بنات دبي وابوظبي ,,,طلبتكن طلبة

[الغصن الرطيب]

مساء الخير بنات
بنات بغيت استفسر عن ارقى المحلات لبيع وتفصيل فساتين الاعراس ,,,
ويا ليت لو تذكرن لي بعد اسامي ارقى المحلات الي تبيع اقمشة فساتين الاعراس وفساتين السهرات ,,,
بعد ابغي اعرف افضل محلات العبايا والشيل في دبي وابوظبي ,,,
وبكووووووووون ممتنه لكن ,,,,
وشكر مقدم لكل من بتساعدني ,,,,
بس يا ليت لو يكون بأسرع وقت ,,,,
وشكررررررررررررررا,,,

اختكن ,,,
الغصن الرطيب

[الغصن الرطيب]

وينكن ؟؟؟؟؟؟؟؟؟؟؟؟؟؟

[مرايم]

العبايا والشيل .. عندج في الملا بلازا محلات مثل "الحلوة" ... وفي بعد محلات سيدتي الجميلة My Fair Lady ....

[الغصن الرطيب]

مشكورة أختي ما تقصرين ,,,
بس بما انج من دبي ما قلتلي شو افضل محلات بيع الفساتين الخاصة بالاعراس والسهرات,,,
انا في انتظار ردج او رد اي وحده من الاخوات الي عندها خلفيه بهاي الامور,,,,,
وشكررررررا مره ثانيه,,,,
والسموحه,,

[مرايم]

العفو اختي الغصن الرطيب ...
والله ما عندي خبرة بفساتين الاعراس --> لسه آنسه ... :rolleyes:


بس عندج مثلا في جميرا محل اسمه هزار يمدحونه .. ومحل اعتقد اسمه غواني .. وفي مركز بوهيل الطابق الثاني في محل فساتينهم روعة .. ما اذكر اسمه .. اممممممممممممم .. هذا اللي أذكره ...

الله يوفقج إن شاء الله .. ومبروك مقدما ..

[*كـراميل*]

الغصب الرطيب

شارع الرقه فى دبي عند دوار الساعه
محلات بيع وتفصيل وتاجير
ارقى واحلى واروع فساتين الاعراس
انا عن نفسي أجرت فستانى من عند
محل اسمه جريس وصاحبتى كمان فصلت عندهم
ولا اروع والمحلات متروووس هناك مثل الرحمانيان
وغيرها ...

ام عن الاقمشه فالبستان سنتر هو الافضل

العبي والشيل فى الملا بلازا محلات وايد :) سويت ليدي وبلو ليدي واسماء ثانيه
:)

[اماراتية]

في دبي للفساتين ( دبابيس - اورجنزا - ابتي - لدونا ) وكلهم رووووووووووووووووعه بصراحه

اما عن الشيل والعبايات
غواني في مركز البستان في دبي
سيدتي الجميله في ابراج الامارات
حناين في دبي ستي سنتر

انا فصلت فستان عرسي عند غريس راااااااائع واتفصلج ايه ب 10000 درهم واتكوني انتي اول وحده لابستنه بس اترجعينه ثاني يوم

ونفس ما قالو لج خواتي ها المصممين عند دوار الساعه في دبي
اوه في معلومه ........ عند اورجانزا تقدرين اتفصلين الفستان وهو اذا تبين يختار لج القماش وتدفعين ثمنه ....... وتلبسينه وبعدين اذا حبيتي رجعيه وبيبيعونه لج...

حلوه فكرتهم ...

اتمنى اني افدتج ........

[الغصن الرطيب]

بالفعل انا شاكره لكن ,,,
الاخت مرايم ,,كـراميل,, اماراتية
ما تقصرن يا بنات بلادي ,,, فيكن الخير ,,,
وانا بصراحه ما شفت غير رد الاخت مرايم قبل لا اروح دبي اليوم ورحت على المحلات الي خبرتني عليهن , ربي يسلمها ويخليها ,, بأذن الله بعدني بروح وبلف لفه على باقي المحلات الي ذكرتهن ,,,,
والسمووووووووووووووحه منكن ,,

[شاني]

مــــرحبا ....

