يابنات مدرسة الفوتوشوب 00محتاجة مساعدتكم

[الريم]

السلام عليكم ورحمة الله00
اخباركم يابنات انشاء الله بخير
محتاجتكم00في مسألتين00اتمنى اجد عندكم اجابة
جايني فتور بالتصميم00 انا دخلت للتصميم وانا عندي رغبة كبيرة وتفريغ لطاقتي00والهروب من مشاكل الحياة
الآن جايني فتور وماني قادرة أسوي شي00كل اللي اعرفه سويته00اشتريت كتاب عشان ابحث عن الجديد فيه00المدرسة والدوام ابعدوني شويه وصاير فيني خمول ابي اسوي شي جديد00ماعندي مقدرة00ابي افكار وتصاميم00بحثت لكن كل اللي وجدته كلها تصاميم غزل وشعر واغاني ما أبي كذا00

المسألة الثانية أبي أصمم فكرة لمجلة حائطية بشكل بانرز للمدرسة ماني عارفة من وين أبدأ00
يعني مقاسات البارنرز كيف اسويها (ابيها تكون بشكل كبير على الحائط يعني مترين في متر مثلا)كيف آخذ هذي المقاسات؟ 00وماهي الدقة المناسبة للعمل؟؟

بس هذي :( مشكلتي 00ممكن تساعدوني0

[المقنَّـعة]

هلا يالريم
ترى الفتور اللي عندك احس انه عند الكل
يمكن مع الدوام والدراسة زي ماقلتي
لكن .. اللي يحب الشي لازم يستمر فيه
طبعا الافكار ماراح تجي الا اذا شفتي شغل الثانيين
ادخلي على منتديات الجرافيكس والابداع
الجميع يقول انه مبتدئ ..
لكن شغلهم يختلف من واحد للثاني
اتوقع ان الفن في البرنامج يجي من شيئين : الخيال و الفلاتر :D
حاولي تقليد التصميم اللي يعجبك . وهاذي الطريقة جربتها .وفعلا مفيدة

تحياتي لك وفي انتظار ابداعاتك

[النجمه اللامعه]

بسم الله الرحمن الرحيم
شلونج اختي الغاليه الريم
عساج بخير ان شاء الله
:) :)
اختي الملل والخمول موجود عند الكل خاصة مع الدراسة والامتحانات
ومعروف التصاميم تبي تفكير ومعروف التفكير الحين منشغل بالدراسه وهمها
واما عن نفسي ما تطلع معاي التصاميم الا لما ادش الفوتوشوب واحوس فيه لين تطلع معاي فكره
تصميم حلوه
:) :) :)
بس فكرة اختي المقنعة حلوه يمكن تعطيج فكره لما تشوفين تصاميم مختلفة
جربيها وان شاء الله تنفع معاك
W: W: W: W:

[البشرى]

يا عمري
الله يفرج همك وهم كل مكروب من المسلمين يااااحي ياقيوم.......
والله ما ادري وين الله حاطني فيه من ناحية الكمبيوتر كللللله
زين الي قدرت اشارك معكم:D :D
ولا كان ساعدتك

[الريم]

الله يجزيك خير يالمقنعة00
وانت يالنجمة
كلامكم صحيح00انتو تدرون ايش اسوي معلمة معاي سوت الفكرة اللي قاعدة أقولكم عليها وطول من رايحة وجاية بس عيني على اللوحة وأطالع ايش استخدم المصصم فيها وايش الألوان 00مع انها بسيطة مافيها فلاتر كثير 00اللهم خلفية معمولة بطريقة تناسب الموضوع00
أنا مشكلتي بالمقاسات والاهم البداية 00حتى فتح البرنامج مستثقلته00خمووووووول وكسلللللللللل
:(

اختي الحبيبة 00ام وريحانة00:)
تكفيني مشاركتك واحساسك معاي ودعائك لي00
اللهم آآمين 00وربي يجزيك كل خير

[الريم]

:(

[السلفية]

أقول يالريم .. تعالي شوي


















الوجه هذا :( .. ما أبي أشوفه مرة ثانية .. وعلشان أخليك :) وبعدين :D ..
































