تجربتى مع أولادى للقضاء على الكرتون ( للافادة )-تجربة ناجحة-

[أم جورى]

http://www.lakii.com/img/g1/Jul09/ZAa2Ug07140501.gif

السلام عليكم ورحمة الله وبركاته


فى البداية أسأل الله أن يرضى عنا ويهدى أبناءنا لما يحب ويرضى


ويجعلهم قرة أعين لنا ويعيننا على تربيتهم التربية الصحيحة التى


يحبها الله ويرضاها


مشكلتى مع أولادى خصوصا ابنى الأصغر انه بيحب الكرتون وبيتفرج


عليه كتييييييييييييييير


ولما عرضت المشكلة على أمى الحبيبة بنت النيل أعطتنى نصائح


جميلة وفى نفس اليوم او بعده بيوم قرأت موضوع فى المنتدى عن


كيفية قضاء الأجازة وطبقت البرنامج واقترحت عليا حبيبتى ريحانة


القدس أن اذكره فى موضوع منفصل حتىيستفيد الجميع



وأحب أقول التجربة يمكن حد يستفيد


فعلا أنا عارفة انى كنت السبب فى انهم بيتفرجوا كتير


أولا لأنى السنة دى ما اشتركتش فى أى رياضة فى النادى لظروف ولادتى القريبة


ولظروف تانية لوالدهم وانشغاله بالعمل والنقل لمكان سكن اخر


وده طبعا خلى فى فراغ كبير خصوصا انى أسكن بعيد عن والدتى وأقاربى


ومش بنروح غير يوم الخميس وطبعا طول الأسبوع فى البيت


جبتلهم حاجات وعملت برنامج وجدول كنت قريته من أخت لينا فى


المنتدى جزاها الله ألف خير وهى أودى


جبت الوان وصلصال وقصة مولد الرسول صلى الله عليه وسلم حتى وفاته


بس للأطفال وقصص تلوين


وعملت كروت بأرقام مثلا رقم 1 و5 و10


عملتلهم زى حصص


حصة للكرتون وحصة للصلصال والتلوين وهكذا


وكمان طبعت من النت شجرة الصلاة الأسبوعية ولزقتها فوق سرير كل واحد


واللى يصلى يلون الورقة بالأخضر واللى مش يصلى يلونها بالأصفر


وعملت جوايز بالأرقام يعنى مثلا


اللى يصلى كل الصلوات ياخد كارت ب5 نقط


اللى يغسل أسنانه الصبح وبالليل ياخد نقطة


اللى ينضف حجرته وسريره ياخد نقطة وهكذا


والمفروض ان كل مجموع من النقاط ليه جايزة


يعنى 20 نقطة مثلا ياخد 10 جنيه


30 نقطة يختار أكله بيحبها وأعملهاله


50 نقطة يختار الديليفرى اللى هو عاوزه


وعملت حصة مسائية لما باباهم يكون موجود وهى قراءة سيرة الرسول


صلى الله عليه وسلم وانهم يركزا أوى وأنا بحكى علشان هعمل مسابقة


واللى هيجاوب صح خياخد نقط


وبجد بجد الحمد لله بنسبة كبيرة جدا الكرتون قل وكمان هما فرحانين أوى


بالبرنامج ده وعاوزين طبعا يجمعوا نقط كتير وبجد اللى أطفالهم فى سن يسمح


بالبرنامج ده يجربوه حلو جداااااااااااا

[حره فوق رأس حر]

الله يعطيك العافيه

[أم جورى]

جزاكى الله خيرا

[مجنونة فيك]

مشاءالله عليك يا ام جوري
الله يهدي اولادنا جميعاً يارب

[أم جورى]

ماشاءالله عليك يا ام جوري
الله يهدي اولادنا جميعاً يارب

اللهم امين

[ام ياسـ مريوم ـر]

عليا حبيبتى ريحانة القدس


ربي يرزقك الجنة ويهدي اولادك ويجعلهم من الصالحين

اعجبتني الافكار كثيرا

يا رب يستفيد منها امهات كثير

[أم عبير..]

ماشاء الله ..
الله يخليهم لج يا رب وتفرحين فيهم
الأطفال لازم يبون نشاطات تنمي قدراتهم
ويستانسوون على هالسوالف
الله يسعدج ويحفظج يا رب
وان شاء الله الامهات او انا بالمستقبل نستفيد من خبراتكم مع عيالكم

[...القنوعه...]

فكرة النقاط رااااااائعة على فكرة أخيتي
لأنها تعمل على تحفيز الأطفال للأفضل
و تحثهم (لا شعوريا) على القيام بكل الأمور اللي تدرجيها لهم في الجدول
خصوصا إذا كانوا أكثر من طفل حيث تبدأ المنافسة
أو ممكن نوزع الجدول على الأطفال من الأقارب (مثل أبناء العم أو أبناء الخال .......)
حتى يتحفزوا مع بعض و بالتالي يكون الإنجاز أكبر
و عندما يلتقوا مع بعض تكرم الأم الطفل اللي جمع أكبر عدد من النقاط


رائع
رائع
رائع

جزاكِ الله خيرا حبيبتي و نفع بكِ

[نجلا الجمل]

ربنا يخليهم ليكى ويبارك لك فيهم واجازة سعيدة وموفقة باذن الله
بس لى شؤال ممكن اعمل دة مع لوجى بنتى عنها سنتين ونص
ارجو الرد

[logee 33]

مشاءالله عليك يا ام جوري
الله يهدي اولادنا جميعاً يارب

[OMO LINA]