بنســبة عن الفساتين عندج (أبتي ....زهــير مراد (رووووووووووعه) ،أروشي )

واذا تبين اتأجريــن الفستان في وحــدة اتأجــر فساتين رووووووعة بس اذا تبين بييب رقمــها حـــاضرين ....

وعن العبـــي والله أنــا أحب حناين ...كنت my fair lady بس لاعــت جبدي منه لانه الي يسوى ولي ما يسوى يلبسووون منه ..

[الغصن الرطيب]

مشكوره اختي شاني بس انا قررت افصل ,,,وانا تقريبا اخترت اليوم القماش والموديل
بس باقي التفاصيل الثانيه للفستان ,,,
والله يعني على الباقي ,,, بس اذا كانت عندك خلفيه كافيه عن المحلات الراقيه فأنا بحتاج لج كثير ومشكوره يالغاااليه ,,,
والله يعطيج العافيه ,,
اختج ,,,
الغصن الرطيب

[دهن_العود]

زهــــــيـــــر مـــــراد

ارقـــى و أحلـــى فساتين الأعراس
اسعاره من 50,000 خمسين ألف و طالع اما فساتين المناسبات من 10,000 عشرة الاف درهم و طالع على حسب الشغل
روحيله ما بتندمين روووعه فساتينه بس في مشكله صغيره
مـــا يضبط القياس من اول مره عذبنا معاه
ولكن الحمدالله المهم انه الــفستان طلع يجنن
المحل موجود في دبي - رقة البطين شارع المكتوم برج الصقر
و اســـم البوتيك زهير مراد0

[دهن_العود]

و بعد لفساتين السهرات اذا تبين جاهز في محل اسمه بوجـــاتي
شارع المكتوم و عندهم بعد فساتين المصمم العالمي اللي صعب و اسعارهم تقريبا من 4000 اربع الاف درهم و فوق

[دهن_العود]

سوري والله كله انسى هههههههه
و في بعد في حمرعين فساتين اعراس روووعه بسيطه و ناعمه عند

بـــيانكا و عندهم فساتين مناسبات و في بعد في السيتي سنتر محل اسمه كوكون في الطابق الثاني

و الشيل و العابايا انا ما اتعامل الا مع حنـــاين في مركز الغرير قياساتهم مضبوطه و الديزاينات روووعه

[*كـراميل*]

ماادانى المصممين الرجال
وخصوصا زهير مراد هذا
وكل الشله اللبنانيه
الفلوس كله تروح عشان اسمهم بس
وشغلهم عادى مو ذاك الزود
ومشكله يوم يكون المصمم ريال
ما تروم الوحده تآخذ راحتها

اما عند غريس الفساتين كلها فرنسيه الصنع
والاقمشه ولا اروع واحدث امواد المستخدمه بالتطريز
وتروم الممصمه تشوفج وانتى لابسته وتاخذ قياس
يعنى اريح وارخص
لان حرام 50 الف وين نروح من الله

وبعدين ترومين تبيعينه ولا تآجرينه بالاتفاق مع المحل
:)

[الغصن الرطيب]

دهن العود مشكوررررررره يا الغاليه ما تقصرين والله ,,,
بس بالنسبه للفستان الرئيسي انا تقريبا خلصت منه,,,والحين باقي الفساتين العاديه
بس انشاءالله بمر على المحلات الي ذكرتيهن وبشوف فساتين المناسبات,,,
واختي بالنسبه لحناين انتي تمدحينه ونحن عندنا فرع منه بالعين وانا اتعامل معاه من زمان
بس حبيت آخذ اشياء تكون متميزه اكثر ,,,
اختي اسمحيلي ادري اني ثقلت عليج ,,,لكن اذا عندك خلفيه عن
محلات للأحذيه والشنط ؟؟؟؟؟؟؟؟؟؟؟
محلات لبيع المغربي أو تفصيل ؟؟؟؟؟؟؟؟
وحبيت آخذ منك معلومات عن المعرض الي افتتحوه اليوم في دبي (للجلابيات) ؟؟؟
يا ليت تفيدني وبكون ممتنه لج ,,,,,
والسمووووووووحه ,,,

