ملف الحضانات في الأسكندرية [الأرشيف] - منتديات لكِ النسائية

بوبوس ام يوسف

14-05-2009, 09:13 AM

ازيك يا مونى انا كمان بدور زيك بصى اناحقولك على الى فاكراة وانتى ممكن تروحى تتفرجى
1-دلفى سابا باشا 5827921
2-سبورتنج بلاى سكول جليم ع الترام 5843291
3- فيلا فى الشارع الى بعد م.الكتاركت
4- وواحدة كبيرة فى شارع جزارة شهاب امام م.الشروق
5-سيمبا ف لوران 5825096
6-ح.زيزنيا لوران
7- البارون لوران ش ابو قير
8-دونلد دك سان استيفانوا
9-جانجل سان استيفانو 5847533
10-سنووايت ترام لوران 5822050
11-رويال كيدز بجوار الكتاركت 5847630
دول الى فاكراهم دلوقتى وممكن تتصلى تسالى على الاسعار والمناسبة تروحى تتفرجى عليها ويارب يوفقك.

monydent

14-05-2009, 11:07 PM

شكرا ليكى ام يوسف علي المساعدة:)

monydent

15-05-2009, 04:01 AM

السلام عليكم يا امهات الأسكندرية انا دلوقتي حكلمكم عن لفي علي الحضانات و النتيجة الى الان و طبعا حستنى مساعدتكم برضة
1-حضانة هابى كيدز:-موجودة في شالاع لافيزون بولكلي..200 جنية....فيها جاردن و مقسمة كلاس بس مفيش منهج واضح في التعليم...تساعدك في تعليم البوتي...فى ناس شكروا فيها و ناس قالوا مش بطالة

om-eyad

15-05-2009, 11:14 PM

السلام عليكم انا سمعت ان حضانة توم وجيرى فى سموحةوحضانة abc
بس ياريت حد يقولى على حضانة كويسة فىالعجمىفى البيطاش

monydent

17-05-2009, 03:35 AM

اسفة ام اياد انا معرفش حضانات في العجمي بس يا ريت حد يساعدك

monydent

17-05-2009, 03:43 AM

2-حضانة مبرة بولكلي....75 جنية قسم الرضع الي 3 سنين....المستوي سىء جداااااااااااااااااااااااا....رغم ان ناس كتير جدا بتشكر فيها و دة انا مش فهماة....الدادة هى طبعا المسيطرة علي الوضع

ام البنات 81

19-05-2009, 07:05 PM

السلام عليكم ورحمه الله وبركاته
دى اول مشاركه ليه معاكو
انا كمان كنت عايزه حضانه لبنتى بس مش عارفه ايه نظام الحضانات يعنى بيحطو كل سن مع بعض ولا ايه
ايه الى بيتعلموه يعنى مفيده للاطفال قبل ميدخلو المدرسه
وبتقدملهم اى وقت ولا بيقفلو التقديمات فى وقت معين
وبيروحو امتى الصبح ويخلصو امتى
معلش طولت عليكو
بس الىى تعرف اى معلومات ياريت تفدنى

ام يوسف الامين

20-05-2009, 12:17 AM

اهلا يا جماعة انا لسه جديدة على المنتدى ولكن والله احبكم جميعا فى الله فانا حست انى واحدة منكم ولها نفس مشاكلكم وعلى فكرة انا كنت ساكنة فى العجمى ولسه ناقلة جديد جدا فى السيوف وعندى مشكلة فظيعة بخصوص المدارس نفسى اعرضها على الاخوات فى مدارس اسكندرية ولكن بالنسبة للحضانات انا بدور على حضانة لابنى تعلمه انجليزى كويس لانى اصطدمت بنمط المقابلة فى مدارس اللغات فقد قدمت لابنى فى مدارس سيدى جابر وجبت له وسطة ولكن لم يقبل بسبب صعوبة نطقه و كذلك اللغةوشكلى حدور على حضانة كويسة واستنى للعام القادم يكون عنده 4سنوات و3شهور اقدم له فى المعاهد القومية وبلاش البلاى وخصوصا انى عندى الاكبر منه عنده السنه دى فى اكتوبر 4و10شهور بحاول ادخله الاقبال او النصرلانه كبير.
وبالنسبة للحضانة كنت قعدت عند ماما فترة فى سيدى بشر وكان لى تجربة مع حضانة سنو وايت وهى سيئة ومعظمهم مسيحيين ولا يوجد اهتمام بالدين ولكنى برضه وديت ابنى الكبير دار اقرا فى 45 هى ممتازة جدا من ناحية اللغة العربية والقران ولكن مفيش تدريس انجليزى وده عملى مشكلة دلوقتى فى التقديم .ان كان هناك حد يقدر يفيدنى انا بعد ما كنت قدمت للانثين من شهر يناير فى العجمى دلوقتى دايخة هنا.:[MM

