للبحث في شبكة لكِ النسائية:
|
اخواتى فى المنتدى
معلش لانى مكنتش بدخل الملف الفترة اللى فاتت لان نفسيتى مش متظبطة
عايزة اشكر كل البنات اللى سالوا عنى
و الله يكون معكم جميعا و يفرحنا كلنا و الحوامل يكمللهم على خير يا رب
انا بجد بحبكم كلكم
انا لسة مقرتش اخر اخباركم بس قلت اسلم عليكم الاول و بعدين اقرا اللى فاتنى على مهلى
بالنسبة لاخبارى
النفسية متحطمة مش عارفة عندى احساس غريب اوى
كل ما يقرب ميعاد العملية احس كانى رايحة اتشنق
و ساعات اقول لنفسي بلاش عيال انا كده كويسة
و ساعات بتصعب على نفسي جدا و اقول اشمعنى بنات كتير بيخلفوا عادى من غير عمليات انا زنبى ايه بس (استغفر الله العظيم يا رب)
اخر قرارتنا الجلاء لان حماتى مش هتساعد و حتى لو بعت جزء من دهبى مش هنقدر نكمل تمن عملية فى ابو الغار
انا هبدا الابر التحضيرية يوم 29 الشهر ده هيكون اليوم العشرين من الدورة
دعواتكم
السلام عليكم اخواتى العزيزات انشالله تكونوا جميعا بخير شكرا ليكم جميعا على دعواتكم ولكم مثله يا رب انا الحمدلله اخدت ابرتين التفجير الساعة 12 وباذن الله السحب يوم الاثنين يا رب يكرمنا جميعا وينولنا اللى ف بالنا امييييييييييييين يا رب العالمين
حبيبتي نوناسيما
واحشانا جدا واحنا كمان بنحبك قوي
حبيبتي دة اكييد شيطان استعيذي بالله وارمي حمولك على الله
سبحان الله ربنا بياخد مننا حاجات ويدينا حاجات تانية وربنا بيبتلي المؤمن وبيختبره واحنا ربنا بيختبر صبرنا في موضوع الخلفة زي مابيختبر بنات تانية كتيييييييير في موضوع تاخر الزواج مثلا او الابتلاء بالمرض او او او ماتقوليش اشمعنا بنات كتير بيخلفوا عادي صدقيني نعم ربنا علينا كتيييييييييييييييير حاولي كدة تقعدي مع نفسك وتعدديها حتلاقيها لاتعد ولا تحصى
هدي نفسك كدة واستهدي بالله وربنا ييسرلك الي فيه الخير
انتي عملتي الي عليكي واخذتي بالاسباب وربنا مش عايزك تعمليها في ابو الغار
اتوكلي على ربنا وادخلي العملية بقلب جامد وانتي قدها وقدود يانونا
ربنا يتمملك عمليتك على خير ويكتب لها النجاح ويزقك بذرية صالحة سليمة معافاة انا وانتي وجميع بنات الملف امين يارب العالمين
اختى نونا خلاص ما تزعليش الخيرة فيما تختاره الله وانشاء الله ربنا يوفقك ويكرمك بذرية تقر عينك بس خليكى متفائلة وواثقة ف ربنا ومدام توكلت عليه مش هيخذلك والعملية دى مش ذنب ولا حاجة ده ممكن يكون اختبار من ربنا وكمان عشان لما ربنا يرزقك باولاد بعد تعب تقدرى نعمته وتربيهم كويس على طاعة ربنا بتمنالك كل الخير وموفقة حبيبتى انشاء الله اميييييييييييين يا رب العالمين
حبيبتى قرة عين:الله يخليكى على دعوتك وعقبال ما نباركلك على حملك الثابت يا رب وتفرحينا باولادك ويملوا عليكى البيت سعادة يااااااااااااااااااااااااارب امين يا رب العالمين
الروابط المفضلة