وظائف لخريجات الثانوية قسم علمي وللجامعيات فقط لبنات السعوديه

[أليسار_2006]

أخواتي حبيت اطرح لكم موضوع مهم جدا عشان الكل يستفيد والكل بتوظف بإذن الله هناك أمرين مهمين :
الأمر الأول: ممكن الكل أو البعض منا سمع عن دورة صندوق تنمية الموارد البشرية ولها 8 مسارات وقد بدأت المسار 1و2و3 وباقي المسار 4و5و6و7و8 وهي مجانا من الدولة ومدة الدورة 8 أيام وفي اليوم 4 ساعات وأنصحكم إنكم من دحين تسالوا عن المعاهد واحجزي مقعدك من دحين ممكن البعض يقولوا ما راح نستفيد من هذه الدورة وأنا أقول لكي سوف تستفيدين كثير كيف:
1- إذا اشتغلتي في قطاع خاص تقدمي شهادة تنمية الموارد البشرية ويكون راتبك مثلا 3000 صندوق تنمية الموارد البشرية يضيف 1000 أو اكتر على راتبك حسب شهادة دراستك ويكون استلمتي 4000 .
2- هذه الدورة تحفظ حقوقك من القطاعات الخاصة كلنا نعرف انه القطاعات الخاصة تستغل الموظفة السعودية من اجل تطفيشها من العمل إذا كان رئيسك غير سعودي في الدورة هذه تعلمت كيف اقدر أتعامل مع رئيسي وتعلمت أصول كيف اعمل سيرة ذاتية وكيف ابحث عن وظيفة وما هي المواقع إلا ممكن ادخلها على النت وابحث عن وظيفة وكيف اقدر أتعامل مع الشخص إلا أسوي معاه المقابلة الشخصية وكيف تكون الأسئلة . أنا اشتغلت في مدرسة أهليه براتب 1200 هذا وأنا متخرجة من الجامعة في الدورة عرفت انه نزل أمر ملكي من العام الماضي أي معلمة جامعية يكون راتبها 2500 وأي مدرسة ما تطبق هذا الأمر تقدمي شكوى في مكتب العمل والعمال وهناك أمور جدااااااااااااااااااااااا مهمة راح تعرفيها في الدورة انصح للجميع أنهم لا يضيعوا مثل هذه الفرصة.

الأمر الثاني: انه الدولة أعلنت عن وظائف منحه دراسية مجانا من الدولة خاص بوزارة الصحة وفاتحين عدة أقسام ( أشعة .تمريض، صيدلة، تحاليل ، مساعدة دكتور، مختبرات......) والتقديم خاص للطالبات المتخرجات من الثانوية قسم علمي أو من الجامعة قسم فيزياء و أحياء وتغذية وعلوم أطعمة وانجليزي و رياضيات و كيمياء .
مدة الدراسة سنتين وكل شهر تاخدين مكافأه 1000 وطبعا قبل ما تدرسي توقعي عقد في مستشفى أهلية بحيث لمن تخلصي دراسة تجي تشتغلي عندهم ويكون راتبك 3600 وفرصة لا تعوض أتمنى إني أكون قدرة أساعدكم للحصول على وظيفة رغم انه أنا ما حالفني الحظ رغم إني رحت قدمت لأنه تخصصي غير موجود عندهم ادعوا لي انه ربي يختر لي ما في الخير و أي استفسار عن مكان التسجيل أو عن اسم المسئولة أنا مستعدة.
ملاحظة : المنحة أول مرة بدأت قبل 6 سنوات وهذه المرة الثانية.


والله يوفق الجمع

[مرارة البحر]

جزاكِ الله خير أختي:)..

[دكتوره عسولة]

الله يجزاك ألف خيير..
بس ممكن تقولين لنا وين المعاهد بالضبط ومتى يبدأ التسجيل
وألف ألف شكر لك حبيبتي:)

[أليسار_2006]

اختي دكتورة عسوله ممكن اعرف انت من وين عشان اقدر افيدك وشكرا على المرور

وابغىاعرف انتي تبغي موعد التسجيل في دورة صندوق تنمية الموارد البشريه ولا في معهد التمريض

[دكتوره عسولة]

أهلين أختي :) :) ..
أنا من الرياض وطالبه بالجامعه بس أبي أعرف هم تدريب صيفي ولا إيش لأني شفت في المجال الصحي سنتين
وبعدين مجالي أنا بالمستشفيات بس مو تمريض يعني أبحاث ومعامل
إذا فيه ردي علي ..
الله يجزاك الجنه..
W:

[أليسار_2006]