سبق أن قرأت الموضوع في ردك لبنت النيل
وأعجبت كثيرا بالبرنامج الذي وضعته لأطفالك
وجدول النقاط
إن شاء الله يقضوا إجازة ممتعة ومفيدة

[أم جورى]

ربنا يخليهم ليكى ويبارك لك فيهم واجازة سعيدة وموفقة باذن الله
بس لى شؤال ممكن اعمل دة مع لوجى بنتى عنها سنتين ونص
ارجو الرد

مش عارفة يا نجلا بس اعتقد صغيرة ومش هتستوعب

[أم جورى]

سبق أن قرأت الموضوع في ردك لبنت النيل
وأعجبت كثيرا بالبرنامج الذي وضعته لأطفالك
وجدول النقاط
إن شاء الله يقضوا إجازة ممتعة ومفيدة

ان شاء الله الأجازة قربت تخلص خلااااااااااص

جزاكى الله خيرا يا لولو

[أم جورى]

ماشاء الله ..
الله يخليهم لج يا رب وتفرحين فيهم
الأطفال لازم يبون نشاطات تنمي قدراتهم
ويستانسوون على هالسوالف
الله يسعدج ويحفظج يا رب
وان شاء الله الامهات او انا بالمستقبل نستفيد من خبراتكم مع عيالكم

ان شاء الله يا بيرو ربنا يرزقك الذرية الصالحة

[أم جورى]

فكرة النقاط رااااااائعة على فكرة أخيتي
لأنها تعمل على تحفيز الأطفال للأفضل
و تحثهم (لا شعوريا) على القيام بكل الأمور اللي تدرجيها لهم في الجدول
خصوصا إذا كانوا أكثر من طفل حيث تبدأ المنافسة
أو ممكن نوزع الجدول على الأطفال من الأقارب (مثل أبناء العم أو أبناء الخال .......)
حتى يتحفزوا مع بعض و بالتالي يكون الإنجاز أكبر
و عندما يلتقوا مع بعض تكرم الأم الطفل اللي جمع أكبر عدد من النقاط



رائع
رائع
رائع


جزاكِ الله خيرا حبيبتي و نفع بكِ


جزانا واياكى وفعلا لو فى المحيط بتاع الأولاد اقاربهم يبأة الموضوع فيه منافسة اكتر

[miama]

جزاكي الله خير يا جوري
فعلا موضوع مفيد...........استفدت منه:)

[أم جورى]

جزاكي الله خير يا جوري
فعلا موضوع مفيد...........استفدت منه:)

جزانا واياكى يا ميمو جربيه بجد حلو أوى

[nashwa1]

رائع يا جوجو ان شاء الله اجربه مع محمد

[abeerbebo]

فكرة حلوة اوى يا جوجو

ان شاء الله هطبقها مع موكى وحمادة بس لما يكبرو شوية

[ghofran2009]

جزاكى الله خيرا يا جوجو
فكرة حلوة
ححاول اطبقها مع حبيبه هى هاتكمل 5 سنسن ينفع ليها
طب ربنا يكرمك ما عندكيش برنامج ينفع لعمور الامور هو سنتين و8 شهور
هو مش بيتفرج على الكارتون بس بيتسلى عليا انا
ما عندكيش حاجة تشغله عنى لاحسن قربت يجيلى انهيار عصبى

[ام سهيل]

رااائع لي عودة لقراءة التجربة بروية .

[meroo2006]

ما شاء الله عليكى
افكار جميلة ورائعة
جزاكى الله خيرا.........

[امل المكي]

ماشاء الله تبارك الله
الله يصلح لنا ولك النية والذرية
موضوعك حمسني لاني بأكره لما أطفالي بيجلسوا وقت طويل أمام التلفزيون

[أم جورى]

نوشا وبيرو وغوغو جزاكم الله خيرا


لو جربتوه قولولى عملتو ايه

غوغو شكله كدة مش بيقتنع ولا بالقصص ولا المكعبات والبازل

ايه رأيك تجيبيله سلحفاة أو عصافير ؟؟

[أم جورى]

رااائع لي عودة لقراءة التجربة بروية .

نورتى أم سهيل بانتظارك

[أم جورى]

ما شاء الله عليكى
افكار جميلة ورائعة
جزاكى الله خيرا.........

جزانا واياكى يا ميرو

[أم جورى]

ماشاء الله تبارك الله
الله يصلح لنا ولك النية والذرية
موضوعك حمسني لاني بأكره لما أطفالي بيجلسوا وقت طويل أمام التلفزيون

اللهم امين جربيه يا أمل وان شاء الله الموضوع هيقل كتييييييييير عن الاول

[kouky5]

بارك الله فيكي ا ام جوري علي هذا الموضوع
وانا من رايي بالنسبة للبلاي ستيشين بلاش تجيبيها دلوقتي وخصوصا ان المدارس قربت ..انا ابني رغم انه صغير لكن اتعلق بها جدااا وهحاول ابعده عنها باذن الله

[أم جورى]

بارك الله فيكي ا ام جوري علي هذا الموضوع
وانا من رايي بالنسبة للبلاي ستيشين بلاش تجيبيها دلوقتي وخصوصا ان المدارس قربت ..انا ابني رغم انه صغير لكن اتعلق بها جدااا وهحاول ابعده عنها باذن الله

انا أجلتها فعلا يا كوكى وانا كنت خايفة من ده بس حتى لو جبتها هخليها برضه

فى حدود وأدخلها فى موضوع الثواب والعقاب ربنا يهدى أولادنا جميعا