بعض النساء [الأرشيف] - منتديات لكِ النسائية

فيفو

02-06-2002, 07:13 PM

دقق كثير بنظرتك بعض الأزوال *** ولاتنذهل لاشفت بعض المثايل
بعض النسا بالفكر تشبه للأطفال *** تفكيرها محدود قاصر وطايل
وبعض النسا في فكرها المجد يختال *** مثل الأصيل اللي تقود الأصايل
بعض النسا بالطيب يضرب بها امثال *** وبعض النسا تسعى لهدم العوايل
وبعض النسا تسعى لتكديس الأموال *** ماهمها ياكود جمع الحصايـل
وبعض النسا تتبع هواها بالأفعال *** ماتداري المنقود من قول قايل
وبعض النسا بلسانها سم فعال *** تظهر غلا والقلب للشر شايل
وبعض النسا تتبع هل القيل والقال *** ماحسبت للرب يوم الهوايل
وبعض النسا منطوقها عذب الأقوال *** وبطيبها تشبه ورود الخمايل
الفرق في طبع النسا طولة البال *** اللي تشيل بقلبها ماتسايل
وبعض النسا كشخة وموضة وسلسال *** متغطرسة ماتدري العمر زايل
ملبوسها من صيحة العطر أشكال *** تركض ورا الموضة بكل الوسايل
تبي تفاخر والفخر طيب الأفعال *** ماكل من يسعى على الطيب نايل
وبعض النسا في عقلها عن ألف رجال *** ويثبت على ما أقول عدة دلايل
بالدين والأخلاق وبطيبة الفال *** وبافعالها تجمع جميع الخصايل
أصابع ابن آدم تفاوت بالأطوال *** وكلا عطاه الله لبعض المثايل
لاشك به فرق بين انثى ورجال *** الدين أنصف كل الفصايل

قطرة الندى 0

03-06-2002, 12:32 AM

صح لسانك اختي / فيفو 000 :)
أبيااااااااات رووووووووعه 000 وصحيح هذا واقع النساء 00 :(

بنت الرياض

06-06-2002, 03:30 PM

ما قصرتي وصدق من قالها
وللأسف هذه نساء اليوم