ملتقى المصريــات المغتــربــات ( 6 ) ( أهلاً وسهلاً بالجميــع ) [الأرشيف] - منتديات لكِ النسائية

. تيوليب***

13-10-2008, 12:30 PM

http://www.meshmesh.net/site/modules/myfiles/files/58_1212598355.gif

أهــلاً بـأحـلـــى بنـــات ..
في ملتقانـــا الجـديــد ..
اللي مايحلــى إلا بأحــلى صحبــه ولمه .. لمتكـــم

http://www.meshmesh.net/site/modules/myfiles/files/58_1212603141.gif

اتفضــــــــــــلوا مـدوا إيدكــم ..

http://www.davidscookies.com/images/products/325.jpg

http://www.davidscookies.com/images/products/439.jpg

http://bp1.blogger.com/_ynlDBZa7hbQ/R2BpP6tURVI/AAAAAAAAABc/gYiNxHuth-c/s320/L_chocolate_cake.jpg (http://bp1.blogger.com/_ynlDBZa7hbQ/R2BpP6tURVI/AAAAAAAAABc/gYiNxHuth-c/s1600-h/L_chocolate_cake.jpg)

http://www.meshmesh.net/site/modules/myfiles/files/58_1212522471.gif

. تيوليب***

13-10-2008, 12:34 PM

مازال نفس الإقتراح قائمــاً ( أرجو التفاعــل )

إيه رأيكم أخواتي الكريمــات
عندي إقتراح
بحيث نخلي ملتقانا مفيد أكتر من مجرد دردشه
إننا نطرح كل يومين فكره نتكلم عنها
زي إيه رأيكم في أحسن كريم ترطيب للبشره أو احسن زيوت للشعر
أو أدخل أولادي مدارس منهج عربي ولا بريطاني ولا أمريكي ولا فرنساوي ولا غيرهم
أو مشكله وقفت في طريق واحده تسأل واللي عندها فكره تفيدها
كل واحده تقول رأيها وتجربتها
أو تجربة سمعت عنها ومميزاتها وعيوبها
ممكن نتكلم في مشاكل وهموم وطننا العربي من وقت للتاني
بس علشان يكون ملتقى خفيف حنركز على اللي يهم بيوتنا أولا
وبيوتنا هي أساس المجتمع كله
وكل يومين واحده تقترح نتكلم في شئ جديد
تتفضل تقترحه علينا
حتى لو كان موضوع دمه خفيف وظريف .
متهيألي يومين كفايه

وطبعا ده مش حيكون محور كلامنا كله
لا ده حيكون فكره جانبيه ، بمعنى اننا ندردش : عملتي ايه ورحتي فين وطبختي ايه النهارده
دردشتنا المعتاده

ايه رأيكم في الإقتراح ده موافقين عليه ولا في إعتراض ؟

ندى.

13-10-2008, 12:38 PM

اهلا بيكي تيوليبت قلبي
ازيك يا قمر
اوك انا معاكي
النهاره اختاريلنا موضوع نتكلم فيه الى جانب دردشتنا الجميله

sefo2

13-10-2008, 12:38 PM

مبروك البيت الجديد تيوليب
طبعا أنا جيت لما شفت الأكل ههههه لأ وحلويات كمان مع أنى مش عايزة غير حوادق بس كلة حلو من أيدك
والله حلوة فكرة طرح مواضيع للنقاش للفايدة للجميع وربنا ييسر

ندى.

13-10-2008, 12:40 PM

وايه الحلويات الحلوه اللذيذه دي انا شكلي حخترق الجهاز وحتلاقي دماغي مطبوعه في المنتدى مكان كل جاتوهايا وكل طبق من الحلويات دي ههههههههههههههه

sefo2

13-10-2008, 12:40 PM

أية دا ندى كمان هنا أخبارك أية ياقمر وأخبار سمسم اية

ندى.

13-10-2008, 12:41 PM

سيفووووووووووووووووووو صباح الفل والورد والنرجس والياسمين والتيوليب

sefo2

13-10-2008, 12:47 PM

سيفووووووووووووووووووو صباح الفل والورد والنرجس والياسمين والتيوليب

أية الروايح الجميلة دى يا قمر طب التيوليب موجود هنا لكن باقى الورد أجيبة منين نسأل تيوليب يمكن ليها وردة صاحبتها نرجس ولا كدة هههههههههه

ندى.

13-10-2008, 12:48 PM

هههههههههههههههههه ايوه تلملنا باقي بستان الورد

ندى.

13-10-2008, 12:49 PM

انا برضو والله بحب الموالح الفتره دي جدااا

. تيوليب***

13-10-2008, 12:50 PM

أهلا ندى حبيبتي
الله يبارك فيكِ يا عيوني ، إيه رأيك تقترحي إنتي النهارده أو أي من الأخوات العزيزات؟
وسلامة دماغك حبيبتي

مبروك البيت الجديد تيوليب
طبعا أنا جيت لما شفت الأكل ههههه لأ وحلويات كمان مع أنى مش عايزة غير حوادق بس كلة حلو من أيدك
والله حلوة فكرة طرح مواضيع للنقاش للفايدة للجميع وربنا ييسر
اهلا يا سيفو الله يبارك فيكِ وحشتيني ،انتي بتغطسي فين بس؟

سيفووووووووووووووووووو صباح الفل والورد والنرجس والياسمين والتيوليب

مين بيجيب سيرتي ههههههههههه

sefo2

13-10-2008, 12:53 PM

انا برضو والله بحب الموالح الفتره دي جدااا

أة يا ندى نفسى فرنجة وجوزى بيقولى مش لاقى أصلة مش عايز يأكلنى أملاح عارفة بالرغم أنى مش بحب المون أبدا لكن بقالى فترة عمالة اكل لمون شفتى الجنان باكلة مش بشربة هههههههه

ندى.

13-10-2008, 12:54 PM

ممممممم بفكر في موضوع ممممممممممممممم ايوه وجدتهااااا كل واحده تكتب عن اكتر موقف مرعب حصلها ويكون حقيقي
عوووووووووووووووووووووووووووووووو

sefo2

13-10-2008, 12:55 PM

اهلا يا سيفو الله يبارك فيكِ وحشتيني ،انتي بتغطسي فين بس؟

أنا هنا بس عارفة مش بقدر أقعد كتير ضهرى بيوجعنى بسرعة وأحس بشد فبطنى عشان كدة تلاقينى كل فترة أنط عليكو هههههههه
أية رأيكو نتكلم فى موضوع الأكل الصحى يعنى أية أحسن الطرق لعمل أكل صحى ومتوازن لينا وللولاد خاصة أنهم بداوا مدارس وحتاجين توازن

ندى.

13-10-2008, 12:56 PM

أة يا ندى نفسى فرنجة وجوزى بيقولى مش لاقى أصلة مش عايز يأكلنى أملاح عارفة بالرغم أنى مش بحب المون أبدا لكن بقالى فترة عمالة اكل لمون شفتى الجنان باكلة مش بشربة هههههههه

ههههههههههههههه طب والله حلو كللو فيتامين سي وكمان يخفف موعان النفس عارفه بالايحاء كدا انا حاسه اني اتعديت منك وعايزه رنجه ههههههههههههههه بس ماما عندها رنجه ((K)) حروح آكل حته وحاكوللك معايا هههههههههه

ندى.

13-10-2008, 12:57 PM

. تيوليب***

13-10-2008, 12:58 PM

حروح اعمل الغدا و ارجع لكم
قبل ما سمسم تسأل : ح اعمل فراخ بانيه بس في الفرن ومكرونه
ان شاء الله

ممممممم بفكر في موضوع ممممممممممممممم ايوه وجدتهااااا كل واحده تكتب عن اكتر موقف مرعب حصلها ويكون حقيقي
عوووووووووووووووووووووووووووووووو

ندى ح اكون اول واحده تنفعك ههههههاي
موقف حصل ايام الدراسه في الجامعه
اهملت الصلاه ايام وحلمت أعوذ بالله حلم مزعج جدا كأنه حقيقه وفضلت متذكرهاه لشهور كأنه لسه حاصل النهارده
وده كان درس اني متركش الصلاه

sefo2

13-10-2008, 12:58 PM

ممممممم بفكر في موضوع ممممممممممممممم ايوه وجدتهااااا كل واحده تكتب عن اكتر موقف مرعب حصلها ويكون حقيقي
عوووووووووووووووووووووووووووووووو

لية كدة يا ندى أحنا ناقصين رعب هههههههههههههههههههه طب موقف مرعب ولا خضة يعنى ولا أية

ندى.

