ويا هالشعر؟ [الأرشيف] - منتديات لكِ النسائية

Pink_Rose

13-08-2002, 07:51 PM

هههههههههه أدري ان العنوان لفت انتباهكم.. بس الي يدش ما يظهر الا وهو راد علي.. وحتى اذا ما كان عنده رد.. يسلم ويظهر عشان ادري ان الموضوع مهم هههههههههه..
المهم أنا عندي مناسبه مهمه قادمه.. وما اعرف شو اسوي.. ممكن اتساعدوني يا الاخوات.. ما شاء الله عليكم عندكم اشياء خطيره فلا تبخلون عليي.. ممكن..؟!
أولا: شعري.....؟
ابغيه يصير ناعم مب لازم ناعم يالله.. يكون مرتب.. يعني يوم افتحه الي يشوفني قول وااااااااااااااو هههههههههههه والي يلمسه يقول لا والله حلو.. لانه شعري مموج.. ويوم استشوره احس انه جف ويتقصف ويوم حد يلمسه يقول ليش جيه يابس يا ربيييييي.. والله انحرج.. فشو لازم اسوي عشان يبين انه ناعم.. بس حق يوم واحد.. الله يخليكم هاي المناسبه مهمه جداا.. شو من الكريمات ولا بخاخات ولا حمامات زيت استخدمه ويعدل شعري الكجررررررررره..
ثانيا: وجهي....؟
ايه نعم ويهي الدهني.. شو من الاقنعه اسويها حق هاليوم عشان ينظف.. يلق.. ويبيض علما ان بشرتي حنطيه بس يوم اغسلها اتصير بيضه ويوم تفرز الدهون تسمر.. ويه جيه حسبي الله ههههههههههه..
ثالثا: الميك آآآآآآآآب..........؟
هاي المناسبه في النهار.. شو من الالون الي تناسبني.. لاني يوم سالت ربيعتي قالت ركزي في العين.. والعين أهم جزء في الويه.. كيف اركز فيه والمناسبه في النهار.. يعني افرش ويهي بالالون وعيني بالجحاااااااال حشى ام الدويس؟؟؟؟؟ امووووووت في اللون الأزرق؟ يصير البس برتقالي ههههههههههههههه..
رابعا: اللبس.......؟
أمووووووووووووت في البناطلين.. شو ألبس من الالوان..؟ علمنا باني ضعيفه.. رشيقه هههههههههههه مسويه اغراءات.. يعني شو اللون الي بيناسبني..
خامسا: الحذاء.......؟ الله يعزكم..
كعب ولا سطاحي علما باني تينغو هههههههههههههههههههههههههههه.. يعني قصيره 156 هههههههههههههههههههه..

أحاول ادمج المشكله مع المزاح عشان تضحكون واتردون عليي.. ارجو من الاخوات الرد.. بليزززززززززز.. اعتمد على الله ثم عليكم.. وانا ما اتشجعت الا ويوم قريت موضوع وحده من الاخوات ما اذكر اسمها كانت كاتبه عن شو اتسوون يوم تصادفكم مناسبه.. وكلكم شرحتو.. بس مب بطريقه مفصله عشان الواحد يستفيد أكثر.. الحين نا اترك المشكله في يدكم.. اتمنى انكم اتحلونها.. وشكراااااااااااااااااااااااااااااااا.. :D

Pink_Rose

13-08-2002, 08:44 PM

أفا 12 عضوه دخلت وقرت موضوعي ولا ردت علي باي كلمه؟؟ انزين بس سلمو عشان اعرف منو الي دش sid

A m s

13-08-2002, 08:58 PM

السلام اختى
pink-Rose
وانا ايضاء في نفس المشكله؟

انا اسف انى ما سعدتكِ؟

لكن انا اذا ا ستشورته بيخرج كان جاف؟
$@ انا اضع في شعر قليل من الزيت
حتى يصبح نائما طبعاً زيت الزيتون؟
# افضل تلابسين كعب عالى؟

