جلسة سمر سودانية على مقرن النيلين(21) حبابكم مليون

[شذى الايام]

حَبَابَكُمْ عَشَرَة بَلا كَشَّرَة
و
حبابكم زين قنبوا طولا
على لسان أهلنا في الوسط والشمال والغرب والجنوب والشرق



دابايوا
أيتانينا
مسكارو
على لسان أهلنا في الشرق
والقائمة تطول وتطول وتطول وتطول. هكذا حرارة الترحاب عند السودانيين.






جلسة سمر سودانية في مقرن النيلين حبابكم مليون





ياصاحبة في الزمن الصعب

صاحبة في الزمن الصعب
لمّا لا ترحال يحلك
لا البعاد يقدر يحلك
لا القرب يقدر يدوم
الكلام بصبح مفرّق
الدنيا تشبه لون بعاد
وأبقي أحوج ما أكون
أنا لي حضورك بالجد بدورك
فجأة يشع فيني نورك
والقاك نبتّي من تراب السكه
سديتي الأُفق
لحاك حلمي الملوّن بهمومي
لما يومك بلقى يومي
وفصل همومك من همومي
نضحك من الواقع سوا
نحن القدرنا علي التعب
حرقتنا ألسنة اللهب
ولسه ماسكين الدّرب
يا صاحبه في الزمن الصعب



ياصاحبة في الزمن الصعب

جلسة سمر رقم (20)

جلسة سمر رقم (19)

جلسة سمر رقم (18)

جلسة سمر رقم (17)

جلسة سمر رقم (16)

جلسة سمر رقم (15)

جلسة سمر رقم (14)

جلسة سمر رقم (13)

جلسة سمر رقم (12)

جلسة سمر رقم (11)

جلسة سمر رقم (10)

جلسة سمر رقم (9)

جلسة سمر رقم (8)

جلسة سمر رقم (7)

جلسة سمر رقم (6)

جلسة سمر رقم (5)

جلسة سمر رقم (4)

جلسة سمر رقم (3)

جلسة سمر رقم (2)

جلسة سمر رقم (1)



الف مبروك لي ولكم غالياتي جلستنا ال21 وعقبال المليون ...ونحن مجتمعين على محبته
على الخير والكلمة الطيبه ..

[شذى الايام]

ازييكم يالمافي زييكم
مبروك علينا جميعا افتتاح الجلسه الجديدة
استميحكن عذرا في افتتاحي لها ..واعتبر دا عربون اعتذار
لغيابي الفترة الماضيه لاسباب اسريه بحته ....لايخلو اي بيت منها
واكيد المقر العام الدائم للمراة ماخد كل الوقت (المطبخ )
فلكن العتبى حتى ترضين ..
وطبعا الاخبار كتيرة بس اخد نفسي بالاول
والشوق ليكم بدووون فرز
واحدة واحدة ....والعزومه عندي قهوة معتبرة
والطقم مستورد من السودان جبنه ماخمج

[SAMAHIR]

مبروووووووووووووك ال21
ومشكورة شذى على الافتتاح

وكل افتتاحية والكل بالف خير

تقيتى يديك العافية
الكاشف مازعلان وبسلم عليكم كتير
وبظهر انشاءالله

اماعنى فمادام ظهرت مازرزرينى هههههههه
عفا الله عما سلف
امتعينا بكتاباتك السمحة
وتحايانا للشباب طرقكم
وائل واخوانو
وابوهم ماتزعلى

ام العزاز خبر ملاحك شنو
دار تنطى من الجائزة شكلك
خلى الجائزة للحاولوا مادام ما فى زول عرفو لحد الان
وقسمى الخلطة علينا انا ورهوفة

والليلة انا سعيدة جدا بسماعى لصوت
الرائعة سمسماية
اخيرا
كان احلى صباح
فى اجمل يوم
واسعد سبت
وووو

[tegeety]

جلسة مباركة إن شاءالله مجتمعين دائما فى الخير
وفى مايرضى الله ورسوله

[tegeety]