monydent

20-05-2009, 03:23 AM

monydent

20-05-2009, 03:29 AM

ام يوسف الامين....بصي انا لسة خبرتي ما وصلتش حد التجربة و لكن سماعي كدة انا اسمع ان في حضانة اسمهاabc فى سموحة حلوة جدا في موضوع اللغة و سعرها400 جنية...و في حضانات تانية كمان بس لازم نعرف انتي عايزة الحضانة فى منطقة اه و في حدود كام؟ علشان نقدر نساعدك صح

hanaa2

20-05-2009, 08:31 AM

ام يوسف الامين
انتى بتقولى انك ساكنه فى سيوف انا اسمع عن حضانه كويسه اسمها ترتلز موجوده فى لوران بتعلم كل حاجه ولها باصات اسالى عليها وربنا يوفقك للى فيه الخير
ممكن تجيبى رقمها من الدليل تتصلى ب 140 وهم يقولو لك على رقمها وتسالى على كل حاجه

ام البنات 81

20-05-2009, 03:07 PM

ام البنات....من واقع تجربتى في اللف و الدوران:))اقدر اقولك ان...ايوة النظام الغالب انهم بيحطو كل سن مع بعضه يعنى من 1_2 مع بعض و من 2_3 مع بعض و 3_4 مع بعض و المفروض ان 1-2 كلاس بيتعلموا سماعي و لعب و اكل و غيار و حجات كدة يعنى اما من 2_3 المفروض يتعلموا عن طريق الرسم و الغناء و اللعب برضوا
و هما بيروحوا من 8:3 تقريبا يعني و الموضوع مش الزامي اوي يعني بالمواعيد
و مفيش وقت محدد للتقديم في اي وقت لكن في حضانات معينة بتبدتي المنهج من شهر 9 و قبل كدة بيبقي 3 شهور الصيف كانها نادي
جزاك الله خير حبيبتى على الرد
والله الواحد بيبقي محتار عشان اول طفل يوديه فين وطبعا بيبقي كل الى حواليكى بينصحك بس بتحتارى اكتر
لو حد يعرف يا جماعه حضنات قريبه من سيدى بشر يقولى ربنا يكرمكو ويقولى على نظمها بكام وفعلا مفيده للاطفال ولا مجرد بيلعبو
وهى افضل ولا البلاى سكوا
معلش طولت عليكو

ام يوسف الامين

20-05-2009, 03:19 PM

شكرا ليكى يا هناء وللاخت مونى وانا انشاء الله حسأل على الحضانة وحروح اشفها وحقوللك عملت ايه

monydent

21-05-2009, 02:12 AM

انا النهاردة رحت حضانة دلفي في سابا باشا.....سعرها 200 جنية......مستوى اللغة عالي ليها منهج و فيها جاردن و الميس تحس انهم مستوى

ام يوسف الامين

21-05-2009, 04:58 PM

معلش يا مونى متعرفيش لها بصات ولا لا

monydent

22-05-2009, 10:36 PM

اسفة ام يوسف لا ما سالتش....بس هو معظم الحضانات يا اما عندها او بتبقي متفاة مع ناس

monydent

23-05-2009, 06:56 PM

السلام عليكم جميعا......في حضانة اسمها
early learningموجودة خلف بوتيك لندن في رشدي .....400 جنية ....هي عبارة عن فيلا كبيرة و طبعا فيها جاردن و حسيت ان مستواها حلو اوي و الميس بتاعت الكلاس كانت كيوت خالص و هي الي بتاكل الولاد

monydent

23-05-2009, 06:59 PM

مبروك ام يوسف للولاد انا عرفت من موضوع مدارس الأسكندرية انهم قبلوا في بريلينس

ام ادهم وهنا

23-05-2009, 08:13 PM

السلام عليكم
انا عن تجربة حقولك علي حضانة حلوة وسعرها معقول وهي " حضانة الطفولة الملكية"
فوق موبيلور لوران شارع ابو قير
هي ب 300 ج والباص ب 100

ام يوسف الامين

23-05-2009, 10:18 PM

شكرا لكى يا مونى وعقبال ابنائك
معلش يا ام ادهم هل هى حلوة فعلا ولو وديت ابنى الصغير شهور الصيف
قبل المدرسة حتفرق معاه فى اللغة.