مع تحياتى

ا سيرة الحب
اتمنا من الاخوات مساعدتنا؟

http://www.brooog.com/sign/newday.zip

رعود

13-08-2002, 09:39 PM

سلاااااااام عليكم
والله اتمنى لو كنت خبيرة في المكياجات وهالاشياء عشان افيدج بس اختج مثل الاطرش في الزفة،،
بس الشعر لازم احط له حمام زيت سواء بسشوره ولا لا، استخد نوع اسمه اكسترا كول بالثوم ووايد زين ،،،
تسأليني عن الكعب بقولج كعب عاااالي، الحال من بعضه يختي، خلنا نفرح بشوية سنتمترات زايدة،،،،
البشرة ما ادري، انا قريت وصفات من الاخوات في المنتدى بس ما اذكرها، بس انتي سوي بحث عن بشرة دهنية واكيد بتلقين وصفات حلوة من الاخوات،،،،،
واخيرا اقولج البسي على ذوقج واللي يعيبج، ما احب اتقيد بلون لأنه موضة، بتشوفين المكان كله لون واحد بعدين، البسي اللي ترتاحين له وتحسين عمرج طلعتي قمر 14 فيه، والميك اب اكيد يعتمد عليه.
اسفة ما افتدج اكثر بس فاقد الشي لا يعطيه.
يللا باي وان شا الله بتكونين سندريللا الحفلة
فمان الله

مرايم

13-08-2002, 09:45 PM

مرحبا اختي Pink_Rose
والله مشاكلج تقريبا مثل مشاكلي .. أنا بعطيج بعض الافكار وان شاء الله تساعدج ..
سمي بالرحمن ويلله نبدا..
أولا: الشعر الجاف...
جوفي أنا بعد شعري جاف ومرة رحت اسشوره في الصالون وهلكت الحرمه مسكينه لأنه فيه جفااااف فظيع ويلست تقوللي ليش ماتستخدمين هذا الكريم .. وليش ما تحطين ذاك الدهااان .. يعني .. المهم عطتني حمام زيت استخدمته قبل ما اسشور شعري حق مناسبة ثانية .. وطلع شعري حلو والله ..حمام الزيت هذا اسمه ساليرم وهو بالقمح وصناعة المانية واللشعر الجاااف .. حطيته 20 دقيقة مع كيس النايلون وبعدين غسلت شعري وحطيت له وهو مبلل كريم بالمرز الاخضر .. وبعدين شسورته . وطلع حلووووووووووووووو والله .. كان ناعم وفيه لمعه وصحة ... أنا اتصور انه لو سويتي اي حمام زيت للشعر الجاف قبل السشوار وبعدين حطيتي كريم أو سيروم بيعطيج نفس النتيجة .. ولا تنسين ان الزيوت بعد مهمه .. يعني قبل المناسبة بفترة لازم تزيتين شعرج كل يوم اذا قدرتي أو يوم و ترك.. واحلى الزيوت هي زيت الخروع والزيتون واللوز ودوار الشمس .. أوكي .. خلصنا من الشعر
ثانيا: الوجه..
أنا بعد وجهي بين الدهني والعادي .. وسمرا .. ومن فترة استخدم قناع الروب كل يوم تقريبا وخفففففففت الدهون وااايد .. المهم .. مع الروب حطي اللي يناسبج من هاي الاشياء: ليمون-ماء ورد-حليب مجفف-خميرة-عصير أو مبشور خيار-عسل.. أو حطي الروب بدون اضافات .. لكن استمري عليه يوميا .. واحسن وقت قبل النوم .. النتيجة يفتح البشرة ويقلل الدهون والبثور .. وفي نفس يوم المناسبة بعد حطي القناع بعد ما تسوين تنظيف وتقشير للبشرة ... بالنسبة للتقشير جربي السكر مع الليمون وزيت الزيتون .. دلكي وجهج لمدة 4-5 دقايق به .. أوكي .. هذا بالنسبة للبشرة
ثالثا المكياج:
أنصحج يكون هادي وخفيف لأنه في النهار .. وأحلى الالوان هي الوردي والموف . أو البرتقالي الهادي .. ولا تركزين وايد على العين لأن مكياج النهار ما يناسبه التركيز على العين ..
رابعا اللبس:
اتصور لو تلبسين تنورة ناااااااااااااااااااااعمة مع قميص أنننننننننننعم بيكون حلو ... والالوان طبعا هااااااادية .. وحلو لو دخل فيها الابيض .. يناسب الصييييييف ...
خامسا الحذاء:
البسي كعب بس مب وااااايد عالي .. متوسط ... على فكرة أنا أطول منج بسنتيمتر ونص بس :) .. وغالبا البس كعوب متوسطه ..
يلله ابدي بالعناية بشعرج وبشرتج من اليوم .. واختاري اللبس .. عشان ما تتوهقين بعدين .. وان شاء الله تطلعين جميلة الجميلات ....
دعواتج لي ..

