أحلي جلسة سمر سودانية على مقرن النيلين(22) حبابكم مليون

[هنوها]

حَبَابَكُمْ عَشَرَة بَلا كَشَّرَة
و
حبابكم زين قنبوا طولا
على لسان أهلنا في الوسط والشمال والغرب والجنوب والشرق



دابايوا
أيتانينا
مسكارو
على لسان أهلنا في الشرق
والقائمة تطول وتطول وتطول وتطول. هكذا حرارة الترحاب عند السودانيين.






جلسة سمر سودانية في مقرن النيلين حبابكم مليون





ياصاحبة في الزمن الصعب

صاحبة في الزمن الصعب
لمّا لا ترحال يحلك
لا البعاد يقدر يحلك
لا القرب يقدر يدوم
الكلام بصبح مفرّق
الدنيا تشبه لون بعاد
وأبقي أحوج ما أكون
أنا لي حضورك بالجد بدورك
فجأة يشع فيني نورك
والقاك نبتّي من تراب السكه
سديتي الأُفق
لحاك حلمي الملوّن بهمومي
لما يومك بلقى يومي
وفصل همومك من همومي
نضحك من الواقع سوا
نحن القدرنا علي التعب
حرقتنا ألسنة اللهب
ولسه ماسكين الدّرب
يا صاحبه في الزمن الصعب



ياصاحبة في الزمن الصعب




جلسة سمر رقم(21)

جلسة سمر رقم (20)

جلسة سمر رقم (19)

جلسة سمر رقم (18)

جلسة سمر رقم (17)

جلسة سمر رقم (16)

جلسة سمر رقم (15)

جلسة سمر رقم (14)

جلسة سمر رقم (13)

جلسة سمر رقم (12)

جلسة سمر رقم (11)

جلسة سمر رقم (10)

جلسة سمر رقم (9)

جلسة سمر رقم (8)

جلسة سمر رقم (7)

جلسة سمر رقم (6)

جلسة سمر رقم (5)

جلسة سمر رقم (4)

جلسة سمر رقم (3)

جلسة سمر رقم (2)

جلسة سمر رقم (1)



الف مبروك لي ولكم غالياتي جلستنا ال22 وعقبال المليون ...ونحن مجتمعين على محبته
على الخير والكلمة الطيبه ..

[سمسماية]

الف مبروك علينا جلستنا ال22 وعقبال المليون ...
ونحن مجتمعين على محبته ...على الخير والكلمة الطيبه

[سمسماية]

محرابنا ربنا يسهل عليك
ويسهل أمرك ويرزقك الخير كله
ويحفظك من كل شر
ويحقق امنيتك وتشوفي مولودك بخير وصحة
قادر يا كريم
يا ودود يا ودود يا ودود

[tegeety]

الف الف مبروك الجلسة ال22
نسأل الله أن يجمعنا على الخير والمودة
ونسأل الله أن ييسر امورنا ويذهب همنا وغمنا
ويجمعنا على ما يحب ويرضى

[tegeety]

