عاوزة تتبيلة فراخ مميزة تشرفنى قدام اهل زوجى

[ياسمينا%]

السلام عليكم
اذيكم يااحلى بنات فى احلى منتدى
عارفه انكم مش هتكسفونى قدام اهل جوزى عندى عزومة وعاوزة اعرف البهارات ايلى الفراخ بتحبها ايه انا عندى جميع البهارات الحمد لله بس عاوزة اعرف استخداماتها وعندى الصوصات الصويا والوريستشر والبابريكا ومش باعرف استخدمهم لاايه لحمة ولا فراخ ياريت تنصحونى وربنا يجزيكم الجنه

[لالي لافندر]

مرحبا بك عزيزتي

شوفي الروابط ان شاء الله تفيدك

http://www.lakii.com/vb/showthread.php?t=444088

http://www.lakii.com/vb/showthread.php?t=613029

http://www.lakii.com/vb/showthread.php?t=505986

http://www.lakii.com/vb/showthread.php?t=611673

[ياسمينا%]

شكرا يااجميل على الوصلات بس انا محتارة بين كل الانواع دى انا عاوزة حاجة متجربه كتير ومضمونه عشان اخاف اجرب فى الناس انتى قوليلى التتبيلة المعتمدة عندك ايه

[sumayya]

اختي الحبيبة الرابط الاول وصفة مجربة ولذيذة اللي مستخدم فيها الوورشستر صوص واتمنالك اكلة هنية وصحة وعافية

[ياسمينا%]

اه شوفتها بس الكمون والكزبرة الخضرا هيبقوا حلوين فى التتبيل ؟
بصى انا عملت دلوقتى فرخمة بتتبيله من دماغى كده وخايفة تطلع النتيجه وحشه هقولك حطيت زبادى على مستردة على صلصة على كاتشب على صويا صوص على زيت ذرة وخل وملح لمون وسماق وجوزة الطيب وقرنفل وحبهان سليم وبهارات لحمة وفلفل اسود وبابريكا وبصلة مبشورة
اى عك وخلاص وهشوف النتيجة ايه رايك

[sumayya]

اتصورها حلوة بس برأيي الهيل (حبهان) ما يجي طعمه مع الفراخ وربي يجعل النتيجة جميلة ويبيض وجهك

[ياسمينا%]

لسه مطلعة الفرخه من الفرن اهو دلوقتى ومش باين لطعمها اى تتبيلة الا مذاذة ملح الليمون والصويا صوص بجد انا فاشلة جدا وزهقت كل ماجرب تتبيلة الاقيها وحشه واتعقدت خلاص

[لالي لافندر]

حبيبتي التتبيلات المذكورة في الروابط كلها حلوة
التتبيلة الي استخدمتيها اكيد راح تظهر فيها طعم حموضة زايدة ما خليتي حامض يعتب عليك ملح الليمون ,خل,سماق , زبادي

الهيل مثل ما ذكرت الغالية سمية ما ينفع مع الدجاج المشوي
الكزبرة والكمون والفلفل ينفع
جربي ابسط تتبيلة في المرة القادمة وخبريني وهي
اللبن الزبادي مع الملح والثوم وبس واشويها بعد تلويثها لمدة ساعة

[ام توتة 2008]

بصى افضل تتبيلة هى ابسطها
مش انك تخلطى كله على بعضة
هقولك تتبيلة من الاااااااااااااااااااااخر
جربيها على ضمانتى وادعيلى اوعى تنسى لو عجبتك

هاتى يا ستى شوية ملح
وشية فلفل اسمر وشوية بابريكا وشوية اوريجانو او زعتر
وحطي عليهم نص لمونة
وقلبيهم فى بعض
ومتخليش حتى فى الفرخة الا وتدعكيها بيها
دخلى بين الجلد وجوة وبرة وادهنيها تماما
وبعدين قطعى نص اللمونه التانى شرايح وحطيه جواها ودخليها الفرن
بعد ما تتشوى اقسميها نصين من ناحية واحدة افتحيها يعنى لو تحبى انا بعمل كدة عشان احطها من الناحيتين تحت الشواية
لو عاوزة مقفوله سيبيها
وبالهنا والشفااااااااااااااا
ممكن لو تحبى ضيفى نص معلقة صلصه طماطم
متزوديش لمون عشان متممررش
زى ما قلتلك التتبيلة مش بالكترة

[صغيره ع الحب]

يعطيكي العافية