ام يوسف الامين

23-05-2009, 10:22 PM

مونى يعنى حضانة دلفى احسن ولا early learning

ام ادهم وهنا

24-05-2009, 07:32 PM

بصي يا حبيبتي حضانة الطفولة الملكية دي بنتي فيها بس في كلاس فرنسيه
وبصراحة هي مستواها حلو و نطقها في الفرنساوي اتحسن كتير عن حضانتها اللي فاتت وبقت عارفة كل الحروف و الارقام بالفرنسي واسماء كل الالوان والحيوانات بالفرنسي

ام ادهم وهنا

24-05-2009, 07:34 PM

انا متهيالي انك ساكنة في السيوف صح؟
انا كمان في السيوف والباص كان بيوصلها لحد البيت

ام يوسف الامين

24-05-2009, 10:39 PM

شكرا لكى يا ام ادهم
بس معلش اتقل عليكى فى السؤال
هل بيهتموا فى الصيف بالدراسة بنفس درجة الاهتمام فى اشهر الشتاء
لانى عايزة اودى اياد كام شهر الصيف قبل ما يدخل البلاى مع الدراسة

ام يوسف الامين

24-05-2009, 10:42 PM

اين انت يا omeyad بش باينة ليه لعل المانع خير

ام ادهم وهنا

25-05-2009, 06:18 PM

يا ام يوسف كل الحضانات في الصيف بتوقف الدراسة وبيهتموا بالانشطة

rania 9

25-05-2009, 09:01 PM

يا جماعة اسمحولي اشارك معاكم مع ان اولادي اكبرمن سن الحضانة..انا قريت الموضوع و عايزة اقول ان دلفي سمعت عنها انها ممتازة ..و اظن انها تبع مدرسة المصرية الانجليزية EELS و طالما سعرها 00 2 فقط تبقى ممتازة .. و على فكرة يا ام يوسف الامين ..انا وراكي وراكي ..جيتلك هنا برضة ..طالما انت ساكنة في السيوف اسألي عن حضانة في السيوف اسمها عالم سمسم ..عمة الاولاد بتشكر فيها و سعرها 150/الشهر و الbus لانها في السيوف 60/الشهر بس هي ابنها رضيع ..معرفش الكبار بيعلموهم كويس و لا لأ

alex bird

25-05-2009, 09:49 PM

يارايت يا جماعه تسعدونى
عايزه حضانه كويسه فى سموحه عشان ابنى عنده سنه و 8 اشهر
عشان انا مش عارفه خالص و لفيت لقيت كذا وحده
بس مش عارفه ايه الكويس و الوحش وهما
حضانهvip -جمب زهران
- توم و جيرى
-حضانه abc بس مفهاش مكان
ايه احسن حضانه و كمان لو فى حضانات تانيه ياريت توقلولى
معلش حتعبكو معايا

ام يوسف الامين

25-05-2009, 11:39 PM

شكرا يا رانيا يا عسل وانا فرحانة لانك ورايا ويا رب تفضلى ورايا فانا احبك والله فى الله وبعتبرك اختى
الكبيرة لانى ما عنديش اخوات اكبر منى
وخلاص يا ستى كلامك اوامر حشوف دلفى او عالم سمسم
واول ما يقوم اياد ان شاء الله بالسلامة من العملية حوديه
والف شكر ليكى يا ام احمد يا سكر

ام يوسف الامين

25-05-2009, 11:42 PM

اهلا بيكى يا alex birdانا سمعت عن حضانة اسمها ستار فى سموحة
بس هى غالية شوية بيشكروا فيها جدا ممكن تسالى عليها فى الدليل:III:

rania 9

26-05-2009, 12:12 AM

تعرفي يا ام يوسف خليتيني ادمع..انا بقى عندي اخين اكبر مني و اخ اصغر لكن كلهم مسافرين ..هم و ماما و بابا في بلد تانية و انا هنا في مصر لوحدي و ما تعرفيش ده مأثر فيه قد ايه بس ما رضيتش اقول لكم علشان ما اقلبهاش غم ..
ما فيش غير خلاني هنا في مصر و دول باشوفهم نااادر جدا لظروف الحياة ..انا يسعدني اني اكون اختك الكبيرة ..والله انا كمان حبيتك في الله و باحلم لو نتجمع كلنا و نشوف بعض في اي مكان ..انا و انت و ام بيجاد و شيماء و كل الاخوات في مجموعة اسكندرية..من يوم ما دخلتوا حياتي و انا حاسة ان بقالي اهل في اسكندرية

