طريقة حماتي ( الله يرحمها ) في طوي مفارش السرير واللحف


طبعا أغلبنا لما أتجوزنا كنا تحفين أوي ومبنعرفش نعمل حاجات كتير
اتجوزت
واتعلمت
ايوه اتعلمت حاجات كتير

والنهارده جيت افيدكم باللي اتعلمته
وليا طلب واحد صغير!!
تدعوا للي علمتني وصبرت عليا في كل حاجه عشان اتعلم وابقي احسن واحسن
ايوه ادعولها من قلبكوا بواسع الرحمه والمغفزه
وان تكون الجنه هي مثواها بإذن الله
ااااااااااااااااااامين

اسفه طولت عليكوا
ندخل في الموضوع
ازاي نطوي مفرش السرير أو اللحاف بحيث يكون شكله حلو ومرتب وسهل التخزين

و إلي الخطوات
ركزوا كويس

ده مفرش السرير



طبعا اهم حاجه ماننسهاش إننا هنطبقه علي ظهره
يعني الوجه لجوه



هنثنيه علي اتنين كده ( بقي مستطيل كبيييييير)



وبعدين علي اتنين كده (بقي مربع كبير)



نثني ثلث المربع العلوي كده



ونقفل عليه بالثلث الثاني كده ( بقي مستطيل رفيع وطويييييل)



حلو


نجيب نصه اليمين كده ونصه الشمال كده



ونحط أكياس مخداته فيه



ونقفل كده



وده بقي شكله





ياللا ع الدرفه علي طوووووووووول

اتمني تكونوا استفدتوا

و ماتنسوش الدعوات اللي وصيتكوا عليها

وإلي اللقاء اللقاء في موضوع تنظيفي تنظيمي جديد بإذن الله

والسلام عليكن ورحمة الله وبركاته