PDA

View Full Version : ركن خاص ببنات المنصورة_وأهم أماكن التجميل والشراء_الجزء الـ 14 (جومانه)





الصفحات : [1] 2
عروسة حبيبي
03-07-2009, 04:00 AM
ازيكم كلككككككككككككككككككم


الاول بنشكر
جومانة
انها جمعتنا
في الركن دة
http://www.lakii.com/vb/smile/32_306.gif (http://www.lakii.com/vb/smiles/index.php)




http://www.lakii.com/vb/smile/21_55.gif (http://www.lakii.com/vb/smiles/index.php)


http://www.lakii.com/vb/smile/21_137.gif (http://www.lakii.com/vb/smiles/index.php)
((((((( ونقلاً عن جومانة )))))))


تم الجزء الاول بنجاح ساحق
والجزء التانى انتهى برضة بنجاح ساحق
والتالت نفس القصة
و الجزء الرابع والخامس والسادس والسابع والتامن والتاسع والعاشر كمان
احنا الحمد لله دلوقتى ف الجزءال 14بتاعنا


طبعا لكل اللى كانوا متابعين معانا احنا كنا عاملين موضوع حلو اوى ومجمعين فية كل بنات المنصورةالحلوين
وموضوعنا من البداية للى كانوا مش متابعين
خاص بكل حاجة عن المنصورة كوافيرات _ميك اب _لانجيرى _كل حاااااااجة
يعنى كل بنت بتكتب تجربتها او بتسأل عن حاجة معينة وكلنا بأذن الله هنرد عليها
وانا موجودة بالنسبة للاجابة على اى سؤال
وانا الحمد للة خلاص اتجوزت وهابقى متابعة معاكم بأذن الله من خلال تجربتى اية اللى استعملتة واية اللى اشتريتة وطلع مالوش لازمة
جومانة
همسة عابرة
03-07-2009, 04:09 AM
مبرووووووك علنا الجزء الجديد يا بنات
ويارب يكون معانا الجزء ده
ام حبيبة الرحمن
ام يوسف
النداهة
جومانة
رنا
شيرى عادل
مدام اشرف

ويفضلوا معانا
دودوو
سوليتير
دعاء
شوشو
انجى
نسييت حد؟؟؟؟
معلش لو نسيت حد

ويارب الجزء ده
اللى متخطبتش تتخطب
والمخطوبة تتجوز
والمتجوزة تجيب نونو جميل
ان شاء الله
همسة عابرة
03-07-2009, 04:10 AM
تصبحوا على خير بقى
هقوم اصى الفجر وانااااااااااااااااااااام
jomana8090
03-07-2009, 11:50 AM
ادعى لى معاكى يا همسة والنبى
نفسى اعرف بتلحقوا تخلصوا الاجزاء دى امتى بسhttp://www.lakii.com/vb/smile/5_202.gif
النداهه
03-07-2009, 01:27 PM
السلام عليكم وجمعه مباركه عليبكم باذن الله
همسه نسيتى الحامل وفى الاخر زىى كدا تولد
جومانه اللهم ارزقك الحمل العاجل
ومبروك التجمع الجديد
النداهه
03-07-2009, 02:19 PM
جومانه بجد لو عايزه نونو ممكن تتابعى فى ركن الحمل والولاده وان شاء الله تعرفى حاجات كتير فيها يلا بقى علشان منوضحش كتير معانا بنات لسه صغننين علشان منفتحش عنيهم هنا وان شاء الله نسمع اخبار كويسه
عروسة حبيبي
03-07-2009, 02:33 PM
سلام عليكم

جومانة بلاش والنبي عشان حرام وكفارتها لا إله إلا الله إستبدليها بالقول ( بالله عليكي )

وربنا يرزقك بالذرية الصالحة عاجلا إن شاء الله

النداهة ربنا يتمملك حملك على خير
doaa alhousiny
03-07-2009, 02:43 PM
اهلا الهلا اهلا
يا جومانا
و اهلين كمان للنداهة
ولو انى بخاف اوى من الاسم ده
وغريب اوى انك اخترتى الاسم ده

اما انتى بقة يا عروسه
مش عارفة انتى عملتى كده ليه
ها؟
مش عارفة هملتى ايه؟
يا سلام يا استاذة
انا مش مصدقة انك عملتى كده
انا كنت مخدوعه فيكى ولا ايه؟

عايزة تعرفى عملتى ايه؟!!!











































عملتى جزء جديد و لسه شويه على الجزء التانى

لازم نخليه مغلق
عموما يا باشا انا هقفلة
هههههههههه
هرد فيه كتير لحد ما يتقفل
dodo412
03-07-2009, 02:44 PM
صباح الفل عليكم ياقمرات
وحشتونى جداااا اخباركم ايه
انتو لسه نايمين ولا ايه ايه الكسل دا منك لها
النهاردة الجمعة دا اليوم بتاعى ولالااسف بكرة السبت وهرجع الشغل ووجع الدماغ
القعدة معاكم كانت حلوة اوى اوى هبقى ادخل بس مش متأخر
انا دلوقتى عملت خلطة كدا على شعرى حطيت زيت زيتون ومايونيز وهسيبه
ساعتين هقوم دلوقتى اقعد فى البانيو احط ملح ومية دافيه لو فيه التهابات بتهديها اوى
وبعدين هعمل اسكرب لجسمى واحط ماء ورد وبعدين مرطب اليوم بيبقى شااامل
ساعتين على الاقل
dodo412
03-07-2009, 02:47 PM
جمعة مباركة يابنات اخيرا صحيتوووو
النداهه
03-07-2009, 02:48 PM
ليه يا دعاء كدا دا اسم جميل خالص وكمان دا اسم فيلم لماجده وشكرى سرحان على العموم لو مدايقك اندهيلى ببسمه
بنوتات ايه رايكو فى اسم كنزى
همسة عابرة
03-07-2009, 02:49 PM
السلام عليكم
جومانة يا هلا بيكى
يارب يارب يارب يرزقك بالنونو قريب
النداهة يارب تقومى بالسلامة
عروسة
دعاء
دودو
صباح الخير على عيونكو يا قمرات
حمام الهنا يا دودو بكره بقى رايحة الشغل
بتعملى نضافة شاملة ههههههههه
doaa alhousiny
03-07-2009, 02:50 PM
ما شاء الله يا دودو
انتى بتلحقى نفسك ولا ايه
عشان خلاص الشغل جه تانى
معلشى يا بنتى ربنا معاكى
بس عرفينا ايه الاوقات اللى ممكن تكونى موجوده فيها
بس انا معرفتش ايه الشغل اللى انتى بتعمليه ده
مش فاهمه خالص
همسة عابرة
03-07-2009, 02:51 PM
انا صااحية من زمان
بس لسه ورايا شوية حاجات هكملها
بس هفضل فاتحة
ماتمشوش


النداهة اسم كنزى جميييييل
هيا بقى بنوتة
بحب البنات قوى
النداهه
03-07-2009, 02:51 PM
دودو انتى عارفه مشاغل اليوم دا بقى ممكن عزايم وخروجات وكدا يعنى بس انا فاضيه النهارده حبيبى راح الشغل مش عارفه شغل ايه دا النهارده وطبخت والبيت صحيح لا يطاق بس مش هقدر اعمل فيه حاجه فخلينى قاعده شويه
dodo412
03-07-2009, 02:51 PM
للاسف رايحة الشغل فعلا ياهمسة بس انا متعودة على الدش دا كل اسبوع
بحس براحة نفسية بعده
بسمة ياقمر حلو الاسم فيه كمان اسم جودى عجبنى اوى
همسة عابرة
03-07-2009, 02:52 PM
انتى بتشتغلى ايه يا دودو صحيح
يعنى وين ؟؟؟؟؟؟؟؟؟
النداهه
03-07-2009, 02:52 PM
بنوتى اه بس محتاره جدا فى الاسم
النداهه
03-07-2009, 02:54 PM
يا بخت اللى بتشتغل والله هتحسى بالنعمه دى بعدين انا نفسى اتوظف بقى فى اى حاجه انشالله حتى مديرة بنك
dodo412
03-07-2009, 02:54 PM
على فكرة يابنات احتمال دخولى يكون قليل الفترة الجاية
امى هتسافر لاختى السعودية وانا واخويا هنتشرد فى الشوارع
هنروح عند خالتى لان مش عاوزين نقعد لوحدنا الجهاز عندهم بايظ
بس هخليهم يصلحوه مش هقدر اقعد كام شهر من غير ما اتكلم معاكم
doaa alhousiny
03-07-2009, 03:00 PM
النداهه,,,انا بخاف من الاسم ده اوى
عشان عندى عقدة من صغرى منه
ههههههههههه
كانو بيخوفونى بالسم ده
هههههههههه


دودو,,,,, حاولى تاخدى الجهاز معاكى
انتى مش هتقعدى اسبوع ولا اتنين
دى شهور يا بنتى
doaa alhousiny
03-07-2009, 03:03 PM
شوشو
رحتى فين يا بنتى

هو مين موجود دلوفتى
عشان انا بقيت بشوف اكبر تجمع لينا بيكون امتى
doaa alhousiny
03-07-2009, 03:06 PM
النداهه
عروسه شوشو
همسه
دعاء .انا يعنى.
دودو
مين تانى موجود؟
doaa alhousiny
03-07-2009, 03:11 PM
ايه
انتو رحتو تاكلو ولا ايه؟
عروسة حبيبي
03-07-2009, 03:13 PM
دعاء الجزء المفروض بيتقفل بعد 250 مشاركة

ممكن تكون المشرفة مش موجودة او مش واخدة بالها عشان كده لسه متقفلش
همسة عابرة
03-07-2009, 03:22 PM
بخخخخخخخخخخخخخ
انا جيت
هما راحوا فين البنات
همسة عابرة
03-07-2009, 03:23 PM
عملتلى شاى بلبن
حد عايز شوية
عروسة حبيبي
03-07-2009, 03:25 PM
بالهنا والشفا يا هموسة
dodo412
03-07-2009, 03:25 PM
انا كنت بخلص على الجزء التانى منك لله يا شوشو بتفتحى دا لسه متدبسة انا ودعاء هناك من ساعتها
dodo412
03-07-2009, 03:27 PM
بصحة وهنا يا هموسة
انا شربت شاى وبس مستنية الغدا بقى
صينية تورلى وفراخ مشوية يا حلاوتك يا مامتى يامدلعانى
عروسة حبيبي
03-07-2009, 03:30 PM
اخص عليكي يا دودو