[الغصن الرطيب]

أخت كراميل شكرا لمداخلتج معانا ,,,وبالفعل كلامج صحيح انا ما احب اتعامل مع اللبنانين
لانهم شايفين عمارهم على شوووو؟؟؟؟بس احيانا الوحده تكون مضطره ,,,لان كل عروس تتمنى انها تطلع بأحسن صوره ,,,, واتصدقين قبل كنت استغرب من الي يسونه العرايس من بذخ وصرفيه على اشياء ما تسوى ,,,ويوم اقترب عرسي لقيت نفسي مضطره اطلع بهذا المستوى
ومضطره اصرف بالهبل على كل شي ,,
بس الله يعينا ويحرمنا ,,
وتسلمين يا الغاليه ...
اختج الغصن الرطيب

[*كـراميل*]

اذا حبيتى مغربيات حلوه وغريبه
سمعت عن محل اسمه بيناس
لمصممه هنديه فى الشارقه
الكل يمدحها
اتصلى بالدليل واسالى
:)

[ام وديمه]

مرحبا الغصن الرطب...
محلات لبيع الفساتين المميزه جدا وبعد بدل مميزه روحي عند دونا فاشنز هاوس في أبوظبي
لمصممه ايطاليه تروح هي بنفسها ايطاليا وتشتري قطع بس موديلات تجنن ....
في فساتين ب12000 بس طبعا ما بتشترين بهالغلا ؟؟؟؟؟في عندهم اقل ب 2000 و1500
4000 على حسب الشغل بس رووووووووعه وجاهز وممكن يفصل لج.....هو في أبوظبي الخالديه مقابل ابوظبي ناشوينال بنك........انصحج تشوفينه
عندج نيكولاس في ابوظبي يسوي للعرايس فساتين رقيقه.....وانا سمعت انج ما تحبين تتعاملين مع اللبنانيين
بس خذي فكره لني كل مره اروحله تعجبني الفساتين ......
لو بغيتي مغربي سبيشال روحي فريج المرر في دبي احلى شغل عندهم وفي واحد كان يشتغل محل مغربي معروف في دبي نسيت اسمه؟؟؟؟؟موجود في فريج المرر بس شغله غريب وحلو والوانه روووووووعه......
اعتقد في دبي محلات فساتين اعراس احلى من أبوظبي
رحتي اروشي لفساتين الأعراس ....شغله حلو وناعم ودايما مبتكره .....
محلات شيل وعبايه احلى في دبي حناين في سيتي سنتر.....وفي بو هيل اشياء روووووووعه
انزين في أبوظبي محل وااااايد حلو بس نسيت اسمه صعب ؟؟؟؟بس هو في الخالديه مول في الطابق الثاني شغلهم حلو ومضبوط.....اصبري عليه بروح ألهم باجر وبتأكد من الاسم اريد افصل للعيد؟؟؟؟؟؟
بغيتي عبايه وشيل للحفلات بس غاااااااااااالي في مركز فتوح الخير وحده تبيع جلابيات نفسها تسوي كم موديل عبايه مع شيل بس مبلغ خيااااالي 4000وفوق...وشغل لبناني على العبايه؟؟؟؟
ممكن تروحين لها وتاخذين افكار بس واطبقينهن هههههههه لأنها غاااااااااليه بصراحه بس انت وحضج تحصلين موديلات ولا لأ لأنها تسوي كم عبايه وشيله بس قطع معدوده؟؟؟؟؟؟
المشكله نسيت الاسامي كلها؟؟؟؟؟؟؟
انزين بعد في محل في مركز الواحه في دبي روووووعه والمشكله نسيت اسمه هو في الطابق الثاني بعد هوم سنتر تمشين سيده وبعد محل الزل بتيج دخله عاليمين ادخلي وبتحصلين المحل بس شغلهم عجيييييييييب....
انزين عندج دانه بلازا في أبوظبي يبيعون اطقم حمام حلوه واطقم شراشف روووووعه
لو بغيتي تفصلين اطقم حمام مع الشراشف روحي بدون تفيكر عند دولفين في أبوظبي.....
جلابيات في محل في مركز فتوح الخير جلابياتهم لبنانيه روووووووعه بس شوي غاليه ..
من فتره يتني مصممه ازياء بيناس وعجبني شغلها جلابيات ناعمه وحلوه.....ومحلها في الشارجه مقابل جاينت سوبر ماركت.....
شو بعد انا اروح دايما عند كرايولافي دبي مصممه لبنانيه شغلها حلو .....وناعم تقدرين تتصلين فيها وترسلج الكتالوج عالبريد شغلهم يجنن ...عندها فساتين ناااااعمه وبدل حلوه ...وأسعارها حلوه بعد...
والله شكلي خربطت بج والله يعينج؟؟؟؟؟؟وإذا تذكرت شي بقولج....بس ها لازم تسيرين لدونا فاشنز محل راااااااااقي جدا ومش اي حد يشتري من عندهم.......