حاجة طاهرة والغربة
حلقة هدية للجلسة22وتذكيرية بالحلقة الماضية
الجزء الاؤل




بعد إنصراف منى وهاشم أعادت شادية ترتيب البيت مرة اخرى
حاجة طاهرة( تتثاءب): والله ياحليلها منى حمواتها ضوقنها المُرة
لكن الحمدلله الله جبر بخاطرها انشالله ربنا ما يحرم زول من الخلفة
شادية: اللهم آمين
محمد(يحمل فى يده كيس زبالة كبير ):ياحاجة ما يكون السهر بيتعبك
حاجة طاهرة(مازحة): ياولد انا مرة شباب !
وهسه ده شنو الشى الاسود اللى انت شايلو ده؟ (تقصد كيس الزبالة)
محمد: دى الزبالة ياحاجة
حاجة طاهرة: نعم ؟؟؟؟؟
(أدرك محمد أن والدته فهمت الزبالة بمفهوم آخر)
فجاوب مسرعاً:دى ياحاجة الوساخة وفضلات الاكل وكده
حاجة طاهرة: النبى (بإستغراب) والله انا قلت الناس ديل بنيانهم بالحيل سمح
مادايرليهو اى زباله والله إحنا ذاتنا ناسنا هناك إتفلهموا مافى اى زول بزبل بيته
شاديه :والله احسن زمان اصلى مابريد اشم ريحتها
حاجة طاهرة : الليله محمد ده بشوفو ساهر ما كدى؟؟
شاديه: ماعندو مشكله بكرة الخميس مافى شغل
حاجة طاهرة: بركة والله
إنضم اليهم محمد وسألهم:اها ح تساهرو ولاّ امش انوم؟
قالوا ليهو ح نساهر نتونس
جلسوا قليلا يتسامرون وعندما حسّ الجميع بالنعاس إنصرفوا
إلى غرفهم
فى الصباح إستيقظت حاجة طاهرة كعادتها لآداء صلاة الفجر
وبعد ان فرغت منها وجدت شادية أعدّت الشاى واللقيمات
حاجة طاهرة: كُر على القومك بدرى كدى شنو؟ وليداتك مشو المدرسة؟
شادية:الليلة مافى مدارس و الاولاد وابوهم الليلة لو قامو الساعه اتناشر كتر خيركم
حاجة طاهرة:نعلى قمتى مخصوص عشانى انا؟
شادية(بإستحياء): والله ياحاجة عشانك وعشانى انا ذاتى مع الحمل ده ما بيجينى نوم
حاجة طاهرة:يديك العافية يابتى
شربا الشاى واستمتعا بتناول اللقيمات الساخنة
بعدها إستأذنت حاجة طاهرة من شادية بحجة انها مرهقة وستعاود النوم مرة اخرى
والحقيقة حاجة طاهرة ادركت أن شادية مرهقة ومحتاجة للراحة
ذهبت حاجة طاهرة إلى غرفتها وسرعان مانامت هى ايضاً
إستيقظت حاجة طاهرة حوالى الساعة الحادية عشر على صوت آلة كهربائية
وسمعت صوت شادية تتحدث الانجليزية مع شخص آخر
حاجة طاهرة(منادية): شادية........... (مرة أُخرى بصوت عالى)هوى شادية
شادية :نعم ياحاجة كيف أصبحتى؟
حاجة طاهرة:الحمدلله هى الساعه كم هسه؟
شادية : الساعه حداشر وشوية
حاجة طاهرة: سجمى دى مغربت عديل كده ولييه ماصحيتينى؟
شادية(تضحك): بعد ما قلت اصحيك محمد قال لى الحاجة دى ساهرت
وهى ما متعودة على السهر خليها تنوم
حاجة طاهرة: امانة ما إتلوم فينى لوم هى نان يخلينى قدُر ده؟
سمح انتى بتنضمى معاهو؟
شادية : لا دى البت الشغالة الاندونسية ناس المكتب دقو لمحمد الساعة عشرة مشى جابها وجا
حاجة طاهرة: بركة والله خليها تساعدك انتى وحلتى شديد
جآءت الاندونسية تحمل فى يدها مكنسة كهربائية لكى تنظف بها غرفة حاجة طاهرة
شادية (موجهة كلامها للاندونسية): نورياندى (اسمها)دى ماما حق مستر محمد
نورياندى: هاى ماما انت كويس
حاجة طاهرة(تنظر اليها بإندهاش):البت البتشبه عطيات بت الحواتة دى اظنها قايلانى انا محمد بتقول انت كويس
شادية تضحك: ياحاجة هى ما بتعرف عربى وقبل ما تشتغل معانا اشتغلت مع بريطانيين ساكنين هنا فى السعودية يعنى لهجتها ح تكون ملكلكة
حاجة طاهرة: لكن يابتى عطيات ذاتها كانت شافتها ح تفتكر ابوها معرس فى حتة تانى
حضرمحمد ووجد شادية غارقة فى الضحك يبدو ان التشبيه بليغ جدا
محمد: بتضحكى كده مالك ياوليه
شادية(تضحك وتشير للشغالة وحاجة طاهرة)
حاجة طاهرة: بتضحك عشان قلت ليها البت الشغالة دى تشبه عطيات بت الحواته
محمد (وقد اطلق ضحكة اعلى من صوت شادية ): والله ياحاجة انتى خطيرة فعلا تشبها شبه ماطبيعى
إستغربت الاندونسية من ضحك الجميع ولم تلق بالاً وبدأت فى التنظيف
حاجة طاهرة: وبتنضف ب شنو هسه هى؟
شادية :بالمكنسه الكهربائية لأنها اسهل واسرع
حاجة طاهرة: والحاجة دى بدوكم معاها بنادول (كناية عن الاذعاج)
شادية(تضحك):لا والله لكن هى بتخلص هسه
حاجة طاهرة (وهى تراقب المكنسة بإعجاب):قادرالله والله شطفت الوسخ ده فى ثوانى ....شادية هسه دى بكم عندكم؟
شادية:ماغاليه لو عايزة واحدة بكلم محمد يشتريها ليك
حاجة طاهرة:بشرط واحد يشيل منى القروش انا يابتى جاية بقروشى من هناك جاهزة !!هسه عجبتنى المُقشاشه البكهربا دى خلينا ننضيف بها الديوان
شادية: قروشك وقروش ولدك واحد ياحاجة ماسمعتى قالوا انت ومالك لأبيك والحاج الله يرحمو يبقى المال مالك ياحاجة ماتتحسسى
حاجة طاهرة إمرأة راقية لاتحب تكليف الناس فوق طاقتهم حتى أقرب الناس إليها ولاتتدخل فى ما لايعنيها
ولاتحب ان تضايق ولدها وزوجته بأى شئ
البقية تأتى