مني لله
همسة عابرة
03-07-2009, 03:32 PM
ربنا يقويكى يا دودو انتى ودعاء
dodo412
03-07-2009, 03:35 PM
كلنا مننا لله ياختى ههههههههههههههههه
كفاية انه المايونيز على شعرى بدل ساعتين بقو ساعتين ونص شكله هيخمر على راسى
ههههههههههههههههههههههه
البيض اللى فيه ريحته هتبقى يعععععععععع
همسة عابرة
03-07-2009, 03:38 PM
ههههههههههههههههه
التورلى ده كنا بنعمله فى التدبير المنزلى
فى المدرسة عشان كده مابيحبنيش
همسة عابرة
03-07-2009, 03:40 PM
كنت استعملت مرة المايونيز ده
بس مع الحنة
ومكررتوش
dodo412
03-07-2009, 03:45 PM
انا حطاه مع زيت زيتون ياهمسة بيبقى حلو
اصل كله بيض وزيت وخل يعنى مفيد
dodo412
03-07-2009, 03:49 PM
اصل انا من كام ي وم عملت مايونيز فى البيت طلع حلو بس الخل كتير وبيلسع
واكيد محدش هياكله قولت استفيد منه بس قرفانه اوى شعرى مش هينضف
ههههههههههههههه بس هجرب اعمله تانى ان شاء الله يبقى احلى
ادينا بنتعلم
همسة عابرة
03-07-2009, 03:53 PM
عملتى المايونيز ازاى؟؟؟؟
قوليلى المقادير والطريقة
dodo412
03-07-2009, 03:53 PM
انا عملت من يومين بيتزا كانت تحفة وعملت تورتة جيلى جامدة
انا اصلى بحب اعمل الحاجات دى اوى وبتطلع معايا حلوة جدا
بكرة بقى هنتجمع عند خالتى ولمدة اسبوع فرح بنتها هنعمل بتيفور
وغريبة وبسكويت والكحك هنشتريه ههههههههههههههه
بحب اعمل اوى والحمد لله شاطرة
dodo412
03-07-2009, 03:58 PM
اخدته من السايت هنا بس الخل تقريبا مقاديره كتير
حطى بيضتين فى الخلاط ومعلقة ملح ومعلقتين خل كفاية
واضربى كويس اوى بعد كدا جيبى كوباية زيت وافتحى الحتة اللى فىالهلاط وضيفى زيت شوية بشوية لحد لما تلاقى القوام بقى ماسك زى المايونيز اللى بنشتريه
هو كان حلو بس مشكلة الخل هقلله واخليه معلقتين كفاية كانو 4
وبس كدا سهل اوى اوى جربى وقوليلى
dodo412
03-07-2009, 04:00 PM
هقوم استحمى بقى يابنات واتغدى وارجعلكم المغرب كدا مش ناوية انام
علشان انام بدرى بالليل زى العيال بتوع المدرسة
همسة عابرة
03-07-2009, 04:06 PM
هههههههههههه
اوك
حمام الهنا يا عروسة
ندى الاحساس
03-07-2009, 04:19 PM
السلام عليكم يابناتيت ياحلوين طبعا انا مشتكه معاكم بقالى فتره بس مكنش ليا اى مشاركات ولما لقيت موضوع عن بنات المنصورة فرحت جدااااااااااا انى لقيت حد معايا لانى من المنصورة برده
بصوا بقى انا وعقبال عن البنات كلهم يارب فرحى يوم26ان شاء الله ومحتاااااااااااااااسه عالاخر بجد
اولا مش لاقيه كوافير كويس او محترم بمعنى اصح لانى منتقبه والحمد لله وعايزة كوافير منتقبات يعنى يكونوا بيعرفوا يعملوا تشقير للحواجب لانى مش بعمل حواجبى والحمد لله
كان فيه كوافير فى شارع الترعه بس قفل كان كويس جدا وبيطلع البنات زى القمر
ومش عارفه اعمل ايه الوقت بيضيع منى وبجد مكتئبه جدا
تانى حاجة انا بعانى من اسمرار فى بعض اماكن الجسم طبعا وانتوا عارفينها اناعايزة طريقه سريعه لتفتيح الاماكن دى وتجيب نتيجه سريعه عشان معتش وقت
تالت حاجة تفتيح بشرة الوجه
رابع حاجة الشعر فى المنطقه الحساسه اعمل فيه ايه انا بموت كل ما افتكر انى هشيله فى يوم اناا كنت بشيله بالمق على طول بخففه يعنى بس جه الوقت اللى لازم اتعود انى اشيله خالص بس الحلاوه صعبه قوى
خامس حاجة تبييض الاسنان عشان انا بعانى من وجود بقع سوداء على اسنانى اللى بيسموها جير احترت فيها حد يقولى على حل بسرررعه
معلش بقى عروسه مكسحه هتعملوا ايه بس لازم تساعدونى ضرورى
ارجوكم
انا فى انتظار مساعدتكم لكن سريييييييييييييييعا عشان الوقت
اختكم ندى الاحساس
prof semsem
03-07-2009, 05:45 PM
اخيرا يا بنات خطوبتي عدت علي خير والحمد لله

مكنتش متوقعه انها تبقي كويسه ومع ان الفستان خدته وانا راحه للكوافير بس كان ما شاء الله حلو عليه واليوم مر بسلام والحمد لله


بالنسبه للاخت ندي الاحساس اهلا بيكي يا قمر

انا برده منتقبه زيك وخطوبتي كانت لسه امبارح روحت عند كوافير اسمه ذكريات هو كوافير واستديو مع بعض وفيه وحده بتصور وبتحمض وكمان مكياجي الحمد لله كان حلو وبتعمل تشقير للحواجب
عروسة حبيبي
03-07-2009, 05:50 PM
سمسمة مبروك يا قمر عقبال الفرح إن شاء الله

يلا احكيلنا بقى كل حااااجة
عروسة حبيبي
03-07-2009, 05:58 PM
تانى حاجة انا بعانى من اسمرار فى بعض اماكن الجسم طبعا وانتوا عارفينها اناعايزة طريقه سريعه لتفتيح الاماكن دى وتجيب نتيجه سريعه عشان معتش وقت

مرهم بيتادين ناس كتير بتشكر فيه جدا وبيشيل الإسمرار
تالت حاجة تفتيح بشرة الوجه
اعملي حمام بخار لوجهك وبعده سكرب بالملح والليمون وبعدين ماسك وبعدين كريم مرطب وكل يوم قبل ما تنامي حطي كريم مرطب وفي نص الاسبوع تعملي ماسك تاني
قالتلي على الطريقة دي هنودة هنانيدو والنتايج جميلة
بشرة نظيفة رطبة ناعمة فاتحة
في تجمع في قسم المكياج تقريبا اسمه تجمع عرايس المستقبل للعضوة هنودة هنانيدو جميل جدا وهتفيدك في كل اللي تحتاجيه من ناحية العناية بالبشرة والجسم قبل الزواج
رابع حاجة الشعر فى المنطقه الحساسه اعمل فيه ايه انا بموت كل ما افتكر انى هشيله فى يوم اناا كنت بشيله بالمق على طول بخففه يعنى بس جه الوقت اللى لازم اتعود انى اشيله خالص بس الحلاوه صعبه قوى
بصي استحملي اول مرة واعمليه دلوقتي عشان الوجع بعد كده هيقل فقبل الفرح يكون عادي .. امسكي حتة سويت صغيرة اد اللبانة واعملي بيها الوجع هيكون بسيط
خامس حاجة تبييض الاسنان عشان انا بعانى من وجود بقع سوداء على اسنانى اللى بيسموها جير احترت فيها حد يقولى على حل بسرررعه
بصي انا قرأت حاجة قبل كده وجربتها وكانت نتيجتها حلوة .. احرقي حتة عيش على النار خليها اسود اوي وبعدين اطحنيها وحطي عليها معلقة عسل نحل وادعكي بيهم سنانك
اوممكن تروحي لدكتور أسنان


وربنا يتمم لكِ على خير يا قمر
prof semsem
03-07-2009, 06:14 PM
سمسمة مبروك يا قمر عقبال الفرح إن شاء الله



يلا احكيلنا بقى كل حااااجة



الله يبارك فيكي يا جميل عقبال ما نفرح ببيكي ان شاء الله



هقولك بقي عملت ايه من اول اليوم


نزلت من بيتنا الساعه 2 روحت عشان اجيب الفستان انا وخطيبي ووالده قعدت هناك نص ساعه عشان الفستان كان لسه بيكمل


وبعديها تقريبا علي الساعه 3 روحت للكوافير


غسلت شعر ي وبعدين قصته دجراديه بس طويل وبعديها عملت حمام كريم لشعري وبعديها مسك للو ش
]

غسلت شعري ووشي وعملت شعري بالسشوار وبعديها اكلت


هههههههههههههههههههههههههههه



تقريبا ضيعت ساعه وانا بكل



بعد كده لبست الفستان وحطيط الميك اب والله كان ما شاء الله جميل وهادي وعملت ليه شعري فرمه سريعه واتصورت منظران بشعري


ورجعت تاني بعد ما اتصورت عملت اسبنش مع الطرحه


وخلصت نزله عشان اتصورعروسه تانيه جت استنتها قعدت اتكلم انا وخطيبي شويه لغيات ما خلصوا وبعديها اتصورنا وغطيت وشي وجريت اركب العربيه عشان مكنتش شايفه حاجه


هههههههههههههههه


ولفينا شويه وعملنا زفه ورحت البيت



بس سبني عند باب الشقه ونزل هو مع الرجاله



ودخلت وابتدوا تشغيل الاناشيد وقعدنا هيصنا ورقصنا شويه والله كنت سعتها مبسوطه اوي


طلع بعديها عشان الشبكه وبعدين
اممممممممممممممممممممممممم



اه جابوا التورته وحطينا فيها صورايخ وانا هو كل واحد فينا كان ماسك صاروخ وكانا فرحنين والحمد لله
وقطعنا التورته


جنا بقي عشان نأكل بعض امت انا اكلت الاول


هههههههههههههههههههه


قولت له جعانه


وبعدين اكلت واكلني وشربنا شربات المناجا اللي هو كان طلبه مني


( من اوله كده طلبات)هههههههههههههههههه



وبعدين نزل وجابوا اطباق اكل للمعازيم وبعد شويه تقريبا معظم الناس ميشوا وهو طلع ليه تاني


( ما هي شغلانه بقي)


قعدنا شويه الا والنور قطع ههههههههههههههههههه


بس الحمد لله ان كانت الناس مشيت


طلعنا قعدنا في البلكونه وبعد شويه النور جه ورجع قطع تاني


ههههههههههههههههههه


وبعديها اتعشينا في البيت عشان مكنتش هنفع انزل وانا بالفستان من غير نقاب


وبس


تعبت من الكتابه


نلقاكم في وقت اخر





[center[/center]
عروسة حبيبي
03-07-2009, 06:25 PM
ما شاء الله يا سمسمة الحمدلله إن اليوم عدى بخير وسلام
ندى الاحساس
03-07-2009, 07:40 PM
اخيرا يا بنات خطوبتي عدت علي خير والحمد لله


مكنتش متوقعه انها تبقي كويسه ومع ان الفستان خدته وانا راحه للكوافير بس كان ما شاء الله حلو عليه واليوم مر بسلام والحمد لله



بالنسبه للاخت ندي الاحساس اهلا بيكي يا قمر


انا برده منتقبه زيك وخطوبتي كانت لسه امبارح روحت عند كوافير اسمه ذكريات هو كوافير واستديو مع بعض وفيه وحده بتصور وبتحمض وكمان مكياجي الحمد لله كان حلو وبتعمل تشقير للحواجب

الف الف مبروك حبيبتى بارك الله لكما وعليكما وجمع بينكما فى كل خير


انا عارفه الاستوديو بتاع ذكريات رحت اتصورت هناك كتير وعارفه مدام ذكريات ام فيصل اللى بتصور
بس الكوافير فين جنبه ولا ايه؟
وعايزة اعرف بالتفصيل بالظبط
المكياج كان عامل ازاى؟ والتشقير كان حلو ومظبوط ولا ايه والبنات اللى شغالين هناك شغلهم كويس ونضيف ولا؟؟؟وعملت ماسكات لوشك ولا ايه؟ طيب والاسبانش كان حلو ولا ايه والمكياج كان شكله عامل ازاى؟ يعنى بيهتموا يكى ولا لأ عادى يعنى اصل معظم اكوافيرا بيهتموا بغير المنتقبات عن المنتقبات
عايزة اعرف كل حاجة بالتفصيل الممل الى يفقع
عشان ده فرح ليله العمر يعنى وبعدين عشان ميقولوش (شوفو المنقبات بيبقوا اى كلام ازاى؟ )
وخصوصا اننا فى ارياف والكلام كتييييييييييييييييييييير
واهم حاجة المبلغ اللى اخدوه كام؟ عشان بس اعمل حسابى على الفلوس فرحى قرب خالص وبجد خايفه مووت مش لاقيه حد يساعدنى مفيش حد معايا
منتظره ردك فى اقصى سرعه
فى امان الله حبيبتى :confused: :confused: :confused: :confused: :confused:
dodo412
03-07-2009, 08:08 PM
سمسمة :::: مليووووووووووووووون مبروك ياقمر ربنا يتم عليكى فرحتك بالخير يارب
عقبال الفرح وتعزمينا بطلو الكروتة دى
والله اهم حاجة لفرحة كفاية الفرحة اللى فى اسلوب كلامك ربنا يسعدك يارب
ندى الاحساس::: بصى ياقمر مش هكدب عليكى بس بالامانة انتى اتاخرتى اوى
كان المفروض تعملى حاجات كتير من فترة يمكن من الخطوبة كمان
بالنسبة للتفتيح زى عروسة ما قالت اسرع حاجة كريم بيتادين وكمان اعملى اسكرب ملح على ليمون وادعكى بيه المناطق الغامقة وبعدين حطى كريم مرطب انا بستخدم جونسون او دوف

علشان وشك ينور لان حكاية تفتيح دى مش زى ما انتى متصورة يعنى بينور بس
اعملى اسكرب زى ما قالت عروسة دى انا بعملها كل اسبوع مرة حطى شوية مية فى حلة
وحطى فيهم نعناع ولو عندك بابونج من العطار واغليهم وعرضى وشك للبخار دا
بعدين لو عندك رؤوس سودا اضغطيها بصباعك هتطلع فوراااا جيبى قطنة وادعكى وشك بعد
كدا بماء ورد العادى اللى فى المطبخ حتى وبعدين كريم مرطب واغسلى وشك بغسول بلاش
صابون فيه ماسك كنت بعمله للتفتيح الفورى بس حلو جدااا قشطة طازة وبيكينج بودر
على ايدك معلقة وحطى على وشك لما ينشف واغسلى وشك وحطى ماء ورد رووووووعة بجد