اهلين اختي دكتورة الله يوفقك ويقدم مافي الخير عموما الدبلوم الصحي دراسته مجانا من الدوله ولمدة سنتين وكل شهر لكي مكافاه 1000 ريال من الدوله وقبل ما تدرسي تتصل عليك مستشفى وتقولك تعالي عندك مقابله شخصيه

بخوص الدراسه وعلى حسب مطلبات المستشفى انت بتدرسي ممكن المستشفى تحتاجك ممرضه أو تحاليل أو اشعه أو دكتورة تغذيه أو مساعدة دكتور توقعي القعد وتروحي مكان خاص للتدريب والدراسة بعد ما تخلصي دراستك بعد سنيتن ترجعي للمستشفى الا وقعتي معاها القعد وتشتغلي براتب 3600 لكن ما ادري لو كانو ممكن يقبلوا انك طالبه في الجامعه قدمي شهادتك الثانويه وهده فرصه لا تعوض دراسه ومعاها وظيفه وكمان منحه من الدوله

وانصحك خدي دورة صندوق الموارد البشريه
هدا ايميلي اذا احتجتي اي استفسار
sososo_11@hotmail.com

[دكتوره عسولة]

لا لا ..انتي ما فهمتيني
أنا ماأبغى دراسه عندهم ولا توظيف
أقصد مجرد تدريب يتعلق بتخصصي

وانصحك خدي دورة صندوق الموارد البشريه


ماياخذون طلاب جامعه

[أليسار_2006]

اختي دكتورة عسوله اسفه عشان ما فهمة قصدك لكن فترة تدريب لا ما عندهم لكن ممكن تقدمي في مستوصف

او مستشفى اهلي فترة تدريب وبالنسبه لصندوق الموارد البشريه الا ياخدوا طلاب جامعه

[دكتوره عسولة]

شكرا..
جزاك الله خير

[ثلوج الشاطيء]

.


أختي أليسار_ 2006 الله يعطيكِ العافيه على الخبــــر

ابغى اعرف ماذكرتي في جميـــــــــع مناطق المملكه؛ او بالمدن الكبيره فقط ؟؟؟

وماهو المصــدر؟

وكيف يتم التقديم على الدوره وعلى دبلوم التمريض؟



وبـــــارك الله فيكِ على الخبــــر الحلو



.

[القلم الوردي]

.
.

لا حرمتِ من الأجر دكتورهـ عسوله :) :) ..

.
.

[ثلوج الشاطيء]

.


لازلنا ننتظـر الرد


.

[أليسار_2006]

السلام عليكم ورحمته الله وبركاته اخواتي اشكركم على المرور

واسفه اختي ثلوج الشاطئ لتاخري على الرد انا سمعت انه في جده والرياض والرقيه بس فين بالضبط في الشرقيه ما اعرف ما فمهتك لمن قولتي المصدر تقصدي لاي قطاع عمل ينضم هو تابع لوزارة الصحة ويتم التقديم في

اماكن مباني تابعه لوزارة الصحة لكن ماهي في نفس البنايه ولو كنت في جده مكتب التقديم في قرية العمودية

لكن من الخلف تقدمي شهادتك والسيرة الذاتيه وانا باحاول اساعد البنات في تقديم السيره الذاتيه

لانها خطوه مهمه لقبولك لاني انا درسة كيف تعملي سيرة ذاتيه ومن شروط اعداد السيرة لازم تكون جذابه

ومنظمة ومشوقه وانا بصراحه ما كنت اعرف اسويها لمن كنت اقدم على وظيفه وكانو يرفضوا شهادتي بسبب

السيرة الذاتيه لاني ماكنت اعرف اسويها والحمدالله درست وحابه اساعد الجميع

والله العظيم اعرف صديقه ليه ارسلت السيرة الذاتيه لمعهد عن طريق الايميل عجبهم طريقه اعدادها للسيرة

اتصلوا فيها وقالولها تعالي سوي مقابله واشتغلت

وعلى فكره دحين في الرياض في تقديم في معهد دراسه حاسب الي وصيانه وبرمجه للثانويه العامه 1000 ريال

والبكالوريوس 1500 لكن لسه ماعرفت باقي التفاصيل وان شاء الله اول ما اعرف التفاصيل اقولكم

واسفه اخواتي على التاخير

[ثلوج الشاطيء]

.

الله يجـــزاكِ خير

مشكوره على المعلومات


يعني هي بس بالرياض والشرقيه وجده

المناطق الأخرى مافيه؟؟؟




.