ازييكم يالمافي زييكم
مبروك علينا جميعا افتتاح الجلسه الجديدة
استميحكن عذرا في افتتاحي لها ..واعتبر دا عربون اعتذار
لغيابي الفترة الماضيه لاسباب اسريه بحته ....لايخلو اي بيت منها
واكيد المقر العام الدائم للمراة ماخد كل الوقت (المطبخ )
فلكن العتبى حتى ترضين ..
وطبعا الاخبار كتيرة بس اخد نفسي بالاول
والشوق ليكم بدووون فرز
واحدة واحدة ....والعزومه عندي قهوة معتبرة
والطقم مستورد من السودان جبنه ماخمج

هلا بشذوية الغالية
نحن لا نحتاج ان تستميحينا عذرا لأن لنا الشرف فى إفتتاحك لنا هذه الجلسة الرائعة
نحن فى إنتظار أخبارك التى نتمنى ان تكون سارة
اما القهوة المستوردة من السودان فهى خطيييييييييييييييرة جدا
تسلم الايادى ياقمر

[tegeety]

تقيتى يديك العافية
الكاشف مازعلان وبسلم عليكم كتير
وبظهر انشاءالله



اماعنى فمادام ظهرت مازرزرينى هههههههه
عفا الله عما سلف
امتعينا بكتاباتك السمحة
وتحايانا للشباب طرقكم
وائل واخوانو
وابوهم ماتزعلى

هلا والله بسماهر الشرق
(حلوة سماهر الشرق دى عجبتنى وانا بكتب فيها)
اهم حاجة انك ظهرتى
تانى ممنوع الغياب خاصة انك بقيتى خطيرة فى العولمة (البركة فى قريبكم الدخلك العولمة)
انا لسة عندى باقى عولمة مادخلتها
اما القبطية قولى ليها تانى الدخول للجلسة بقروش تدفع اولا
تحياتى لها

[ام العزاز]

مليووووووووون مبروك
علينا 21
ان شاء الله دايما تامين وسالمين يارب
وفي ظل طاعته مجتمعين
آآآآآآآآآآآآمين
يااارب العالمين

[ام العزاز]

شذانا الغالية تسلمي ياحبيبة على الافتتاحية
ام فوتوشووووب رهيب
لاعدمناك يتعسل وطمنينا عليك اخباارك شنو


ندووو ياشهادة سودانية معربة ههههه
قلت لي شنوووو تمي سردك ياعسل والمافاهمين بنشرح ليهم
خخخخخ(شفتي الثقة دي كيف)
كيفك ياحبيبة وكيف العمدة وباقي الشباب ان شاء الله احسن

عسلنا مشتاااقين لكن طلعتوا شهااادة سودانية ااااي كلام هههه
لكن ابوكم اتلوم فيكم عديل في زول يااابى اللواااييق ياخ
كيفك وكيف شبابك ان شاء الله تمام

ندانا البينك هلا بناس جدة جيراني العزاز
والله اللمة احلوت ياغالية الله جاب لي زول معاي
كانن مستفردات بي بنات الرياض خخخخخ
ربنا يحفظ ليك شبابك يارب ويديك ليهم العافية في الغربة الصعبة دي

انا اسمي سارة وعايشة في جدة لي 12سنة وعندي 3 بنتين في المدرسة
رنيم (خامس ابتدائي)---ريناد(اولى )---- عثمان 3سنين ونص
درست هندسة زراعية جامعة الخرطوم بس ماكملتها دفعة كم مااافي داعي خخخخ
نحن ناس على اعتاب سن اليأس كمان 4سنين ونيأس هههه
الحمد لله اي معلومات تانية نحن في الخدمة ياعسل

[ام العزاز]

الكداد ياحبيبة الااصورو ليك
لكن اشرح ليك طريقتو
هوعبارة عن ورق مر شوية
وبمسخو بالرجلة
وبعد داك بيلايقو بشوية عجين من دقيق القمح
المهم لونو بيكون على بنى
طيب ممكن يكون ملاح لوبا جنااااااااااااااابو ياخطر والله لقيتك ماااك ساهلة فعلا هي لوبا بخدرة مفروكة وفي مقولة اخرى ملاح البصارة براااافوا عليك اصلي المغرب واجي انزل ليك هديتك خلطة رهيبة اوعي توريها الباقين خخخخخ
طلعوا كلهم
ش--ع
هههه
هوعبارة عن ورق مر شوية
(المر ده ياهو الموليتا ولا شيتن تاني )هههه
بري ماضقتوا لكن اكان جينا الاجازة تب
طالبينك ليه ياعسل
تقبلي تحياتي وبوسي لي المحاميد وسجودة