المنطقة الحساسة كان برضو لازم تبداى بدرى شوية بصى انتى لازم قبل الفرح تعملى بالسويت علشان بتستمر فترة حطى حتة تلج عليها قبل ماتعملى ونشفيها وبعدين اعملى
لو صعبه اعملى المثلث اللى فوق بالسويت والشفرات بالحلق بالموس
انا شخصيا بعمل كدا علشان سمعت عن ترهلات فى المنطقة دى
بجد بتبقى سهلة والله اتشجعى وجربى

بعد كدا الاسنان بصى انا روحت لدكتورة بس هى اسعارها زبالة اوى بصراحة بس شغلها جااامد روحى لاى دكتور قوليله عاوزة انضف الجير واعمل تبييض بالمعجون الالمانى بيكون لونه روز وفيه حبيبات كدا تنضيف الجير جلستين او 3 والتبيض اخر مرة فى جلسات الجير
سهلة مش صعبة ولازم تعملي تنضيف الجير كل سنة التبيض مرة كفاية قولى للدكتور انك عروسة وهو هيعمل الازم شوفى دكتور تثقى فيه لو عاوزة اسم الدكتورة اللى روحت لها تحت امرك ياقمر
ومليوووووووووووووون مبروووووك وماتقلقيش هتكونى احلى عروسة
dodo412
03-07-2009, 08:11 PM
طولت عليكى واحبطتك انا عارفة يا ندى ماتزعليش منى بس داومى
والنتيجة هتبان قبل الفرح
ان شاء الله
شيرى عادل
03-07-2009, 08:19 PM
عوووووووووووووووووووووووووووووووووووووووووووو

انا جيت...

وحشتووونى خالص مالص

طبعا معرفتش ابارك لرانيا ع الفرح ...الف مليون مبرووووك

ومبروووك لرنا القمر

وازى جومانة على فكرة انا رحت الاتيليه تانى وخليت نسمة شاورت لى على بيتك

كان نفسى اشوفك

ازى ام حبيبة الرحمن .وسوليتيييييير وهمسة ووكل كل البنات انا هحاول واحدة واحده كدة اقرأ اللى فات عشان اكون متابعة

انا فرحى 20/7 اوعوا تنسوا
dodo412
03-07-2009, 08:20 PM
شيرى ياقمر مليون مبروووووووووووك
ربنا يتم عليكى بالخير والسعادة يارب
شيرى عادل
03-07-2009, 08:24 PM
الله يبارك فيكى با دودو ...

مقلتيش ..اقول عقبالك والا انتى سبقتينى
dodo412
03-07-2009, 08:46 PM
لالا لسه تقدرى تقولى عقبالك
dodo412
03-07-2009, 09:38 PM
هو انتو بالمقلوب معايا ليييييييه
طول ما انا هنا اكون لوحدى ليل نهار مغرب مش عرفة الاقيكم امتى
dodo412
03-07-2009, 09:41 PM
عندى اقتراح يابنات ايه رأيكم نعمل مقابلة واللى تقدر تيجى وياريت
كلنا نقدر نحدد يوم يناسب الكل نتقابل ونتعرف على بعض اكتر ونتغدى سوا
وناكل ايس كريم من عند الصياد ونروح
يارب تقبلو لان نفسى نخرج ونعرف بعض اكتر بجد
شوفو مين هيقول اوك ونحدد اليوم والمكان
عروسة حبيبي
03-07-2009, 11:15 PM
أنا بقول أوك والبت دعاء وجيجي إجباري
doaa alhousiny
03-07-2009, 11:22 PM
ححبيبتى يا شوشو
حاسه بيا
انا لسه جايه دلوقتى
معاكى يعنى
المهم ان انا نازله يوم الاحد ان شاء الله
يا ريت تتفقو على اليوم ده
وكمان انا هقابلك ان شاء الله يا شوشو عشان اخد منك المانكيير
doaa alhousiny
03-07-2009, 11:24 PM
انا يا ستى هكون فى المنصورة ان شاء الله على الساعه 9
هعمل الاشعه و هخلص عللى الساعه 11 بالكتيير
بعدين باه اقدر اقابلك
و احتمال اشوف دكتورة نساء وولاده عشان اروح اكشف
بس عيزاكم تقوقلى على دكتورة كويسه
بس بسرعه
اصل انا بصراحه اكتفيييييييييييييييييييييت
doaa alhousiny
03-07-2009, 11:31 PM
شوشو انتى فين
انا تعبانه وممكن اقوم انام
لة انا ما جيتش عرفينى المكان اللى هنتقابل فيه عشان اعمل حسابى على البروجرام بتاعى
وكمان حاولى تعرفيلى دكتورة نسا كويسه
عشان بعد ما اقابلك اروح اكشف
انا عشان اضمن ما اتاخرش عليكى ممكن نتقابل الساعه 12
ولو انا خلصت بدرى هصيع شويه مع بنت خالتى لحد ما تيجى
هنزل السكه الجديدة
عشان لو حبيتى نتقابل هناك
ندى الاحساس
03-07-2009, 11:35 PM
سمسمة :::: مليووووووووووووووون مبروك ياقمر ربنا يتم عليكى فرحتك بالخير يارب
عقبال الفرح وتعزمينا بطلو الكروتة دى
والله اهم حاجة لفرحة كفاية الفرحة اللى فى اسلوب كلامك ربنا يسعدك يارب

ربنا يكرمك حبيبتى يارب والله فرحتى هتكمل بيكم ربنا يخليكوا ليا يارب وما يحرمنى منكم ابدا

ندى الاحساس::: بصى ياقمر مش هكدب عليكى بس بالامانة انتى اتاخرتى اوى
كان المفروض تعملى حاجات كتير من فترة يمكن من الخطوبة كمان حصل خير بقى متخلنيش اعيط :confused:

بالنسبة للتفتيح زى عروسة ما قالت اسرع حاجة كريم بيتادين وكمان اعملى اسكرب ملح على ليمون وادعكى بيه المناطق الغامقة وبعدين حطى كريم مرطب انا بستخدم جونسون او دوف


علشان وشك ينور لان حكاية تفتيح دى مش زى ما انتى متصورة يعنى بينور بس
اعملى اسكرب زى ما قالت عروسة دى انا بعملها كل اسبوع مرة حطى شوية مية فى حلة
وحطى فيهم نعناع ولو عندك بابونج من العطار واغليهم وعرضى وشك للبخار دا
بعدين لو عندك رؤوس سودا اضغطيها بصباعك هتطلع فوراااا جيبى قطنة وادعكى وشك بعد
كدا بماء ورد العادى اللى فى المطبخ حتى وبعدين كريم مرطب واغسلى وشك بغسول بلاش
صابون فيه ماسك كنت بعمله للتفتيح الفورى بس حلو جدااا قشطة طازة وبيكينج بودر
على ايدك معلقة وحطى على وشك لما ينشف واغسلى وشك وحطى ماء ورد رووووووعة بجد



المنطقة الحساسة كان برضو لازم تبداى بدرى شوية بصى انتى لازم قبل الفرح تعملى بالسويت علشان بتستمر فترة حطى حتة تلج عليها قبل ماتعملى ونشفيها وبعدين اعملى
لو صعبه اعملى المثلث اللى فوق بالسويت والشفرات بالحلق بالموس المثلث اللى فوق مفيش منه مشكله انا بعمله ب براون على طول

انا شخصيا بعمل كدا علشان سمعت عن ترهلات فى المنطقة دى طيب بس بيقولوا الموس بيتقل الشعر وبيخليه كثيف وبيطلع بسرعه! :(*):

بجد بتبقى سهلة والله اتشجعى وجربى


بعد كدا الاسنان بصى انا روحت لدكتورة بس هى اسعارها زبالة اوى بصراحة بس شغلها جااامد روحى لاى دكتور قوليله عاوزة انضف الجير واعمل تبييض بالمعجون الالمانى بيكون لونه روز وفيه حبيبات كدا تنضيف الجير جلستين او 3 والتبيض اخر مرة فى جلسات الجير
سهلة مش صعبة ولازم تعملي تنضيف الجير كل سنة التبيض مرة كفاية قولى للدكتور انك عروسة وهو هيعمل الازم شوفى دكتور تثقى فيه لو عاوزة اسم الدكتورة اللى روحت لها تحت امرك ياقمر خلاص قولى كده على اسمها بس قوليلى هى فتره العلاج بتاخد اد ايه والنتيجه؟؟ انا بقالى فتره بدور بس المشكله مفيش دكاتره ستات
ومليوووووووووووووون مبروووووك وماتقلقيش هتكونى احلى عروسة
ربنا يخليكى ليا حبيبتى وم يحرمنى منك ابدا ولو تعرفى كوافير منتقبات كويس ياريت تقوليلى عليه ضرووووووووووورى بس يكون بيعمل تشقير ويكونوا كويسين
منتظره ردك يقمر
عروسة حبيبي
03-07-2009, 11:36 PM
ينفع نتقابل في قناة السويس ؟

لو ينفع شوفي انتي تعرفي ايه فيه ونتقابل عنده
doaa alhousiny
03-07-2009, 11:44 PM
يا بنتى المكان اللى انتى عايزاه
شوفى اقرب مكان لبيتك ايه فى قناة السويس و انا اجى عندة
واهو التاكسى اللى هيودينى هنا يودينى هناك
ههههههه
انا عامه اعرف كتير فى الشارع
كنت انا ومحمد على طول بنروح العندليب
بس قفل
وانا مدرستى بتاعه التدريب كانت فى شارع المدارس
وكمان خالتى فى توريل
بصى
قولى اى مكان وانا اجيلك فيه
doaa alhousiny
03-07-2009, 11:48 PM
ازيك يا ندى
مشرفانا
بصى يا بنتى
اسمعى الكلام و امشى على النظام
اكتبى كل اللى انتى عايزاه فى ورقة
وانزلى اشترى كل حاجة
و بعدين اعملى جدول وامشى عليه
و شجعى نفسك كده
ده انتى عروسه يا بنتى
وربنا معاكى
ندى الاحساس
03-07-2009, 11:51 PM
انا يا ستى هكون فى المنصورة ان شاء الله على الساعه 9
هعمل الاشعه و هخلص عللى الساعه 11 بالكتيير
بعدين باه اقدر اقابلك
و احتمال اشوف دكتورة نساء وولاده عشان اروح اكشف
بس عيزاكم تقوقلى على دكتورة كويسه
بس بسرعه
اصل انا بصراحه اكتفيييييييييييييييييييييت



فيه دكتورة ليلى البغدادى عيادتها فى العباسى عماره على الطريق على طول هتلاقى يافطه هناك بإسمها
فيه دكتورة تانيه اسمها مديحه المنصورى اختى كانت والده عندها عند المحافظه
واسألى هناك عليها
ندى الاحساس
03-07-2009, 11:54 PM
لسه الكوافير يابنااااااااااااااااااااااااااات حد يعرف كوافير منتقبات؟؟؟
بس يكون كويس وبيفهموا عشان دى ليله عمرى
ربنا يخليكوا ليا
عروسة حبيبي
04-07-2009, 12:08 AM
ممكن نتقابل عند العندليب القديم لو تحبي يا دعاء .. هو دلوقتي مكانه فيجا
همسة عابرة
04-07-2009, 12:11 AM
انا جيت
كنت فى فرح كده بس اى كلالالالالالام
بس رحت عشان خاطر مامتى متروحش لوحدها
ده عيب البنت الوحيدة
يلا بقى
بس اخيرا روحت
عشان اجيلكو
وحشتونى
دعاء ودودو وشوشو
وندى الف مبروك وربنا يتممم لك بخير
ودودو قامت معاكى بالواجب
ويارب حد يفيدك بحكاية الكوافير دى
همسة عابرة
04-07-2009, 12:12 AM
ياريتنى كنت معاكوا
اهىء اهىء اهىء

