يا بنات الكويت ممكن طلب؟؟

[غفرانك]

السلام عليكم .......... ارجو من تعرف اي محل بالكويت يبيع ملابس محجبات من حجابات وتنانير طويلة يعني محل خاص بس بلبس المحجبات فقط لاني بصراحة توني متحجبة وما عرف محلات تبيع هالشغلات راح تقولون لي الديرة مدروسة محلات فيها تنا نير طويلة اقولكم ايه بس انا ابي محل يكون يبيع كل ملتزمات المراة المحجبة ومشكوريييين وما تقصروووون W:

[بنت بلدها]

أختي الكويت من أولها لأخرها ملابس

طويله وساتره

عندك (( المباركية ))
عندك (( الفروانيه كلها ملابس طويله ))
عندك (( السالمية ما عرف شنو أسم الشارع بس قرب المطافي ............
باقي الفحيحيل (( مجمع العنود ))
الجهراء ((أف يا كثرهم كلهم ملابس محتشمه ))

هذا

ما سمحت لي زيارتي بمشاهدته

بس يقولون عندكم سوق شرق ............بس يقلون ملابسه ...........غاليه وكمان مو ساتره يعني حق اللي بالي بالك

البنات يردون إنشاء الله
تسلممممممممممين

[جورى]

كلام الحبيبه بنت بلدها صح كل الكويت سوق وعندك مجمع النقره الجنوبى والعثمان ومجمع سندس وكويت مجك والسالميه والفروانيه وخيطان

بنت بلدها انت شعرفك بالسوق عندنا لايكون انت منا ( كان زين)حبيبتى انت بارك الله فيك

مبروك على الحجاب نسأل الله لك الثبات

[غفرانك]

السلام عليكم اخواتي الظاهر ما قريتوا سؤالي عدل انا اعرف كل الاسوقة الي دكرتوها واكثر انا كان بودي محل واحد احصل فيه حجابات وملابس محجبات هدا هو القصد ومو الي فهمتوه يبا انا بنت الديرة وما عرف هالاسوقة الي دكرتوها؟هههه عالعموم ما قصرتوا

[anosha80]

ألف مبروك على الحجاب عندج وايد أماكن عندج مانجو عندج زارا نكست في بعض الأشياء للمحجبات وعندج مجمع النقرة الشمالي والجنوبي. العثمان وعندج الفنار وعدج المهلب عاااااد المهلب بدلاتة تينن للمتحجبات كله أشياء غريبة

[غفرانك]

anocha80مشكووورة حبيبتي والله يبارك فيج وانشا الله بروح المهلب وادور على المحل الي دكرتيه وما تقصرون وحياكم الله

[ameera]

أختي غفرانك آنا المحلات اللي اعرفها تبيع حق المحجبات وغيرها مثل مجمع النقرة ومجمع العثمان فيه محلات تلاقين فيها تنانير طويلة وواسعة وبالنسبة للحجابات إذا تقصدين الملافع عندج نوران

[كونان]

مجمع النقره الشمالي والجنوبي
ومجمع العثمان