she

13-08-2002, 10:19 PM

هلا اختي
انا بس حبيت اسلم عشان ماتزعلين
واظن الاخوات وفوا وكفوا اللة يجزاهم خير
وان شاء اللة تطلعين احلى وحدة في المناسبة

Pink_Rose

13-08-2002, 10:24 PM

مشكووووووووورين الاخوات على الرد.. كل وحده منا استفادة من هالموضوع.. مشكوره اختيه اي ام اس ومشكوره اختي رعود واختي مرايم..

انزين أختي مرايم.. الطريقه الي انتي اتسوينها سبحان الله نفس الي انا اسويها..
الشعر.....؟؟
اسوي حمام زيت لشعري.. فاشكوووووول حليب بالفراوله.. ومرات من الغيض اخلط كم من حمام زيت ويا بلسم.. الله لا يوريج الريحه.. هذا البلسم الي اسمه هيربل بالأعشاب الي لونه اخضر وععععععع ريحته.. اتخيلي انج رايحه مناسبه وريحة شعرج وععععععععع والله فضيحه.. اتخيلي حد ايود شعرج ويقول وعععععععع.. المهم خليني اكمل واحط كيس نايلون وعقب ربع ساعه اغسله واجففه وعقب اعبيه بالكريم بالمرز الاخضر.. تدرين ان يغير الشعر بس احس ان يلمعه.. وفي كل مره اقلل نسبة الكريم.. بس يظهر جاف ومتقصف من تحت.. ويلمع من فوق جنه هنديه شارده من السجن.. الحين خبريني شو الحل؟؟
الويه.......؟؟
الروب كل يوم.. ما يجفف البشره!؟ عادي استخدمه كل يوم لينما اوصل ليوم المناسبه؟؟ انزين كم ساعه احطه علويه انا قريت في الكتب والمنتديات ان ما يكون اكثر عن ربع ساعه..

ممكن حل اسرع واكثر عن الشعر والويه..

وباقي الحمدلله مشى عندي.. ومن الحين قررت شو بلبس وشو بسوي.... هههههههههههه باقي اسبوع والبنت مستعيله..

زخات المطر

13-08-2002, 10:24 PM

;) W: :) :rolleyes:

فلونا

13-08-2002, 10:38 PM

هلا والله باختي Pink_Rose
بصراحه انا ما عندي هذيج الخبره في المكياج بس إللي اعرفه عن مكياج الصباح إنه لازم يكون خفيف و بسيط يعني(not tooooooo much)
أما عن اللبس يفضل إنه يكون كلاسيكي و بسيط و تكون ألوانه هاديه بعد
و هذا إللي أقدر أقوله :)
سلاااااااااااااااااااااااااااااااااااااام

مرايم

13-08-2002, 11:42 PM

بالنسبة للريحة .. دخني شعرج بعود معطر أو عود عادي .. بعد السشوار .. والريحة بتطلع رووعه .. أما التقصف .. حاولي مثلا يكون شعرج مفتوح بس من تحت ملفوف .. يعني رولات بس من تحت عشان ما يبين التقصف .. أو حل ثاني انج تقصين شعرج وين التقصف (أعرف انه يعور القلب)... وياليت اقدر اساعدج اكثر ..
أما عن الروب .. فما يضر ابدا .. حطيه يوميا .. وانا اخليه ساعه واحيانا اكثر لين ما يجف .. وبعد ما يجف اقشره .. بعدين اغسل وجهي بماي دافي وعقبه ماي باااارد . وبعدين احط ماي ورد بارد من الثلاجة .. وممكن بعد تعصرين خياره في عصارة الجزر وتحطين العصير على وجهج كل يوم قبل النوم وتغسلينه اليوم الثاني .. أنا مجربه هالطريقة وهي تفتح الوجه .. وتناسب البشرة الدهنية .. والعصير ممكن يتم في الثلاجة لمدة 3 إلى 4 ايام تستخدمينه فيهم .. إن شاء الله اكون افدتج ...