13-10-2008, 01:00 PM

موقف جميل وفيه عظه كمان
هههههههههههههه ايوه يا سيفو الوحم جاي على افلام الرعب ههههههههههههههههههه

sefo2

13-10-2008, 01:01 PM

أزاى يا تيوليب فراخ بانية فى الفرن برضة ببيض وبقسماط وكدة ولا أية أنا بقى عندى كفتة بانية ومكرونة فى الفرن وسلطة
ندى كليلى حتة كبيرة ولو لقيتى فسيخ فى سكتك ماشى هههههههههه أوعى منة دا أنا فى سيف كلت منة لما علالى الضغط وكنت حفطس ههههههه بعد الشر عنك بس اللمون دا حاجة غريبة بقول لماما ضحكت عليا قالتلى كويس أنها جت فى اللمون مش حاجة تانية ههههههههه عشان تطلع بنت حدقة لمامتها هههههههههه

ندى.

13-10-2008, 01:02 PM

انا كمان والله عايزه اروح اعمل الغدا ههههههههههههه شجعتيني
سيفو عملتي الغدا ؟

ندى.

13-10-2008, 01:04 PM

الله يا بختك يعني عملتي خلاص مكرونه في الفرن والكفته البانيه يم يم يم وسلطه كمان
ههههههههه ايوه علشان تطلع حدقه ههههههههههههه
انا بحب الرنجه الفسيخ بخاف منو في الحمل بس نفسي فيه والله هههههههههههههههههههههههه

. تيوليب***

13-10-2008, 01:04 PM

أنا هنا بس عارفة مش بقدر أقعد كتير ضهرى بيوجعنى بسرعة وأحس بشد فبطنى عشان كدة تلاقينى كل فترة أنط عليكو هههههههه
أية رأيكو نتكلم فى موضوع الأكل الصحى يعنى أية أحسن الطرق لعمل أكل صحى ومتوازن لينا وللولاد خاصة أنهم بداوا مدارس وحتاجين توازن
الف سلامه عليكي
اوك موضوع حلو برضو .. موافقه يا ندى عليه ؟ ونأجل موضوع الرعب ده لبعدين ، بس ياريت نناقشه بالنهار احلى خخخخخخخخخخخ مش علشان خايفه منه .................................................. دنا مرعووووبه

والاكل الصحي لينا وللاولاد اننا نشوي الاكل او نسلقه او نسويه على البخار ونبعد عن المقلي والمسبك
ونكتر خضار وفواكه وتكون الوجبه متوازنه ( نشويات بروتين خضروات)
وياريت نلتزم بالهرم الغذائي في تحضير أكلنا
اللي مش عارفاه انا ممكن اجيبه لها واعرض لكم صورته أو الرسم بتاعه

sefo2

13-10-2008, 01:06 PM

. تيوليب***

13-10-2008, 01:06 PM

أزاى يا تيوليب فراخ بانية فى الفرن برضة ببيض وبقسماط وكدة ولا أية أنا بقى عندى كفتة بانية ومكرونة فى الفرن وسلطة
بالهنا والشفا على قلوبكم
عملتها مره وعجبتني تجهزيها كأنك حتقليها بس تدهني صينية الفرن وترصيها فيها وترشي نقط زيت بسيطه على الوش علشان تاخد طعم القلي او ممكن بلاش من الزيت على الوش

ندى.

13-10-2008, 01:07 PM

الموااافقه
اجماع

ندى.

13-10-2008, 01:08 PM

ندى.

13-10-2008, 01:10 PM

حروح اعمل الغدا وراجعه على طول
لا اله الا الله

sefo2

13-10-2008, 01:11 PM

انا كمان والله عايزه اروح اعمل الغدا ههههههههههههه شجعتيني
سيفو عملتي الغدا ؟

لا عملت نصة يعنى عملت اللحمة ولسة المكرونة حقوم أعملها شوية كدة عشان جوزى بيجى متأخر اليومين دول وسيف لسة واكل بعد ما رجع من المدرسة

سمر1

13-10-2008, 01:11 PM

صباح الخير علي الحلوين
اخباركم اليوم
اهلا توتي
وندي
سيفو
مين بيجيب سيرت الفسيخ لسه واكله دلوقتي فسيخ

sefo2

13-10-2008, 01:14 PM

بالهنا والشفا على قلوبكم
عملتها مره وعجبتني تجهزيها كأنك حتقليها بس تدهني صينية الفرن وترصيها فيها وترشي نقط زيت بسيطه على الوش علشان تاخد طعم القلي او ممكن بلاش من الزيت على الوش
حجربها أن شاء الله لأن سيف بيحب الفراخ البانية بس ورافض أى نوع فراخ تانى بس أنا مش برضى أعملها كتير عشان القلى كتير مش صحى
وياريت يا توت تجيبلنا الهرم الغذائى
واللى عندها أفكار حلوة للأكل لأن سيف مججنى بقالة فترة فى الأكل مش بياكل مش عارفة لية ويطلب الأكل وأعملة مخصوص عشان ياكل مياكلش حتى السندوتشات بتاعت المدرسة بيرجعلى بيها زى ماهى

. تيوليب***

13-10-2008, 01:14 PM

انا أقولك موقف بس أتخضيت فية جدا الحمام عندنا هنا فى مفتاح من الداخل دخل سيف يوم الحمام وكنا لسة واصلين الأمارات بقالنا أسبوع يعنى كان لسة سنتين ونص يمكن دخل وقفل باب الحمام من جوا زينا وقعد يخبط على الباب عشان نفتحلة وكان جوزى نايم صرخت صحيتة وانا حموت من الخوف على الولد وهو لسة بيفكر حيعمل أية ربنا ألهمنى قاتلة لف يا سيف المفتاح كدة ومتخفش أنت اللى حتفتح الباب وفعلا جرب كان المفتاح لين وفتح الباب بس بمجرد ما خرج من الحمام وشفتة وقعت على الأرض من خضتى علية وفيييين لما قدرت أملك أعصابى تانى

هههههههههههههههههههه فكرتيني يا سيفو على موقف لسه حاصل لي من ايام ، ابني الصغير كنت بديله درس في الاخلاق ان الولد المؤدب لازم يسمع كلام مامته ويحترمها ولما تكون بتكلمه يسمعها .. الولد اخد بعضه ودخل اوضتي وقفل الباب من جوه والمفتاح عصلج في الفتح وفين وفييييين لما اتفتح بعد حوالي نص ساعه او اكتر وهو بيعيط
(ونفس اللي حصل معاكي يا سيفو )قلت له افتحه من عندك لأن المفتاح ده بالذات مش بيقفل ولا يفتح من بره والحمد لله انه فتحه اخيراااا ( للتذكره : ابني عنده 3 سنين و8 شهور)
سوري طولت عليكم

. تيوليب***

13-10-2008, 01:18 PM

واللى عندها أفكار حلوة للأكل لأن سيف مججنى بقالة فترة فى الأكل مش بياكل مش عارفة لية ويطلب الأكل وأعملة مخصوص عشان ياكل مياكلش حتى السندوتشات بتاعت المدرسة بيرجعلى بيها زى ماهى
ممكن تعملي السمك صوابع مقليه ( فنجر فيش ) ولادي بيحبوه وزيه تعملي الفراخ البانيه صوابع برضو
ح اروح اعمل الاكل
واذا افتكرت حاجه ح اقولك ربنا يهديه هو واولادنا كلنا

بس على فكره الفراخ البانيه في الفرن مش بنفس حلاوة المقلي ..

sefo2

13-10-2008, 01:22 PM

حبيبتى توتو ربنا يحمى أبنك يارب وأولادنا جميعا ويهديهم امين حجر بالفينجر فيش دى بكرة يمكن يحبها وياكل
معلش اسيبكو واروح أعمل الأكل أنا كمان أنتو عارفين المكرونة بتاخد وقت اشوفكو تانى أن شاء الله
سلام عليكم

. تيوليب***

13-10-2008, 01:28 PM

سلام سيفو
وانا كمان رايحه
ندى : محمد رسول الله ، وترجعي بالسلامه

اهلا سمر
باهنا والشفا عليكي الفسيخ << من تحت الضرس

سلااااام

. تيوليب***

13-10-2008, 01:30 PM

امين يا سيفو ربنا يحمي اولادنا كلنااااا
سلام علشان الحق ارجع اتكلم مع امل وسمسم توتا والباقيين

سمر1

13-10-2008, 01:51 PM

يابنات ينفع كدا اول ماادخل كلكم تمشوا
طب اكلم نفسي يعني؟

yehia2007

13-10-2008, 02:01 PM

انا جيت يا حلوين
خلصت المحشى والميه اتقطعت مش عارفه ليه الحركه الوحشه دى يارب تيجى عشان انضف اثار العدوان ومخلفات المحشى

سمر1

13-10-2008, 02:06 PM

اهلا سمسم اخبارك حببتي
كويس انك خلصتي المحشي هاعمل الحفله دي المغرب وجوزي في الشغل
بس المياه ملهاش حق مش وقتها