monydent

26-05-2009, 03:23 AM

:)وحشتوني اوي يا جماعة
بصى يا ام يوسف حضانة دلفي ليها في التعليم و المنهج اكتر و انا ان شاء اللة حجربها بس من شهر 9 علشان ابني يكون تم ان شاء اللة 2 سنة .....بس باردوا في شهور الصيف بتوقف الدراسة و بتبقي زي النادي زي كدة ما قلتلك ام ادهم

monydent

26-05-2009, 03:27 AM

اهلا بيكي اولا alex bird
بصي انا سمعت كتير عن حضانة abc و كل الناس بتشكر فيها و هي لغات طبعا ...ب400 جنية و ليها باص طبعا و ليا حد اعرفة كان ابنه فيها
اما توم&جيري فا في واحدة اخت في موضوع مدارس الأسكندرية حزرت منها
حضانه vip معرفش عنها حاجة الان بس حسالك عنها قريبا ان شاء الله:[MM

monydent

26-05-2009, 03:29 AM

رانياااااااااااااااااااااا:)احنا كلنا اخواتك و اامرى انت بس و حتشوفي الاخوات بجد مش كلام

onenahla

26-05-2009, 11:03 AM

انا سالت على حضانه ستارز اللي في سموحه هي في الشارع اللي ورا مسجد علي بن ابي طالب ومصاريفها 400 في الشهر و150 رسوم تسجيل وفيها باص
وبالنسبه للقسم الانجليزي في قسم ناشيونال وفيها قسم انترناشيونال وده بجانب قسم الفرنساوي

بوبوس ام يوسف

26-05-2009, 01:29 PM

السلام عليكم
ام يوسف انا كمان فى السيوف بصى حضانة عالم سمسم دوران السيوف وانتى رايحة على السريع فى مخبز اسمة بان بان هى فى الشارع المقابل لةعلى الناحية المقابلة

وفى حضانة دلفى فى جمال عبد الناصر امام مدرسة عزيز اباظةوهى احلى من التانية

وفى حضانة جرنتش بجوار الاكاديمية وفى حضانة abcفى شارع مبرة العصافرة
وسيمبا فى لوران ممتازة

وربنا معانا ويهدى اولادنا.

بوبوس ام يوسف

26-05-2009, 01:32 PM

اية يارانيا طلبت معاكى كابة ولااية ولو رايحة بكرة الحفلة ياريت نتقابل..

ام يوسف الامين

26-05-2009, 01:44 PM

شكرا ليكى يا بوبوس هى الامور كده اتحسرت فى 2-3 حضانات
حروح اشفهم وربنا يعمل اللى فيه الخير

ام يوسف الامين

26-05-2009, 01:46 PM

اييييييييييييييييييييييييييييييييييييييييييييييييي يييييييين انت ياااااااااااااااااااااااااا رانيا
اييييييييييييييييييييه الاخبار ياعسل
يا ريت تطمنينا

دودو تامر

26-05-2009, 05:33 PM

ازيكم يابنات اخباركم اية معلش عايز حد يقول حضانة نظيفة ف محرم بك او وابور المياة زى اللى بتقولوا عليها لا ن كل الحضانات هنا مش اد كدة فى وحدة ع كورنيش المحمودية ب 200 بيقولولو كويسة بس بيعدة على عايزة حاجة اقرب لان عايزة اروح اجيبها واوديها لانها لم تذهب لاى حضانة قبل كده واخاف عليها من الباص لوحدها

samaaa elhabib

26-05-2009, 07:09 PM

دائما ما تلفتون نظرى اليكم
بتعاونكم ...ربنا يديم المحبة والمودة
ويبارك فيكم وفى اولادكم

http://www.lakii.com/vb/smile/32_304.gif

rania 9

26-05-2009, 09:39 PM

monydent اشكرك..كلك ذوق و الله.. طبعا قدها و قدود..انا فعلا باعتبركم اخواتي

أطايب الجنة 2002

26-05-2009, 10:27 PM

منورة كل مواضيع إسكندرية يا رانيا

فى حضانة حلوة قوى فى ميامى شارع العيسوى ولها منهج أسمها بيردى وهى عبارة عن فيلادورين وحديقة والمديرة عندها كاميرات مراقبة لكل فصل وهى من سن الرضع الى سن قبل المدرسة مصاريفها فى الشهر 150 جنية وأول شهر 300 علشان تامين 150

عروس الاسكندرية

27-05-2009, 03:55 AM

اهلا بيكم يا قمرات انا ابني عنده سنه واربع شهور ناويه انزله الحضانه بامر الله قبل السنتين بشويه المهم انا قلت افديكم واحده صحبتي بتشكر جدا في الطفوله الملكيه الي فوق موبيلور بتقول حلوة اوي وساعدت ابنها كتير
كمان انا قدام البيت عندي عالم سمسم الي في السيوف كنت بفكر انزل حسن فيها بس اكون معاها بس مكسله ومش عارفه هيوافقوا اني اكون معاه ولا لاء عشان هو يا حرام مش بيلاقي حد يلعب معاه خالص لان معندناش اولاد خالص في العيلة

