ღ♥ღوصفة مصورةღ♥ღ الحواوشى من ايد بابا من مطبخى .. قصدى مطبخه .. بالصور
الحواوشى من ايد بابا
من غير ما تستغربوا أو اطول عليكم .. بيتنا فيه تخصصات و الحواوشى تخصص السيد الوالد و ماحدش يقدر يتعدى عليه.
المهم .. قصدى المقادير
1 كيلو لحم مفروم به نسبة دهون قليلة
1/2 كيلو بصل - بعض فصوص الثوم - عيش أسمر
2 حبة طماطم - 2 فلفة خضرا - قليل من الزيت أو السمن
ملح - فلفل أسمر- قرفة - زنجبيل وبهارات مشكلة
وطبعا الإضافات دى على حسب المزاج الشخصى يعنى ممكن اضافة شطة ممكن نزود أو نقلل الطماطم و الفلفل وهكذا
الطريقة
نفرم البصل ونقطع الطماطم و الفلفل وندق الثوم ونضعهم مع البهارات و الملح على اللحم المفروم
ونخلطه جيدا جدا
نفتح العيش كما هو مبين بالصورة ونفرد اللحم بداخله ثم ندهن الوجه بقليل من الزيت
ثم نضعه على ورق المونيوم بصاج الفرن و نغطى الوجه ويوضع فى فرن فوق المتوسط
لفترة تقدر بطهى اللحم المفروم يعنى حوالى من 3/4 ساعة إلى ساعة
ودايما انا باقول ان كل واحدة عارفة درجة طهى فرنها .. ثم يشكف الوجه حوالى 5 دقائق ليحمر
ليكون بهذا الشكل
يقدم مع سلطة خضراء و سلطة طحينة ( نسيت اصورهم)
وألف هنا وشفا
رد مع الاستدلال
الروابط المفضلة