عاشقة البهارات

13-10-2008, 02:09 PM

السلام عليكم ورحمه الله و بركاته

مبروك عليكم الملتقى
فكره حلوه توتو الله يعطيك العافيه
سلامى لكم جميعا وحشتونى
سمسمه ندى سيفو بيرو اموله نسائم
و لو نسيت حد ما يزعل منى كلكم وحشتونى و وان شاء الله تكونوا جميعا بالف خير
لقد عاد الجهاز الحمد لله من الصيانه بعد معانه مع المرض ههههههههههه
و ان شاء الله لى عوده بأذن الله للمشاركه معكم بموضوعكم عن الاكل الصحى

abeer taher

13-10-2008, 02:09 PM

شاطرة يا سمسم برافوااااااا عليك انك خلصتي انت عملتي محشي ايه ؟

ازيك يا سمر عاملة ايه؟

abeer taher

13-10-2008, 02:10 PM

نوراااااااااااااااااااا
اوعي تمشي تعالي هنا رايحة فين
بتدخلي تقولي كلمة وتهربي هوه فيه ايه

yehia2007

13-10-2008, 02:11 PM

انتى كمان عندك حفله بالليل ربنا يعينك
ربنا يسهل وتيجى الميه عايزه انضف المطبخ وافوق بس انا سامعه الموتور شغال يا مسهل

سمر1

13-10-2008, 02:12 PM

اهلا بيرو
اخبارك ايه

abeer taher

13-10-2008, 02:12 PM

انتى كمان عندك حفله بالليل ربنا يعينك
ربنا يسهل وتيجى الميه عايزه انضف المطبخ وافوق بس انا سامعه الموتور شغال يا مسهل

انتوا كمان بتقطع عندكم الميه هي هيه هييييييييييييييي يا حرام

yehia2007

13-10-2008, 02:13 PM

اه يا عبير خلصت
عملت ورق عنب وكوسه وبادنجان اسود وكرنب وتبلت البانيه
تعالى افطرى معانا

yehia2007

13-10-2008, 02:14 PM

والله بقالها شهور وشهووووووور مقطعتش مش عارفه ليه كده
ممكن يكون الخزان فضى بس الموتور شغال يارب يسحب ميه وميبقاش من الميه تكون قاطعه خالص

سمر1

13-10-2008, 02:16 PM

يعني عامله كوكتيل محشي
انا هاعمل ورق عنب وممبار وبط

abeer taher

13-10-2008, 02:16 PM

اه يا عبير خلصت
عملت ورق عنب وكوسه وبادنجان اسود وكرنب وتبلت البانيه
تعالى افطرى معانا

ما شاء الله ما شاء الله
ده ايه الحلاوة ديه كلها الله يعطيك العافية يا ستي انا بموت في الباذنجان الأسود خصوصا المحشي مممممممممم

سمر1

13-10-2008, 02:17 PM

تصوروا كل يوم انوي الصيام واصحي من النوم علي الكولدير اشرب واما اخلص افتكر اني صايمه هههههههههههههه

abeer taher

13-10-2008, 02:18 PM

تصوروا كل يوم انوي الصيام واصحي من النوم علي الكولدير اشرب واما اخلص افتكر اني صايمه هههههههههههههه

هههههههههههههههههههه

سمر1

13-10-2008, 02:21 PM

والله يا بيرو دا اللي بيحصل بقالي كم يوم مش عرفه اعمل ايه ايه يفكرني

عاشقة البهارات

13-10-2008, 02:22 PM

اهلا سمسمه ايه اخبارك واخبار نور
انا منتظره طبق محشى وانا مش طماعه بيكفينى ورق العنب و الكوسا و الباقى للصبايا

اهلا بيرو و حشتينى كيفك وكيف فراس و ليث

سمر1

13-10-2008, 02:23 PM

والله يا بيرو دا اللي بيحصل بقالي كم يوم مش عرفه اعمل ايه يفكرني

yehia2007

13-10-2008, 02:23 PM

يعني عامله كوكتيل محشي
انا هاعمل ورق عنب وممبار وبط

ممبار وبط مع ورق العنب ازااااااااااااى؟؟؟

طيب بلاش الممبار ملوش علاقه بالباقى

سمر1

13-10-2008, 02:25 PM

اصل فرصه يا سمسم في خلطه محشي بالمره يعني

abeer taher

13-10-2008, 02:25 PM

والله يا بيرو دا اللي بيحصل بقالي كم يوم مش عرفه اعمل ايه ايه يفكرني

طب ما دام نويتي الصيام مش يعتبر نسيان وتكملي عادي ؟

سمر1

13-10-2008, 02:27 PM

لا مينفعش النسيان في النوافل لونسيت وفطرت ابقي فاطره خلاص

yehia2007

13-10-2008, 02:29 PM

احشيه يا سمر وحطيه فى الفريزر واعمليه مع فته بالكوارع يبقى يا سلااااااااااام
واعزمينى وانا اجيلك طياره

صح يا سمر لو ناويه الصيام ونسيتى وشربتى كملى يومك عادى

سمر1

13-10-2008, 02:31 PM

تنوري يا جميل وبعدين المسافه بيني ويبنك بالضبط 20 دقيقه مش كتير لان سلفي ساكن في المنفوحه وبروح هناك كتير

سمر1

13-10-2008, 02:42 PM

رحتو فين ؟

_سمآت_

13-10-2008, 02:50 PM

السلام عليكم

سمر1

13-10-2008, 02:53 PM

وعليكم السلام اهلا توتا اخبارك واخبار ولادك

yehia2007

13-10-2008, 03:22 PM

انتى مشيتى يا سموره
معلش اصل رحت نضفت المطبخ والميه لسه مجتش شكلها اتقطعت خالص

توتا اخبارك ايه؟ايه الكسل ده انتى لسه صاحيه
عملتى السمان ولا غيرتى رأيك

_سمآت_

13-10-2008, 03:39 PM

اهلا سمر

اهلا سمسمه معرفتيش اللي حصل ؟

_سمآت_

13-10-2008, 03:42 PM

الانبوبه فضيت ولسه مطبختش

om basel

13-10-2008, 05:10 PM

السلام عليكم
ازيكم
معلش ياتوتا موضوع الانبوبة ده صعب
بس ايه سيرة المحاشي ديه اللي على الصبح
شكلكم ستات بيوت شاطرين
سمر موضوع صيام النوافل النسيان فيه يبطل الصيام ده غلط
كل الصيام سواء فرض اونافلة لونسيتي وده اهم حاجة يبقى تكملي صيام عادي(انا سمعته من شيوخ كتير) والله اعلم

سمر1

13-10-2008, 06:02 PM

السلام عليكم ورحمه الله وبركاته
اخباركم جميعا
اخبارك ام يحيي عامله ايه

. تيوليب***

13-10-2008, 06:04 PM

سمر موضوع صيام النوافل النسيان فيه يبطل الصيام ده غلط
كل الصيام سواء فرض اونافلة لونسيتي وده اهم حاجة يبقى تكملي صيام عادي(انا سمعته من شيوخ كتير) والله اعلم
السلام عليكم ورحمة الله وبركاته
انا لسه مقريتش ايه مناسبة الكلام ده لكن صح كلامك ام يحيي، والله اعلم
ازيكم كلكم
بعد معملت الغدا للاولاد وباباهم كنت خلاص انتهيت نمت شويه وكنت صايمه النهارده
عاملين ايه جميعا

سمر1

13-10-2008, 06:18 PM

اهلا توتي اخبارك
نفس ماانا عملت ولسه صاحيه من شويه

om basel

13-10-2008, 06:29 PM

كويس انكم جيتوا كنت لوحدي
انا كنت صايمة برضه ربنا يتقبل من الجميع يارب

. تيوليب***

13-10-2008, 06:30 PM

اهلا توتي اخبارك
نفس ماانا عملت ولسه صاحيه من شويه

هههههههههههههههه وحاسه انه جسمك متخدر شويه ههههههههه ؟ انا قبل منام كنت خلااااااص كأني واخده بنج في دماغي

سمر1

13-10-2008, 06:31 PM

برافو عليكي شخصتي الحاله بالضبط ههههههههههههههههه

سمر1

13-10-2008, 06:45 PM

انتو بتروحو فين

ندى.

13-10-2008, 06:45 PM

مساء الفل والنرجس والتيوليب والياسمين

سمر1

13-10-2008, 06:46 PM

مساء الهنا يا ندي

. تيوليب***

13-10-2008, 06:53 PM

برافو عليكي شخصتي الحاله بالضبط ههههههههههههههههه

هههههههههههههههههههههه

مساء الفل والنرجس والتيوليب والياسمين

ندى مين بيجيب سيرتي تاني ، مش برضو حرام تجيبي سيرة الناس ؟خخخخخخخخخخخخخ
مساء كل اللي قولتيه على عيونك الحلوين

. تيوليب***

13-10-2008, 06:54 PM

انا كنت مشغوله شويه في النافذه

ندى.