زوووزا

27-05-2009, 08:04 AM

الاخت دودو تامر
بصى بالنسبه لمحرم بك انا اعرف 3 حضانات هناك كنت شفتهم وكانو كويسين وانت شوفى برضه واحده اسمها حضانه الازهار بس مش عارفه اوصف المكان هى فى الشارع الموازي للمامون ناحيه الرصافه شويه
والتانيه اعتقد كان اسمها الجيل الصاعد بصى فى ش امير البحر العماره المشهوره بتاعه الراجل بتاع مجلس الشعب اللى هناك بصى معلش انا مبعرفش اوصف اصل جوزى اللى راح معايا وهو اللى عرف المنطقه
والتالته مش فاكره اسمها هى فى عماره قصر قناه السويس على الشارع على طول وبصى اسالى بوابين العمارات هما عارفين كويس
وان ش الله تلاقى حاجه كويسه
والسلام عليكم ورحمه الله

زوووزا

27-05-2009, 08:06 AM

الاخت الكس بيرد انا اعرف فى سموحه فى حضانه اسمها مبره سموحه زمايلى موديين ابناءهم فيها هى فى ش مصطفى كامل ابقى شوفيها برضه
والسلام عليكم ورحمه الله

دودو تامر

27-05-2009, 06:49 PM

شكرا يازووزا اوى روحت وشوفت الازهار بتاخد من 3 سنوات وانا داخلة بصيت من الشباك لاقيت الميس ماسكة ولد وشياله من من هدومة من الجاكتت زى زى الارنب كده حلف ما انا ادخل فيها هو انا اودى بنتى وابهدلها

سَوَدة المسلمة

27-05-2009, 09:23 PM

يا بنات انا كنت بدور عليكم من شوية
انا عندي احمد سنة وشهر وساكنين في فلمنج وبروح شغلي في جليم على البحر...حد جرب حضانة كويسة قريبة من هناك؟؟

بوبوس ام يوسف

28-05-2009, 11:44 AM

1-دلفى سابا باشا 5827921
2-سبورتنج بلاى سكول جليم ع الترام 5843291
3- فيلا فى الشارع الى بعد م.الكتاركت
4- وواحدة كبيرة فى شارع جزارة شهاب امام م.الشروق
5-سيمبا ف لوران 5825096
6-ح.زيزنيا لوران
7- البارون لوران ش ابو قير
8-دونلد دك سان استيفانوا
9-جانجل سان استيفانو 5847533
10-سنووايت ترام لوران 5822050
11-رويال كيدز بجوار الكتاركت 5847630
دول الى فاكراهم دلوقتى وممكن تتصلى تسالى على الاسعار والمناسبة تروحى تتفرجى عليها ويارب يوفقك

بوبوس ام يوسف

28-05-2009, 12:19 PM

ام يوسف اش الله من يوم السبت حنزل ادور على حضانة ليوسف انا ساكنة فى السيوف فاية رايك اول حاجة
عالم سمسم - دلفى - الملكية-- وفى اخر نفق عبد الناصر واحدة
انتى حتروحى تشوفى اية.

زوووزا

28-05-2009, 12:50 PM

الاخت دودو تامر
كنت عايزه اقولك لو عايزه حضانه اقل من 3 سنين فى محرم بك فى واحده للرضع حتى3 سنوات فى اخر شارع الوزير تبع مركز خدمه المجتمع لها باب على الوزير وباب على الرصافه واحده صاحبتى كانت موديه بنتها فيها وصراحه كانت بتشكر فيها
وكنت عايزه اقولك على الحضانه اللى فى امير البحر هى فى العماره اللى فيها فرن امير البحر ودى ب60 والتانيه فى عماره قصر قناه السويس قدام كوبري محرم بك على طول ودي ب 80
شوفى برضه يمكن ترتاحى لحاجه منهم
والسلام عليكم ورحمه الله

دودو تامر

28-05-2009, 03:57 PM

الف شكر يازووزا تعباكى معاى حروح اشوفهم واقول لكم بس بساءل هى حضانة abc اللى فى سموحة مكانها فين ؟ ولو حد يعرف ياريت يقول وشكرا

دودو تامر

28-05-2009, 04:00 PM

كمان فى حضانة جديدة اسمها قطرات الندى ف اخر شارع المنزلاوى ب 100 ف الشهر و هنى بانى ف قناة السويس عند شركة السجاير ب200 ف الشهر حروح اشوفهم ان شا ء الله ربنا يسهل