ماينفعش انزل المنصورة
القوانين بتنص على ذلك

يلا ملحوقة
doaa alhousiny
04-07-2009, 12:13 AM
يا ندى انا اعرف كوافير ذكريات
كويس
يا بنتى الاستوديو بتاع مدام ذكريات ده هو اللى فيه الكوافير وكمان بقى فيه اتبليه
اصل مدلم ذكريات دى ما شاء الله
بتستغل كل حاجه
هما هناك مش بيعملو الحواجب
و سمسمه قالت انهم بيعملو تشقير
و بصراحه انا شفت هناك صور لتسريحات حلوة
بس انا فى خطوبتى مكنتش عايزه حاجه غاليه اوى عشان كده عملت الكوافير عند واحده صاحبتى ب 150
لاكن اقل كوافير دلوقتى ب 450
او 400
لو عايزه تشوفى التحجيبه بتاعتى والميك اب دورى على الجزء اعتقد التاسع او العاشر
الصفحة رقم 13
فيها الصورة بتاعتى
وكمان بعدها بشويه صفحات فى جومانا
و شوفى الاتنين جومانا باين كانت عامله فى هير استايل
كمان الكوافيرة اللى انا كنت عندها
معاها واحدة بس و مفيش اى رجاله
doaa alhousiny
04-07-2009, 12:29 AM
هنا يا ندى صوره جومانا http://lakii.com/vb/showthread.php?t=567835&page=16 اما صورتى باه فالحمد لله اتسالت لان انا راسلت الادارة عشان يشيلوها بس لو عيزاها انزلهالك
همسة عابرة
04-07-2009, 12:39 AM
ايه يا بنات
انتوا فين
هو انا وحدى
الووووووووووووووووون
ندى الاحساس
04-07-2009, 12:40 AM
هنا يا ندى صوره جومانا http://lakii.com/vb/showthread.php?t=567835&page=16 اما صورتى باه فالحمد لله اتسالت لان انا راسلت الادارة عشان يشيلوها بس لو عيزاها انزلهالك


ياريت يادودو تنزليها اشوفها بس هو انتى كنتى عامله فين عند ذكريات برده؟؟؟
وكان بكام؟؟
انا بس عايزة واحد يكون سعره مناسب اصل الفستان اللى نقيته غالى بجد وهو صعبان عليا مووووووووت فى المصاريف :confused: :confused:
ندى الاحساس
04-07-2009, 12:42 AM
ايه يا بنات
انتوا فين
هو انا وحدى
الووووووووووووووووون


ايووووووووون معاكى ياهمسه :confused:
موجودين وياريت تساعدينى فى ازمه الكوافير دى :[MM
ندى الاحساس
04-07-2009, 12:45 AM
prof semsem
كانت عامله هناك بس ناقص اعرف المبلغ كام عشان ابقى عامله حسابى بس
وياريت جومانه اما تدخل تقولى هير استايل ده فين
نفسى اخلص بقى
انا بجد تعبانه
همسة عابرة
04-07-2009, 12:59 AM
ياريت كنت اقدر اساعدك يا ندى يا حبيبتى
بس انا مش من المنصورة
ندى الاحساس
04-07-2009, 01:09 AM
ياريت كنت اقدر اساعدك يا ندى يا حبيبتى
بس انا مش من المنصورة


ميرسى حبيبتى ربنا يخليكى مش مشكله اهم حاجه انك منوره معانا
prof semsem
04-07-2009, 01:14 AM
انا بصراحه يا ندي معملتش تشقير حواجب لاني الي حد ما مش محتاجه

بس قصت ليه شعري دجراديه وعملت سشوار وبصراحه المكياج كان هادي ورقيق

الكوافير كان ب350 الي حد ما سعر كويس
prof semsem
04-07-2009, 01:17 AM
لو عوزه تشوفي صوري يا ندي ابعتي ليه علي الخاص
ندى الاحساس
04-07-2009, 01:22 AM
انا بصراحه يا ندي معملتش تشقير حواجب لاني الي حد ما مش محتاجه

بس قصت ليه شعري دجراديه وعملت سشوار وبصراحه المكياج كان هادي ورقيق

الكوافير كان ب350 الي حد ما سعر كويس

جزاكى الله كل خير حبيبتى على ردك
بصى انا مش هعمل شعرى خالص لان شعرى مش محتاج يادوب هو المكياج ولف الطرح سبانش وبس هو ده كل اللى هعمله
والمبغ ده تبع الحاجة اللى هتعمليها ولا ده ثابت؟
ندى الاحساس
04-07-2009, 01:30 AM
لو عوزه تشوفي صوري يا ندي ابعتي ليه علي الخاص

المشكله ان مينفعش نبعت خاص قبل مشاركاتنا ما توصل 300المشكله ان كل ما ابص على مشاركاتى الاقيهم 9ثابنيت حتى لو ضفت زياده مش عارفه ليه مش بيزيدوا :III:
عروسة حبيبي
04-07-2009, 01:30 AM
سمسم سمسم انا عايزة اشووووووف
عروسة حبيبي
04-07-2009, 01:32 AM
المشكله ان مينفعش نبعت خاص قبل مشاركاتنا ما توصل 300المشكله ان كل ما ابص على مشاركاتى الاقيهم 9ثابنيت حتى لو ضفت زياده مش عارفه ليه مش بيزيدوا :III:

علشان القسم ده شات ومشاركاته مش بتتضاف
ندى الاحساس
04-07-2009, 01:36 AM
علشان القسم ده شات ومشاركاته مش بتتضاف

ميرسى حبيبتى على ردك معلش انا اول مره اعرف ده
منوره ياقمرايه http://www.lakii.com/vb/images/icons/2.gif
ندى الاحساس
04-07-2009, 01:49 AM
سمسمه منتظره ردك ضرووووووووووووووووووووورى
يلا تصبحوا على خير
prof semsem
04-07-2009, 01:59 AM
ايمليي يا بنات اهو prof-semsem@hotmail.com
عروسة حبيبي
04-07-2009, 02:11 AM
طيب واللي عنده ياهو يا سمسم يعمل ايييييييييه
عروسة حبيبي
04-07-2009, 02:12 AM
سمسم قوليلنا الاتفاق بتاعك في الجهاز انتي عليكي ايه وهو عليه اييييييه

كنا بنتكلم في الموضوع ده امبارح كلنا كل واحدة قالت
prof semsem
04-07-2009, 02:23 AM
samasam_12345@yahoo.com

اي خدمه يا باشا
prof semsem
04-07-2009, 02:25 AM
جهازي تقريبا احنا علينا المطبخ والاجهزه الكهربائيه والسجاد والستائر والصالون والنجف

بس مش متاكده لاني مشفتهمش وهما بيتفقوا

ههههههههههههههه

مستنياكي علي الايميل
prof semsem
04-07-2009, 02:50 AM
انتوا نمتوا ولا ايه
همسة عابرة
04-07-2009, 02:51 AM
اخس عليكوا كده انتوا مع بعض ع الميل وسايبنى
اهىء اهىء
همسة عابرة
04-07-2009, 02:52 AM
سمسم معلش هيا جاية متاخرة
الف مبروك يا قمر
وعقبال الزفاف
انتى كتبتى الكتاب ولا خطوبة بس
prof semsem
04-07-2009, 02:55 AM
الله يبارك فيكي يا هموسه

لا خطوبه بس كتب الكتاب لسه بدري شويه عشان لسه بدري علي الجواز اصلا انا لسه في سنه اولي

هههههههههههههههه
همسة عابرة
04-07-2009, 02:56 AM
لا انا هنا
همسة عابرة
04-07-2009, 02:57 AM
سنة اولى ايه
ثانوى ولا جامعة
ولا سنة اولى خطوبة
هههههههههههههه
prof semsem
04-07-2009, 02:59 AM
لا جامعه هههههههههههههههههههههههههههههههههههه
همسة عابرة
04-07-2009, 02:59 AM
والجواز بقى بعد ماتخلصى
prof semsem
04-07-2009, 03:02 AM
لا ان شاء الله بعد ثالثه
همسة عابرة
04-07-2009, 03:05 AM
عنى تلت سنين؟
هو بقى هيشوفك الفترة دى ولا هتبقى تقابليه بالنقاب
prof semsem
04-07-2009, 03:09 AM
المشكله في الجيش بتاعه لو دخل مش عايز يكتب الكتاب وهو في الجيش بس انا مش شايفه انها مشكله

بس حتي لو دخل الجيش ان شاء الله كتب الكتاب هيبقي الصيف الجاي لو لينا عمر بأذن الله

ادعولي بالتوفيق
همسة عابرة
04-07-2009, 03:12 AM
بالتوفيق ان شاء الله يا سمسمه
prof semsem
04-07-2009, 03:18 AM
ااااااااااااااامين يارب
همسة عابرة
04-07-2009, 03:26 AM
ان شاء الله
عروسة حبيبي
04-07-2009, 04:15 AM
سمسمة انتي امتحنتي اولى جامعة وداخلة تانية ولا لسه هتدخلي اولى جامعة

ولو في الجامعة انتي كلية ايه ؟
عروسة حبيبي
04-07-2009, 04:16 AM
هموسة كده تيجي وتمشي وقاعدين تلكوا وانا متجولة على النت ههههههههههه
أم حبيبة الرحمن
04-07-2009, 04:59 AM
اهلا يا حلوييييييييييييييييين

وحشتونى اخباركم ايه؟

عبودى بيسلم عليكم كلكم
همسة عابرة
04-07-2009, 11:12 AM
لاء انا زعلانة منك يا شوشو
بقيت انادي عليكى كتيررررررررر
فقلت انك نمتى بقى عشان كنتى اوف لاين


ام حبيبة الرحمن
ازيك وازى الولد عبودى
مسهرك شكله للفجر
ههههههههه
ربنا يباركلك فيه
Pure Angel
04-07-2009, 11:54 AM
.
.

السلامـ عليكمـ يا بنتوتاتــ ..:)

اخباركمـ ايهـ ..؟

.
.
ندى الاحساس
04-07-2009, 01:12 PM
جهازي تقريبا احنا علينا المطبخ والاجهزه الكهربائيه والسجاد والستائر والصالون والنجف

بس مش متاكده لاني مشفتهمش وهما بيتفقوا

ههههههههههههههه

مستنياكي علي الايميل

يالهوووووووووز كل ده بس كتير سمسمه
احنا علينا المطبخ والاجهزة الكهربائيه والانتريه بس!
والدى مرضاش يالنجف والسجاد والستائر والباقى ده
المطبخ لوحده ده قطم وسط q) q) q) q) q)
doaa alhousiny
04-07-2009, 03:18 PM
انا يا ندى مش هعرف احط الصورة الا لما تكونى موجوده عشان اشيلها على طول
الكوافيرة اللى انا كنت عندها كانت عند تلمحطة الدوليه فى الشارع اللى ما بين سور المحطة و فوتو شوب
يعنى الشارع بتاع الفيومى الى ناحية المحطة
اخدت منى 150
هى بتاخد 200 بس هى عملتهالى واسطه
بس هى ممكن تعملك بكدة عشان انتى مش هتعملى شعرك
هتعملك التشقير ووشك بالفتلة
هتختارى نظام ميك اب عاجبك وهى تعمله او تعملك على زوقها وهى زوقها حلو اوى
كمان بتعملك حمام بخار ساخن وبترد قبلها بيوم كامن مرة قبل الميك اب
واعتقد لو رحت اليومين هتعملك ب 300 بس بصراحه هى كويسة
واول لما تيجى قولى انزلك الصور
جومانا كانت عامله ب 450
solitair_sam
04-07-2009, 04:23 PM
اااااااااه يانا

لفيت كتير على ما وصلت للجزء الجديد .. حرااام عليكوا
انتوا بتقفلوا الجزء ف يوووووووم !!




المهم سلامات لكل البنات اللى موجودين و منورين ..

