محاورة بين جدة وبنت بنتها

[وناسة]

ارجوزه اعجبتني واردت ان تشاركنني بقراءتها بين الماضي وبين الحاضر يالله نسمع يالله ناظر
وقت ماضي وقت عابر نستانس نرضي الخاطر
نتكلم عن الاعياد وشي عادات الأجداد
نبغا الفرحه والاسعاد نبغاها لكل الاجواد
الجدة : عجايب والله عجايب طبع شين وطبع خايب
هبت علينا هبايب وين الحياء اصبح غايب
البنت: وش فينا قولي وش فينا ياعجوز عيرتينا
طبعنا روعه وش زينه قديمه ماتفهمينه
الجدة : انا وان كنت القديمه انا اللي علي القيمة
انثبري ياذا الغشيمه يالخبله ماعندس شيمة
البنت: حنا بنات الجمال كلنا حسن ودلال
البدر صرخ وقال جمالك وصل الكمال
الجدة : وين الديرم وين الحنا والكحلة يالله الجنه
طبع فيكن خربتنه زين فيكن لطختنه
البنت: لبسي زين ولي قصّات في القصر بالمنصات
وانتم ماغير منتصات في مصباح مرتصات
الجدة : اول كلن جايب عيده يتفاخر لابس جديدية
عيد عسى الله يعيده افراحه عنكم بعيده
البنت: انتم في جوع وحرمان حنا اشكال والوان
محشيه مع كوروسان اكلات طعمها جنان
الجدة : بنات ماتستحون ثوب ضيق تلبسون
شامواه او بنطلون بنات ماتستحون
البنت: مادري من حسني منبهره او من جمالي منقهره
او من لبسي ولا من عطري انا البدر ضوا بدره
الجدة : انت ياوجه ابن فهره ماعاد الا انت يالكسرة
طبعي زين وبه مشتهره واظن انت اللي منقهره
البنت: اخطيت وذي حبة راس انت الاولى والاساس
اسمعوا ياكل الناس هن البركه بين الناس
وناسة
<IMG SRC="http://www.montadalakii.com/ubb/smilies/cwm15.gif" border=0>

------------------
زرع الابتسامة على الشفاه
تنسيك الهموم وكل آه

[مليكة الطهر]

يعطيك العافية يا وناسة...صحيح...صورتي صراع الاجيال.....استمري رعاك الله....

------------------
ومن يتق الله يجعل له مخرجا

[محبتكم في الله]

ماقول الا مشا الله عليك ياوناسة بصراحه اسم على مسمى
محبتكم في الله

------------------
الا بذكر الله تطمئن القلوب

[ام تركي]

الاخت وناسة الله يمسيك بالخير ادري انك زعلانه علي لكن اختلاف وجهات النظر لاتفسد للود قضية ولا تمنع من انك ممتازة لكن ماتلاحظينانك ماخذتها من مواهب وافكار

ام تركي <IMG SRC="http://www.montadalakii.com/ubb/smilies/cwm5.gif" border=0>

------------------
كل الموجودين يذكرون الله

[noor]

انا معجبة بك وبطريقة عرضك للمواضيع الله يوفقك والى الامام يا وناسة

[هنودي]

شكر يا وناسه على هذا الاختيار بصراحه وناسه على وناسه.
.....

[sara2002]

حلوووووووووووووالله يعطيك العافيه ..........

[وناسة]

شكرا للاخوات مشاركتي الاعجاب بتلك الارجوزه علما بانها لاحد اقاربي هو من كتبها ويأم تركي الله يهديك انا ماقلت انها لي قلت ارجوزه اعجبتني وبعدين ليش كل هذا وعلى فكرة عرضت في العديد من المدارس قبل عرضها في البرنامج وعلى فكره فيه وحده الظاهر انها عن الخالة ومرت الولد لعلي احصل عليها وانزلها قريبا
<FONT size="6">وناسة</FONT s>

------------------
زرع الابتسامة على الشفاه
تنسيك الهموم وكل آه