الى الاخوات شذى وشمعة نجد وربى الجنان [الأرشيف] - منتديات لكِ النسائية

View Full Version : الى الاخوات شذى وشمعة نجد وربى الجنان

MiSsQ8

24-10-2002, 10:15 AM

السلام عليكم خواتي

اولا اخت شذى
الصورة اللي سويتيها حق الاخت فتاة الجهاد اهيه جاهزة جذي والا انتي دمجتي الصور مع بعض ؟ واذا كنتي دمجتي ممكن تعلميني الطريقه ؟؟ خصوصا ماشالله عليج ذوقج حلو وفيه تناسق بالالوان والصور يعني ودي احط صوره فوق الثانيه بس الصوره اللي تحت تبين

ثانيا الاخت شمعه
توقيعج شلون مسويته ؟ وبأي برنامج ؟؟ ياليت تعلميني

ثالثا الاخت ربى الجنان
عجبتني بطاقتج هذي واحييج على ذوقج وحسج الراقي في اختيار الالوان وياليت تقوليلي شلون سويتيها ؟ وبأي برنامج ؟

http://altimimy333.jeeran.com/photo_18.jpg

بانتظار ردودكم مع الشكر والدعاء لكم بالتوفيق W: :)

MiSsQ8

26-10-2002, 03:51 AM

وينكم ؟؟؟؟؟؟ :(

شــــــذى

27-10-2002, 04:40 PM

MiSsQ8
هلا ومرحبا فيك ..نور المنتدى لاني اول مره اقرا اسمك ..
اعذريني على التاخير في الرد لان عندي امتحانات اللحين وماراح تخلص إلا بـ7 رمضان
ودخولي للمنتدى بيكون قليل الايام الجايه .. اعذروني ..وبنسبه لسؤالك ..
اذا تقصدين التوقيع اللي مسويته لفتاة الجهاد الصوره (الخلفية) جاهزه بس ترى بسيييييطه مره
بس قولي لي اذا عندك برنامج الفوتوشوب او لا ؟؟ وايش هي النسخه وانا اقولك ؟؟ بس يمكن اتأخر عليك .. يعني تحمليني شوي اسبوعين وانا حاظره اييييييييييييي سؤال من عيوني اشرح لك ..وبالتفصيل اذا تبين ..:)

شمعة نجد

27-10-2002, 08:00 PM

وعليكم السلام

هلا وغلا MiSsQ8

مشكوووورة على اعجابك في توقيعي :)

وبالنسبة للتوقيع بصراحه ماسويته بتقولين لي وشلون :confused:

اقولك هدية من وحدة غالية محترفة في برامج السويتش ;)

بس للأسف التوقيع كان فيه صوره sid وعلشان كذا غيرته(مؤقت) من موقع فيه كذا توقيع

اختاري واحد يعجبك

http://www.almawa.net/moktarat/TWAKEE/sign.htm

وسلاااااااااااااااامW:

MiSsQ8

30-10-2002, 04:39 AM

مشكوره حبيبتي شذى والمنتدى منور فيج وبأهله وموفقه يارب بالامتحانات وادعيلي انا بعد
وتسلم عيونج يارب ادري ماتقصرين

والفوتوشوب مو مشكله انزله بس قوليل اي نسخه احسن بس للاسف ماعرفله كلش انشالله تنجحين وتعلمينا مثل ماعلمتنا الاخت فتاة الجهاد على السوتش :)

MiSsQ8

30-10-2002, 04:45 AM

شمعة نجد

العفو ياقلبي وانشالله الفال لنا نصير محترفات قولي آآآآآآآمين :)

وهم التوقيع اليديد حلو بس للاسف ماطلع السايت

Bandwidth Limit Exceeded
The server is temporarily unable to service your request due to the site owner reaching his/her bandwidth limit. Please try again later.
--------------------------------------------------------------------------------

Apache/1.3.26 Server at www.almawa.net Port 80

:(

شــــــذى

30-10-2002, 03:54 PM

هلا MiSsQ8
مشكوره على الدعوه اجمعين ..
شوفي احسن نسخه نزلت من الفوتوشوب هي( فوتوشوب6 مي) وهي نسخه عربيه ومطوره...
انا اللي عندي 5 انجليزيه واليوم راح اشتري انسخه 6 لقيت نسخه 7 العربيه احدث نسخه توها جديده في موقع الم الامارات مع السيريل حقها وحاولت انزلها بس البرنامج كان كبيييييييييييييير مررررررره تخيلي 173 MB ومدة تحميله 11 ساعه ..
لكن فضولي ماخلاني ونزلت النسخه من الساعه 6المغرب ورحت انام ويوم جت الساعه 3ونص الفجر انقطع الاتصال .إهئ إهئ إهئ ..:(
يله معليش خيرها بغيرها ..
يعني نصيحتي اشتري سيدي احسن واختصري الوقت ..
على فكره توقيعك مررره ناعم ..ذوقك حلو ..

MiSsQ8

31-10-2002, 12:41 AM

مشكوووووره ياشذى فديتج :)
والحمدالله عجبج توقيعي والبركة في الاخت فتاة الجهاد اللي عطتنا موقع الصور بس الحمدالله لقيت صورة ناعمه حيل لاني احب النعومه بكل شي :)
وياليت تكتبيلي اسم الموقع عشان انا انزله قبل لايخلص اشتراك ال ADSL
بعد يومين يخلص بسرعه كتبيه بليز :( لاني اقدر انزله انشالله
وانشالله بس انزله بحاول ارسله لج بالمسنجر انشالله يضبط
وشدي حيلج بالدراسه :)

شــــــذى

31-10-2002, 01:22 PM

مشكوره على هالخدمه ياmesso
الله يعطيك الف عافيه..
ولايهمك عيوني هذا رابط فوتوشوب 7 مي.. (http://www.alamuae.com/php2/modules.php?name=Downloads&d_op=getit&lid=295)
;) وهنا رابط فوتوشوب 6 مي.. (http://www.alamuae.com/php2/modules.php?name=Downloads&d_op=getit&lid=76)
رابط فوتوشوب 7 معاه السيريل حقه ..اما 6 لا ..وكلهم عربيات..
واتوقع لوتدورين سيريل 6 راح تلقينه ..
وبشريني اذا قدرتي تحملينه..:p وانا بانتظارك...

MiSsQ8

31-10-2002, 09:23 PM

العفو ياشذى والله يعافيج
ماسويت شي عشان تشكريني
والحين انا قاعده انزل فوتوشوب 7
مع العلم اني شابكه 18 ساعه تقريبا
Idle: 17hrs 44mins 16secs
وعلى فكرة انا مس كويت MiSsQ8 بالمنتدى
و MiSsO بالاي ار سي
:)
:)

MiSsQ8

31-10-2002, 09:24 PM

على فكرة لاتصدقين وقت التنزيل لانه بعد جم دقيقه يقل للنصف
مثلا يوم نزلته قالي يحتاج 16 ساعه للتنزيل وبعد دقيقتين صارو 6 ساعات :)

MiSsQ8

31-10-2002, 10:23 PM

للاسف علق الجهاز وماقدرت انزله :(
انشالله احاول اشتريه وادزه لج

شــــــذى

01-11-2002, 02:10 PM

مس كويت اعذريني على الخطاء فالاسم خويتك عليميه في الانجليزي ..
وبنسبه للبرنامج عادي ..ممكن نحصله عند اي محل .. مع اني امس كنت فالسوق ومريت على اكثر من مكتبه ماحصلته .. عموما بحاول اجيبه واللي تنزله اول ترسله لثانيه ..