمار تحت العين حالاقى تحت شوية موضوع كامل عنه يارب يفيدك

النمش ده مقال عن النمش واسبابه وعلاجه اقريه

النمش يؤرق زوات الشعر الأصفر
*التعرض لأشعة الشمس صيفا أهم الأسباب
* 75% من الكريمات لا تؤثر فى علاج النمش

الوجه مرآة تعكس الحالة الصحية والنفسية لصاحبها، ويهم كل منا أن تكون تلك المرآة صافية ومشرقة دائما، إلا أن ظهور بعض البقع ذات اللون البنى فى الوجه والرقبة يمثل مشكلة خاصة عند أصحاب البشرة البيضاء.

ويؤرق بصفة خاصة بنات حواء الحريصات دائما على الظهور ببشرة صحية خالية من العيوب، ويظهر النمش الطبيعى بشكل كبير فى الأطفال خلال فصل الصيف ويقل تدريجيا مع قدوم فصل الشتاء.

يقول الدكتور صفاء الدين توفيق استشارى الأمراض الجلدية والتناسلية أن النمش عبارة عن بقع صغيرة يختلف لونها من اللون البني الداكن إلى اللون الأسود، وأحياناً تكون صفراء اللون على المناطق المكشوفة من الجسم.

وتكون هذه الظاهرة في الصيف وتخف حدتها أو قد تختفي في الشتاء، ويحدث نتيجة زيادة في إفراز صبغة الميلانين من الخلايا الصبغية المنتشرة في الجلد، ويظهر النمش أكثر في فصل الصيف بسبب التعرض لأشعة الشمس ويختفي تدريجيا، ولكنه قد يحدث في حالات قليلة في فصل الشتاء.

وأكثر ضحايا النمش عموما هم ذوات الشعر الأصفر والبشرة البيضاء نتيجة ضعف طبقة الجلد وقلة مقاومتها لأشعة الشمس، وينتج النمش من تفاعل الشمس والغدد الصبغية الموجودة في الجلد فينتج عن هذا التفاعل زيادة في كمية صبغة الميلانين في الخلايا الصبغية.

فيصطبغ الجلد باللون الغامق، وهو يحدث دائما في الأماكن المعرضة للشمس، لذا فإن الحل الأمثل هو تجنب أشعة الشمس قدر الإمكان.

النمش ..أنواع

يقول الدكتور محسن سليمان.. أستاذ الأمراض الجلدية بطب قصر العينى: إن النمش عبارة عن بقع لونية تظهر فى الوجه وفى بعض الأحيان يظهر النمش على منطقة الكتفين، ويظهر عادة مع التعرض لأشعة الشمس والنمش ينقسم إلى نوعين: إما لزيادة فى المادة الملونة فى الطبقة الخارجية للجلد وتظهر هذه الحالة فى مقتبل العمر فى الأطفال فى سن 8 إلى 10 سنوات.

ويلاحظ أن الإصابة بالنمش تحدث فى الأطفال ذوى البشرة البيضاء حيث تقل مقاومة جلدهم للشمس مما يعرضهم لحدوث حروق شمسية فى الجلد.

أما النوع الثانى: فينتج من زيادة عدد الخلايا الملونة، ويحدث مع التقدم فى العمر، ويسمى (النمش العمرى) ويحدث فى كبار السن بعد تجاوز الخمسين من العمر، ويحدث النمش العمرى مع تكرار التعرض للشمس لفترات طويلة.

ويضيف الدكتور سليمان أن النمش الذى يصيب الأطفال نتيجة زيادة إفراز الخلايا الملونة للصبغة اللونية يكون لونه بنيا فاتحا، وتقل هذه البقع اللونية مع العلاج المناسب وتجنب التعرض المباشر للشمس وهذا النوع من النمش لا ينتج عنه أية إصابة بسرطان الجلد.

لكن فى النوع الثانى من النمش الذى يحدث نتيجة زيادة الخلايا الملونة فمن الممكن أن يتحول إلى الإصابة بأورام الجلد مثل سرطان الجلد الملون، أو القشرى، أو القاعدى.

علاج النمش

وينصح الدكتور سليمان عند ملاحظة ظهور هذه البقع اللونية بتجنب التعرض المباشر لأشعة الشمس كخطوة أولى وأساسية للعلاج، وحدوث تحسن فى الحالة وكذلك التوجه إلى طبيب الجلدية.

وعادة يكون العلاج باستخدام مضادات أشعة الشمس التى يصفها الطبيب حيث أن نحو 75% من كريمات الوقاية من الشمس المتوافرة والتى تستعمل للوقاية من تأثير التعرض للشمس لا تفيد فى منع حدوث النمش أو علاجه لأنها معدة للوقاية من تأثير الأشعة البنفسجية من النوع (ب) لكن النمش يظهر نتيجة لتأثير الأشعة البنفسجية من النوع (أ).

لذلك فيجب استخدام الكريمات الواقية التى يقررها الطبيب لعلاج النمش، ويعتمد علاج النمش الطبيعى الذى يحدث نتيجة زيادة إفراز المادة الملونة على إبطاء حدوث هذه الزيادة، وتوجد بعض أنواع من الليزر الذى يقوم بهذا الدور ومنها ليزر الياقوت الذى يعمل على تكسير المادة الملونة فى سطح الجلد.