[tegeety]

إمتدادا لتساؤلاتى او مخاوفى عادات وتقاليد إنقرضت
لدى بعض الذكريات التى اخشى عليها ايضا من الانقراض

كنا نسكن فى حى ملئ بالالفة والمحبة والتعاون كبيرنا يحترم صغيرنا
غنينا يعطف على فقيرنا ومن حباه الله بعلم لايبخل به على غيره
ومن علم بشئ جميل يخبر به الاخرين ومن ألمُت به مصيبة وجد الناس ملتفين حوله

(الاسماء التى اذكرها من وحى الخيال)(الكلمات بين القوسين لشرحها للجيل الجديد)
(لاداعى لقول شهادة عربية لانهم طلعوا شهادة عربية ريفى الكوداب ههههههههها)



من الاشياء الجميلة التى كنت اذكرها (قصة صغيرة)

عندما تشترى خالتى فاطمة ( حلل قيزان ) وتذهب الى منزل جارتها نعمات
ومعها مسمار وشاكوش ويبدأ الحوار التالى:
فاطمة:سلام عليكم اهل الدار
نعمات: حباب بت عوض (ابقى داخلة)
فاطمة : (بدور )الطريفى يعُلم لى حللى دى
نعمات:مبروكات والله إن شاءالله (تشدى فيهم للسمح)
نعمات : تصيح منادية :الطريفى تعال لخالتك ساعدها اكتب ليها اسمها فى الحلل الجديدة دى
الطريفى : اهلا خالتى فاطمة ..........ماعندك مشكلة (جيبى )المسمار ده ونقول بسم الله الرحمن الرحيم
ويبدأ الطريفى فى نحت اسم خالتو فاطمة على الحلل
فاطمة : يا ولد اكتب اسمى واضح وبالكامل فاطمة عوض
باقى نسوان الحلة ديل نصهم اسمهم فاطمة عشان ما يغالطونى

دراما كانت تتكرر كثيرا عندما كنا اطفال عندما يتم شراء (حلل)جديدة نرى إخواننا ينحتون اسماء صاحبة الحلة على إحدى الحواف حتى لا تختلط الحلل مع بعضها خاصة فى المناسبات الكبيرة

كنت ارى ايضا امهاتنا وخالاتنا عندما يشترون اكواب صينى او زجاج كانوا يضعون نقطة مناكير على اسفل الكوب
لكل واحدة منهم لون خاص بها وبعد تمييزها يتم وضعها فى (الفضية)لا تخرج من حبسها الاُ فى حالة وجود ضيوف

كثيرا ما كانت تتكرر هذه الدراما كنت احب هذه اللحظات خاصة لحظة تدوين الاسماء على القدور

مازلنا نسكن فى نفس الحى بعض من الناس بينهم احترام
البعض الاخر لايأبه بشئ
بعض الاغنياء يعطف على الفقراء وبعضهم لايكترث
والفئة المتعلمة لايهمها تعليم الفئة الاخرى
ومن علم بشئ جميل لايخبر به الاخرين حتى لايسبقوه
ولكن مازال هناك تكاتف فى السراء والضراء
تغير الناس وتغيرت الحياة



أكثر ما يؤسفنى انه لم تعد هناك(حلل) يكتبون عليها
ولم تعد هناك اكواب توضع عليها علامات بالطلاء
والجدير بالذكر انه لاتوجد ايضا (فضيات)





معانى المفردات:
حلل قيزان: بكسر الحاء وتعنى قدور الطبخ اما كلمة قيزان مفردها قوز تعنى كبيرة الحجم
ابقى داخلة: عبارة ترحيبية بمعنى تفضل بالدخول
بدور: كلمة دارجية ايضا وتعنى ابغى منك ان تفعل كذا او كذا
تشدى فيهم للسمح: تشدى بمعنى تطبخى السمح: تعنى المناسبات السارة والعبارة باكملها تدعو لها بأن يتم استخدام الحلل فى المناسبات السعيدة
جيبى: بكسر الاحرف تعنى اعطينى
الفضية: عبارة عن دولاب خشبى ابوابه الامامية من زجاج لكى يتسنى للفرد رؤية مابداخله من اوانى