اسهل كيكة برتقال [الأرشيف] - منتديات لكِ النسائية

أساور

20-12-2002, 09:51 PM

المقادير

1ونص كوب سكر ناعم
1 ونص كوب طحين
خمس بيضات مفصول الصفار عن البياض
نص كوب زيت مازولا
قليل من الفانيلا ...و2 ملعقه وسط من البيكن باودر

4 ملاعق عصير برتقال...وملعقه متوسطه من بشر البرتقال

الطريقه

يضرب البياض جيدا بالمضرب .. وبعدها نضيف نصف كمية السكر والنص كوب الزيت ويخلط جيدا ...ونتركه على جنب

ناتي للصفار...نضربه جيدا بعد اضافة القليل من الفانيلا له... بعدها نضيف باقي السكر ويخلط جيدا...وبعدها نضيف العصير وبشر البرتقال

بالاخر نخلط المقدارين جيدا ونضيف له الطحين والبيكن باورد... ونضعه في قالب مدهون بالزيت ...وبعدها للفرن حتى النضج ....لكن اهم مرحله انج ما تفتحين الفرن عليها الا بعد ثلث ساعه...حتى لا تششق عليكي الكيكه....

بالاخر نخرجها من الفرن ونقلبها على قالب من الشبك حتى تبرد

وراح تكون عندج كيكه لذيذه قليلة السكر والسعرات لانها من زيت نباتي

وبالعافيه :)

اليس

20-12-2002, 09:54 PM

الله يعافيك يااساور
بصراحه احب جميع انواع الكيك
واوعدك اني اجربها ...بس هل تكون طريه جدا ومنتفشه؟؟؟؟

دارينو الحلوة

21-12-2002, 01:43 AM

يمااااااااال العااااااافيه
والله

والله يسلمك على الكيك الخفيف واللذييذ
يسلمووووووووو وبنجربهاااااااا

دارينووووووووووووووو

ام ندى

21-12-2002, 02:34 AM

سلمت يمينك ****
وجزاكي الله خير

أساور

21-12-2002, 07:50 AM

اليس ربي يعافيج ويسلمج ولانج كيكه تحبين الكيك ...اي تطلع طريه ومنتفشه وكانها سارا كيك :)

دارينو الحلوه هلا والله فيج وربي يعافيج ويسلمج ...اي جربيها وعطيني رايج ...تراها حلوه مثلج من غير مجامله :)

ام ندى ربي يسلمج ويخليج وجزاج الله بمثله :) ومشكوره

حناين

21-12-2002, 01:30 PM

تسلم ايديك

أساور

21-12-2002, 02:29 PM

ربي يسلمج وسعافيج :)

ديمه

21-12-2002, 02:46 PM

تسلمين والله على هالكيكه..ظريفه وخفيفه وبعد لذيذه......يعطيك العافيه

أساور

21-12-2002, 07:51 PM

العفو ولووووووو يا عمري تستاهلووون

وعلى فكره ؟؟؟

بدل البرتقال والبشر ممكن تحطون 4 ملاعق حليب سائل وبعد ما تخلص الكيكه وتبرد اضيفي عليها التوفي والشعريه الباكستانيه البنيه ;)

كيكه بيضه بالتووووفي والشعريه الباكستانيه ترشي عليها للزينه

وهم راح تطلع لذيييييذه

:)

اسرار الحياه

23-12-2002, 10:51 PM

صراحه انه احب كل انواع الكعك وحتى اليهال عندي بالبيت. لازم اجربها واذا طلعت لذيذه اوعدك ان اجرب كل الاطباق المقدمه من عندك وارسلها لكل الصديقاتواسوي لك اعلان في كل مكان........,,,,,,,.........:D :D :D

أساور

23-12-2002, 11:26 PM

يا عمري والله يا

اسرار الحياه

جذيييييييييييه راح تخلييييني افتح محل حلويااااااااات هاهاهاها

ولو حبوبه تستاهلون وانتظر رايج

W:

رندوش

24-12-2002, 09:58 AM

اختي اساور الله يعافيكي تعبت نفسك في
العمايل بس طلعت كثير لذيذه يميميميممي
بدي اقول بعد اضافه يمكن تعجبك انا
والعياذو بالله من كلمة انا
بعد ما طلعت من الفرن حطيت عليها كريم
برتقال من عصير البرتقال مع السكر الناعم
و نحركه ونصبه علي الكيكه وهي سخنه
و بنصب علي الكيكه بيطلع منظرها جميل
وهي لذيذه
اسفه علي الاضافه بس حبيت اشارك معك
اسفه مره ثانيه وشكرا لك كثير علي الطريقه

أساور

24-12-2002, 10:07 AM

رندوش

ياعمري وليه الاسسسسسسسف بالعكس يسعدني انج جربتيها وضفتي عليها لان هي سكرها قليل ومع الاضافه تطلع احلى واحلىىىىى وسلمت يداكي :)

بس كيف سويتي الاضافه ؟؟؟ نبي المقادير والطريقه عشان بجربها ويااااج

وانتظر ردج :)

اسرار الحياه

24-12-2002, 04:20 PM

حبوبتي اساور ... آقول سويت الكعكـــــــــه بس فاضت من القالب .. مادري يمكن اهوه صغير .. اتعرقينه ابو فتحه بالوسط ,,, :D ,,, مادري هالشيء يأثر على الطعم ,, مع اني احب الكعك الا انه دائما مايطلع عندي عدل مع اني امشي بالضبط على المقادير وباقي التعليمات,,,,, :confused: ,,,,,,,,, عطينا كعكه اشوي اسهل
امزح معاك مشكــــــــــــــــــوره على كل شيء اختي اساور
:D W: :D

رندوش

24-12-2002, 08:04 PM

شكرا لك يا اساور يا حبيبه
المقادير هي كوب سكر تقريبا 200 جرام
مع عصير برتقال تقريبا 3 ملاعق أكل
و نمزجهم مع بعض حتي يصبح مثل
الكريمه الطريه هي ما الها مقادير
ثابته بس بالنظر ممكن تنعمل

أساور

27-12-2002, 05:45 PM

اسرار الحياه

تدرين ليش ما تضبط عندج اكيد تفتحين الفرن قبل الوقت المحدد وهو اللي يخليها تشقق وما تطلع مضبوطه

واكيد يا قلبي القالب صغير لاني دايم اسويها وتطلع مقاديرها مضبوطه وما تفيض من القالب وحتى لو تفيض مو كثير يعني :) :)

رندوش

مشكوووووووووووووووره وراح اسويها واعلمج بالنتييييييجه :)