فتعود البقع إلى لونها الطبيعى أما علاج النمش الناتج عن الزيادة العددية فى الخلايا الملونة والذى تسببه التعرض لفترات طويلة لأشعة الشمس فيتم من خلال تعريض البقع اللونية إلى ليزر ثانى أكسيد الكربون، ويراعى فى حالة ظهور النمش فى مناطق غير ظاهرة من الجسم بارتداء ملابس داكنة وسميكة لمنع وصول أشعة الشمس إليها.

علاج النمش من الطبيعة

ينصح الكثير من خبراء التجميل باستخدام المواد الطبيعية في علاج النمش، حيث توجد بعض الوصفات الطبيعية ومنها استخدام مغلي أوراق وجذور المقدونس في علاج النمش والكلف الذي يصيب الوجه، ويكون ذلك بغسله بهذا (المغلي) الذي يحضر من وضع 10 جرامات من أوراق المقدونس في كل فنجان من الماء المغلي.

كما ينصح باستخدام عصير الليمون فهو من الوسائل الطبيعية البسيطة التي يمكن للمرأة أن تعالج بها بعض عيوب البشرة، فيساعد العصير على اختفاء النمش وتحسين لون البشرة فتصبح أكثر إشراقا ولمعانا.

كما أن هناك طرقا أخرى يمكن أن تستخدمها المرأة أو الفتاة المصابة بالنمش، منها استعمال نصف كوب عصير بصل وملعقتين خل يغسل به الوجه 5 مرات يوميا لمدة أسبوع.

أو طحن نصف كوب حبة سوداء ونقعها في مقدار مناسب من زيت الزيتون لمدة ثلاثة أيام ثم يصفى ويدهن به الوجه مع التعرض قليلا لأشعة الشمس.

أو استخدام مسحوق جوزة الطيب ويدهن بها الوجه فإنها تعالج الكلف والنمش، أو طحن بذور القرع العسلى وعجنها مع مقدار مناسب من زيت الزيتون وتوضع على أماكن النمش مما يساعد فى عودة الجلد إلى لونه الطبيعى

[ريهـــام ~]

وعليكم السلام ورحمة الله وبركاته

مبروووك الجزء الثاني عشر وبالتوفيق ان شاء الله

وجزاكِ الله خيرأ هنوده على العطاء الـ لا محدود في الاجزاء السابقه

في ميزان حسناتك ان شاء الله




:

[سماح عزت]

مليون مبروك يا ست البنات والعرايس على الجزء الثانى عشر وعقبال المليون وانتى بخير وسعادة وبجد نورتى النتدى بوجودك وربنا يعينك على فعل الخير ويجعله فى ميزان حسناتك

[هنودة هنانيدو]

وعليكم السلام ورحمة الله وبركاته

مبروووك الجزء الثاني عشر وبالتوفيق ان شاء الله

وجزاكِ الله خيرأ هنوده على العطاء الـ لا محدود في الاجزاء السابقه

في ميزان حسناتك ان شاء الله




:

ام ايات تسلمى ياقمر على كلامك الجميل بجد بفرح لما بشوف ردك وتشجعيك

مليون مبروك يا ست البنات والعرايس على الجزء الثانى عشر وعقبال المليون وانتى بخير وسعادة وبجد نورتى النتدى بوجودك وربنا يعينك على فعل الخير ويجعله فى ميزان حسناتك

سموحة حبيبتى ربنا يخليكى يا جميل واشوفك ارق واحلى عروسة

[ميويا86]

نودي حبيبتي
وحستيني وحستيني وحستيني
مووووووووووووووووووووووووووووووووووووووووووووووووت
كدة يانودي الغيبة الطويلة دي

والله والله والله
كنت مخنوووووووووووووووووووووووووووووووقة جداااااااااااااااااااااااااااااا
لما بدخل الاقيكي لسة مش جيتي
حمدا لله ع سلامتك ياقمراية والف مليون مبارك ع الجزء الجديد

ووحشتووووووووووووووووووووووووووووووووني ياعرايس ياقمرات
مكنتش بأقدر اكلمكم ع المجموعة

[مونى 33]

هنوده ه ه
وحشتيييييييييينى جدا
والف مبروك الجزء الجديد مش عارفه والله بعد ما تتجوزى وتسيبينا هنعمل ايه
والله هنبقى وحشين من غيرك

عايزه اسألك عن حاجه
انا هشترى براون ومش عارفه اجيب انهوا واحده
والالوان بتفرق ولالا
واللى هيا شفرتين دى شفتها فى صيدليه ب 250
وصيدليه تانيه 290 وهيا هيا
والاتنين المانى
اعمل ايه بقى؟

سؤال تانى
هو انا لو عملت تمارين وبطلتها بيكون فى مشكله
اصلى سمعت اللى بيعمل تمارين ويبطل بيرجع اكتر من الاول
انا مش هعمل تمارين للجسم كله للبطن بس عشان بيقى فى عضلات وتتشد

سؤال تالت
هو ينفع نحط زيت الزيتون على الوش بعد الفتله

معلش سؤال اخير
انا لما بعمل سويت الشعر بيطلع تحت الجلد ومش ناعم بس فى رجلى بس
ايدى بتبقى عادى وحلوه

بس كفايه كدا
رغيت كتير اوى