13-10-2008, 06:59 PM

سمر مساء الهنا والجمال
تيوليب ايوه بجيب في سيرتك شوفتي شوفتي شوفتي ههههههههههههههههههههه

سمر1

13-10-2008, 06:59 PM

قضيتم يومكم ازاي يا بنات

سمر1

13-10-2008, 07:00 PM

انا مش عايزه اقولك يا توتي ندي كانت بتجيب في سيرتك وتقول ايه وانتي مش موجوده

om basel

13-10-2008, 07:01 PM

انا مفيش ولاحاجة انا بحس الصبح اني على طول عاوزة انام ومش بعرف اصحى غير على الساعة 12 او واحدة
حتى يحيى معرفش ايه اللي حصله بئاله كام يوم مش نشيط كده
بعد مابيصحى من نوم بليل بيرضع وينام تاني 6 ساعات
معرفش ازاي مش بيجوع الفترة ديه كلها

om basel

13-10-2008, 07:03 PM

ازيك ياسمورة انتي وتيوليب وندي
ايه اخباركم

سمر1

13-10-2008, 07:04 PM

يا ام يحيي فرصه نامي براحتك وهو صغير كدا انتقمي
انتي عارفه لما يبتدي يمشي هاتفضلي ماشيه وراه طول االيوم ارتاحي شويه دلوقتي

. تيوليب***

13-10-2008, 07:05 PM

هههههههههههه بجد ؟
يبقى لازم اقرا اللي فاتني
كنت ح ااجله لما افضى شويه وانيم الاولاد
بس بيني وبينكم انا مشغوله لشوشتي لأن حملة صيفنا ابداع قربت تنتهي وانا فاضل لي موضوعين لسه
بس لازم اجي واتكلم معاكم واطمن عليكم لأني حبيتكم جدااااااا وبقيت انبسط وانا بكلمكم

سمر1

13-10-2008, 07:06 PM

لا يا توتي انا بهدي النفوس بس ههههههههههههههههههه

سمر1

13-10-2008, 07:07 PM

انا بخير الحمد لله ياام يحيي
اخبارك انتي ايه

. تيوليب***

13-10-2008, 07:07 PM

أهلا ام يحيي

يا ام يحيي فرصه نامي براحتك وهو صغير كدا انتقمي
انتي عارفه لما يبتدي يمشي هاتفضلي ماشيه وراه طول االيوم ارتاحي شويه دلوقتي

ايوه صحيح تفضلي تلمي وراه وتبعدي عنه اللي ممكن يأذيه لا سمح الله
وهو مش هيديكي فرصه تبعدي عينك عنه ولا تهتمي بحد غيره لأن الأطفال الصغيرين اوي بيبقى عندهم حب امتلاك للام وكأنها لهم لوحدهم

om basel

13-10-2008, 07:07 PM

ايوه ياسمر اكيد انا كده برتاح وانام لكن قلقانة عليه هو لما كان بيصحى من نوم بليل كان بيرضع كل 3 ساعات
دلوقتي ممكن يقعد 6 ساعات كمان وميرضعش وبحس انه بيفضل الماية اكتر من اللبن

. تيوليب***

13-10-2008, 07:08 PM

لا يا توتي انا بهدي النفوس بس ههههههههههههههههههه
اذا كان كده بتهديها يبقى شكررررررررررررررررررا بلاش تهديها خليها زي ما هي : سمن على عسل
ههههههههههههههههههههههه

سمر1

13-10-2008, 07:10 PM

هاشخص انا المره دي ياتوتي هههههههههههه
بصي يا اام يحيي دا مرض اسمه وسواس الامهات الجدد
ههههههههههههههههه

om basel

13-10-2008, 07:13 PM

هو لما يلعب كتير ويزهقني اقول ده نشاط زايد
ولما يبقى هبطان كده بحس برضه ان فيه حاجة غلط
هو فعلا الامهات في الاول بيبقوا خايفين اوي
ربنا يحفظه هو وكل اطفال الملسلمين يارب

سمر1

13-10-2008, 07:16 PM

ربنا يخليه لكي يارب

om basel

13-10-2008, 07:16 PM

رحتوا فين هقوم اصلي واجيلكم

. تيوليب***

13-10-2008, 07:18 PM

تقبل الله

_سمآت_

13-10-2008, 07:30 PM

انا قلت ابعد حبه تزيد المحبه
ههههههههههه
ازيكم يا قطاقيط
عاملين ايه

والله انا برده مش فاضيه بس قلت ادخل اسلم عليكم

بطبخ لسه الانبوبه جت وبطبخ اتفضلوا معايا ...

om basel

13-10-2008, 07:34 PM

انا جيت
نقبل الله منا ومنكم
بالهنا والشفا ياتوتا ولما تخلصي تعالي دوقينا

ندى.

13-10-2008, 07:39 PM

انا مش عايزه اقولك يا توتي ندي كانت بتجيب في سيرتك وتقول ايه وانتي مش موجوده

ههههههههههه ايوه دا انا قولت كلام
عن تيوليب والليب والسوداني وكلام كتييييييييييييييير

_سمآت_

13-10-2008, 07:40 PM

ان شاء الله

ازيك يا ام يحيي وكل الموجودين

كل شويا كده لوفاضيه هطل عليكم

ندى.

13-10-2008, 07:42 PM

ازيكم كلكم توتا القطقوطه وام باسل والكل

om basel

13-10-2008, 07:56 PM

ازيك ياندي واخبار ابنك ايه

ندى.

13-10-2008, 08:01 PM

الحمد لله يا ام يحي انا بخير يا قمر وانتي اخبارك ايه واخبار يحي باشا ايه يا ترى بيسيبك تنامي ؟؟؟؟؟؟؟؟؟؟؟هههههههههه انا عارفه الاجابه ههههههههههه

ندى.

13-10-2008, 08:08 PM

انتو مش ملاحظين ان المنتدى نايم النهارده ؟

om basel

13-10-2008, 08:30 PM

اه فعلا ياندى غريبة
يعني لما اكون متابعاهم كويس محدش يتكلم ولما اسيبهم شوية الاقي عشرين صفحة اتكتبت

yehia2007

13-10-2008, 10:04 PM

صباح الخير بس بالليل المره دى
انا فطرت واتبنجت ونمت ولسه صاحيه
اخباركم ايه يا حلوين
المحشى طلع زى العسل قلت لجوزى اتحداك دلوقتى تروح تجيبلى طبق زى ده من احسن فندق فى احسن حته ههههههههههه
قالى طبعا طبعا شايفه يا نور مامى بتقولى ايه قال يعنى نور فاهمه ههههههههههه
يلا انا قايمه اصلى العشا
عايزه ارجع بالليل الاقى الكل هنا
مش كلكو نمتو يبقى خلاص كله يسهر
توتو اظهرى وبانى عليكى الامانى ههههههههههه حلوه الامانى دى

اموله فين ما ظهرتش تانى ليه من بعد جرعة الصبح المكثفه

ام يحيى شكلك دلوعه وبتحبى النوم قومى ابنك صحيه بالعافيه يرضع متخليهوش ينام كل ده من غير رضاعه 6 ساعات كتير اوى
ايه الامهات دى اللى بتخلف وتنام
تعالو شوفو نور لمبه مضيئه 24 ساعه وبتقول لااااااااااا للنوم ده شعارها
من اول يوم اتولدت فيه

amal250

13-10-2008, 10:15 PM

مساء الخيرات على العيون السهرانة مش النعسانة ههههههههههههههههههههههههههههههههه حلو اوى الشعر دة هههههههههههههه امل الشعرية وصلت بالليل النهار

انا موجودددددددددددددددددددددددددددددددددة مين هنااااااااااااااااااااااااااااااااااااااااا

نسائم حائره

13-10-2008, 10:46 PM

انا جيتلك يا امولة
اهووووه
بالعجل
ههههههههههههههههههه

جوريه فلسطينيه

13-10-2008, 10:57 PM

مسا الخير على عيون احلى مصريات حبيت امسي عليكم معكم ام عبود

. تيوليب***

13-10-2008, 11:00 PM

امول مش ممكن تكوني هنا ومجيش بسررررررعه
اهلا مين كمان موجوده دودو اهلا يا جميل
بصوا حروح اجهز لموضوعي وابقى اطل عليكم كل شويه اتفقنا يا حلوين؟

نسائم حائره

13-10-2008, 11:01 PM

منورة يا ام عبود

اهلا بيكي في اي وقت

ياريت تعرفينا بيكي

نسائم حائره

13-10-2008, 11:02 PM

اتفقنا يا توتو وماله
شوفي موضوعك يا سكرة

برضه من غير طبق سلطة شكلك بخيلة يا توتو

. تيوليب***

13-10-2008, 11:03 PM

اهلا ام عبود منوره يا قمر

جوريه فلسطينيه

13-10-2008, 11:04 PM

شكرا بترحيبك اخت نسايم انا مواليد الامارات وعايشه فيها عمرى 33 سنه عندى ولد الله يعطى كل مشتهى عمره 14 سنه ست بيت مابشتغل بس خلاص هههه