كوتو

14-08-2002, 12:05 AM

اهلين توني اقرا الموضوع ماراح اطلع الا واسلم سوي مثل ماقالو الاخوات
ومع السلامه حبيبتي ......

Pink_Rose

14-08-2002, 12:36 AM

مشكوووووورين الاخوات: she وزخات المطر وكوتو وفلونا.. ومرااااااااايم..
أختيه مرايم لا اتقولين قصيه ولا بيقصون راسي هههههههههههههه.. انا ما صدقت انه طول شوي.. سويت حفله ههههههههههه يباله وقت لينما يطول.. نص شعر راسي متقصف..
حلوه الفكره عن التبخير.. اذا بخرت شعري ما بتختلط الريحه.. لان ريحة البلسم قويه.. وعقب يوم ببند شعري ويوم بفكه عشان ادلع امام الحضور انحرج بان الريحه وعععععععع ههههههههه!؟
اوووووكيه حلوه الفكره عن الرولات.. بس كيف اسويها؟؟ وكيف تثبت عندي..؟؟

ويا اخواتي عطوني افكاؤ اكثررررررررررررررر..

الريم

14-08-2002, 01:04 AM

هلا اختي
للشعر000
في هذي الصفحة اللي انت فيها الحين فيه طريقة حمام ويت ادخلي عليها0

الماسكات ايضا موجودة

بصراحة بدل ما تضيعين وقتج برد مثل ردي سوي بحث لكلمة شعر او ناعم00وبتلاقين كل المواضيع
شي مهم نفسيتج راح تلاحظينها وانت تقرأين مواضيع الاخوات انج تعيشين بحلم وخيال اسمه شعري صار ناعم ، لالاوبعد بتحلمين بالليل0

يعني هيئِ نفسيتج وتخيلي ما فيه حد مثلج بالجمال في ذيك المناسبة 00طبعاً مو تغترين وتصدقين عمرج وترفعين خشمج00
لا قصدي التأثير راح يكون نفسي0

بقية الاشياء اللي سألتي عنها ما اقدر اقولج مثلا لبسي كعب عالي وانت ماتعرفين تمشين فيه ولا مايناسبج العالي0

اتمنى لج رحلة بحث موفقه0

Pink_Rose

14-08-2002, 01:17 AM

أختيه ريم.. سويت بحث وتعبت من كثر البحث؟؟ ما حصلت شي اوكيه.. ما باقي شي.. اسبوع.. عشان جيه ابغي اعرف الحلول بسرعه وأهئ نفسي من الحين وارتب كل شي....
عن المايونيز مستحيل استخدمه.. اتخيلو ابطل شعري ويظهر ريحه وععععععع؟؟
وعن اليمون يجف الشعر؟؟
وعن الزيوت يباله شهوووووووور.. وانا ابغي شي حق يوم واحد..
فهمتي أختيه ريم.. ومشكوره على الرد..

كباتشينو

14-08-2002, 04:16 AM

اختي pink rose والله الاخوات ما قصروا لكن انا نصيحتي لك بالنسبة للبشرة ان في نفس يوم المناسبة استخدمي قناع النشا لانه فعلا ممتاز ويخلي البشرة نضرة وبعد ما تشيلينه دلكي الوجه بقطعة ثلج عشان تقفلين المسامات قبل ما تبدين بالمكياج فيه بعد وصفة الموز للشعر تعطيي لمعة للشعر المتقصف وقصي من اطراف الشعر قبل المناسبة بيومين ثلاثة عشان ما يكون الشعر من الاطراف مستقيمة وقبل السشوار حطي قطرات من زيت الحية او السيرم على فكرة زيت الحية اللي اقصده عبارة عن قارورة بيضاء صغيرة ولونها ابيض وبعد السشوار لفيه من الاطراف مو شرط بالرول ممكن بالبنس اتمنى اكون افدتك ولا تنسين اختك من صالح دعائك