[ام وديمه]

مرحبا مجددزاشتري عدد اليوم من مجلة زهرة الخليج ففيه كل ما تريدين.......

[دهن_العود]

تــــامـــريــن أمر أنتي :)

و نسيت اقولج بعد عن محل فساتين في شارع القرهود اسمه Lilly valley
على ما أظن عند محل الكمبيوترات pc center الي مقابيل Compu me و اذا تعرفين مطعم fudrackers في شارع القرهود فهو مقابيله 00

و عن الجلابيات المغربيات في محل للجلابيات المغربية فـــقـــط في مركز ابوهيل
بجانب الصيدلية الي في المركز و مقابيله في محل جلابيات (هــريس) الهنديه اشياء حلوة و رخيصه من 40 الى 100 درهم و في ابوهيل بتحصلين اكثر من 50 محل للشيل و العبايا بس لا يقصون عليج الشيل مب أغلى عن 60 درهم كاسريهم في السعر0
وعن المعرض المصري هااه مب لين هناك بس مري عليه مروور الكرام يمكن تلقين عنده كم قطعه
ولكن انصحج بسوق عكاظ في شارع نايف لا تفوتينه جلابياات رووووعه اذا ما دليتيه وقفي اي تاكسي و قوليله شارع نايف سوق عكاظ مال الجلابيات و هو بيدليج انشالله
اووووه و صح في محل شيل روعه اسمه بلو دان في سوق الحمرية عنده قطع حلوه و اذا بتسويين عنده عباه قوليله ابي صالونه رقم واحد قطعه اتجنن و راقيه ما تخترب
و شو بــــعد
والله وايد عندي أماكن اقولج عنها بس شوفي شو بسوي بييب ورقه و قلم و كل ما اذكر شي بكتبه و بجمع المعلومات عشان ما أنسى شيء
الله يوفقج انشالله
تــــحيـــاتـــي

[دهن_العود]

وسوري نسيت عن محلات الحذيه و الشنط السيتي سنتر عندهم كذا محل للاحذية و عندهم اشياء راقية
و عن الشنط يعتمد انتي شو تحبين تشيلين اشياء عادية ولا ماركات
جربي louis vuitton و Opera مركز برجمان اشياء راقيه و حلوه وايد
و للاحذيه بعد محل slamander في برجمان
و لقمصان النوم la senza بعد في برجمان و في عندهم وايد محلات قمصان نوم اتجنن و روحي الميغا مول في الشارقة في محل لقمصان النوم روعه اسمه (( نعومي ))
واشالله لو ذكرت شي بعد برد اكتبه هههههه :)

[الغصن الرطيب]