شيرى ..يااااااه والله وحشانى ويارب يوم 20 دا يجى بئا ..
جومانه .. ازيك ياقمر مش بنشوفك ليه ؟؟



السلام عليكم يابناتيت ياحلوين طبعا انا مشتكه معاكم بقالى فتره بس مكنش ليا اى مشاركات ولما لقيت موضوع عن بنات المنصورة فرحت جدااااااااااا انى لقيت حد معايا لانى من المنصورة برده
بصوا بقى انا وعقبال عن البنات كلهم يارب فرحى يوم26ان شاء الله ومحتاااااااااااااااسه عالاخر بجد
اولا مش لاقيه كوافير كويس او محترم بمعنى اصح لانى منتقبه والحمد لله وعايزة كوافير منتقبات يعنى يكونوا بيعرفوا يعملوا تشقير للحواجب لانى مش بعمل حواجبى والحمد لله
كان فيه كوافير فى شارع الترعه بس قفل كان كويس جدا وبيطلع البنات زى القمر
ومش عارفه اعمل ايه الوقت بيضيع منى وبجد مكتئبه جدا
تانى حاجة انا بعانى من اسمرار فى بعض اماكن الجسم طبعا وانتوا عارفينها اناعايزة طريقه سريعه لتفتيح الاماكن دى وتجيب نتيجه سريعه عشان معتش وقت
تالت حاجة تفتيح بشرة الوجه
رابع حاجة الشعر فى المنطقه الحساسه اعمل فيه ايه انا بموت كل ما افتكر انى هشيله فى يوم اناا كنت بشيله بالمق على طول بخففه يعنى بس جه الوقت اللى لازم اتعود انى اشيله خالص بس الحلاوه صعبه قوى
خامس حاجة تبييض الاسنان عشان انا بعانى من وجود بقع سوداء على اسنانى اللى بيسموها جير احترت فيها حد يقولى على حل بسرررعه
معلش بقى عروسه مكسحه هتعملوا ايه بس لازم تساعدونى ضرورى
ارجوكم
انا فى انتظار مساعدتكم لكن سريييييييييييييييعا عشان الوقت
اختكم ندى الاحساس


ندى ..اهلا بيكى معانا يا حبيبتى

بالنسبه للكوافيرات ف انا معرفش كوافيرات للمنتقبات بصراحه ..بس فيه كوافيرات تانيه اعرفها
زى هير استايل ودا كانت فيه جومانه و رنا و انا ان شاء الله نوايه اروح احجز اخر الاسبوع دا ان شاء الله
وفيه برضو بيوتى وهو قدام كلية اداب بالظبط ودا حجزت فيه شيرى و انا كنت فيه ف الخطوبه
وفيه جونتنياس ودا ف برج السوسن ودا كانت فيه جومانه ف الخطوبه
وكنا قلنا فيه كوافير اسمو اثينا بس دا كوافير على اده كدا وهو جمب استوديو عادل اللى قدام جزيرة الورد ...



وبصى ياستى بالنسبه للإسمرار اولا هتشترى شوية حاجات كدا
1 - جيبى مرهم بيتادين وجربيه ف المنطقه اياها دى وبين الفخذين ..وادهنى منو قبل النوم كل يوووووم وان شاء الله بعد مرور اسبوع هتحسى بتغيير وبعد اسبوعين هتحسى بالفرق واضح ان شاء الله ..ويمكن قبل كدا كمان
دا عشان المنطقه دى فيها رطوبه ومش متهويه دايما عشان كدا تلاقى فيها ميكروبات هى السبب ف الاسمرار دا
وبعد ماتخلصى حمام نشفيها كويس عشان متسيبيش فرصه لاى ميكروبات انها تفضل موجوده

بالنسبه للركب والاكواع جيبى مرهم ليكوسيد ..وادهنيه كل يوم برضو وممكن تلاحظى الركبه بدأت تقشر مش مشكله المهم استمرى وان شاء الله تلاقى نتيجه
بالنسبه للابط ف كان فيه بنوته هنا ع المنتدى اسمها هنوده بتقول انك تجيبى كيناكومب وتخلطيه مع كريم مرطب وتدهنى برضو كل يوم وف اقل من اسبوعين هيروح الاسمرار نهااائى ان شاء الله


اتمنى انى اكون افدتك ف الموضوع دا


اممممممممم .. جينا للمشكله الكبيره
بالنسبه للشعر ف المنطقه اياها برضو
بصى انا هقولك عللى عملتو بالظبط وفعلا جاب نتيجه معايا حلوه اوى

انا جيت ف مره وقلت لااااااااازم اعمله ولازم اتعود عليه
عملت مره ب كريم ..ولما الشعر طلع استنيت لما طول شويه بحيث السويت تقدر تمسكه وعملت وهو لسه قصير مش هكدب عليكى هو فعلا وجعنى ف الاول بس قلت معلش اجى على نفسى المره دى ( لازم تستحملى وتتعودى ) ولو مقدرتيش تعمليه كلو مره واحده اعملى اللى قدرتى عليه وريحى نفسك شويه وكملى بعدين
بعدها طبعا لقيت نعومه غير طبيعيه وبقيت مبسوطه اوى .. ولما الشعر طلع طلع اخف م الاول بكتير وكمان مطلعش مع بعضو طلع شويه وشويه لسه
استنيت لما كلو طلع تقريبا وقصيت الطويل بحيث يكونوا كلهم اد بعض والسويت برضو تقدر تمسكهم .. وعملت بالسويت (دا كان بعدالمره الاولى بشهر ونص اواكتر ) .. السويت خليتها حته زوغيره خالص يدواب اد غطا الازازه كدا بتاعة الميه ( مثلا يعنى ) .. ولما جيت اشيل لقيت الالم خف جدااااااااااااااااا عن المره الاولى والله وبقيت مستغربه لما قلت لماما قالت لى دا علشانك شلتى المره الاولى م الجزور فالجذر دالسه مبقاش جامد اوى ..زى اللى فات

جومانه كانت قالت انها جربت معجون سنان سيجنال قبل ماتعمل دهنته وسابته شويه وبعدين فضلت تفركه وتوزعه لغاية ما الجلد تقريبا شربه او حست بتنميل خفيف كدا .. وشالت والالم كان قليل جدااااا
وانا سمعت ان فيه مخدر موضعى بيتباع ممكن تستعمليه بس نصيحه منى بلاش تستعملى مخدر ف المنطقه دى وخوصوا اننا عرايس جداد .. وكمان معظم اللى استعملوه قالوا انو مش كويس اوى وزى قلته
وخدى بالك وانتى بتشيلى بالحلاوه ان الشعر عندنا كلنا ليه اتجاهات ومش كل الشعر ف اتجاه واحد
يعنى وانتى بتشيلى حاولى على اد ماتقدرى تشيلى ف عكس اتجهاه نمو الشعر سواء يمين ولاشمال .. ماشى ؟
داعلشان الشعر يتشال م الجذور وميطلعش بسرعه ولما يطلع ميطلعش تحت الجلد وكمان دا هيخفف الالم عن ماتشيليه كدا وخلاص




ااااااه يانا تعبت

وايه تانى

اه السنان

جربى وجيبى حته صميط او عيش واحرقيها ع النار لغاية ماتبقى سودا قووووووووى .. وبعدين اطحنيها وخليها بودره كدا وادعكى بيها سنانك .. وفيه يقولوا ادعكيها مع عسل يعنى جيبه فرشة سنان وعليها عسل والبودره دى وادعكى

واوووووووووووووووووووعى اوعى اوعى تستعملى بيكربونات الصوديوم او النشادر وتدعكى بيها السنان .. لان فيه ناس بينصحوا بيها
بس اوعى تعملى كدا لانك تتعبى اللثه بتاعتك وكمان هتاخد من طبقة الاسنان نفسها مش الجير اللى ع السنان بس.. خلينا احسن ف المضمون

وبصى فيه بودره ممكن تلاقيها ف الصيدليه للاسنان
انا لقيت بابا جايبهالى وهو جاى مره وبقوله ايه دا قاللى عشان سنانى صفرا م السجاير والكلام دا .. فقلت اجربها واهى مش بطاله يعنى لو عاوزه تبييض سريع كدا ومستعجله ولا حاجه
هى بودره ايفا للأسنان

دى اللى عندى
http://forums.3roos.com/uploaded/191841_91239496602.jpg



يااااااااااه كل دا رد دا انا رغيت كتير جداااا


دودو / دعاء / عروسه / همسه / ام يوسف / ام حبيبه / رنا / بيور انجل

وكل البنات .. اخباركوا ايه وعاملين ايه ف الحر دا
doaa alhousiny
04-07-2009, 05:28 PM
ازيك يا سوليتير
عاملة ايه

يا ترى خلصتى ترتيبات الفرح ولا لسه
لو محتاجة حاجة احنا موجودين
وعموما انا لو عايزه اجى دكرنس باخد تلت سا عه بس
او اقل
يعنى هكون عندك اول ما تطلبى
doaa alhousiny
04-07-2009, 05:33 PM
بس قوليلنا يا سوليتير
ايه الحاجت اللى انتى عملتيها و جابت نتيجة
احنا معظمنا هيتجوز السنه دى
يعنى عايزين نبدأ
عايزين نعرف انتى دلوقتى خلاص؟
يعنى بقيتى جاهزة خلاص لجواز
حاسه دلوقتى انك واثقه من نفسك
مفيش حاجة ممكن تتكسفى منها
او تحسى انها عندك مش حلوة
وان هو هياخد باله منها
اصل انا خايفى اوى
الواحد بيشوف اللى فى التلفزيون دول بيصعب عليه نفسه
هههههههههههه
قوليلنا كل اللى انتى عملتيه ووصلتى لنتيجة حلوة بيه
من اول الشعر
لحد الرجلين
و بالترتيب
وبلاش تقولى كل حاجة
قولى اللى جاب نتيجة حلوة بس
عشان بس ما اطولش عليكى
واحنا كلنا هنقعد بورق وقلم
هههههههه
doaa alhousiny
04-07-2009, 05:37 PM
يا ريت كمان يا سوليتير تحاولى بعد ما تتجوزى تنصحينا باه
وتقوليلنا نهتم بايه اوى و نعمل ايه وكده يعنى
اوعى تعملى زى جومانا
احنا عارفين انها مشعغولة اوى
عشان مسئوليه الجواز
لكن اكيد هيكون فيه وقت كل اسبوع حتى


جومانا,,,,, لما تدخلى بلاش تقراى الحاجت اللى فاتتك
احنا كلنا على فكرة بنبعتلك السلام على طول
ببس لما تدخلى اكتبى شويه نصايح حلوة كده لينا
وحاجات انتى علمتيها و كانت مش صح
وحاجات كانت كويسه
كل حاجة يا جومانا
اكسبى فينا ثواب
ولا انتى دلوقتى بتدخلى قسم الحمل زى ما النداهه قالتلك
ههههههههههههههه
همسة عابرة
04-07-2009, 06:01 PM
منورة يا سوليتير
دايما تغيبى شوية وترجعيلنا ومحمله رد اااااااااااااااد كده وفى المضمون فى الجون يعنى
عارفين انك مشغولة خلالالاص كلها شهر بس بالتمام والكمال ربنا معاكى
همسة عابرة
04-07-2009, 06:02 PM
دعاء خلصت من الاخر
فاحنا عايزين من الاخر




دعاااااااااااااء انتى رحتى فين
عروسة حبيبي
04-07-2009, 06:59 PM
الحمدلله بخير يا سوليير انتي يا قمر ايه اخبارك ؟؟؟

دعاء هنتقابل يا بت بكرة ولا ايه ؟

هموستي ازيك يا جميلة ؟


يا بنات لو أنا إن شاء الله هتجوز مثلا بعد سنتين ينفع أجيب الأجهزة الكهربائية من دلوقتي وأخلص منها .. ولا مستعجلش ؟

يعني مثلا ممكن المنتج نفسه بعد سنتين يكونوا صنعوه بشكل أحدث ؟ زي غسالة ايديال زانوسيكانت زمان بشكل ودلوقتي بشكل تاني

وكمان التلاجة والديب فريزر هيكونوا فصلوا شحن صح ؟؟؟

واخيرا هو ضمان الحاجات دي أد ايه ؟؟؟
doaa alhousiny
04-07-2009, 07:47 PM
عروسه يا حبيبتى
مفيش اى مشاكل انك تجيبلى الاجهزة من دلوقتى
مفيش حاجه بتتغير اوى
كمان فى حاجات بتتغير للاوحش
زر ايديال زانوسى العبد
دلوقتى بقت يا اما زانوسى
يا اما العبد
الاولانيه كانت افضل
بس عامه
لو جيتى تدورى على الحاجت اللى بتتغير
هتلاقيها قليله اوى
اما بالنسبه للضمان
فالضمان مش من تاريخ الشراء
المفروض ان انتى اول ما بتيجى تستعملى الجهاز
بتتصلى بخدمه العملاء
هما بيبعتو مسئول و بيختم ورقة الضمان بتاعك من تاريخ البدايه
بس كده

بس هقولك
لو الفلوس موجوده
ممكن تجيبى بيها كل كل كل الرفايع
و تقفلى حاجاتك لكها
اصل الاجهزة معروفة اوى
يعنى حاجات معدودة

بس كده يا ستى


عندى بقة سؤال
انا كنت عايزه اسال على الكيتشن ماشين
اصلى مش عاجبنى اى حاجة فى مصر
عروسة حبيبي
04-07-2009, 07:51 PM
الكيتشن ماشيين خالتي وهي بتعمل عمرة جابتلي مولينيكس من هناك عدده 33 قطعة الكلام ده جيباهولي من سنتين

مكنش لسه نزل مصر وجيت اسال هنا عن ال 29 قطعة لقيت فرق سعر بينه وبين ال 33 قطعة بتاعي 500 جنيه بحالهم !!!