Pink_Rose

14-08-2002, 05:49 AM

مشكووووووره أختيه كباتشينو ويزاااااااج الله الف خيرررررررر..
بنسبه لقناع النشا.. مب النشا هو نفسه الي انسوي به الكيك.. البودر الي لونه ابيض؟ اذا هو..
كم ملعقه؟؟ وكم احطه على ويهي؟ ما يجفف البشره؟؟

سنا الفضه

14-08-2002, 06:58 AM

هلا اختي Pink_Rose

الحين كل هاللويه والحنّه والرنّه عشان عزيمة نهار

عيل وش بتسوين بعرسج

بتسوين بتربكين العالم

بس انا احييج لاني احب البنت اللي تهتم بشكلها

بالنسبه للشعر استخدمي كريم ماقبل الاستشوار عشان يسوي حمايه ولمعه ويسهلك عملية الاستشوار وافضل شئ انك تاخذينه من بدي شوب لاني هذا اللي استخدمه

وبعد الاستشوار اكو شئ حلو للشعر اسمه كريستال تحطينه بعد الاستشوار في المناسبات يعطي لمعه مائيه وحلوه

بالنسبه للمكياج حطي كريم اساس خفيف وردي مع لب قلاس وافضل شئ مال ماركة ماك مره حلو وثابت

والكحل انصحك بكحل من شيسيدو لانه ضد الماي ومايسيل في الصيف

والشدو جربي تحطين لون عاجي مع مسكره hr من هيلينا روبنشتاين النوع الجديد لنها مطوله ومكثفه وعاقصه

والبلاشر حطي مال بدي شوب لانه خفيف ولونه طبيعي

والحين بروح اتريق لان ريوقي برد واصابعي عورتني

اتمنى اني افتدج

مصرية مغتربة

14-08-2002, 08:53 AM

ربنا يكون في عونك وتتحل كا المشاكل دي
وتبقي زي القمر
بس انا خايبة جدا ومش هاقدر افيدك
W: W:

اماراتية

14-08-2002, 10:46 AM

هلا عزيزتي Pink_Rose

بصراحه مشكلة الشعر مشكلة عويصه الكل يعاني منها بس انا بعطيج الحلول اللي انا استخدما ما ادري جان بتفيدج انا واعوذ بالله من كلمة انا شعري تقريبا ناعم ومشكلتي تبقى نفش مشكلتج اسشور واتعب وبعدين ينصدمون من افتح شعري جنه قطوه لاعبه فيه صدق يكشش ..

المهم من فتره اتبع ها الطريقه اني استخدم كريم كيمو كول هذا كريم حمام زيت للشعر وحتى يوم اكون مستعيله عادي اخلطه ويا الشامبو ( على كيفي هههه ) المهم وبعد ما اغسل شعري ما اترياه يجف نهائيا لا اخلييه مبلل واذا بتسبحين قبلا بفتره بس بللي شعرج شوي قبل السشوار

المهم يطلع ناااااااااااااعم وارش مب ابعيد شوية سبريه بس من بعيد مب ترسينه بيوقف جنه شيره
المهم بعد ما اخلص السشوار المه على فوق واحط المكياج وانا شراتج والله اموت على اللون الازرق
المهم انتي وفنج في المكياج بصراحه لو كان مكياج العيون غامج ومركز يفضل استخدام القلوس بس
وهو احلى طبعا... اما عن اللبس فاحلى البنطلونات في النهار اخف مع بدي خفيف والوان هادي والحذاء طبعا اللي يناسب اللبس

بعدين بعد المكياج .. دخني شعرج ورشيه بعطر بس من بعيد عن يبيض وحطي الدهن عود بس عن اتخربين السشوار ترى الدهن عود زيتي انزين وبعدين البس ملابسج والبسي خواتم وساعه بسيطه وبتطلعين اتجنيييييين