[أليسار_2006]

والله يا اخت ثلوج الشاطئ ما اعرف لو كان في غير هده المناطق انت اتصلي على الاستلامات واساليهم

والله الموفق

[أليسار_2006]

يا بنات ايوم راح اضيف لكم طريقة اعداد السيرة الذاتية واسفه على التاخير

السيرة الذاتية


المعلومات الشخصية:
الاسم:
تاريخ الميلاد: 7 / 1 / 1400هـ
الجنسية: سعودية
الحالة الاجتماعية: متزوجة
العنوان: الرياض
رقم الهاتف:1234567
رقم الجوال:
البريد الالكتروني:

المؤهلات العلمية:
بكالوريوس اقتصاد منزلي وتربية فنية ( قسم فني ).


الخبرات العملية:
خبرة تدريس حاسب آلي ثلاثة سنوات.
ولو عندك أي شهادة خبرة تضيفيها

الدورات التدريبية:
* دبلوم حاسب آلي.
* دورة فنون تشكيلية.
* دورة برنامج الإدارة المدرسية ( معارف ).
* دورة شئون بنكية.
* دورة سكرتارية.

المهارات:
على فكره ترى المهارات تكون مهارة أنت تقدري تنجزيها مثال:
* حسن استخدام الكمبيوتر.
* قدرة التعامل مع الكبار في السن.
* قدرة التعامل مع الأطفال.
* الاهتمام بوقت العمل.
* لباقة الكلام مع الآخرين.

حضور+ شهادات:
* حضرة محاضرة تأخير عمل اليوم إلى الغد.
* حضرة محاضرة فن التعامل مع الآخرين.
* حضرة محاضرة الموظفة المثالية.
ملاحظه:
مكان المحاضرات في جدة وراء ميجا مول اسمه (المركز الثقافي) ويكون الحضور مجانا لكن لمن تاخدي شهادة حضور تكون ب30 ريال

المشاركات+ العضويات:
*عضوه سابقا في حملة التوعية بأهمية الرضاعة الطبيعية تحت إشراف وزارة الصحة.
* مشاركة في ندوة الأمراض المزمنة و أهمية الوقاية الغذائية.
* عضوة سابقا في الجمعية الفيصلية الخيرية.
* عضوة في المستودع الخيري.
ملاحظة: إلا اعرفه انه ممكن تكوني مشاركة أو عضوة في الجامعة وقت دراستك فانتهزي هذه الفرصة وخذي منهم شهادة مشاركة أو عضوة.

الهوايات:
* التصفح على الانترنت.
* الرسم وأعمال الديكور.
* التطلع على ما هو جديد في التكنولوجيا.
* الخياطة والتطريز.
* القراءة وكتابة الشعر والخواطر.
أقرب شخص للاتصال به للضرورة:
اسم الشخص صلة القرابة رقم الهاتف


ملاحظة:
ترى هذه السيرة الذاتية نموذج مثال للاستفادة فقط ولازم تكتبي نفس هذه الخطوات بالترتيب والعنصر إلا ما عندك منه شهادة أو خبرة الغي لا تكتبي اكتبي العنصر إلا بعده ولازم يكون في مسافة مابين كل عنصر زي ما هو مكتوب في السيرة ويكون لون كتابة الخط اسود أو لون ازرق غامق وأرجو منكم نشر السيرة للآخرين للاستفادة وكسب الأجر والدعوة الطبية و أدعو لي انه ربي يرزقني بالذرية الصالحة وأتمنى أكون أفدتكم والله يوفق الجميع.

[ثلوج الشاطيء]

.


بــــارك الله فيكِ أختي أليســار_2006


طريقتكِ سيستفيد الكثير منها



.

[a7lagirl]

مرحبا يا اليسار الاموره

سؤال..انا خلصت الثانويه...كيف ادخل وواسجل؟؟؟؟؟

او ايش الرقم اللي استفسر عليه؟؟


وشكرا

[ساعة حائط]

جزاك الله خير اختي

[نظرة دلع]

السلام عليكم

اختي أليسار ,, أشكرك كثيرا واتمنى انك تفيديني

أنا طالبه متخرجه من الثانويه من 3 سنوااات تقريبا وأحاول اتوظف باي طريقه كانت بل وابحث عن الوظيفه بكل جداره وحرص لانني بحاجه للوظيفه

ومالي الا الله ثم انت
كيف اسجل في صندوق الموارد البشريه او التمريض بليز ردي علي ..

انتظرك بفارغ الصبر وعلى جمر ..
وياليت تراسليني على الايميل وتفيديني!!

ولك مني جزيل الشكر والدعاااااااااااااااااااااااااااااااااء