عموما لو بتسالي عن الانواع هاتي براون او مولينيكس او كينوود
doaa alhousiny
04-07-2009, 07:51 PM
شوشو
ما قلتيش هنتقابل فين
بكرة ان شاء الله الساعه 12 الضهر فى شارع قناة السويس
لو ما تقابلناش النهارده هنا اكتبيلى المكان بالظبط
وانا هدخل واعرف و هكون بكرة فى المكان بالظبط
عروسة حبيبي
04-07-2009, 07:54 PM
اصل يا دعاء ماما عايزة تشيل فلوس الاجهزة الاول على جنب عشان هي الكوم الكبير اللي يعتبر لسه فاضل

واحنا في الاساس كنا متفقين انا وهي منجيبش الاجهزة اللي يوم ما يكون هودي الحاجة شقتي مثلا عشان احنا في الدور الرابع ومنعا لخبطها لو طلعت ونزلت وكده

وبعدين النهاردة قولنا نجيبها ولا نستنى .. ماما ميالة اكتر اننا نستنى وانا ما بصدق بشبط هههههههههه

بس
عروسة حبيبي
04-07-2009, 07:55 PM
يا بت انا قولتلك امبارح ممكن عند مكان ما كان العندليب اللي هو مكانه دلوقتي توكيل فيجا
doaa alhousiny
04-07-2009, 08:02 PM
[center]اوكى يا ستى خلاص
هستناكى هناك
اقولك رقم تلفونى هكتبهولك
بس هحور فيه
رنيلى اول ما يوصلك الرقمr]
doaa alhousiny
04-07-2009, 08:04 PM
مستنياكى ترنى يا شوشو
بس بسرعه
عشان اشيل المشاركة دى
عروسة حبيبي
04-07-2009, 08:07 PM
دعاء أنا بعتلك كلمني ولو عاوزة تمسحي الرقم من هنا بقى امسحيه
doaa alhousiny
04-07-2009, 08:08 PM
شوشو
انتى الى بعتيلى كلمنى شكرا؟
عروسة حبيبي
04-07-2009, 08:13 PM
آه يا قمر أنا
doaa alhousiny
04-07-2009, 08:15 PM
هتجيبى معاكى كل الوان المانكيير ؟
طب قوليلى
فيه دهبى و سيلفر
؟
نفسى اعرف الالوان دى ايييييييييييييه؟
31 لون ازاى يعنى؟
عروسة حبيبي
04-07-2009, 08:19 PM
فيه دهبي مش عارفة السيلفر موجود ولا لا

31 اصل فيه درجاااااااااااااات من نفس اللون فاهمة

يعني مثلا الموف درجة فاتحة فالاغمق فالاغمق

كده يعني
عروسة حبيبي
04-07-2009, 08:21 PM
وأيوه هجيبلك كله معااااياااااااا إن شاء الله وهجيبلك كمان كتالوج ماي واي تعيشي حياتك خديه لكي
doaa alhousiny
04-07-2009, 08:26 PM
هاهاهاها
اعيش حياتى؟
اوكى يا ستى
ويا ريت تبقى تعرفينى احسن الحاجات اللى انتى استعملتيها فيه
هو مفيش حد م البنات هييجى بكرة نشوفة بالمرة
عروسة حبيبي
04-07-2009, 08:31 PM
مش عارفة لسه محدش قال انه جاااي
عروسة حبيبي
04-07-2009, 08:48 PM
دعاء انا لما سبته غاب في ايدي شوية تقشيره مش سهل زي ما انا قولت بيقشر بس مبيتشالش طبقة واحدة محتاج اسيتون

أنا قولت أقولك عشان اوضح لك الامر
doaa alhousiny
04-07-2009, 09:18 PM
انتى بس تعالى وهاتيهم معاكى
الاهم نتقابل
انا هاخد منه اجربه
لى طلع حتى حلو شويه وانا بطلعه بالاسيتون
هاخد منه تانى
اصل العادى لما باجى اشيله بالاسيتون
بيضايقنى اوى
يعنى لو ده احسن حاجة بسيطة هاخده
princess gyjy
04-07-2009, 09:45 PM
ازيكوا يابنانيت وحشتووووووووووووووووووووووونى موووووت
جدااااااااااااااااااااااااااااا
انا جيت اما كلكم مشيتم اهئئئئئئئئئئئئئئئئئئئئئئئئئئئئئ
ازيك ياشوشو ودودو ودوعا وهموسه والله ليكوا وحشه جامده موووت


انا ممكن اقابلكوا انا كمان اذا مفيش مانع يابنات ولا ايه
اصل انا رايحة احجز امتحان الكورس وكنت كده كده هااصحى بدري
ان شاء الله فممكن نتقابل والله تبقي كويسه ان شاء الله
ايه رايكوا؟
النداهه
04-07-2009, 09:49 PM
لا يا عروسه متجبيش الاجهزه الا فى ساعتها ينزل حاجه انضف والاسعار كمان بتنزل يعنى انا الفرق بين جوازتى وجوازة اختى 8 شهوروحاجتها مش زى حاجتى لان الموضهبتختلف فى الاجهزه وكل حاجه فى الجهاز حتى المفروشات
princess gyjy
04-07-2009, 09:51 PM
لا تعالوا بقي بطلوا ندالة
http://www.lakii.com/vb/smile/6_172.gif
doaa alhousiny
04-07-2009, 09:54 PM
[center]ازيك يا برنسيسه
احنا يا ستى هنتقابل بكره الساعه 12 الضهر عند توكيل فيجا فى شارع قناه السويس
بعد المعهد التجارى بحاجه بسيطه اوى بس فى الناحيه التانيه
princess gyjy
04-07-2009, 09:56 PM
فعلا والله انا ماما دايما تقولي كده
بس ساعاتالاسعار بتكون اغلياو بتغلي
ابس الاحسن بجد تجيب علي الشقة علي طول ان شاء الله
doaa alhousiny
04-07-2009, 09:56 PM
معلشو انا ممكن ما اطولش معاكو
اصل المود بجد وحش اوى
محمد لسه مكلمنى حالا
بيقول انه عمل حادثة بالعربيه
كانو فى فرح
بس هو الحمد لله بخير
princess gyjy
04-07-2009, 09:57 PM
تمام ياقمر
بس فين التوكيل والمعهد والحاجات دى؟
طب اركب تاكسي ااقوله ايه بالظبط؟
doaa alhousiny
04-07-2009, 09:58 PM
انتى اللى رنيتى؟
princess gyjy
04-07-2009, 09:59 PM
ياخبر
الحمد لله حمد الله علي سلامته يابنتى
والحمد لله انها جت علي قد كده
وانتى قولي الحمد لله وان شاء الله خير واهم
حاجة ان هو بخير والله

وانا رنيتلك خلاص امسحى الرقم يادوعا
princess gyjy
04-07-2009, 10:00 PM
اه ياحبيبتى
doaa alhousiny
04-07-2009, 10:05 PM
بصى يا ستى
























بصيتى؟!!!













انتى هتركبى تاكسى تقوليله شارع قناة السويس
بعدين هتقوليله انا هنزل بعد الفنى التجارى بشويه
يا ريت حضرتك تعرفنى لما المعهد يجى
اوكى؟
اول ما هيوريكى المعهد خليكى مركزه على اليفط و المحلات اللى على ايدك اليمين
خدى بالك
ايدك\ اليمين
يعمى فى الناحيه اللى التاكسى ماشى فيها
على طول هتلاقى محل بابه ازاز و فيه فى الفاترينه ملابس اطفال
اعتقد بيتى يعنى
و هتلاقى يافطه كبيرة قبل المحل بخطوتين مكتوب عليها
على ما اعتقد
توكيل فيجا
اقطان
وحاجات كده


من الاخر لو ما عرفتيش خليكى فى نص الطريق قصاد المعهد و ابعتيلى كلمنى شكرا
وما تغرميش نفسك
وانا هقوم جيالك
انا هلبس اكتر حاجة ملفته عندى
هتلاقو واحده لابسه عبايه لونها اخضر
و طرحه بنى
واحتمال نظارة
وبلارينا دهبر
ههههه
اه يانا
معنديش شنطة ذهبى
اهى اهى اهى
امرى له
هضطر اشيل القديمه
كويس انى مش هشوف محمد بكرة
هههههه
doaa alhousiny
04-07-2009, 10:07 PM
قولولى يا بنات
هو انا الافضل البس ايه لما اكون رايحه اعمل اشعه
انا هعمل اشعه على الرحم
و بصراحه مش عارفة المفروض هكشف لحد فين
عروسة حبيبي
04-07-2009, 10:08 PM
خيااااااانة هقرا ردودكم ورجعالكم
princess gyjy
04-07-2009, 10:09 PM
ههههههههههههههههههههههه
عسل يادوعا اوكيش ياحبيبي
علي الساعة 12 ان شاء الله
بس اعملي حسابك بقي ان شاء الله نقغعد مع بعض
شويتين تلاته كده عشره
هههههههههههههههههههههههههه
princess gyjy
04-07-2009, 10:10 PM
كده بقي البسي بادى وجيب او عباية
موش عارفة والله
princess gyjy
04-07-2009, 10:11 PM
شوشو حبيبي
انتى روحتى فين
قاعدة ادور ادور
موش لاقياكى
عروسة حبيبي
04-07-2009, 10:17 PM
انا جيت اهه يا جيجيييييييي خلي هولاكو يسيبك لينا شويييييية

دعاء الحمدلله انها جت سليمة والعباية مناسبة للكشف ده

احنا ممكن نتقابل عند المعهد لو انتوا الاتنين عارفينه

وجيجي بلاش تحسسي السواق انك مش عارفة المكان اللي انتي ريحاه خلي عندك ثقة الدنيا مفيهاش امان

انتي تركبي التاكسي تقوليله قناة السويس عند المعهد الفني وهو هينزلك عنده وبس كده
عروسة حبيبي
04-07-2009, 10:19 PM
شكرا للقمرات اللي ردوا عليا بخصوص الاجهزة
doaa alhousiny
04-07-2009, 10:19 PM
اوكى خلاص
نتقابلند المعهد
princess gyjy
04-07-2009, 10:19 PM
تمام ان شاء الله كده كويس
اه هولاكو متفكرنيش ده عامل زى الكابوس
ده انا كنت بزقه عشان ينزل
يالا الحمد لله
princess gyjy
04-07-2009, 10:21 PM
ان شاء الله يابنات
واشوف انا كمان جايز اخد حاجات من الممنوعات اللي معاكوا
اصل انا عندى كذا فرح ورا بعض فينفع برده
ان شاء الله
doaa alhousiny
04-07-2009, 10:24 PM
ايه يا جيجى
كده لو حد مش معانا دخل بيتنا دخه
هيقول البنات دول بيعملو ايه!


عايزه اعرف باه
انا متعوده البس بنطلون جينز او عادى تحت العبايه
البس ولا بلاش
بس اعتقد البس بنطلون احسن
اصل انا عمرى ما عملت اشعه
عروسة حبيبي
04-07-2009, 10:25 PM
بنات الحمدلله حبيبو لقى شغله وهينزل من بكرة إن شاء الله

ربنا يوفقه يارب ويرزقه رزق حلال
عروسة حبيبي
04-07-2009, 10:26 PM
البسي يا دعاء بنطلون قماش بلاش جينز بكرة
عروسة حبيبي
04-07-2009, 10:30 PM
انتوا نمتوا
doaa alhousiny
04-07-2009, 10:31 PM
الف اللف مبروك يا عروسه
ربنا يبارك ليكى و يبارك ليه ويرزقه برزقك و رزقه
و رزق عيالكم ان شاء اله
و ادعو لمحمد
ان ربنا يعوضه
مع انى لسه مش عارفه ايه اللى حصل بالظبط
قاعده على ناااااااااارى
princess gyjy
04-07-2009, 10:32 PM
اه لازم تلبسي فعلا بنطلون ان شاء الله
وخليها قماش صح

الف مبرووك ياشوشو ياقمر تصدقي بالله
انا كمان راح عمل انترفيو والمدير وافق وكل حاجة
بس لسه هيعملوا فرع جديد فقالوا له اول ماالفرع الجديد يجهز هتكون معانا ان شاء الله
ربنا ييسر لهم الحال يارب
ورزقهم بالحلال قادر يارب
عروسة حبيبي
04-07-2009, 10:33 PM
الله يبارك فيكي يا دعاء



ان شاء الله ربنا يعوضه خير والحمدلله انها جت سليمة
princess gyjy
04-07-2009, 10:33 PM
ان شاء الله تبقي حاجة بسيطة
يارب ويعوضكوا خير يارب امين
عروسة حبيبي
04-07-2009, 10:34 PM
الف مبروك انتي كمان يا جيييييييييييييييييييييييجييييييييييييييي

الحمدلله

وآمين يارب يرزقهم حلال
عروسة حبيبي
04-07-2009, 10:36 PM
دعاء بتعرفي تعملي مربى مشمش ؟

اوانتي يا انجي ؟
princess gyjy
04-07-2009, 10:37 PM
اه والله ربنا والله كريم يابنتى
بس هو لسه قدامه شويه
بس انا قولتلوا مادام ان شاء الله مضمونه
يبقي مفيش مشكلة تستنى شويه واهو المشروع
يسد الوقت عبال بس اما يفتتحوا القر الجديد يارب
princess gyjy
04-07-2009, 10:39 PM
لا طبعاااااااااااااااااااااااا
اي حاجة حلويات موش بحبها
وبالتالي موش بعرف اعملها خالص
ندى الاحساس
04-07-2009, 10:44 PM
ايه يا جيجى
كده لو حد مش معانا دخل بيتنا دخه
هيقول البنات دول بيعملو ايه!