جوريه فلسطينيه

13-10-2008, 11:06 PM

منوره بوجودكم اخت تيوليب الله ايخليكى

الفردوس غايتي

13-10-2008, 11:07 PM

السلام عليكم ورحمة الله وبركاته ازيكم يا بنات
تسلمي يا نسائم على الرساله والاهتمام يا قمر انا الحمد لله عملت التحليل بس لسه النتيجه بكره ان شاء الله ادعيلي
ازيك يا تيوليب تسلمي على السؤال

نسائم حائره

13-10-2008, 11:15 PM

ازيك يا جميل
ربنا يطمنا عليكي باذن الله

الفردوس غايتي

13-10-2008, 11:16 PM

البيت فارغ ليه بس عموما انا هستنى شويه بس لو لقيت انكم لسه نايمين هاروح انام احسن صاحيه من الفجر وحاسه اني مكسره على الآخر

نسائم حائره

13-10-2008, 11:18 PM

شكرا بترحيبك اخت نسايم انا مواليد الامارات وعايشه فيها عمرى 33 سنه عندى ولد الله يعطى كل مشتهى عمره 14 سنه ست بيت مابشتغل بس خلاص هههه

ربنا يباركلك فيه يا قمر

الفردوس غايتي

13-10-2008, 11:18 PM

تسلمي يا نسومه نتعرف بأه أنا عرفتك بنفسي

نسائم حائره

13-10-2008, 11:22 PM

انا لسه اخده بالي من ردودكم

دلوقتي

انتي لسه مش متكيفه على وجودك في الجزائر
ولا ده احباط من الحمل

om basel

13-10-2008, 11:23 PM

اهلا بيكم
اهلا بالاخت جورية ومرحبا بيكي في البيت
ازيك يالفردوس غايتي وصحتك عاملة ايه؟
ازيك ياأم دارين وازاي اولادك؟
لماتنزلي الموضوع قوليلنا ياتوتو
سمسمة انا اه بحب نوم الصبح ده لكن كنت بصحى ارضعه عادي وهو كان بيصحى كل 3 ساعات ويرضع لكن من يومين بس ابتدى الموضوع ده
ده كمان دلوقتي لاحظت انه بيحب الماية اكتر من اللبن وابتدى ياخد لبن بكمية قليلة شوية عن الاول ويرفض يكمل ولما اديله ماية يشربها مش عارفة ايه اللي حصل؟

نسائم حائره

13-10-2008, 11:27 PM

انا الحمد لله يا ام يحي
و الاولاد بخير
بس بعتذر منكم دلوقتي و نكمل بعدين بايااااااااااااااات

الفردوس غايتي

13-10-2008, 11:30 PM

ازيك يا أم يحيي تسلمي يا رب وربنا يبارك لك في يحيي انا الحمد لله كويسه بس الغربه مع الحمل مقرفه وخاصة في بلد الرعايه الطبيه فيه متلاشيه تقريبا ومختلفه عننا بس ربنا المعين

انا يا نسومه عندي الدنيا متلخبطه شويه لأننا كمان ناويين ان شاء الله نحج السنه دي ففكري مشغول وقلقانه من اني ما اقدرشي على المشقه وأقصر او حد من الأولاد يتعب يعني ده غير الغربه ومتاعب الحمل كله مع بعضه

سمر1

13-10-2008, 11:31 PM

السلام عليكم يا حلوات

الفردوس غايتي

13-10-2008, 11:32 PM

ازيك يا سموره نورتي

سمر1

13-10-2008, 11:33 PM

اهلا حببتي الفردوس اخبارك ايه

الفردوس غايتي

13-10-2008, 11:37 PM

بنات النت بطيء وانا هموووووووووووووووووووووووت من التعب يا ريت نتقابل الصبح أستودعكم الله على عيني اني أسيب الصحبه الحلوه بس انا حاسه ان فيه قطار مشي فوقي ومش قادره افتح عيوني تصبحوا بألف خير

جوريه فلسطينيه

13-10-2008, 11:38 PM

الله ايخليكم يارب وتشرفت بمعرفتكم جميعا وهاى احلى ورده منى
http://up.g4z4.com/uploads/46456371b9.gif

_سمآت_

13-10-2008, 11:46 PM

السلام عليكن
كل الموجودات
توتو
سموره
دودو
جوريه

الفردوس غايتي

ام يحيي

يارب مكنش نسيت حد

والي مش موجودين
سمسمه وبيورو ومدام امل وندي وسيفو ومريم

سمر1

13-10-2008, 11:52 PM

اهلا توتا اخبارك

_سمآت_

14-10-2008, 12:08 AM

الحمد لله سمووره بخير

اخبارك انت

معلش بستاذنكم

تصبحون ع خير
مع السلامه

yehia2007

14-10-2008, 12:09 AM

صباح الخير على الحلوين والطعمين
اخباركو ايه

ام يحيى على فكره هو مش مفروض خالص يشرب ميه فى السن ده لان اللبن كفايه مين اللى قالك بس يشرب ميه
كده غلط
ايه يا بنات مش تقولولها حاجه

_سمآت_

14-10-2008, 12:09 AM

الحمد لله سمووره بخير

اخبارك انت

معلش بستاذنكم

تصبحون ع خير
مع السلامه

yehia2007

14-10-2008, 12:11 AM

ازيك يا توتا عامله ايه
تصبحى على خير

_سمآت_

14-10-2008, 12:11 AM

http://www.lakii.com/vb/smile/27-40.gif (http://www.lakii.com/vb/uploader/smilies.php)

سمر1

14-10-2008, 12:15 AM

اهلا سمسم اخبارك ايه

yehia2007

14-10-2008, 12:18 AM

الحمدلله يا سموره اخبارك ايه
عملتى ايه النهارده

سمر1

14-10-2008, 12:19 AM

عملت المحشي وخلصت الشقه وكله تمام

yehia2007

14-10-2008, 12:22 AM

برافو عليكى
كده حترتاحى كره وتنامى براحتك

انا كمان اتبقى عندى محشى وفى حلة كرنب نيه حسويها وفراخ بانيه متبله والشقه نضيفه
يعنى حكون مرتاحه بكره ان شاء الله

سمر1

14-10-2008, 12:33 AM

عارفه ياا سمسم مشكلتي اني مبعرفش اعمل حاجه طول مازوجي موجود
بيشغلني ولو رحت المطبخ اعمل شاي حتي يفضل ينادي عليا فبجهز كل حاجه وهو في الشغل

yehia2007

14-10-2008, 12:37 AM

عندك النهار طويل وهو فى الشغل تقدرى تعملى اللى انتى عايزاه

سمر1

14-10-2008, 12:38 AM

انا جوزي دوامه الساعه 4 يعني طول الصبح معايا

yehia2007

14-10-2008, 12:42 AM

ههههههههههههههه جديده دى
اول مره اشوف دوام كده
هو بيشتغل ايه

سمر1

14-10-2008, 12:48 AM

مدير فني في نادي ومدرب كاراتيه
طبعا النوادي مش بتفتح الصبح

سمر1

14-10-2008, 12:49 AM

اه علي فكره هو اصلا خريج هندسه
بس عشقه في الدنيا بعدي طبعا ههههههههههههههههه الكاراتيه

yehia2007

14-10-2008, 12:53 AM

ههههههههههههههههههههههه ده تلاقيه على كده هاريكى بوكسات يا لهوى
بس متخافيش صاحبتك تربيه رياضيه اى خناقه انا حاضره وحنوروه شغله ع المظبوط
ونعرفوه مين اللى يكسب الستات ولا الرجاله
سامعانى يا ريا هههههههههههههههه

سمر1

14-10-2008, 12:54 AM

سمعاكي يا سكينه ههههههههههههههههههه

yehia2007

14-10-2008, 12:54 AM

على فكره انا قلت لجوزى النهارده على موضوع الخروج ووافق قالى روحى
بس عايزين نلحق نتجمع قبل ما الشتا تدخل بما انها حديقه يعنى اكيد حتكون مكشوفه

yehia2007

14-10-2008, 12:55 AM

هههههههههههههههههه لا بجد
بتتعاملى معاه ازاى اكيد جسمه ضخم وعضلات
وانتى تلاقيكى عصفوره جمبه
يعنى فى اى خناقه مفيش بوكس بيعدى كده ولا حاجه
اصلهم بيبقو عنيفين شويه