المهم نبا النتيجه عقب ما ترجعين من الحفله نبا نستفيد من اللي سويته عاد لا تنسيناااااااااااااااااااا

يا الله بالسلامه

Pink_Rose

14-08-2002, 02:53 PM

مشكووووره أختيه سنا الفضه على الرد.. والله صدقتي يوم قلتي شو بسوي في عرسي.. نحن البنات هاي مشكلتنا.. الشكل.. نبغي انكون أحلى الحلوين ونلفت انتباه الحضور باي طريقه..
وأختيه مصرية مغتربة دخولج لموضوعي يكفي.. هذا وايد بنسبالي الغاليه.. واشكرج على الرد..
وأختيه اماراتية ثانكس سوووووووووو متج على الرد.. المشكله شعري مموج.. واذا حطيت اسبري.. اخاف اروح المناسبه واعق الشيله والرادارات تظهر.. ابغي شعري يكون مثل ما قلت الي يشوفه يقول وااااااااااااااااااااااااااو ههههههههههه.. حشى مب شعر هذا.. المهم بتبع كل الطرق وبشوف شو الي بيناسبني لين هاك اليوم.. الحين انا طايحه في البروفات.. واذا قتلكم شو هي المناسبه بتقولون من حقج اتسوين كل هذا............. وانشاء الله الغاليه يوم برد من المناسبه بخبرج شو سويت.. الله يعيني.. ادعولي اني اظهر قمر 14 في هاي المناسبه.. محتاجه لدعاويكم قبل كل شي..

وبزاااااااااااكم الله الف خير يا اخواتي على الرد.. ما بنسى جميلكم..
وبعدني طماعه اريد المزيد هههههههههههه.. ما استحي على ويهي؟؟ ههههههههههه

مرايم

14-08-2002, 10:04 PM

يااااااااااااااااااااااااااااااااااااااااااااااااا ااااا رب تطلعين أحلى من القمر... والظاهر لأنه المناسبة مهمة انتي مرتبكة .. وما تبين اي شي يخرب علييييج ... صح؟؟!! ولا يهمج .. انتي كوني واثقة من نفسج .. وكوني على طبيعتج .. ولا ترتبكين .. أهم شي التوكل على الله والثقة بالنفس :) ..وان شاء الله يارب تكونين احلى وحدة في المناسبة ..

خلوووود

14-08-2002, 11:05 PM

هلا اختي Pink_Rose
الصراحة الخوات ما قصروا كفوا وفوا ما بقى شي اقوله او اضيفه
وان شاء الله تكونين قمر في هذي المناسبة .....

Pink_Rose

14-08-2002, 11:57 PM

مشكوووورين الاخوات مرايم وخلووود.. انشاء الله اطلع قمر..
بعدين بخبركم شو هاي المناسبه وشو صار بالضبط..
لاني انا المقصوده في المناسبه الكل لازم يشوفني..
بتعرفون السالفه عما قريب.. انتو بس ادعو لي وخير انشاء الله..

Laian

16-08-2002, 06:37 AM

السلام عليكم ورحمة الله وبركاته
هذا انا دخلت وسلمت عليك يا اخت Pink_Rose
وماشاء الله الاخوات ماقصراً وماخلن لنا فرصة نتكلم وانا كمان اشكرهن لاني استفدت معاكِ
واقول مثل ما قالن ان الميك اب في النهار لازم يكون بسيط وهادي وان شاء الله تكونين قمر 14
ومحط انضار الجميع

بااااااااااااااااااااااايW:

بااااااااااااااااااايW:

باااااااااااااااااااايW:

مع الفففففففففففف سلامهW:

ام اياد

16-08-2002, 12:29 PM

مشكورين اخواتي على الوصفات الحلووووووة

Pink_Rose

18-08-2002, 04:34 AM

مشكوووووورين الاخوات Laian وأم ايااااااااد..
ودعاويكم معاي انشاء الله..
ما باقي شي غير يومين يا جماعه ادعوليييييييييييييي..
وبرد عليكم خبر شو الي صااااااااار.. الله يعيني..