عايزه اعرف باه
انا متعوده البس بنطلون جينز او عادى تحت العبايه
البس ولا بلاش
بس اعتقد البس بنطلون احسن
اصل انا عمرى ما عملت اشعه


دودو الف سلامه عليكى ياقمر هتعملى الاشعه دى فين؟؟؟ فى مستشفى ايه بالظبط؟؟ وانا ممكن اجى معاكى خطيبى بيشتغل فنى اشعه فى مستشفى الخير طبعا عارفاها
بصى اهم حاجة متكونش الحاجه اللى انتى لابساها فيها اى حاجة معدن او سوسته وهما اساسا لازما وحتما حتى لو مش لابسه حاجة تحت العبايه بيغطوكى بملايه
سلامتك ياسكره طمنينى عليكى
princess gyjy
04-07-2009, 10:47 PM
ايه يابنات روحتواااااااااااااااااا
فين؟
doaa alhousiny
04-07-2009, 10:51 PM
طيب يا بنات
كل واحده فيكم تقول هتلبس ايه؟
princess gyjy
04-07-2009, 10:54 PM
انا ياسيتى ان شاء الله هلبس جيب ابيض
وبادى ابيض وفيست ابيض في اسود
وبلارين اسود وشنطة سوده
هههههههههههههههههههههههه
وكله اسود في اسود
عروسة حبيبي
04-07-2009, 10:55 PM
انا هلبس اسدال موف ان شاء الله
doaa alhousiny
04-07-2009, 10:55 PM
ميرسى يا ندى يا حبيبتى
انا بصراحه مش عارفة هعمل فين
اصل خالى بيشتغل فى كلية طب
وهو قالى تعالى وانا اعملهالك
قوليلى بأه
قريتى اللى انا كتبته عن الكوافير

عروسه
انا هروح اكشف فى مستشفى حواء التخصصى
حد يعرف الدكتورة اللى هناك
المستشفى عند حديقة الحيوان

جيجى
الف مبروك

ندى
لو عايزه تيجى معانا بكرة تعالى
واهو ممكن نروح عند الكوافيره اللى انا كنت عندها
princess gyjy
04-07-2009, 10:56 PM
وانتى يادوعا بالظبط
هتلبسي ايه ان شاء الله؟
ندى الاحساس
04-07-2009, 10:57 PM
انا يا ندى مش هعرف احط الصورة الا لما تكونى موجوده عشان اشيلها على طول
الكوافيرة اللى انا كنت عندها كانت عند تلمحطة الدوليه فى الشارع اللى ما بين سور المحطة و فوتو شوب
يعنى الشارع بتاع الفيومى الى ناحية المحطة
اخدت منى 150
هى بتاخد 200 بس هى عملتهالى واسطه
بس هى ممكن تعملك بكدة عشان انتى مش هتعملى شعرك
هتعملك التشقير ووشك بالفتلة
هتختارى نظام ميك اب عاجبك وهى تعمله او تعملك على زوقها وهى زوقها حلو اوى
كمان بتعملك حمام بخار ساخن وبترد قبلها بيوم كامن مرة قبل الميك اب
واعتقد لو رحت اليومين هتعملك ب 300 بس بصراحه هى كويسة
واول لما تيجى قولى انزلك الصور
جومانا كانت عامله ب 450


لا انا يوم واحد بس يادودو
يعنى هى كويسه؟؟ اصل انا بخاف منهم عشان بيلبخوا جامد فى التشقير ومش بيعرفوا والميك اب رقيق وحلو ولا؟؟
انا رحت النهارده اجرت الفستان من شارع الترعه ب450جنيه بصراحه يجنن
وعايزة لما ابقى اروحلها تيجى معايا
مستنيه الصور يلا بسررررررررررررررررررعه
princess gyjy
04-07-2009, 10:58 PM
الله يبارك فيكى ياحبيبتى
بس علي ايه معلش موش عارفة انا موش
مركزة ولا ايه النظام؟
عروسة حبيبي
04-07-2009, 11:01 PM
دعاء ليا واحدة صاحبتي كانت بتشتغل فيها وهي دلوقتي حامل ومتابعة مع الدكتورة هناك
doaa alhousiny
04-07-2009, 11:02 PM
جيجى
مبروك على النترفيو
نسيتى
ولا انا اللى مش مركزة؟

ندى انا هحاول انزل الصور دلوقتى
بس هتاخد وقت الوقتى
princess gyjy
04-07-2009, 11:05 PM
اهاااااااااااااااااااااااا
الله يبارك فيكى ياحبيبة قلبي
ان شاء الله برزقوا بيها يارب


معلش انا اسفة يادوعا في السؤال ده
بس انتى عايزة تكشفي ليه؟
انا بجد اسفة اذا السؤال ضايقك
بس انا موش فاهمة بجد
doaa alhousiny
04-07-2009, 11:08 PM
بصى يا ندى
الصورة دى انا بكرهها موووت
بس انا حطيتها عشان تشوفى كل حاجة كويس اوى
بس انا هشيلها حلا
احفظيها عندك على الكمبيوتر عشان هشيلها
على اما انزل الباقى
عروسة حبيبي
04-07-2009, 11:10 PM
دعاء مقولتيش بتعرفي تعملي مربى مشمش ولا لا ؟

وانتي كمان يا ندى الاحساس
doaa alhousiny
04-07-2009, 11:12 PM
[center]جيجى
انا هقولك يا ستى انا هكشف ليه
بس برده هشيل المشاركه بسرعه
princess gyjy
04-07-2009, 11:13 PM
طب بتكرهيها ليه يابنتى
والله العظيم حلوه مووووت
ماشاء الله
doaa alhousiny
04-07-2009, 11:14 PM
لا والله يا عروسه
اى نوع مربى
بس لو عملولى امتخان فيها
هحط المشمش على النار مع شويه ميه لحد ما يستوى وهحط عليه سكر كتييييييييييييييير
لحد ما يبقى زى المربى
هههه



ندى
اشيل الصورة بقة؟
princess gyjy
04-07-2009, 11:15 PM
الف سلامة عليكى يادوعا يارب
وفعلا يابنتى متسكتيش
ربنا يشفيكى ياحبيبتى يارب


امسحى خلاص
doaa alhousiny
04-07-2009, 11:16 PM
لا واله الصورة مش عاجبانى خالص
ندى الاحساس
04-07-2009, 11:17 PM
قولولى بقى هتتقابلوا امتى بالظبط؟؟
وانا عارفه المعهد التجارى اللى فى قناه السويس لو هتتقابلوا هناك
بس بلاش نتقابل فى الحر يابنات
doaa alhousiny
04-07-2009, 11:17 PM
ندى
انتى فين
امسح الصورة بقة؟
princess gyjy
04-07-2009, 11:17 PM
لا والله حرام عليكى دى عسوله خالص
حساكى فيها كده كيوووووووووووت خالص
princess gyjy
04-07-2009, 11:19 PM
امسحى المشاركة كمان يادوعا
عروسة حبيبي
04-07-2009, 11:19 PM
الف سلامة عليكي يا دعاء

انا جبت طريقة من على النت اهيه

المقادير:
1 كيلو مشمش,1 كيلو سكر سنترفيش, عصير ليمونة
الطريقة:
* ينزع النوي من المشمش.
* يقطع المشمش بالسكين قطعا صغيرة.
* في طبق صيني او بلوري يوضع المشمش في طبقات متبادلة مع السكر ويترك المقدار6 ـ8 ساعات حتي ويخرج المشمش ماءه
* في إناء عميق يرفع المشمش فوق نار هادئة مع التقليب من حين لآخر حتي يذوب السكر تماما.
* يضاف عصير الليمون ويترك المقدار علي النار هادئة حتي تعقد المربي. ويرفع الريم.
* ترفع المربي من فوق النار وتترك حتي تبرد تماما ثم تعبأ في برطمانات معقمة
* تحفظ داخل الثلاجة او في مكان جاف متجدد الهواء


بس انا طبعا مش هعمل كيلو عشان لو مظبطتش معايا مرميش كيلو بحاله ههههه
doaa alhousiny
04-07-2009, 11:19 PM
معلشى يا ندى
لازم الحر
اصل انا بعد ما اخلص الاشعه
هروح اكشف
مفيش عندى اى وقت تانى
حاولى باه
واحنا هنشوف مكان حلو نقعد فيه
اشيل الصورة بقة
عروسة حبيبي
04-07-2009, 11:20 PM
دعاء امسحي المشاركة والصورة

ندى احنا هنتقابل الساعة 12 بعد ما دعاء تخلص كشف
عروسة حبيبي
04-07-2009, 11:21 PM
مكان ونقعد يا ربناااااااااا انا مقولتش لحبيبو كده

انا قولت له اني هشوفك واروح على طوووووووووووووووووووووووووووووول
princess gyjy
04-07-2009, 11:23 PM
الميعاد ده كده تمام قوى
ان شاء الله هو حر اه بس عشان كمان
دوعا بتسافر موش عايزين ناخرها
معانا

وان شاء الله تطمنى بكره ياحبيتى يارب


شوشو انتى بتحبي المربي ولا ايه
انا كده ممكن اكرهك فيها
اي انواع حلويااااااااااات لالالالالالالالالالالالالالالالا
والف لالالالالالالالالالالالالالالالالا
موش بحبها خالص
doaa alhousiny
04-07-2009, 11:24 PM
احنا مش هنقعد كتير يا شوشو
ما تقلقيش
ندى ما رديتيش شفتى الصورة ولا لا

انا هحط الصور بتاعة التحجيبه باه
ندى الاحساس
04-07-2009, 11:24 PM
ندى
انتى فين
امسح الصورة بقة؟

استنى دودو دقيقتين بالظبط
عروسة حبيبي
04-07-2009, 11:24 PM
جيجي انتي مبتحبيش اي انواع الحلويااااااااات ؟؟؟
princess gyjy
04-07-2009, 11:25 PM
شكلك ياشوشو بتدنادلي من الاول اهو
هو ايه شغل سلم واستلم
ماشي انا بقي هبلغ عنكو
انا يابنتى موش قولت ممنوعات قولتيلي
يقولوا البنات عننا ايه
هى ممنوعات يابنتى
عروسة حبيبي
04-07-2009, 11:26 PM
دعاء كده الصورة مش هتعرفي تعدلي المشاركة شيليها يا بنتي

جيجي بتحبي الكيك ؟؟؟

انا مش غاوية مربى اوي بس بصراحة نفسي اتعلم كل حاجة
واحنا عندنا مشمش وعاوزة اعرف كل حاجة ممكن نستخدم فيها المشمش ايه وازاي
doaa alhousiny
04-07-2009, 11:26 PM
كانت هنا الصورة
ههههههههههههههههه
بس مشت تانى
princess gyjy
04-07-2009, 11:27 PM
لالالالالالالالالالالالالالالا خالص
انا ممكن اكل بس الكنافة بتاعت
الشلقامى فظيعة وتحفة اللي هى ملفوفة صوابع
دى اه ممكن انما اي حلويات تانى انا ممكن ارجع بجد
doaa alhousiny
04-07-2009, 11:28 PM
ندى
لو انتى ملحقتيش الصورة الاولانيه قولى احطها تانى
بس ليه اتاخرتى
بلاش فى دى بأه
عروسة حبيبي
04-07-2009, 11:28 PM
مش بتنادل والله بس انا اول ما اتفقت مع دعاء قولتله اني هرجع على طول وكمان هو هيستلم الشغل بكرة من 5 مساء ل 1