سمر1

14-10-2008, 12:57 AM

انا عندي مشكله صغيره بس
ان حماتي وحمايا هنا مش عارفه اخرج ازاي واسيبهم هاننتظر شويه لحد مايروحو عند حد من اخوات جوزي زياره حتي

yehia2007

14-10-2008, 12:59 AM

هما عايشين معاكى فى البيت ؟
جايين زياره ولا قاعدين هنا على طول

سمر1

14-10-2008, 01:05 AM

زياره وهاينزلو بعد الحج ان شاء الله

yehia2007

14-10-2008, 01:07 AM

ياه ده لسه كتير اوى
بجد ربنا يعينك ده هلاك والله

سمر1

14-10-2008, 01:08 AM

فات الكتير معتش الا القليل هما هنا من شهر 6

yehia2007

14-10-2008, 01:12 AM

يااااااااااه ليه كل الحب ده ههههههههههههههه
وبعدين قاعدين ازاى كده بيجددو زياره كل شويه؟

وكمان مامته تدخل عادى لكن بباه دخل ازاى؟

سمر1

14-10-2008, 01:15 AM

نصيب الورق اتقبل عادي وبنجدد كل فتره

yehia2007

14-10-2008, 01:22 AM

طيب كويس والله

سمر1

14-10-2008, 01:25 AM

ابعتي لي الايميل نتكلم عليه احسن بدل الملاء دا

yehia2007

14-10-2008, 01:29 AM

اتفضلو يا بنات دوقو

http://img406.imageshack.us/img406/188/image005ze7.jpg

سمر1

14-10-2008, 01:46 AM

البنات كلهم ناموا بدري ليه كدا

yehia2007

14-10-2008, 01:49 AM

دلوقتى تلاقيهم جايين
اصل احنا بتوع الليل واخره

yehia2007

14-10-2008, 01:50 AM

كلتى الكحك ولا لسه
كلى براحتك دى فرصه قبل ما ييجو ويخلصوه

سمر1

14-10-2008, 02:10 AM

ههههههه باكل مشبك

yehia2007

14-10-2008, 02:14 AM

ده جاى مع الفسيخ طبعا مش كده هههههههههههههه

سمر1

14-10-2008, 02:20 AM

مش قلت لك امبارح وليمه ماما ماتتوصاش
اسكتي مش البط اللي قلت لك هاسويه مع المحشي طلع وز ههههههههههههههه
ماما قالت لي علي الالوان بتاع الاكياس وطلع الازرق وز مش بط
ههههههههههههههههههههههههههههههههه

yehia2007

14-10-2008, 02:23 AM

هههههههههههههه يعنى طلعت وزه
طيب خلاص خديلك بطايه من اللى فى توقيعى واطبخيها

يعنى كده قررتى تطبخى بكره ايه؟

yehia2007

14-10-2008, 02:25 AM

تعرفى انا عمرى ما اكلت وز ابدا سبحان الله مش بحبه كده لله فى لله
بحس ان تقيل ودسم اما البط باكله بس مش كتير اوى كل فين وفين
بس بحب الديك الرومى

سمر1

14-10-2008, 02:26 AM

وز طبعا ههههههههههههههههه اصل شكلها اكبر من البطه ههههههههههههههه

yehia2007

14-10-2008, 02:28 AM

ههههههههههههههههههه
اعملى طبق ملوخيه جمب ورق العنب حيبقى جميل

سمر1

14-10-2008, 02:30 AM

والله فكره اعمل ان شاء الله ملوخيه

yehia2007

14-10-2008, 02:34 AM

ايوه طبعا الملوخيه حلوه مع المحاشى وزودى التقليه ممممممممم
النهارده المحشى طلع تحفه يستاهل بئك

سمر1

14-10-2008, 02:36 AM

بالهنا والشفا عليكي وعلي جوزك يا حببتي
وبعدين سمسم لازم تطلع منها كل حاجه حلوه

yehia2007

14-10-2008, 02:38 AM

هههههههههههه احرجتينى وكسفتينى
شايفه خدودى احمرت ازاى

سمر1

14-10-2008, 02:40 AM

هههههههههههههههههههههههه كله طبيعي

yehia2007

14-10-2008, 02:41 AM

ايوه فعلا طبيعى ههههههههههههههه

ولادك نامو خلاص ولا لسه صاحيين زى زئرده

سمر1

14-10-2008, 02:43 AM

ولادي نامو من ساعتين كدا البيت كله نااااام
انا بس اللي بعد النجوم هههههههههه

yehia2007

14-10-2008, 02:44 AM

حتصومى بكره ولا ناويه تنسى
شدى حيلك خليكى تلحقى قبل ما الشهر يخلص

yehia2007

14-10-2008, 02:45 AM

كويس عديها براحتك ع الاقل تقعدى فى هدوء شويه
انا عايزه خالتى فرنسا تنام لاحسن عاملالى انهيار عصبى واقفه على رجلى وعاملاها مرجيحه عماله تتنطط عليها ههههههههههههههههه

سمر1

14-10-2008, 02:49 AM

الله يعينك انا ابني كان بلسم فوق خيالك عسل وكنت متبطره عليه ههههههههههههه
لما جيت ميرو عرفت قيمته هي مجنناني جدا

yehia2007

14-10-2008, 02:53 AM

شويه كده وحتعديه وحيبقى البيت مورستااااااااان ههههههههههههههه

تعرفى انا امبارح اكتشفت ان صوتى بيوصل للجيران
لينا جار جمبنا جايب مراته وولاده بقالهم فتره وهى ولادها كبار كل يوم اصحى الصبح اسمع صوتها بتصوت على بنتها الكبيره لدرجة ان نور قلقت لما كانت نايمه وصحيت هههههههههههه
حاجه فضايح
بس انا عندى الاوض جوه لما بحب اضوت بدخل جوه واصوت براحتى عشان محدش يسمعنى

سمر1

14-10-2008, 02:56 AM

انتي بتقولي فيها ماللي حصل حصل البيت بقي مورستان فعلا هههههههههههههههههههه
بيقلدوا بعض في كل حاجه بشكل يخنق
وصوتي طول اليوم علي اخره هههههههههههههه

yehia2007

14-10-2008, 02:59 AM

هههههههههههههههههههههه
امبارح نور جاتلها حالة جنان بقت عماله تصوت وتزعق هى كده بتلعب يعنى
لما بباها كان جاى تعبان من الشغل ودى عماله تتنطط عليه لماا زهق ههههههههههههه قلتله امال لو عندك اتنين تانيين ولا تلاته كنت حتعمل ايه
قالى مش عايز كفايه كده هههههههههههه
بجد والله الواحد مش بيلحق يرتاح ومن واحده يعنى الله يكون فى عون اللى عندهم اتنين وتلاته وفى ناس خمسه ماشاء الله ده انهيار بجد

سمر1

14-10-2008, 03:02 AM

الحمد لله اكتفيت بهذا القدر معنديش استعداد تاني ابدا

yehia2007

14-10-2008, 03:07 AM

تعرفى تربيتنا زمان غير خالص الجيل ده
انا ماما ربتنا كنا 6 ماشاءالله وفى غربه ولوحدها وكلهم اولاد مفيش غيرى
بس كنا بنسمع الكلام ومن بصه نتلم دلوقتى تقولى الكلمه مليون مره وتبصى وتضربى وتزعقى وتصوتى وتعيطى هههههههههههه ومفيش فايده

نسائم حائره

14-10-2008, 03:07 AM

السلام عليكم
عاملين ايه

yehia2007

14-10-2008, 03:08 AM

اهلا بالنسايم اللى معديه
تصدقى قلبى كان حاسس انك حتيجى
انتى كنتى فين
نمتى ولسه صاحيه

سمر1

14-10-2008, 03:09 AM

ههههههههههههههههههههههههههههههه ضحكتيني والله
فعلا انا بيوصل بيا الحال اني انا اللي اعيط مش هما

سمر1

14-10-2008, 03:10 AM

اهلا نسومه صح النوم

نسائم حائره

14-10-2008, 03:16 AM

اه يا اناه
مش كفايه التعب
اكتب رد عشان يوصل اكتبه 3 مرات

سمر1

14-10-2008, 03:17 AM

مالك يا حببتي خير

سمر1

14-10-2008, 03:21 AM

انا هستأذن علشان عيني قفلت خلاص نتقابل بكره
تصبحو علي خير

نسائم حائره

14-10-2008, 03:22 AM

برد و الحرارة مرتفعة
مش قادرة افتح و الله يا سمورة
الحمد لله

نسائم حائره

14-10-2008, 03:24 AM

وانتي من اهل الخير يا قمر
بوسيلي الاولاد

yehia2007

14-10-2008, 03:24 AM

الف سلامه يا ام دارين خدى بنادول واشربى لمون

مع الف سلامه يا سموره
تصبحى على خير

نسائم حائره

14-10-2008, 03:29 AM

اخدت بنادول
الحمد لله
نور عاملة
بالهنا و الصحة ورق العنب يا سمسمة

yehia2007

14-10-2008, 03:33 AM

افتكرتك النهارده والله قلت ام دارين محتاجه طبق تبوظ الرجيم ههههههههههههه

نور اهى مطلعه روحى من جوه هههههههههههههه حلوه من جوه دى

نسائم حائره

14-10-2008, 03:40 AM

افتكرتك النهارده والله قلت ام دارين محتاجه طبق تبوظ الرجيم ههههههههههههه

نور اهى مطلعه روحى من جوه هههههههههههههه حلوه من جوه دى

هههههههههههههههههه

ربنا يهديها و تدخلها تاني ههههههههههه

ام بالنسبه ورق العنب
في ديه حاجة من ضمن الحاجات
اللي بتجض مقدعي هههههههههههههه
صح كده ولا على محو الاميه