أقولك عن خبرتي في الفوتوشوب :D ..


































أنا ما أعرف إلا ..
ثلاث شغلات .. هي الكتابة على الصورة + وضع إطار لا وما يطلع واضح بعد + وشلون أغير الأولواااااااااااااااااااااااااااان بس .. يعني ألوان الخطوط :D :D :D ..
علشان كذا لا تزعلين .. الحمد لله إنت وصلت مرة متقدمة في الفوتوشوب .. ودروسك الكل يستفيد منها الله يبارك لك .. حتى إن درسك عن الفلاتر حفظته عندي في الكمبيوتر .. وتوني ما طبقته .. يالله ألحين خليك :) وبعدين :D ..

[هنيدة التحفيظ]

أنا زعلانة منك أختي الريم لأني طلبتك نعلميني الفوتو بالعربي وماعد رديتي عالسالفة

[- asma -]

الله يعينك


كان نفسي والله افيدك

بس انت ادرى مني فيه :D

[أمل وضياء]

الغاليه الريم .. أخيّه لاتشتكى :(
فمن غيرك يثير حماسنا ... ولاتهتمى للتصاميم حاولى تبتكرين أشياء
جديده غير ... وعارفه أن المسأله تحتاج وقت ليس بالبسيط ولكن
دائماً أحتسبى الأجر بعملك وربى يعينك فيه 0
----
شوفى الريم ..إذا أحببتِ تسوين تصميم
أتبعى مايلى :
1- اختيار اسم الملف
2- تحديد طول وعرض الملف
3- ا ختيار دقة الوضوح في الصوره
( 72 اذا كانت عرض ويب) >>>> خاص بالنت
----
(250-300 للطباعة والنشر)
ولابد ان تكون بالانش

-----
4- اختيار صيغة الالوان
RGB الوان الشاشه للعرض بالانترنت والويب
CMYK تسمى الوان الفرز للنشر والطباعه
-------
أتمنى أن أكون أفدتك بالطريقه الصحيحه 0

[الريم]

هنيدة 00عزيزتي
انا اللي ماعاد شفتك والدروس نزلناها بس انتي ماتابعتي معنا00
بعدين للأسف الفوتو حقي بالانجليزي كله وما مرة جربت العربي00فما راح أفيدك كثير0



غاليتي السلفية00والله الحقيقة انا صار لي كم يوم :(
وشكلي بصير كذا sid اذا ماحد عبرني

بس دامك انتي وشموسة رديتو اليوم انشاء الله ربي يفرجها واكون :D :D



ياهلا صدى00
مانت مقصرة وفيك الخير والبركة
تسلمين عزيزتي



ياهلا شموسة 00توقعت انك ماشفت الموضوع راح اليوم للصفحة الثانية ورجعته عشان تشوفينه
وانشاء الله استفيد من معلوماتك
لكن الكسل اللي فيني 00يبيله همه عشان اقدر بس افتح الفوتوشوب
تسلمين اختي الغالية والله لاحرمني من طلتك

[غناتي2002]

ليه يالريم بالعكس كلنا معبرينك
الريم أدري بتقولين غبيه بس حاولت أستوعب سؤالك :D
بس مافهمت شي ماأدري اش طلبك بالضبط:rolleyes:
يعني أديني الخُلاصه ;)

[أسيرة الغربة]

أولا : حددي المساحة كم مساحة العمل ...
ثانياً : حديد طبيعة عملك ونوعية التصميم واعتقد أني فهمت من كلامك انك راح تعملين مجلة لكن ماذكرتي كيف هل ستعملينها كلها بالفوتو شوب واعتقد انها طريقة غير مجدية.....
ممكن انك تعملين رسم مبدئي للفكرة على ورقة خارجية وترين محتويات المجلة وتعدينها هنا تكون تكونت لك الفكرة كاملة فلديك مادة المجلة التي من خلالها تستطيعين التصميم ...
طبعاً يمكنك تصميم مايلي بالفوتو شوب :
- برواز للمجلة
- تصاميم ناعمة للاعمدة التي ستكتب بها المواضيع والمقالات ...ويعتمد التصميم على نوعية المواضيع لذا أكد على أهمية اعداد المواضيع قبل التصميم .
- كذا راح تتكون لديك تصميم تستطيعن التعديل فيه ...