ام وديمه
تسلمين يا الغاليه على كل هالمعلومات (ماشاءالله ),,,بصراحه شوقتيني اني اروح بسرعه لهذي المحلات وخصوصا دونا فاشنز وانا كتبت اساميهن وبأذن الله بحاول اروح بأسرع وقت .....بس خليني اخلص امتحاناتي هاليومين.....
وبالنسبه لزهرة الخليج بأذن الله بشتريها باجر وانا رايحه الجامعه ,,,
تسلمين يا الغاليه ,, بصراحه اخجلتيني بتواضعج ,,,والله يعطيج الف الف الف عافيه ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
دهن العود هلا وغلا (ادري تعبتج) بس اتحملوني ,,,
انا انشاءالله بالخميس برجع دبي ,,,
أختي بالنسبه لمحل المغربيات الي في بوهيل كيف شغله ,,,يعني جاهز ولا تفصيل ,,واذا كان جاهز فهل هو من النوعيه الزينه ولا درجات عاديه ؟؟؟؟؟ انا اقصد المغربي القطعتين ؟؟؟؟؟
وبالنسبه للشنط والاحذيه معظمهم نصحوني بسيتي سنتر ,,,بس انشاءالله احصل وقت امر عليه ,,
تسلمين يا دهن العود وبصراحه مب عارفه كيف اشكركم جميعا ,,,
الله يعطيكم الصحه والعافيه ,,
والسمووووووووووحه

[مجروحه]

وانا بعد اقووولج لازم تروحين (دونا فاشنز)لانه وايد حلو...والحين مابكرر الي انقال بقولج الاماكن الي محد طراها بس مميزه ولااروع;) ،،،،،،،،،بالنسبه للشيل والعبي (محل موزان في العين) الصراحه يخبل موديلالت غريبه وحلوه حق العرايس خصوصاو(محل لارين في الوافي سنتردبي)هذا يذبح وخصوصا قصة العباه وااااااااااااايدحلوه و(محل ارابيسك في ابوظبي موووول)حق مصممه فرنسيه شو الرسم ولاجلدالافعى اشياء غريبه زهبة ختيه كله من عندها،،،،،،،،اماالنعال والشنط روحي (برجمان او الوافي) وفي مكان سري حق النعال والشنط يقلدون ماركات طبق الاصل في ابوظبي والاسعار حلوه اذا تبين اكيد( قوليلي)،،،،،،،،اما المغربي عندك(مراكش والنفيس)في اوظبي الصراحه ماعليهن كلام،،،،،واحلى مغربي قطعتين للعروس وله ذيل عند( نور البحر في الخالديه)لاتفوتينه):K .........:o والبقيه بعدييييين باي:) :D

[الغصن الرطيب]

تسلمييييييييييييييييين أخت مجروحه ,,,
بالنسبه للنفيس انا سمعت عنه من قبل لكن مراكش ونورالبحر ما ادري عنهن ....
على العموم انا في انتظار الباقي ,,,,
مشاءالله عليكن الصراحه ما قصرتن معاي ,,,
الله يساعدني واقدر اردلكن معروفكن ,,,
وربي يسلمج ,,
تحياتي لج ,,

[اماراتية]

ذكرت مكان بس اذا تبين في الشارجه للمغربيات بصراحه روووووووووووووعه عندهم شغل القطعتين وراقيين اسعارهم تتراوح ما بين 1200 و1500 مع القماش طبعا

والمكان هووو مقابل فندق هوليدي ان اذا تبين وصف ادق وبتسيرين بوصفلج ادق

[بريق الزمرد]

مرحبا عزيزتي الغصن الرطيب

ابصراحه محل العيسائي للأقمشه (( سعودي الاصل )) ما عليه زووووووود ابداً في أبوظبي تحديداً في أبوظبي مول
وسمعت ان فاتح فرع في الشارقه في صحاري سنتر

من ناحية قطع القماش للاعراس وللحفلات روووووعه
ووارين يكفونج حق فستان سهره

انا عن نفسي أخذ من عنده .. روحي وما بتندمين

حتى وايد من المصممين اللبنانييين المعروفين ياخذون من عنده القماش

ولج مني تحياتي

[@مضاوي@]

