سوف نبدأ بإذن الله
بملف لتفريز وصفات الفراخ
جلاش ملفوف بخلطة الفراخ
المقادير
1/2 كوب مايونيز
1 كوب بصل أخضر مقطع
عصير ليمونة
فصين ثوم مفرومين
حوالى 8 صدور دجاج مقطعة
ملح وفلفل
لفة جلاش
زبدة للجلاش
مقدار من البشاميل ( أنا عملت 2 كوب بشاميل)
الطريقة
نحضر البشاميل بطريقتك اللى ترتاحى فيها
لن أذكرها هنا لأنى عارفة إنكم كلكم أساتذة بشاميل
ثم نضع فيها المايونيز والثوم والليمون والبصل ونقلب تمااام
نقطع الفراخ ونرشها بملح وفلفل
ثم نخلطها مع خليط البشاميل السابق
نقطع ورقة الجلاش نصفين وتدهن بالزبدة
ونضع فيها مقدار من الخليط
ونلفها جيدا
ثم نغلفها بالبلاستيك
ونرصها فى صينية أو طبق
ثم توضع فى أكياس الفريزر ونكتب عليها المكونات
ويوم التقديم تدهن بالزبدة ونرش عليها جبنة لو حبيتى وتدخل الفرن 40-45 دقيقة وبالهنا والشفا
فراخ متبلة
( للشوى أو فى الفرن)
من أسهل وألذ الوصفات
ممكن تعمليها بالفراخ اللى بالعظم أو الفراخ الصدور
المقادير
فراخ بالعظم هنا المقادير ل2 فرخة
1 كوب لبن رايب (يمكن الإستعاضة عنه بالزبادى)
2 معلقة كبيرة مستطردة ( خردل)
1 معلقة كبيرة عسل أبيض
1 معلقة كبيرة روز مارى مقطعة
1/2 معلقة صغيرة زعتر
1l2 معلقة صغيرة مريمية
1/2 معلقة صغيرة بردقوش
1/2 معلقة صغيرة فلفل مطحون
بصلة مبشورة
ملح
الطريقة
نخلط كل المكونات معا
ثم نضعها بالأكياس وعلى الفريزر على طول
وما ننساش نحطها بعلبة أو صينية ذات جوانب
كما قلنا سابقا وقت التفريز حتى تجمد
يوم التقديم
ممكن تشويها أو تضعيها بالصينية
أو تضعى معها خضار بطاطس وجزر وخلافه
وفى كيس الفرن
يعنى تعددت الإستخدام والهدف واحد
الأكل
وبالهنا والشفا
الروابط المفضلة