زوووزا

28-05-2009, 07:09 PM

ياريت يا دودو تقولى لى معلومات عنهم اكيد ساحتاج المعلومات دى فى يوم من الايام ا ش الله
وجزاك الله خيرا ربنا يهديك للخير

سَوَدة المسلمة

28-05-2009, 09:51 PM

دودو تامر

30-05-2009, 06:32 PM

اخباركم ايو زوززوا انا روحت اليوم حضانة قطرات الندى اللى ف اخر شارع المنزلاوىعند جامع الشيخ اللى ع الترام هى دور فعمارة جديدة هى كويسة مش وحشة بس كنت حودى بنتى 3 شهور لحد ماافكر تروح بلاى قالوا لا مش عايزين تقعد عندهم اقل من سنة كاملة مش كام شهر وهم بياخدوا 150 تامين و100 كل شهر كبرت دماغى ومشيت ان شاء الله اشوف بتاعة الجيل الصاعد واللى عند قصر قناة السويس وربنا يسهل
حقول لكم ع اخر الاخبار يمكن المعلومات دى تفيد اى حد فى محرم بك وشكرا

misha_misha

07-06-2009, 12:54 AM

انا ساكنه فى وينجت وبرضه محتاره لان اسعار الحضانات اللى جنبى فى رشدى ب5000 جنيه فى الست شهور الدراسه و450 فى الشهر وانا مقدرش ادفع المبلغ ده بصراحه انا آخرى من 150 الى 200 فى الشهر وياريت نلاقى حاجه مناسبه فى اقرب فرصه لان بنتى دلوقتى عندها 3 سنين وشهرين مش عارفه الصراحه ابدأ منين

monydent

07-06-2009, 01:31 AM

الاخت misha في حضانات كتير قربك ب 200 جنية
1-happy kids في لافيزون
2-smile ب 250 جنب نادي القضاة
3-

زوووزا

08-06-2009, 08:41 PM

الاخت دودو تامر
فينك عملت ايه فى حضانات محرم بك يارب تكونى لقيت حاجه كويسه

دودو تامر

09-06-2009, 05:33 PM

ازيك يا زووووزا والله لاقيت حبة حضانات منها حضانة هنى بانى ودى عند ابراج الكرام جنب شركة المياة بتاعة محرم بك ع كورنيش المحمودية هى حلوة جدا ونظيفة سعرها 200 فشهر وصاحبة الحضانة محترمة بس لازم يونيفورم صيفى وواحد شتوى وكتب ب100 والينوفور ب400 والباص ب100 لانها بيعدة على وبصراحة انا كنت عايزة اقعد 3 شهور الصيف ع داخلة بلاى فاكتوبر لاقيت الموضوع داخل فى 1200 ف 3 شهور بس لو كنت مافيش بلاى كنت روحت فيها وفيها حمام سباحة ونظيفة

دودو تامر

09-06-2009, 05:35 PM

وفى واحدة جديدة ف وابور المياه اسمها كيدز هاوس ب150 فالشهر فى وش باب مستشفى المترنيه هى حلوة والفصل تحفة بس عبارة عن شقة دور ارضى 3 غرف وصالة فيها العاب و3 يعتبروا كلاس ومافيشهاش مساحة

دودو تامر

09-06-2009, 05:38 PM

روحت واحده ف اخر قناة السويس اسمها البراعم الصغيرة وقبل كده كان اسمها الارانب الصغيرة دى ب50 فالشهر بس متفكريش فيها وروحت الجيل الصاعد بصراحة كبيرة فيها مكان للالعاب وحوالى 6 او 7 كلاس لكل الاعمار من ببيبى للمدرسة فى تحفيظ قران 3 مرات ف الاسبوع و100فالشهر عجبتنى بس فيها اولاد كتير بس مش مشكلة المكان نظيف وحاتوكل ع الله وقدم الاسبوع الجاى ان شاء الله

دودو تامر

09-06-2009, 05:43 PM

يارب اكون افدت اى حد ف منطقة محرم بك وعايزين كل واحد فمنطقة يكتب كل اللى يعرفة عن اى حضانة بحيث اللى يدور يلاقى كل المعلومات ف النتدى وحجمع كل تليفونات الحاضنات اللى قولت عليها يمكن تفيد اى حد وبرضو الكل ياريت يشارك فى كده بحيث يكون دليل للحضانات فالاسكندرية