أما المواضيع يمكنك كتابتها بالورد وطباعتها هناك ...

[الريم]

الله يجزيكم خير00
والله ردودكم بردت قلبي 00
بس نجي للجد000
غناتي00ابي اعرف مقاسات مساحة العمل المناسبة للوحة تنفع تكون مجلة حائطية بطول 2م في 2م مثلا00كيف آخذ هذه المقاسات في الفوتوشوب؟؟



هلا وغلا بأسيرة وحياك الله
وربي يجزيك كل خير على ردك 00
كلامك كله صحيح أنا مفكرة بالمجلة كتصميم لكن ماخططت لها ‍‍!
ومافهمت عليك كيف تكون غير مجدية العمل كله بالفوتوشوب00يعني استعين ببرنامج ثاني للكتابة0

عموما عندي فكرتين للتصميم:-الاولى ان تكون الكتابة ثابتة في الموضوع00لاتتغير0
والثاني :- ان تكون أوراق تضاف وتبدل كل فترة بمواضيع جديدة وهذة تكون احسن للفائدة لفترة طويلة0
الآن التصميم للشكل عامةً00 طبعا باستخدام فلاتر وخلفيات متداخلة هل تكفي ؟؟
وهل عندك فكرة يمكن استخدامها للتصميم ؟؟
وتسلمين لي 0

[بوحازم]

السلام عليكم ورحمة الله وبركاته

انقل لكم هذه السطور:

من الأمور الرئيسية في المصمم الناجح أن يكون ذو خيال واسع وعقليه إبتكارية ونفس لا ترضى إلا بالتجديد وكره الجمود ....

نعم ... قد يكون المصممون كثيرون لكن المبدعون والمجددون منهم قلة فنرى كثير من المصممين وضع نفسه وسجنها داخل قالب واحد وظل فيه لسنوات عديده فمذ أن ترى تصميم حتى تعلم أنه له فألوانه مكررة وصوره ولمساته ....

إن بعضنا اختصر التصميم في صخب الألوان وكثرة الفلاتر التي تفقد التصميم جماليته حتى ترى نفسك امام علبة الوان .....

إن الابتكار في التصميم امر إيجابي وصحي لإثراء هذا الفن الجميل ....

فلنحاول جاهدين ان نرقى بذوقنا وأن لانضع إلا التصميم الذي يعكس تطورنا وفهمنا وعقليتنا ولنحاول كثيرا حتى نصل ولا بأس بالإستفادة من محاكاة التصاميم الجيدة التي تأخذ طابع البساطة والقوة في نفس الوقت .


ومثال على التجديد والخروج عن المألوف مثلاً في كتابة عنوان ( وهي حركة ليست بالجديدة ) لكن لابأس منها :

هي أن نستعين بالخطوط الإنجليزية لصنع كلمة عربية وفي ذلك تجديد وجمالية للتصميم


والله أسأل ان يعلمنا ما ينفعنا وأن ينفعنا بما علمنا



W:

[الريم]

الله يجزيك خير يابوحازم00
الاتوجد عندك فكرة للمجلة الحائطية؟

[غناتي2002]

الريم فهمت طلبك:D
بس الصراحه مافهم في هذه الأشياء
اتمنى لو كان عندي فكره أساعدك :rolleyes:

[الريم]

تكفي مشاركتك :)
وأسألي ياغناتي اللي حولك وعندهم خبرة00يمكن؟؟

[أسيرة الغربة]

لي عودة وعذرا على التأخير .

[الريم]

ياهلا 00
وبانتظارك يا أسيرة00

ملاحظة 00على رأي المقنعة00وهو التقليد00لاأحب هذه الطريقة في التصميم00
لأنها تصيبيني بالاحباط وقد جربت مجرد تجربة00كبداية00فكرهت الناتج منها0