الأخت المجروحة ...:D
مبروك عليج الشهر ....
ممكن أعرف اسم المحل اللي يبيع أحذية وشنط لماركات مقلدة في أبوظبي ...؟
نخدمج في الأفراح
تحياتي ...
:)

[*كـراميل*]

المجروحه لؤؤل شو هو المحل يا الشيخه مال التقليد :) وهل له فروع بدبي؟؟

[مجروحه]

سوووووووووووووري ع التاخير بس اماياني رد على هالموضوع في الايميل........ع العموم مابخلي المحل في خاطكم هو في ابوظبي بس مااعرف اذا في فرع له في دبي...اسمه غريب شوي(الفايز "للاكترونيات")تحت الكترونيات بس الطابق الثاني بتلقون طلبكم;)على فكره انابعدني مارحت بس شفت بعيوني نعال "فندي" يخبلن من عنده وناويه اروحله قبل العيد اكيد بتكون في بضاعه يديده....واخيرا مبروك الشهرللجميع...:D :D W:

[*كـراميل*]

مجروحه فى مليون الفايز

قولى لنا رقم التلفون ومكانه وفى اى سنتر او سوق الغاليه
:)

[@مضاوي@]

إختي كراميل ........
الفايز موجود في مدينة زايد مقابل عيادة طب الأسنان .....( آسفة ما أعرف رقمه ...:) :) :)
علي فكرة كنت دايما أمر عليه إذا كنت في السوق بس أسعاره غالية .....

[*كـراميل*]

:) مشكووره مضاوى :)

[( سندريـــلا )ّ]

مبروك عزيزتي على الزواج

بالنسبة لمحلات قطع السهرات ما انصج الا بفيرونا الصراحة عنده اشياء وايد حلوة وما تلاقينها بالسوق

وعنج بعد محل العيسائي فاتح في صحارى

[البشائر16]

اخواتي والله حرام هذي الفلوس تندفع في فستان ، ومن يتقي الله يجعل له مخرجا فاتقوا الله يوفقكم الله في الزواج ويبارك لكم في الذرية ، وأوصيكن بالصدقة ؛ فتخيلي نصف هذه المبالغ كم ستفرح بها اسر ، وستلهج السنتهم بالدعاء لكن وفقكن الله .

[ام مشاري]

اولاحبيت اشاركم واقول لكم كل عام وانتم بخير والله يعوده علينا وعلى المسلمين بالعفو والعافية

ثانيا وحبيت ابارك للأخت الغصن الرطيب واقول لها جعله اول منازل السعد

ثالثا حبيت انقل لكم خبرة ابو مشاري بعد ما لففتوه ودوختوه { على حسب كلامه}

يقول الاقمشة هو مع الاخت كارميل نعم البستان سنتر فيه اقمشة مرة حلوة هذا وجهة نظره هو وتراه على خبري مزوق علشان كذا شاركت اما بخصوص الجلبيات فهي تختلف حسب الموديل اذا كان مطرزات يعني حقة مناسبات كبيرة واعراس فيه بالبستان محلين واسعارهم من 1200 الى 2800 درهم وفيه واحد بسيتي بلازا الشارقة ناسي اسمه يقول حلو وذا بعد حق مناسبات وعزايم واعياد فيه بسوق مرشد شارع سكة الخيل فتشوا فيه والله اشياء بالمرة حلوة اما بالنسبة للشيلات والطرح جاب لي مجموعة مرة تجنن من سوق نايف من مركز المنال الدور الثاني
وبعد حمر عين يقول فيه كذا محل شيلات حلوين بس المشكلة بقول العبي اللي على الراس تكاد تكون معدومة من خلال بحثه
اتمنى اني اكون افدت ولي ملاحظة على الاخت دهن العود بأحد ردودها قالت الي يسوى واللي مايسوى ياترى وشو المقياس لاننا نعرف مقياس واحد ولاأضنها تقصده انا هنا اتكلم من باب المناصحة لاخت غاليه اسأل الله الهداية لنا جميعا
وسلامتكم