عندك مثلا الفلافل بتاعت تيوليب
و ورق العنب بتاعك
و بيتزا

yehia2007

14-10-2008, 03:46 AM

بتجض مقدعي هههههههههههههه
صح كده ولا على محو الاميه

:(*)::(*)::(*)::(*)::III::III::III::III:
انا مش فاهمه ايه ده
بس حاسه ان على محو الاميه يكون افضل ولو ممكن تاخدينى معاكى يبقى كويس

انتى كمان مدقتيش البادنجان الاسود كان يهبل
والكرنب جوزى بيقولى انا داخل البيت وشامم الريحه من برهhttp://www.lakii.com/vb/images/icons/23.gif

نسائم حائره

14-10-2008, 03:50 AM

الهنا و الشغا يا سكرعلى فكرة انا عملة مرتين محشي اخر اسبوع في رمضان يعني متغظينش اوي هههههههههههههههههههههههههههههههه

azmiralda000

14-10-2008, 03:54 AM

نسائم حائره

14-10-2008, 03:57 AM

ازيك يا نودي

حاملة اللقب
هههههههههههههههههههههه
مش محتاجة تعريف

yehia2007

14-10-2008, 04:06 AM

هههههههههههههههههههههههههههههههههههههههههههههههههه هه
كل دى مقدمه يا هند
انا فضحتك بجد يلا وايه يعنى
هما حييجو يقبضو علينا من اسامينا
بكره نغيرها فى شهادات الميلاد هههههههه
نورتينا يا هنوده واسعجتينا بوجودك
مفيش غيرى دلوقتى الا انا وام دارين وطبعا انتى عارفاها

yehia2007

14-10-2008, 04:09 AM

صحيح يا هند فكرتينى
متعرفيش حاجه عن ام الاريام كل ما افتكر اسألك انسى

نسائم حائره

14-10-2008, 04:09 AM

انا لاحظت في موضوعك
تقريبا بتاعت السمبوسة الموضوع ده
بس ام سيسو هي اللي قالت الاول

روحتي في الرد لحقتيها بسرعه باسمها
هههههههههههههههههههههههههه
حاسيتكم لوذاذ اوي

نسائم حائره

14-10-2008, 04:12 AM

شكلها سمعتنا السلام الجمهوري
هههههههههههه

yehia2007

14-10-2008, 04:14 AM

هههههههههههههههه وحياتك كل المواضيع
يا هند يا هند
انا مكنت شفاكره انى بعملها نشرة باسمها هههههههههه
بس فيها ايه مين اللى حيروح يدور على هند ام سيسو اللى فى ابو ظبى
ولا سماح ام نور اللى فى الرياض
هههههههههههههههه
هى الناس تافهه للدرجه دى
وبعدين اللى يقدر يجيبنى يورينى نفسه ههههههههههههههههه

نسائم حائره

14-10-2008, 04:17 AM

هههههههههههههه

عادي موضوع الاسامي بس اهو نكتب بشكل متخفي

نوع من التغير

نسائم حائره

14-10-2008, 04:19 AM

بس بنسبالي انا عشان قسم التجارة

ممكن ببقى مش حابة عشان بيدي تليفوني
لاناس احيانا بيخلوا راجل يتصل مش برد عليه ممكن جوزي يرد يلاقيه بيقول اسمي

فيها قطع رقبه
ههههههههههههههههه

yehia2007

14-10-2008, 04:20 AM

اين انتى يا نونه حلو كده هههههههههههههه

ولادك نامو يا ام دارين ولا لسه حد صاحى
نور هانم نامت خلاص وانا مستنيه الفجر
صحيح هو انتى عندك توأم مش كده ولا الزهايمر قتل الذاكره اللى عندى

yehia2007

14-10-2008, 04:21 AM

اه صح فى دى عندك حق
تعرفى انا نادرا ما بدخل القسم ده
ممكن دخلته مره او اتنين بس

نسائم حائره

14-10-2008, 04:22 AM

لا زهايمر
موها و نور
الفرق بينهم سنه و 3 شهور

نسائم حائره

14-10-2008, 04:24 AM

لانك اكيد مش حتشتري منه

عشان كده مش مهتمه

وانا خلاص قربت ابطل لانه عايز وقت و انا عايزة اتابع دارين كويس

yehia2007

14-10-2008, 04:27 AM

وفعلا شغلانه مجديه بتاعت المنتديات دى ولا اى كلام

يعنى مش توأم ولادك ولا حاجه انا كنت فاكره توأم

yehia2007

14-10-2008, 04:28 AM

صحيح بمناسبة دارين هى بتبجى البيت حافظه اللى واخداه ولا نص نص
يعنى بيهتمو فعلا بالولاد يخلوهم مش محتاجين يعملو مجهود فى البيت
ده اللى نفسى اعرفه

نسائم حائره

14-10-2008, 04:29 AM

مش بطاله يا ام نور بس عشان تدخلك ربح كويس لازم يكون عندك

منتجات متنوعه

نسائم حائره

14-10-2008, 04:31 AM

انا لسه ما جربتش

بس واحده صحبتي قالتلي انهم بيحفظوهم في البيت على حسب المدرسة

هي نقلت ابنها عشان لقت اصحابه في مدارس تانية مستواهم احسن منه

نسائم حائره

14-10-2008, 04:33 AM

بس لازم تتابعي في البيت

برضه لان المواد دسمة

يعني دارين هم عارفين مستواها

وجت النهاردة كاتبه لحد 120

كنت فاكرة حيدلوها من الاول لانها ماخدتش الحاجات ديه معاهم بس رجعت حافظاهم

yehia2007

14-10-2008, 04:34 AM

هى دى المشكله لو المدرسه بتهمل تبقى رخامه
لازم الاساس من المدرسه الاول
والبيت بيتابع ويركز
ربنا يستر والله كل المدارس بقت مؤرفه حتى فى مصر لغات ومصاريف عاليه ودلع واستهتار فى الفصول
ربنا يعينا والله

نسائم حائره

14-10-2008, 04:37 AM

كنت مدخلاها مدرسه في مصر ممتازة يا سمسمة بس مش لغات

خاصة اسلامي

بس كانت تحفه كان فيها قسم لغات قالو اول سنه مصاريفهم زي العربي و بعدين يتغير
خفت احسن يعلو اوي لان اللغات الاسلامي غاليه موت

كانت مصاريفها بالباص 3000 بس

yehia2007

14-10-2008, 04:39 AM

اتفضلى يا ام دارين اشربى القهوه دى مع حتة الكيكه
عشان نفسك تتفتح
بلا رجيم بلا وجع دماغ

http://www.ksa4up.net/?action=download&hash=1523485c1c2466415

نسائم حائره

14-10-2008, 04:45 AM

هههههههههههههههههههههه

شكرا يا سمسمة سبقتك واكلت بيض و جريب فروت

توتو مدخلتش النهارة زي كل يوم

نسائم حائره

14-10-2008, 04:58 AM

روحتي فين يا سمسمة

عاشقة البهارات

14-10-2008, 05:19 AM

السلام عليكم ورحمه الله و بركاته
فى حد موجود يا صبايا

نسائم حائره

14-10-2008, 05:21 AM

ازيك يا مريم
ايه الغيبة الطويلة ديه يا بنتي
عاملة ايه و مريم عاملة

عاشقة البهارات

14-10-2008, 05:27 AM

اهلا ام دارين بخير الحمد لله
و الله الجهاز كان عطلان و كان فى قطع محتاجه تتغير ومكنتش متوفره لان الموديل مش موجود منه هنا الموجود الجهاز لكن الموديل مش منتشر قوى لكن الحمد لله فى الاخر وجدت مركز صيانه كويس وصلحه بعد معاناه و ما قلك قد ايه كنت مفتقداكم جميعا و حشتونى و الله

كيفك و كيف مهاب و دارين ان شاء الله تكونوا جميعا بالف خير

نسائم حائره

14-10-2008, 05:33 AM

اخبارك ايه

بتسافري امتى ان شاء الله

نسائم حائره

14-10-2008, 05:35 AM

الحمد لله احنا بخير

عاشقة البهارات

14-10-2008, 05:43 AM

بخير الحمد لله
يمكن أتأخر شويه عن السفر عندى حاجات بخلصها
يعنى فى كورسات بخدها
وكمان بأذن الله راح دخل الجامعه بس بشوف ان كنت بدخل ها اليومين او بنتظرعلى شهر يناير
بأذن الله لانى الفتره مشغوله جد و كمان مريم يعنى يمكن الاحتمال الاكبر يكون شهر يناير ان شاء الله الجامعه يعنى موضوع السفر اجلته فتره