[ام العزاز]

مبرووووووووووك ال22
دايما على الخير يارب ملمومين
وسالمين وتااامين
قولوا آآآمين يارب


لكن ماتقولوالي حوشكم المره دي
ريحة ألطته تجيب الضهباااان


ههههههه
قلت لي شنو يابت العمده
استفتاحيه مليسه بزباله هههه
مابناقشك الناس يفتحوها بالورد والياسمين وانت بال ؟؟؟؟؟
خخخخ الله يديك العافية انت وقفشات خالتي الطاهرة ياااااارب
فتكن بعافية حتى نلتقي

[ام العزاز]

بنوووووووت محرابنا الغالية بتسلم عليكن
وقالت ليكن كربن ليها الدعوات

مفروض كان يرقدوها للولاده بسبب ارتفاع الضغط
لكن ربنا سلم والامور استعدلت ويمكن يرقدوها الاسبوع الجاااي
للولادة اذا شاء الله
دعواتكم ليها بالحلل بالسلامة والخلقة التامة يااااارب
وعقبال كل الموحلين يااارب خصوصا نيلنا الجاري في دمنا
ودعتكن الله

[SAMAHIR]

ميروك ال23
ويــــــــــــــــــــــــــــاام العزاز
حلفتك الا تجى بالبحر اقتصادى ومريح
وممكن تجو بالعربية افراج مؤقت
والاهم من دا نلاقيك فيس توفيس
ونسهل ليك احراءاتك ووووووو
وووووووووووووووووووووووووو

بعد دا اظنو البحر المفروض يكون خياركم
جربوا وماحاتندموا
ادينا خبر تلاقينا انا والقبطية فى خشم الباخرة
او فى بطنها فى غرفتك يعنى

[SAMAHIR]

ربنا يسهل لمحراب
ويديها الحلل الهين
وتفرح بوليدها يااااااااااااااااااااااااارب
قلوبنا معاها وانشاءالله نتصل عليها

[المحراب الجميل]

تسلموا يا اغلى الناس بالجد عاجزة عن شكركم وقفتكم معاى وسؤالكم يعنى لى الكثير جدا جدا يوم امبارح كان بالجد يوم صعب بس اهتمامكم واتصالكم كان بلسم واحساسى بى قربكم ودعواتكم كان خير عون لى لا عدمناكم يارب

وربنا يخليكم لى شقيقات غاليات وحبيبات
والعفو والعافية
وما تنسونى من الدعوات