زوووزا

09-06-2009, 06:53 PM

جزاك الله كل خير يا دودو وربنا يهديك للاحسن والافضل امين يارب

kf9111

09-06-2009, 07:05 PM

السلام عليكم . في حضانة اسمها ترتلز في سبورتنج حلوة جدًا ونظيفة ولها فرع في لوران .

misha_misha

10-06-2009, 12:25 AM

الاخت misha في حضانات كتير قربك ب 200 جنية
1-happy kids في لافيزون
2-smile ب 250 جنب نادي القضاة
3-
والله فرحتينى انى فى حاجه فى وينجت انا معرفهمش حقيقى وياريت لو تعرفى معلومات اكثر وشكرا لك كثيرا

fefe8elmon

11-06-2009, 07:29 PM

السلام عليكوم جميعا انا عضوة جديدة و ان شاء الله على وشك انى اشتغل مدرسة فى حضانة فى استنلى جنب مومن و هى حضانة جميلة و على مستوى

monydent

11-06-2009, 08:24 PM

السلام عليكم... الاخت ميشا في كمان حضانة اسمهاالدبة بوه قريبة من مدرسة عطية المليجى ب 200 جنية و في ناس بتشكر فيها و ميزتها ان العدد قليل فيها بس المستوي التعليمي معنديش فكرة

misha_misha

13-06-2009, 07:42 PM

السلام عليكم... الاخت ميشا في كمان حضانة اسمهاالدبة بوه قريبة من مدرسة عطية المليجى ب 200 جنية و في ناس بتشكر فيها و ميزتها ان العدد قليل فيها بس المستوي التعليمي معنديش فكرة
ان شاء الله فى اقرب فرصه هاروح اشوف ايه النظام

ولو ان فى ناس قالولى دخليها مدرسه نهضه مصر اللى فى بولكلى بتاخد من الحضانه الى الاعداديه

متشكره جدا يا موني دنت

ولو تعرفى معلومات عن نهضه مصر ياريت تبعتيلى

مروة1

14-06-2009, 07:52 PM

السلام عليكم انا ام جديدة بس انا انصحك بحضانة اسمها ABC ناس كتير جدا شكروا فيها عن ثقة ..فى سموحة
وفى كمان حضانة اسمها ترتلتز فى سبورتنج بس انا مش عارفة مستواها بقى ازاى دلوقتى

misha_misha

14-06-2009, 08:50 PM

السلام عليكم انا ام جديدة بس انا انصحك بحضانة اسمها ABC ناس كتير جدا شكروا فيها عن ثقة ..فى سموحة
وفى كمان حضانة اسمها ترتلتز فى سبورتنج بس انا مش عارفة مستواها بقى ازاى دلوقتى

انا سمعت عنها كتير بس هى مصروفاتها الشهريه مش منسبانى فى الوقت الحالى لانها بحوالى 450 شهريا

سَوَدة المسلمة

08-07-2009, 07:11 PM

يا بنات انا زرت النهاردة 3 حضانات
بلاي سكول
مودرن كيدز
تليتوبيز
كلهم في فلمنج
يا ريت لو حد منكم يعرف عنهم حاجة يفيدني بسرعة لو سمحتم

GalB o5taha

09-07-2009, 04:03 AM

بالتوفيـــق :):)

monydent

10-07-2009, 05:25 PM

الاخت سودة.....لو عايزة حضانة جيدة في نفس المحيط دة في حضانة دلفي ناس كتير بتشكر فيها

سَوَدة المسلمة

13-07-2009, 08:04 AM

الاخت سودة.....لو عايزة حضانة جيدة في نفس المحيط دة في حضانة دلفي ناس كتير بتشكر فيها

ما هي دي بلاي سكول يا موني بس انا لما دخلت المكان بتاع اقل من سنتين ما عجبنيش فيها بصراحة لأنه مش ممتع ومش نضيف زي مودرن كيدز مثلا وبعدين احمد سنة ونص ازاي يحطوهولي مع العيال اللي لسه عمر شهور ومش داري بالدنيا
انا محتارة بين تليتوبيز وبين مودرن كيدز
يا ريت لو حد فيكم يعرف حاجة عنهم ينصحني وجزاها الله خيرا