فمعنى اني اتفسح في الوقت اللي قاعد فيه في البيت يبقى كده مش حلو خالص يعني
ولا ايه ؟؟؟
princess gyjy
04-07-2009, 11:29 PM
لا ولا الكيك خالص
بس ممكن اتعلموا لان حبيبو بيحبوا
قوى مع الشاي بيقولي ايام الكويت
كان فطاري كده
ندى الاحساس
04-07-2009, 11:29 PM
احنا مش هنقعد كتير يا شوشو
ما تقلقيش
ندى ما رديتيش شفتى الصورة ولا لا

انا هحط الصور بتاعة التحجيبه باه



اوك ياقمر بس صورتك تحفه موووووووووووت
قمر يا اخواتى
doaa alhousiny
04-07-2009, 11:29 PM
احط التالته يا ندى؟


جيجى

امال هتعملى ايه لو عرفتى انى مدمنه حلويات؟
doaa alhousiny
04-07-2009, 11:31 PM
ايه يا ندىطب والله انتو بكرة هتشوفونى و هتعرفو الاصل
الانيميا مبوظانى على الاخر
كمان انا تختوووووووووووووووخة
ندى الاحساس
04-07-2009, 11:31 PM
ندى
لو انتى ملحقتيش الصورة الاولانيه قولى احطها تانى
بس ليه اتاخرتى
بلاش فى دى بأه


ههههههههه
لا خلاص انا شفتها بس مش لحقت اشوفها كامله كانت لسه بتحمل بس شفت جزء كبير منها ومش سيفتها عالجهاز
عروسة حبيبي
04-07-2009, 11:32 PM
انا بقى اصغن واحدة فيكوا

هههههههههههههههههههههههههه

حلوة اصغن دي
princess gyjy
04-07-2009, 11:32 PM
لا ماهو كمان موش معنى كده اننا هنقضي اليوم
بطوله لا هوا بس شويه صغنتتين عشان دوعا كمان
متتاخرش في السفر وانا كمان هاروح هشان احجز الامتحان

بس اقري واعترفي بقي انتى عايزة تمشي عشان تكلميه فون
موش كده يالئيمة؟http://www.lakii.com/vb/smile/21-258.gif
doaa alhousiny
04-07-2009, 11:32 PM
اشيل الصورة التانيه يا ندى
doaa alhousiny
04-07-2009, 11:34 PM
كانت هنا كمان صورة ومشت
بس بعتتلكم السلام
ههههههههههههههههه
princess gyjy
04-07-2009, 11:35 PM
برده قمر ماشاء الله والله يابنتى
مانا كمان تختوخه وكل شويه يقولي هتخسي يعنى هتخسي
اجبار مفتري والله

انا لما اعرف انك مدمنة حلويات هاعمل ايه؟

















اعمل ايه؟
































































هااعمل ايه يعنى هاحبك برده لا مفر
هههههههههههههههههههههه
عروسة حبيبي
04-07-2009, 11:35 PM
لاء وانتي الصادقة اكلمه نت

احنا لو فضلنا مقضينها فون يبقى مش هنتجوز والفلوس هتخلص فونات
doaa alhousiny
04-07-2009, 11:35 PM
كده يا ندى انتى ما فاتكيش ولا فتفوته فى الميك اب
ولا التحجيبه
من الناحيتين اهوه
معتش غير الفستان
و التختوخه
doaa alhousiny
04-07-2009, 11:36 PM
انا هشيل الصوره التانيه يا ندى
ايه يا بنتى انتى بتنامى ولا ايه
ولا تكونيش بتكلمييييه؟!!!!
princess gyjy
04-07-2009, 11:38 PM
اه علي رايك فعلا
هو الفون بيخرب البيت فعلا


دوعا الصورة لتالتة دى ماشاء الله علكى حلوم قوى بجد
ندى الاحساس
04-07-2009, 11:40 PM
احط التالته يا ندى؟



جيجى


امال هتعملى ايه لو عرفتى انى مدمنه حلويات؟



يلا حطيها بسررررعه
عروسة حبيبي
04-07-2009, 11:41 PM
احن احن

المشمش بدأ يظهر نتايجه

انا قطعته وحطيت معاه سكر وبدأ ينزل مايته فعلا الحمدلله
عروسة حبيبي
04-07-2009, 11:42 PM
نفسي النتيجة تظهر بقى هعيييييط بجد اااااااااااااااه ياني
princess gyjy
04-07-2009, 11:43 PM
تمام الحمد لله انتى فكرتينى بالطريقة اما ماما كانت بتعمله
مره عملت جزر وفراولة
عروسة حبيبي
04-07-2009, 11:43 PM
دعاء ما شاء الله الصور جميلة
princess gyjy
04-07-2009, 11:44 PM
ياحبيبة قلبي يارب تظهر يارب
طب هو موش بيسال في الاكاديمية
ندى الاحساس
04-07-2009, 11:44 PM
انا هشيل الصوره التانيه يا ندى
ايه يا بنتى انتى بتنامى ولا ايه
ولا تكونيش بتكلمييييه؟!!!!



ماشى شيليها خلاص
هههههههههههه
لا مش بنام ولا حاجة بس النت بيبقى بطئ الوقتى
بكلمه؟http://www.lakii.com/vb/images/icons/12.gif
ياختى يارب http://www.lakii.com/vb/images/icons/w00t.gif http://www.lakii.com/vb/images/icons/w00t.gif
عروسة حبيبي
04-07-2009, 11:47 PM
هما قايلين اودامهم لـ 15-7 إن شاء الله

أنا من تعبي والله من الإنتظار قعدت أدور في المسجات اللي باعتهالي كان باعتلي مسج انا نجحتتتتتتتتتتتتتتتت عشان اشوف تاريخها

لقيتها 11-7-2007

يا مهووووووووووووووووووووووووووون
ندى الاحساس
04-07-2009, 11:47 PM
عسل يا اخواتى قمر والله يادودو ربنا يتمملك على خير
doaa alhousiny
04-07-2009, 11:48 PM
المهم ايه رأيكم فى الميك اب و التحجيبه
تستاهل يعنى انى اتنازل و ادفع 150 جنيه حته واحدة
؟!!!1
هههههههههههه
محمد كان بيستغرب قوى
بيقولى يا بنتى ده الحاق ياخد اد كده
همسة عابرة
04-07-2009, 11:49 PM
بخخخخخخخخخخخخخخخخخخخخخخخخخخخخخخ
انا هنا http://www.lakii.com/vb/smile/22-77.gif
ومرقباكوا
هبلغ عنكوhttp://www.lakii.com/vb/smile/22-71.gif
عشان مش هبقى معاكو
انا زعلانة بجدhttp://www.lakii.com/vb/smile/6_172.gif
عروسة حبيبي
04-07-2009, 11:49 PM
حلوين يا دودو ما شاء الله يستاهلوا طبعا

هي اللي مدياكي الحلق كمان من عندها ؟؟؟
doaa alhousiny
04-07-2009, 11:50 PM
شوشو
السنه دى النتيجه هتظهر بدرى اوى اوى
كلها يومين بس
ان شاء الله
انا السنه اللى فاتت كانت 17-7
السنه دى بكرة او بعده بالكتير
ان شاء الله


المهم
قولولى باه
انا حاسه ان مفيش فرق ما بين الكوافير اللى بياخد 150
واللى بياخد 450
ولا انتى رأيكم ايه؟
عايزة رأيكم بجد
عروسة حبيبي
04-07-2009, 11:50 PM
هموسة هلا يا هلا

معلش يا جميل لعله خير
همسة عابرة
04-07-2009, 11:51 PM
ازيك يا جيجى ودعاء وشوشو وندى
انا قلت اقفل معاكوا الجزء ده
ههههههههههه
princess gyjy
04-07-2009, 11:51 PM
يامسهل يارب
ان شاء الله خير
بس بتاعت 2008 ايه النظام؟
انتى قولتى 2007 امال فين 2008



والله عسل يادوعا بجد وده والله فعلا قوليل جدااااااااا
انا عمرى ماشوفت كده بجد
يالا عقبال الفرح يااااااااااااااااااااااااارب
عروسة حبيبي
04-07-2009, 11:52 PM
يارب يسمع منك يا دعاااء


آه فعلا انا حاسة مفيش فرق
doaa alhousiny
04-07-2009, 11:53 PM
هموستى
وحشتينى اوى
وشك حلو
محمد كلمنى وبيقول العربيه صاخ سليم
الحمد لله

شوشو
الحلق ده دهب بتاع اختى
التاج انا ماجراة ب 40
و اللولى متر ونص ب 22
اشتريت الطرح الاتنين 25
طبعا الظاهرة دى من الاتيليه
بس بجد الكوافيرة دى رأيكو فيها ايه
عشان اشوف اعمل عتدها فى الفرح ولا لا
عروسة حبيبي
04-07-2009, 11:53 PM
2008 كان كلمني يا جيجي مش مسج
princess gyjy
04-07-2009, 11:53 PM
هموسه حبيبي ازيك والله انتى كمان ندلة
عشان موش هتيجى
انا اللي هبلغ عنك موش انتى اللي هتبلغي



والله يادوعا قموره مووت ماشاء الله
علي فكره الاصل في البنت نفسها
لان فعلا انتى ممكن تروحى لكوافير
غالي جداااااااااااااااااا وتبقي طالعة
وحشه موووووووووووووووووت
الاصل بالبنت وانتى والله ماشاء الله
قموووووووووووووره موووت
princess gyjy
04-07-2009, 11:55 PM
طب موش فاكره كان امتى بالظبط؟
شوفي كل تاخيره وفيها ان شاء الله
خيره سلميها لله
وقولي يارب
ندى الاحساس
04-07-2009, 11:55 PM
المهم ايه رأيكم فى الميك اب و التحجيبه
تستاهل يعنى انى اتنازل و ادفع 150 جنيه حته واحدة
؟!!!1
هههههههههههه
محمد كان بيستغرب قوى
بيقولى يا بنتى ده الحاق ياخد اد كده



150جنيه؟ يامفتريه وزعلانه
وتتنازلى كمان؟
يالهووووووووووووووووووووز
طيب بصى لو اتقابلنا بكره ممكن نروح نسأل هناك؟
لو هى عندها صور لعرايس تانيه هى عملتلهم وعايزة اتأكد برده من موضوع التشقير عايزين نروحلها روباطيه كده ونغتالها ايه رأيك؟؟؟
قوليلى انتى منين؟؟؟؟
doaa alhousiny
04-07-2009, 11:56 PM
اعتقد كلكم شفتو الفستان
الا ندى
هنزلهولك بس لازم رايك
همسة عابرة
04-07-2009, 11:58 PM
انتى عارفة يا جيجى انه صعب عليا انزل المنصورة
والله كان نفسى بجد اشوفكم
بس الحمد لله هعمل ايه
princess gyjy
04-07-2009, 11:58 PM
شوفي ياشوشو هى رابعة دايما بتظهر بدرى
تقريبا عشان الجيش وكده
انتى بس قولي يارب
عروسة حبيبي
04-07-2009, 11:58 PM
مش فاكرة بالظبط يا جيجي بس كانت في نفس الحدود كده

يااااااااااااااااااااااااااارب
doaa alhousiny
04-07-2009, 11:59 PM
الكوافير يا ستى عند المحطه الدوليه
وانا من كفر طناح
و انا بتريق على 150
هههههه
اصلها غريبه اوى
بس هى عتاخد منك 200 عشان فرح وكمان عشان شعرك
وكمان التشقير
وكمان عشان هى معرفة من زماااااااااااااااان
princess gyjy
04-07-2009, 11:59 PM
انتى منين ياهموسه؟
اه لو كنتى ساكنه هنا
يالا خير نستنى اما خطيبك بقي يجى
هو بيشتغل فين صحيح؟
وتتعوض ان شاء الله مره جاية
همسة عابرة
04-07-2009, 11:59 PM
دعاء عندك حق
بعد كلام رنا عن هير استايل
لقيت ابو 150 زى ابو450
طيب ناوية تكونى فين فى الفرح
ندى الاحساس
05-07-2009, 12:01 AM
ازيك يا جيجى ودعاء وشوشو وندى
انا قلت اقفل معاكوا الجزء ده
ههههههههههه

اهلا هموووووسه رايحه فين؟؟؟