الفزعة يابنات ...ابي شي كشخة كشخة كشخة ومسكت ...وشو بعد ,تعالوا اقول لكم !!! [الأرشيف] - منتديات لكِ النسائية

View Full Version : الفزعة يابنات ...ابي شي كشخة كشخة كشخة ومسكت ...وشو بعد ,تعالوا اقول لكم !!!

شمالية غربية

23-07-2002, 04:46 AM

السلام عليكم ورحمة الله وبركاته..
ابي منكم الفزعة لاني بروح الرياض باذن الله بعد يومين.., وماراح اطول فيها يعني مرور بس , وابيكم تقولون لي عن المحلات اللي تبيع (تايورات مميزة وكشخة ) بس مو التايورات اللي تجي رسمية جاكيت وتنورة مثل موجهات المدارس,لا ابي موديلات حلوة حلوة حلوة ..الله يحلي ايامكم..:D :D :D
ردوا علي تكفون لاتتأخرون :S: :S: :S:
في امان الله..

إيمان علي

23-07-2002, 05:41 AM

بالتوفيق يا شوشو. ما تطولي علينا!!!!!!!!!!

شمالية غربية

23-07-2002, 05:46 AM

صباح الخير ياايمان ...
الله ..ذكرتيني قبل لاتسافرين لبنان ,لما كنا مثل هالوقت موجودين على النت.. ومعانا ديم اللي يردها لنا بالسلامة (اشتقنا لها مره )..
ماراح اطول انشاء الله بس شهر ونص ..هههههههه

المملكة

23-07-2002, 07:02 AM

أبشري بالفزعة وأنا بنت أبوي.........:D
بصراحة المحلات الحين موزي اول يعني أول كانوا يبيعون قطعتين مره وحده تنوره وبلوزه لكن الحين يبيعون قطعه وحده وأنت تنسقين على ذوقك لكن طبعاً أغلى
وعلى العموم فيه محلات السواني ممكن تلقين فيها تيورات لكن قليل بس فيه بلايز حلوه
ورح تلقين التيورات في محلات معزوله عن الأسواق لكن رح يكون الطقم مره غالي للمعلومية
وها المحلات تلقينها في شارع العليا العام على طول الشارع بس رح تتعبين مره
باااااااااااااااااااااااااي
W: W: W: W:

شمالية غربية

23-07-2002, 07:11 AM

حياك الله اختي المملكة..
ومشكورة كثير على الفزعة..ليتني الاقي شي زين ويستاهل, ذيك الساعة مو مشكلة السعر..
رحت لمحلات عبدالله السيد , لقيته ماعنده ماعند جدي ...مافيه شي مميز يستاهل سعره ,التنورة ب 1000ريال ولا ب 900 والله ماتستاهل حتى مية ريال..

بنـوته

23-07-2002, 08:59 AM

فزعتي ياشماليه غربيه اذا تبغين آخر الألوان هي : برتقالي صارخ وأصفر صارخ :)

شمالية غربية

23-07-2002, 09:36 AM

مو معقول صارخ مره وحده ..
هلا فيك بنوتة ,وحياك الله
بس انتي بنوتة القديمة ولا الجديدة ..
لان فيه اخت معنا نفس اسمك..

toto

23-07-2002, 12:26 PM

مري على عماير السيركون فيها محلات راقيه
وعندك محل كينزو اللي في اسواق المملكه اللي فوق قسم عالم المراءه راح تحصليين شئ يعجبك

غادة الغيد

23-07-2002, 05:58 PM

شمووووووووووووووله بصراحه الرياض كل المحلات واحد بتروحين لصحاري والمملكه والفيصليه وكل الاسواق نفس المحلات ونفس البضاعه الا اذا انتي بتتصيدين المحلات الي مش متفرعه يعني فرع واحد وبس وزي ماقالو الاخوات محلات عماير السيركون حلوووووووووه اما بالنسبه للاورنج الصارخ والاصفر الصارخ على كذا بتولعين ياقلبي وخلاص بتوفرون كهرب وبعدين اذا ركبتي في السيارة ما يحتاج تدقون اشاره يكفي تطلعين كمك وتشرين ابد ولا ابدعها فلشر بس ترى مو كل موضه بنلحقها والا كان علوم واملاء وخط

شمالية غربية

23-07-2002, 08:29 PM

يعطيك العافية اختي toto ..ماقصرتي...
-------
الله يسعدك ياغادة ,تعليقك على الالوان الصارخة مره ضحكني .., اكره ماعلي هالالوان حتى لو هي الموضة , تزوع الكبد ..ماهييتس (هي ماهيك باللبناني ,لكن مع لهجتتنا صارت كذا )
-----

ام أحلام

23-07-2002, 08:51 PM

السلام عليكم

تروحين وترجعين بالسلامة 00000000000ودي لو كنت اعرف الكثير عن الرياض لأدلك ولكن زيارتي للرياض مخصصة لمكان واحد الله لايوديك لمه ( التخصصي ) الا لكسب اجر زيارة مريض 000 بس وانا في السيارة اشاهد محلات مرة شكلها جميل وراقية ولكن ها الايام ينطبق على المحلات القول المأثور ( من برى الله الله ومن جوى يعلم الله)
الله يوفقك 0

شمالية غربية

24-07-2002, 12:07 AM

وعليكم السلام ورحمة الله وبركاته..
الله يسلمك اختي ام احلام..
الله يجزاك خير ..ويشفي مريضكم ومرضى المسلمين , ويرده لكم بصحة وعافية , ويعوضه الجنة يارب ..

بنـوته

24-07-2002, 03:13 AM

آسفه على تاخري بالرد
بالنسبه للالوان هذي هي مع انها ما تنا سب جميع الوان البشره
اما اسمي انا بنوته جديده
هههههههههههههههههههههههه