سَوَدة المسلمة

21-07-2009, 12:04 PM

يا بنات احب اطمنكم احمد بقى له اسبوع في تلي توبيز وإلى الآن أنا شيفاهم ناس نضاف ومتفتحين والحمد لله
هي مصاريفها 200 في الشهر و 20 تقريبا ملئ استمارة
فيها جاردن كبيرة و محفظة قرآن كل 3 أيام وانجليزي وفرنساوي وبسين يوم الاربعاء وكمبيوتر طبعا
يعني انا شيفاهم ناس نضيفة كمان والدادات شكلهم محترم
مكانها في فلمنج في الشارع بتاع قسم الرمل اللي هو على اوله تاتو

mony_74

26-07-2009, 09:31 PM

السلام عليكم جميعاً الفكرة مش فى اسم أو سمعة الحضانة لأن البيت هو اللى عليه الحمل الأكبر وعن تجربتى فى العمل فيه نماذج كتير عندنا فى التجريبيات ولا تفقه شئ استخيرى الله وانتى توصلى لحل

mony_74

26-07-2009, 09:33 PM

hanoo_79

20-08-2009, 03:16 AM

انا بنتي عمرها سنه و3شهور الاقي حضانه تقبلها
انا ساكنه ي رشدي

monydent

25-10-2009, 03:23 AM

ya gma3a ana da7`alt abny 7danet delphy fi saba basha ...el 7dana kwayesa gedan w mostawaha raki...we el manhag bta3ha 7elo gedan fares by2ol el fat7a ma3aya delwa2ty we 7ades sharif el 7amodo elelah

سَوَدة المسلمة

30-10-2009, 01:51 AM

انا رحت ديلفي قبل ما اودي احمد تلي توبيرز بس مستواها للأطفال الأقل من عامين ما عجبنيش الصراحة
فكرة انهم يحطوا الطفل عمر شهور مع طفل عمر سنة فأكثر ما عجبتنيش
احمد في تلي توبيز بيسيبوه يحضر الدروس مع زمايله الأكبر حتى لو مش فاهم اهو بيلقط حاجات بسيطة
هو مصاريفهم واحدة بس الفرق بينهم في النقطة دي بالاضافة إلى إن الجنينة مش محتاجة سلالم علشان يروحوا لها وبالتالي مثلا لو واحد زي احمد حب يروح الجنينة مفيش خوف عليه

monydent

08-11-2009, 03:10 AM

ya bnat 3andy sa7bty sakna fi ba7ry w bdawer 3la 7dana mn ba7ry ela ma7tet el ramel tkon kwaysa w 7ad megarbha ya reet tsa3doha

safir_1972

26-11-2009, 02:48 PM

السلام عليكم
انا محضرلكم هدية تجنن
هتفيدكم كلكم بس عاوزكم تشاركونى فيها
انا بجمع لكم ملف كامل و شامل عن الحضانات فى اسكندرية
بصور و عناوين و ارقام تليفونات و كل شيئ عن الحضانات فى اسكندرية

هوبة 79

28-11-2009, 05:53 PM

السلام عليكم

انا محضرلكم هدية تجنن
هتفيدكم كلكم بس عاوزكم تشاركونى فيها
انا بجمع لكم ملف كامل و شامل عن الحضانات فى اسكندرية
بصور و عناوين و ارقام تليفونات و كل شيئ عن الحضانات فى اسكندرية
شكرا يا قمر مستنين الملف

monydent

30-11-2009, 02:08 PM

we are waiting ya amr hwa feeeeeeeeeeeeeeeeeeeeeeeeeeeeeeeeeeeeeen?

kids world

21-05-2012, 12:10 PM

حضانة ===== عالم الاطفاال==== الاسكندريه- سيدى بشر بحرى - 134 خالد بن الوليد - امام فنق رمادا - موقع متميز جدا و خدمه ممتازه 5560060

shrwet

21-05-2012, 06:36 PM

اخواتى العزيزات انا ايضا كنت فى نفس المشكله ولفيت على مدارس اسكندريه
فى سؤال مهم المستوى المطلوب هو ايه يعنى لازم نحدد المستوى المادى الى احنا محتجينه والمستوى التعليمى
لان اسعار المدارس متفاوته من 1500 جنيه الى 10000 ده بالنسبه لkg 1
الحضانات ايضا مختلفه ومتفاوته من 100 الى 850

وطبعا كل واحده عارفه مستواها المادى الذى تستطيع ان يتلائم مع ظروفها فى حضانه جميله ب300 جنيه ومستواها كويس فى سابا باشا على الترام والمديره والعاملين على قدر من الاحترام والالتزام وانا كنت حقدم لابنى فيها
وفى حضانه جديده فتحت من حوالى 7 شهور المانيه وطبعا رائعه واتيكيت ورسم وموسيقى ورياضه ب750

ارجو ان نحدد ما نريد وسؤافيكم بم توصلت اليه
على فكره انا قدمت لابنى فى مدرسه لغات عاديه بسبب ظروف البلد والقلق وعدم قبول زوجى اى مدرسه خارج المدينه على الدائرى ولكن عجبتنى
مدارس القدس جميله جدا و سيدى جابر للغات ايضا