عاشقة البهارات

14-10-2008, 05:44 AM

اصلى الفجر و ارجعلك ان شاء الله

. تيوليب***

14-10-2008, 07:17 AM

السلام عليكم ورحمة الله وبركاته
يا صباح الورد والفل والرياحين( وكل اللي قالت عليه ندى امبارح )
على عيون الصاحيين
وكمان النايمين اللي حيصحوا بعد شويه

إيه ده فيه إيه إيه النور اللي زغلل عنيا ده ؟
نووووووووووووووووووووورا هنا مش معقول
اهلا حياتي فينك وايه الغيبه الطويله دي
سلامة جهازك الوحش ده
ولو عملها فيكي تاني بس قوليلي

صباح الخير ام دارين

abeer taher

14-10-2008, 08:08 AM

صباح الخير يا أحلى توتو
أنا أول الواصلين على موعدي كل يوم كالعادة هههههههه
شوفتي الضيوف الكتير اللي دخلوا البيت ازميرالدا و نورااااااااااااا باشا اللي كانت مختفيه
ربنا يكتر الأحبــــــــــــــــــــــاب

. تيوليب***

14-10-2008, 08:25 AM

أهلااااااااا بأحلى صباح صباحك
ايوه شفت نورا لكن حراجع الصفحات اشوف ازميرالدا ان شاء الله
انتي كيفه صباحك؟
إن شاء الله مشرق ومتفائل

_سمآت_

14-10-2008, 08:25 AM

صباح الخير

توتو وبيرو

كنت فين امبارح يا توتو كنت مختفيه ...

ازيك يا بيرو اخبارك ايه واخيار الطقس عندكم ايه برد ولا لسه ؟

_سمآت_

14-10-2008, 08:26 AM

ازي ولادك يا توتو

ايه موضوعك النهارده اللي حابه تكلمي فيه ولا عادي سيبنها مفتوحه ؟؟

abeer taher

14-10-2008, 08:34 AM

أنا الحمد لله تمام الاولاد كويسين
صباحي متفائل الحمد لله يا توتو من ساعة ما حطيت الأولاد في الحضانه أرتحت
والطقس عنا يوم حر يوم برد ما حد فاهملوا راس من رجلين ههههههه

abeer taher

14-10-2008, 08:35 AM

صحيح يا توتو هاتي موضوع نتكلم فيه أحسن ما تيجي أمل تدمر الدنيا زي مبارح ههههههه

نسائم حائره

14-10-2008, 08:40 AM

صباح الخير

عبير
توتو
توتا

عاملين
انا جاية اشقر عليكم
بعين واحدة يعني مش حقعد كتير
ههههههههههههههههههههه

abeer taher

14-10-2008, 08:44 AM

انت يا بنتي من حزب سمسم بتاع عدم النوم
ايه اللي جابك روحي نامي يا لهوييييييي

. تيوليب***

14-10-2008, 08:48 AM

http://www.lakii.com/vb/smile/28-1.gif (http://www.lakii.com/vb/uploader/smilies.php)

http://www.lakii.com/vb/smile/28-2.gif (http://www.lakii.com/vb/uploader/smilies.php)

لقد تم تزجيه دعوة لى للمشاركة معكم من قبل الاستاذة سماح الشهيرة ب سمسم او ام نور

و اللى الناس كلها فاكرين ان اسمها يحيى http://www.yesmeenah.com/smiles/smiles/7/smile%20(117).gif (http://www.yesmeenah.com/)

انا اختكم ام ياسين او هند زى ما الست سماح فضحتنى و شبكة النت كلها عرفت اسمى http://www.yesmeenah.com/smiles/smiles/7/smile%20(105).gif (http://www.yesmeenah.com/)

انا طبعا مصرية زيكم من كايروووووووووووووووhttp://www.yesmeenah.com/smiles/smiles/7/smile%20(102).gif (http://www.yesmeenah.com/)

و مغتربة زيكم برضو http://www.yesmeenah.com/smiles/smiles/17/00ab172474946b9a62823a3d059866ec.gif (http://www.yesmeenah.com/)

فى الامارات فى ابوظبى

عندى قرد صغيرhttp://www.lakii.com/vb/smile/14_13.gif (http://www.lakii.com/vb/uploader/smilies.php) اسمه ياسين الشهير ب سيسو بسابيسو عنده سنة و نص و مطلع عينى http://www.lakii.com/vb/smile/22-13.gif (http://www.lakii.com/vb/uploader/smilies.php) و فارسنىhttp://www.lakii.com/vb/smile/22-11.gif (http://www.lakii.com/vb/uploader/smilies.php) و مجننى http://www.lakii.com/vb/smile/22-17.gif (http://www.lakii.com/vb/uploader/smilies.php)

هل تقبلونى بينكم؟؟؟؟؟؟؟؟؟؟
http://i.b5z.net/i/ui/180860/i/HappinessBasket_b.jpg

بالورد نستقبلك
وتنوري نور كده يجيب لغاية عباب السماء ( يعني إيه عباب دي يمكن زي عباب زويله ؟ ) مااااا عليناااااااا
طبعاً تنوري
أنا أول ما عبير قالت لي إنك كنتي هنا رجعت ورا أدور عليكي
تعرفي بفرح أوي لما ألاقي إسمك سبحان الله
ربنا يخليلك سيسو القمر
وأنا يا ستي شرحو .. مغتربه في الامارات .. أبو ظبي .. بصره ههههههه
وعندي ولد 9 سنين وبنت 5 سنين وزالصغير 3 سنين و 8 شهور

نسائم حائره

14-10-2008, 08:49 AM

تطلع دارين بس و اسيبكم مع سبق الاصرار و الترصد

كده يا بيرو زهقتي مني

انا زعلانه
اهو

. تيوليب***

14-10-2008, 08:49 AM

اهلا توتا - دودو
الحمد لله احنا كويسين ازيكم واولادكم النهارده
عبير اختاري انتي موضوع

. تيوليب***

14-10-2008, 08:52 AM

الف مبروك يا بيرو انك حطيتي اولادك بالحضانه ربنا يحفظهم يارب

. تيوليب***

14-10-2008, 08:53 AM

هو انا جيت انتو تمشوا ؟
توتا بلاش تنسقي كلامك التنسيق الجميل والجذاب بتاعك
متعطليش نفسك تعالي بسرعه عايزين خطك بعبلو ههههههههههههههههههه

_سمآت_

14-10-2008, 08:53 AM

اهلا يا دودو

صباح الخير

الظاهر كده انك لسه منمتيش

abeer taher

14-10-2008, 08:54 AM

هههههههههههههه معقولة يا أم دودو أنا أزهق منك يا جميل
أنت بس صعيانه عليه ما نمتيش خالص لحد دلوقتي !!!!!

mamaaa

14-10-2008, 08:54 AM

السلام عليكم كلكم وحشتونىىىىىىىىى

_سمآت_

14-10-2008, 08:55 AM

هههههههههههههههههه بس مفهمتش بعبلو بس حلوه منك

ماشي يا ستي

خلصت مواضيعك ولا لسه يا توتو

. تيوليب***

14-10-2008, 08:55 AM

لا يا توتا نمت بعد إبني الكبير ما تعبني
عنده امتحان ماث وبيحل غلط وبطريقه عجيبه لما راجعت دفتر المدرسه على الدرس الاخير لقيت المس هي اللي مخترعه ماث
قلت له خلاص حل بطريقتها لغاية ما اقابلها في مجلس الآباء آخر الشهر

abeer taher

14-10-2008, 08:57 AM

الف مبروك يا بيرو انك حطيتي اولادك بالحضانه ربنا يحفظهم يارب

الله يبارك فيك يا توتو وآميــــــــــــــــــــــــــــــــــــــــــن يا رب تبعد عنهم كل شر

أنا واحدة مخي لا يعمل جيداً في الصباح الباكر أختاروا أنتم موضوع نتحدث فيه

. تيوليب***

14-10-2008, 08:57 AM

هههههههههههههههههه

ماشي يا ستي

خلصت مواضيعك ولا لسه يا توتو

ههههههههههههههههههههه والله ضحكتيني يا توتا
شوفتي ازاي شكلك زي القمر بالنيو لوك بتاعك؟
موضوعي قبل ما انام كتبته في دفتر وح اكتبه دلوقتي هناك في ورشة العمل ان شاء الله بس لسه حاسه انه مش متكامل

اهلاااا ماما وحشتيني فينك يا قمره